16 in 17:49Yazar

“Neftçi” AZAL kimi “uçacaq”?!

“Neftçi” AZAL kimi “uçacaq”?!
Ötən mövsüm ölkə kubokunun yarımfinalında “Qarabağ”a uduzandan sonra “Neftçi”nin baş məşqçisi Elxan Abdullayev həmin qarşılaşmadan sonra özünə maraqlı məşğuliyyət tapmışdı. Hər dəfə hansısa lazımsız oyunda kiməsə qalib gələn kimi “Amal Abuşov hanı” deyə sual edirmiş. Məqsədi də mənə acıq vermək, “görürsüz, biz düz yoldayıq, “Neftçi” qalib gələ də bilir” demək imiş. Daha fikirləşmirdi ki, həmin o epizodik qələbələr 80 yaşlı “xalq komandası”na ciddi mənada heç nə qazandırmır, baş aldatmağa hesablanıb. Nəticə göz qabağındadı. 2 il 11 ay əvvəl yaranan “Zirə” hazırda Türkiyədə hazırlıq keçir, Avropa Liqasında Azərbaycanı layiqincə təmsil etməyə hazırlaşır. “Neftçi”nin adını isə idman ictimaiyyəti və mətbuat ancaq hansısa yeni təyinat gerçəkləşəndə, kimisə işdən çıxaranda xatırlayır. Daha azarkeşlərin adını çəkmirəm. Bilirəm ki, azarkeş sözü Elxan Abdullayev üçün heç bir məna kəsb etmir, hörmətli çalışdırıcı tribunada olanları xuliqan gözündə görür.
Bizim aramızdakı “münaqişə”nin əsası da elə “Qarabağ”la yarımfinalın ilk oyunundan sonra qoyulmuşdu. Ağdam təmsilçisinin əvəzedici futbolçulardan qurulmuş heyəti “Neftçi”ni vacib oyunda 2:0 hesabıyla məğlub etmişdi. Özü də həmin gün “ağ-qaralar”ın 80 illiyi şərəfinə Bakının dəbdəbəli əyləncə mərkəzlərinin birində yeyib-içmək təşkil olunmuşdu, komandanın veteranları meydən vurub stadiona gəlmişdilər. Elə onların gözlərinin qarşısında “Qarabağ” “Neftçi”nin əl-qolunu “bağladı”, rahat qələbə qazandı. Bu mənada məğlubiyyət “Neftçi”yə daha ağır təsir etməliydi. Çünki bu yenilgi sıradan biri deyildi. Onsuz da son 2-3 mövsümdə “Neftçi” uduzmağa öyrəncəli olub. Amma həmin yenilgi “xalq komandası”nı veteranlarının gözünün qarşısında alçatmaqla bərabər komandanın avrokuboklara qatılmaq üçün yeganə ümidinin də üzərindən xətt çəkmişdi. Hakimin final fitindən sonra mətbuat konfransına gələn Elxan Abdullayevin ilk sözü o oldu ki, bugünkü qarşılaşmaya yaxşı hazırlaşa bilməmişdik, cavab oyununa qədər səhvlərimizi təhlil edəcəyik və məğlubiyyətin əvəzini çıxacağıq. Hətta cənab Abdullayev bir qədər də uzağa getmişdi, üzünü bizə tutub sual etmişdi ki, kim əminliklə “Qarabağ”ın finala yüksəldiyini deyə bilər? Yerimdə sakit dura bilməmişdim və “mən” deyəndən sonra Elxan bəydən “bugünkü oyuna yaxşı hazırlaşa bilməməyinizdə sizin millinin düşərgəsində olmağınızın, komandanın məşqlərinə rəhbərlik edə bilməməyinizin rolu varmı”, - deyə soruşmuşdum. Çünki yarımfinalın ilk oyunu millinin Almaniya ilə qarşılaşmasından sonraya təsadüf edirdi, elə bu səbəbdən də Elxan bəy “Neftçi”dən 10-15 gün uzaq düşmüşdü. Sözünün qarşısına söz deməyim, üstəlik də köndələn sual verməyim cənab Abdullayevi çox qəzəbləndirdi və “mənim millidə çalışmağım sizin kimi çoxlarını narahat edir, iki vəzifədə olmağımın “Neftçi”yə heç bir maneçiliyi yoxdu, işimin öhdəsindən lazımı səviyyədə gəlirəm” sözlərini böyük pafos, özündənrazılıqla səsləndirdi.
Ay ötdü, il dolandı, yenə də əlahəzrət zaman məni haqlı çıxardı. Millimizin Şimali İrlandiya ilə oyunundan cəmi iki gün sonra “xalq komandası”nın rəsmi saytı vasitəsiylə açıqlama yayıldı ki, Elxan Abdullayev bundan sonra bütün diqqətini klubdakı işinə yönəldəcək, buna görə də Prosineçkinin köməkçisi vəzifəsindən ayrılıb. Rəhmətlik Bəşir Səfəroğlu demişkən, 1:0 Baloğlanın xeyrinə. Mən şübhə etmirəm ki, Abdullayevin bu addımı atmasına səbəb “Neftçi”nin mənafeyini düşünməsi deyil. Ona “yuxarı”dan belə göstəriş gəlib. Necə ki, özü ötən ilin oktyabrında belə bir etirafda bulunmuşdu: “Məni bura AFFA göndərib. Göndəriblər ki, gəlim və burda komandaya xeyir verim, vəziyyəti düzəldim. Mən fəhlə adamam, harda desələr, orda da fəhləlik edəcəm”. İndi həmin göndərənlər də deyiblər ki, əlindəki qarpızlardan birini yerə qoy, sənə ağırlıq edir, daşımağa gücün çatmır.
Elxan Abdullayevin “bütün diqqətini “Neftçi”yə ayırması” ilə dəyərli Dmitri Kramarenkonun klubdakı işindən ayrılması üst-üstə düşdü. Təəssüflənməkdən başqa əlimizdən heç nə gəlmir. Sizin də yadınızda olar, Dima Moskvadan bura necə böyük həvəslə qayıtmışdı, atasının adını daşıyan qapıçılar məktəbi açmaq istəyirdi. Azərbaycanlı balalarına dərs keçmək, onların yaxşı qapıçı olması üçün bilik və bacarığını paylaşmaq niyyətindəydi. AFFA-nın baş katibiylə görüşmüşdü, Elxan Məmmədov da onun başını qatmaq üçün “Neftçi”yə “transfer etmişdi”. Bizdə uşaq məktəbinə, Kramarenko irsinin davamına ehtiyac yoxdu, Dima. Əsas odu, sənin fikrini başqa yerə yönəltdilər, müəyyən müddət başını qarışdırdılar və bu söhbət də unuduldu. İndi sənin köməyinə heç “Neftçi”də də ehtiyac yoxdu. Əvəzində daha bir sabiq AZAL-lı Rauf Salamovu “Neftçi”yə gətirdilər. Salamov Orxan Hüseynzadə və Elxan Abdullayevlə birlikdə Şüvəlanı təmsil edən klubda çalışıb. Yavaş-yavaş AZAL-ın köhnə qvardiyası “Neftçi”yə toplaşır. Zirvələri fəth etməsini arzuladığımız “Neftçi” çox yaxında AZAL kimi “uçmağa” başlayacaq. Elxan Abdullayev kimi pilotu olan “təyyarə”nin uçacağı istiqamət də bizə məlumdu - AZAL-ın indi olduğu yerə...
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
14-02-2019, 23:21 “Karlsen, demək olar ki, səhv etmir” 14-02-2019, 23:18 Günay Məmmədzadə - 9 oyuna 8,5 xal toplayan çempion! 14-02-2019, 23:07 Denis “Sumqayıt”la oyuna dönüş nöqtəsi kimi baxır 14-02-2019, 23:05 Stuxlikin “islahatı” liqalarda narazılıq doğurub 14-02-2019, 23:03 U-21 martda 10 günlük toplanış keçəcək 14-02-2019, 22:54 Yığma penaltini qaçırdı və İspaniyaya uduzdu 14-02-2019, 22:51 “Avropa çempionatında iştirak etmək üçün vuruşacağıq” 14-02-2019, 22:41 Yurçeviçin təyinatına premyer-liqadan baxış 14-02-2019, 22:39 Xorvatlar Yurçeviçin 300 min avro qazanacağını iddia edir 14-02-2019, 22:37 Üç il əvvəlki duelə damğa vuran FİFA referisi 14-02-2019, 22:36 “Tofiq Bəhramov”da növbəti “döyüş” 14-02-2019, 22:34 Divizionda təcrübəli adlar: İmanxan Sultani, Ramil Diniyev, Əliyar Ağayev, İnqilab Məmmədov… 14-02-2019, 22:32 “Xəzər Lənkəran” yenə məhkəməyə gəlmədi 14-02-2019, 22:30 “Səbail” Antalyaya yollanıb 14-02-2019, 22:29 Asif Əsgərov ECA-nın toplantısının detallarını açıqladı 14-02-2019, 22:27 Kluba kəsilən cəriməni “Ağsu”nun futbolçuları ödəyəcək 14-02-2019, 22:26 İntizam Komitəsi daha iki komandaya texniki məğlubiyyət verdi 14-02-2019, 22:25 “Qəbələ”nin sabiq məşqçisi və idman direktoru uğursuzlar arasında 14-02-2019, 22:23 Baş katib BOS-da qonaqlarla görüşdü 13-02-2019, 13:35 Hacı Əliyev: "Hələ optimal formada deyiləm" 13-02-2019, 13:33 AFFA yığmanı Nikola Yurçeviçə tapşırdı 13-02-2019, 13:30 Yığmanın yeni çalışdırıcısını Məşqçilər Komitəsinin üzvlərindən uzaq tutublar 13-02-2019, 13:29 UEFA nümayəndələrinin Bakıya son səfəri 13-02-2019, 13:28 Səyavuş Əliyev “İdman Azərbaycan”ın direktoru olacaq 13-02-2019, 13:22 U-21-in heyəti ilə bağlı növbəti narazılıq dalğası 13-02-2019, 13:21 Aqil Məmmədov zədələnib 13-02-2019, 13:20 “Neftçi”nin bazasında işlər davam etdirilir 13-02-2019, 13:14 “Keşlə” Vaqif Cavadovdan qurtuldu 13-02-2019, 13:11 Almeyda “Qarabağ”dan ayrıldı 13-02-2019, 13:09 “Salam, “Çelsi”, nətərsən?” 13-02-2019, 13:05 Moldova futboluna azarkeşlik edən rus təqaüdçü 13-02-2019, 12:59 Turun statistikası 13-02-2019, 12:56 Turun məşqçisi 13-02-2019, 12:56 Turun oyunçusu 13-02-2019, 12:55 Turun sitatı 13-02-2019, 12:54 Cənub zonasında havaya görə təxirəsalma 13-02-2019, 12:50 Hakimlərin mühakiməsi 13-02-2019, 12:48 “Banişevski kuboku”nda 6 komanda mübarizə aparacaq 13-02-2019, 12:47 “Zirə”dən 6 aylıq icarə və növbəti transfer 13-02-2019, 12:45 Turdan məqamlar 13-02-2019, 12:44 Futzal millimiz apreldə iki ölkəyə səfər edəcək 13-02-2019, 12:43 Balayev üçün rəqiblər bilindi, Paşayev məşqlərə başladı 13-02-2019, 12:42 PFL “Qarabağ”ın müraciətini müsbət cavabladı 12-02-2019, 18:12 Belə oxuculara görə yaşamağa dəyər! 12-02-2019, 18:11 Həftənin idman proqramı 12-02-2019, 18:09 U-19 toplanış ərəfəsində yenildi 12-02-2019, 18:07 Yığmanın potensial baş məşqçisi “kartları açmadı” 12-02-2019, 18:05 Bacarığının sərhədlərini tanıyan, münaqişələrdən qaçan, çılğınlıqdan uzaq, iddiasız biri... 12-02-2019, 18:03 “Qəbələ” şikayət etmək iddiasından çəkildi 12-02-2019, 18:01 Qurban Qurbanov “Sumqayıt”ın iki hücumçu ilə oynayacağını düşünürmüş 12-02-2019, 17:58 “Qarabağ” üçün birgünlük sevinc 12-02-2019, 17:50 “Qəbələ”: bir olsun, pir olsun! 12-02-2019, 17:45 “Kapital Bank Arena”nın qapı torları dəyişdiriləcək 12-02-2019, 17:42 “Forza Neftçi” yubileyini qeyd etdi 12-02-2019, 17:39 Nazarov oynamadı, komandası darmadağın oldu 12-02-2019, 17:34 Liderlər büdrəmədi, “Qəbələ” “üçlüy”ə yaxınlaşdı 12-02-2019, 17:33 Elbrus Məmmədovun ağ yalanı Bütün xəbərlər
Ən çox oxunanlar