17 may 12:49Yazar

Sizin yerinizdə olsaydım...

Və o gün yetişdi. Aylardı haqqında danışılan, fərqli fikirlərə yol açan “növbəti mövsüm premyer-liqada neçə komanda mübarizə aparacaq” sualına aydınlıq gəldi. Məlum oldu ki, vəziyyət başa çatan mövsümdəki kimi olacaq. Yeganə fərq turnir cədvəlində AZAL əvəzinə “Səbail” oxuyacağımızdı. 8 komandalı çempionatın keçirilməsi ilə bağlı verilən qərarın ciddi təəccüblə qarşılandığına qətiyyən inanmıram. Sadəcə, narazılıq yarandı. Bir də adamların içindəki söyüş bazası tam boşaldı.
AFFA prezidenti Rövnəq Abdullayevin ötən yay səsləndirdiyi “növbəti mövsümdən elitada ən azı 10, imkan olsa, 12 komanda çıxış edəcək” fikri ictimaiyyətdə böyük inam yaratmışdı. O yaşda, o cür vəzifə sahibi olan kişinin sözünün üstündə duracağını düşünürdü hamı. Yəni AFFA prezidentinin, ölkənin neft sektoruna nəzarət edən birinin yalan danışacağı inandırıcı görünmürdü. Amma danışdı, sözünün üstündə dura bilmədi. Dolayı yolla desək, ümid bəsləyənləri necə lazımdı aldatdı. Kimsə məni, səni “futbola yaxın duran yoxdu, Rövnəq Abdullayev neynəsin” deməklə çaşdıra bilməz. Çünki bu sualın elə suallı cavabı var: gələcəkdə nə olacağını bilmirdisə, niyə vəd verirdi? Ya da premyer-liqa iştirakçılarının sayının 10-a çatması üçün nə etdi? Hansı zəhmətə qatlaşdı, ölkə rəhbərliyi səviyyəsində hansı təkliflərdə bulundu? Etmədi, etməyəcək də. Çünki vaxtı yoxdu. Çünki futbol AFFA-nın başqanının xüsusi həvəs göstərdiyi sahə deyil. Jurnalistlərlə hər söhbətdə “azarkeşlər stadionlara gəlmir” deməyə nə var? Adama sual verərlər ki, azarkeşlərdə həvəs qoymusuz, azarkeşi vecinizə alırsız? Paytaxt çempionatı keçirib, yığmaya dağıstanlını, türkü, rusu dolduranda futbola baxanlarda həvəs qalar? Nə qədər ki futbola birbaşa ölkə prezidenti nəzarət etmir, Rövnəq Abdullayevlə Elxan Məmmədovu ildə bir dəfə yanına çağırıb hesabat tələb etmir, bundan yaxşısına ümid etməyə dəyməz. Ona görə də əsəbləşmək, qışqırmaq, göz yaşı axıtmaq artıqdı. Madam ki, onlar öz bildiyini edir, aşağı dəstədən elitaya yüksələ bilməyənlər də istədiyini etməlidi.
Məsələn, sizin yerinizdə olsaydım (divizionda yarışanlara xitabən), qətiyyən narahat olmazdım. Azərbaycanın gündən-günə çiçəkləndiyi deyilən futbolunun əsl simasını FİFA-da, UEFA-da oturanlara göstərərdim. Necə? Deyək ki, “Turan”ın rəhbəriyəm, məşqçisiyəm, futbolçusuyam. Ağ vərəqi götürüb ölkə futbolunun reallıqları haqda bildiklərimi, gördüklərimi ora həkk edərdim. Sonra da 5-10 manat verib, ingilis dilinə tərcümə etdirib aparardım poçta. Texnologiyaların inkişaf etdiyi vaxtda ünvan tapıb göndərmək nədi ki? Heç nə! Üstünə FİFA-nın ünvanını yazıb, ya Allah, göndərərdim birbaşa dünya futboluna nəzarət edənlərə. Məktubda qeyd edərdim ki, ildə bir dəfə gəlib stadionların açılışlarında iştirak etdiyiniz ölkənin futbolu var ha, biabırçı vəziyyətdədi. AFFA prezidenti oğlunun bekar qalmaması üçün klub yaradır, bunu da ictimaiyyətə bəyan edir. 8 komandalı çempionat keçirilir, onun da 6-sı paytaxt təmsilçisidi. Regionlarda futbolun inkişafı, istedadların üzə çıxması heç kimin vecinə deyil. Sponsorlar bir çox iyrəncliklərə görə futbola yaxın durmaq istəmir. Berlində futbol akademiyası inşa etdirənlərin, Foqtsa, Prosineçkiyə milyonlar verənlərin Tovuza, Zaqatalaya pul ayırmaq niyyəti yoxdu. Bunları ardıcıllıqla, bir az da təfərrüatı ilə yazıb göndərərdim lap yuxarı. Görsəm ki, baxan, vecinə alan yoxdu, FİFA-da oturanlar da futbola AFFA-dakılar kimi yanaşır, başqa yola əl atardım.
Məsələn, qumara girişərdim. Onsuz da hamımız eyni dərddəyik, səsimizə səs verən yoxdu. İki-üç klubun rəhbəri ilə çempionat başlamamış danışığa gedərdim. Oyunun çəkisindən asılı olaraq, ilk hissəni “3+”, oyunun yekun nəticəsini “6+” gətirərdim. Elə edərdim ki, birinci 45 dəqiqə “2”, ikinci 45 dəqiqə “1” gəlsin. Vəssalam da. Bundan gözəl imkan, bundan yaxşı yaşayış? Hamı qazanırsa, mən niyə qazanmayım?! Amma bunu ağılla edərdim, daha “Şərurspor”un futbolçuları kimi yox. Futbolçuya tapşırardım ki, cərimə meydançasında qaydanı pozub penaltiyə səbəbkar olandan sonra sakit dayanmasın, hakimin üstünə hücum çəkib yanlış qərar verdiyini iddia etsin. Futbolçuya tapşırardım ki, cinahda rəqib oyunçuyla yanaşı qaçanda sürətini azaltmasın, sona qədər mübarizə aparsın, son anda büdrəsin. Axır nə edirlər-etsinlər, heç kim şübhələnməsin. Jurnalistlər hiss etməsin, AFFA-dakılar görməsin, FİFA-dakılar eşitməsin. Altdan-altdan, sakit-sakit həm futbol oynadardım, həm də pulumu qazanardım. Sübut-zad deyirlər e, vallah, boş şeydi. Dünyanın yarısı oyun alıb-satır, hamı da bilir. Bizimkilərin bədbəxtliyi ondadı ki, ağızlarında söz qalmır, hiylə işlətməyin yollarını bilmirlər, nəsə eşidən kimi ayaqları əsir. Sübut edən olsaydılar, “Şərurspor”un, “Rəvan”ın, Cəmşid Məhərrəmovun, Elvin Əliyevin qarşısına konkret fakt qoyardılar. Ona görə də qətiyyən narahat deyiləm. Sizin yerinizdə olsaydım, futbola onlar yanaşan kimi yanaşardım, əsəblərimi korlamazdım. Sizin yerinizdə olsaydım, bu cür fürsəti əldən buraxmazdım, çiçəklənən Azərbaycan futbolunun inkişafına bu şəkildə töhfə verərdim.
Siz Allah, dediklərimi etməyin, ağlınızın ucundan da keçirməyin. Başınızı aşağı salıb futbolunuzu oynayın. Mən bir az risk sevən adamam deyə, belə düşünürəm, belə edərdim. Siz etməyin, onsuz da edən deyilsiz. Onsuz da avqustda çempionat başlayacaq, yenə əl-ələ verib gərgin mübarizəyə qoşulacaqsız. Gələn il bu vaxt birinci divizionun çempionu “Zaqatala”, ya da “Şəmkir” olacaq, premyer-liqaya “Nəsimi”, ya da “Badamdar” yüksələcək.
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
24-05-2017, 17:43 “Bakı müsəlman aləminin Las Veqasıdı” 24-05-2017, 17:39 Almeydanın “milliləşdirilməsi” ilə bağlı yenilik yoxdu 24-05-2017, 17:36 “Qəbələ” “qızıl” sayında hamını qabaqladı 24-05-2017, 17:31 Futbolçular İslamiadadakı çıxışını şərh etdi 24-05-2017, 17:27 13 yaşlı qızlar mükafatlandırıldı 24-05-2017, 17:13 Məşqçi kursunun ikinci modulu başlayıb 24-05-2017, 17:11 "Transfer pəncərəsi"nin vaxtı açıqlandı 24-05-2017, 17:09 İlqar Qurbanova “Qarabağ”a lazım olmadığını İndoneziyada istirahət edərkən deyiblər 24-05-2017, 17:07 Hakimlərin premyer-liqadakı işi: kim necə yadda qaldı? 24-05-2017, 17:04 Yığmamız üçün ağır sınaq başlayır 24-05-2017, 17:03 Şəhriyar Məmmədyarov İddiaçılar Turnirinə çox yaxındı 24-05-2017, 17:01 Serbiyada “beş” aldıq 24-05-2017, 17:00 Polşadan dörd medalla 24-05-2017, 16:58 Acı həqiqət... 24-05-2017, 16:57 İslamiadanı 162 medalla başa vurduq 24-05-2017, 16:54 Səmədağa Şıxlarovu da qovdular 24-05-2017, 16:48 Əlvida, Bakı-2017... 23-05-2017, 13:40 İradə Aşumova Olimpiya Komitəsindən 275 min manat alıb 23-05-2017, 13:38 Ramil Diniyev “şərəfsiz” sözünə görə Hüseyn Cəbrayıloğlunun cavabını verdi 23-05-2017, 13:36 “Heydər Əliyev kuboku”nun iştirakçıları müəyyənləşdi 23-05-2017, 13:34 “Qarabağ” Qurbanovla vidalaşdı, Aqollini saxladı 23-05-2017, 13:24 “CBC Sport” yayın hüququna görə klubların pulunu niyə ödəmir? 23-05-2017, 13:22 Sponsor olmadan telekanallarda futbol verilişlərinin yayını mümkünsüzdü 23-05-2017, 13:21 “Qarabağ” Avstriyada çempion oldu 23-05-2017, 13:16 Toğrul Erat çempionluq sevinci yaşadı 23-05-2017, 13:15 Nurlan “Zirə”də əsəbləşirmiş 21-05-2017, 13:56 Natalya Məmmədova yenidən yığmaya qayıdır 21-05-2017, 13:53 Azərbaycan yenidən liderliyi ələ keçirdi 21-05-2017, 13:51 Əsgər Abdullayev AFFA-dan inciməyib 21-05-2017, 13:49 “Şəmkir”in prezidenti premyer-liqa iddiasından əl çəkdi 21-05-2017, 13:48 “Neftçi”yə yaxın duran yoxdu 21-05-2017, 13:47 Vidadi Rzayev Diniyevin köməkçisi oldu 21-05-2017, 13:22 Yeni mövsümün təqvimi yığmanın maraqlarına uyğun hazırlanacaq 21-05-2017, 13:17 Rəmiş Malıyev AFFA ilə vidalaşdı, yerinə xanım gəlir 21-05-2017, 13:16 Tural Qürbətov Türkiyə klubunda 21-05-2017, 13:14 Yığma üzvləri azarkeşləri finala səsləyir 21-05-2017, 13:11 Yığma üçün həlledici an 21-05-2017, 13:09 Turan Makedoniyanı cəzalandırdı 21-05-2017, 13:08 Reaksiyalar 21-05-2017, 13:04 Rəşad Sadıqov və komandası mükafatlandırıldı 21-05-2017, 12:51 Vəkil zərərcəkəni və məhkəməni qınadı 21-05-2017, 12:49 Kvekveskiri təklif bolluğunda “üzür” 21-05-2017, 12:48 Renat Dadaşov “Ayntraxt”la peşəkar müqavilə imzaladı 21-05-2017, 12:47 Qriqorçuk “Qəbələ”də qalacaq 21-05-2017, 12:43 Qurban Qurbanov Kintananın tezliklə sıraya dönəcəyinə ümid edir 21-05-2017, 12:42 Yığma bu gün vətəni tərk edir 21-05-2017, 12:39 Final mərhələsi başladı 21-05-2017, 12:37 Şəhriyar şərikli liderliyi davam etdirir 19-05-2017, 20:07 Daha bir dopinq şoku: bu dəfə Toğrul Əsgərov cəzalandı 19-05-2017, 20:05 Şahmatçılarımız "sülh bağladı” 19-05-2017, 20:04 Elxan Abdullayev: “Kim var, kimi alaq, namizəd var ki?” 19-05-2017, 20:01 “Kəpəz”dən ayrılanlar səbəb göstərdi 19-05-2017, 19:59 AZAL-lılar bu gün maaş alacaq 19-05-2017, 19:58 Kamran Quliyev AFFA-da iclas keçirəcək 19-05-2017, 19:52 Əlcəzairin baş məşqçisi də hakimlikdən gileyləndi 19-05-2017, 19:47 Yığma Əlcəzairə “2 verib” finala adladı 19-05-2017, 19:43 “Qəbələ” fanatı tribunaları coşdurdu Bütün xəbərlər
Ən çox oxunanlar