11 may 15:21Yazar

Bölgələrə xərcləmək günahdı?

Növbəti mövsümlə bağlı ilk müjdə Elxan Məmmədovdan gəldi. Bayılda baş tutan Azərbaycan – Kamerun qarşılaşmasından sonra jurnalistlərlə ayaqüstü söhbət edən AFFA-nın baş katibi 100 faiz dəqiq olmasa da, avqustda başlayacaq çempionatda 8 komandanın mübarizə aparacağına işarə vurdu. Elxan Məmmədov deyirəm, ağzından çıxan sözə diqqət yetirən adamdı. Boşuna danışmaz, bilmədiyi mövzu ilə bağlı fikir bildirməz. İcraiyyə Komitəsinin son iclasında danışılanları fakt kimi göstərməklə vəziyyətin necəliyindən xəbər verdi. Amma ötən yay Rövnəq Abdullayev üzümüzə gələn mövsümdə nə olur-olsun, 10 komandalı çempionatın təşkil olunacağını bildirmişdi. O başqa məsələ ki, iştirakçıların sayı 8-dən çox olmasa, AFFA başqanı sözünün arxasında durmayan biri kimi qələmə veriləcək. Bütün yollar “8-liy”in təsdiqinə doğru aparırsa, biabırçılıqdı, faciədi, rəzalətdi. Təkcə say baxımından yox, bir çox nöqtələrdə.
Ortaya çıxan birinci sual: AZAL-ın yerinə hansı komanda gələcək? Cavab köşkdə qəzet satanın da bildiyi qədər sadədi : “Səbail”. Növbəti sual: niyə məhz “Səbail”? Əslində bu sualın cavabı da hamının bildiyidi. Klub Bakının ən aparıcı, elitar təbəqəsinin doğulub boya-başa çatdığı, yaşadığı rayonun adını daşıyır. Məhz bu rayonda yaşayan neçə-neçə qəhrəman oğullar bu gün vəzifə başındadı, kabinetdə oturduğu kreslonu kefinə uyğun gah sağa fırladır, gah sola. Və ən əsası, bu rayonun “Azneft”dən üzü Lökbatana olan ərazisindən həmişə neft qoxusu gəlib,bu gün də gəlməkdədi. Bayıldan keçəndə neftdən qazanılan milyardlar üçün “zəhmətini əsirgəməyən” gəmilər göz çıxarır. Sizcə, belə bir rayonun premyer-liqada təmsilçisinin olmaması hansı ədalətə söykənir, hansı məntiqə sığır? “Səbail” olmalıdı, başqa yolu yoxdu. Olsun, kim nə deyir ki? Kluba xərclənəcək pullar neft gəlirləri olacaq, çoxdan məlumdu. Yəni SOCAR baxacaq. Belədisə, Beynəlxalq Bankın geri çəkilməsindən sonra sponsorsuz qalan və hələ də pullu kişisi tapılmayan “İnter”i “Səbail” etmək bu qədərmi çətin idi? Kimə lazımdı “İnter” adı? Nəyə xidmət edir? Dəyişmək, qərar vermək, dünyanın altını üstünə çevirmək öz əllərindəykən, “İnter”i fırladıb “Səbail” etmək bir qurtum su içmək qədər asan idi. Belə olsaydı, AZAL-ın boşalmış yerinə bir əyalət təmsilçisi dəvət olunardı. 6 paytaxt (paytaxtdan 30 kilometr aralıda məskunlaşan “Sumqayıt” əyalət klubu sayılmır ) + 2 bölgə təmsilçisi çempionatı “5+3” kimi olsaydı, mübarizə daha maraqlı olmazdımı?
Hə, indi ikinci sual: “Səbail”ə xərclənən neftin pullarını hansısa bölgə təmsilçisinin premyer-liqada iştirakına ayırmaq olmazdımı? Olardı, həm də necə?! Allaha şükür, 90-cı illər keçmişdə qalıb. İndi az qala kəndlərdə də İdman Kompleksləri, stadionlar, otellər var. 7 yaşa çatanların 70 faizi ayaqyalın top dalınca qaçır. Yəni infrastruktur, uşaq futbolu, kadr kimi problemlər yox dərəcəsindədi. Bircə qalır əsas komandanı formalaşdırıb, illik xərclər üçün büdcəni təsdiqləmək. 5-ə ehtiyac yoxdu, 3, lap 2 milyon da bəs edir. Məgər avrokuboklara qatılmaq şansını son anda əldən verən “Sumqayıt”la “Kəpəz” 3 milyondan da az büdcə ilə çempionluğa əsas iki namizədə başağrı olmağı bacarmadımı? Yoxsa ölkəmizi Avroliqada təmsil edəcək “Zirə” ilə “İnter”ə il ərzində xərclənən pullar göstəriləndən çox idi? Bölgələrdə futbolu yaşatmaq üçün istək lazımdı, istək. Rövnəq Abdullayevin marağında olsa, günü sabah 5 rayonda premyer-liqa səviyyəsində komanda yaradar. Amma istəmir. Çünki sərf etmir. Səbəbi sadədi. Vaxtilə Tovuzda, Lənkəranda, lap elə Gəncənin özündə futbolla bağlı yaşanan hadisələr “yuxarılar”ın gözünü qorxudub. Yaxşı bilirlər ki, rayon camaatı stadiona tum çırtlamağa, əl çalıb getməyə gəlmir. Sayları Bakıdakı kimi 300-500 yox, 3000-5000, bəzən 15-20 min olur. Bu sayda adamın hər oyunda stadiona toplaşması, Allah eləməsin, hansısa xoşagəlməz hadisənin yaşanması ciddi qorxu mənbəyidi. Ona görə də 6 komandanı bir qutunun (oxu: paytaxt) içinə yığıb nəzarət etmək ən sadə yoldu. Kimin nəyinə lazımdı zaqatalalının, qusarlının, tovuzlunun, ya da ağsulunun futbola olan sevgisi. Əsas odu, ölkədə əmin-amanlıq olsun, polislərlə azarkeşlər toqquşmasın, meydana yad əşyalar atılmasın, rəqib komandalarla hakimlər daş-qalaq olunmasın. Bəli, ölüm-itim xaric, hamısı futbola rəng qatan gözəlliklərdi və bu gün dünyanın aparıcı futbol ölkələrində yaşanır. İstər İtaliyasında olsun, istər İngiltərəsində, istərsə də Serbiya ilə Türkiyəsində. Bizdə isə bir qədər fərqlidi. Sakitlik olsun deyə, polisi maarifləndirmək, təhlükəsizlik tədbirlərini gücləndirmək əvəzinə futbolu “öldürürlər”. Avropa Oyunlarını təşkil edən, İslam Həmrəyliyi Oyunlarına evsahibliyi edən, 3 ildən sonra AÇ-2020-yə qucaq açacaq ölkənin premyer-liqasında cəmi iki bölgə təmsilçisi mübarizə aparacaqsa, bunun adı rəzalətdi. Xırdalıqlara varsaq, bu göstərici bəlkə də təkcə bizdədi.
Razıyam, “Turan” təkcə yol polisindən, “Zaqatala” fındıq-qozdan, “Ağsu” araqdan, “Şahdağ” alma-armuddan, turizmdən gələn pullar hesabına dolana bilər. Amma həmin insanların heç birinin futbola marağı yoxdu, bu oyun növünə vəsait ayırmağı boyunlarının borcu saymırlar. Belə baxanda, AFFA-nın, SOCAR-ın da borcu deyil. Sadəcə, dediyim odu ki, paytaxtda “Neftçi”, “Sumqayıt”, “İnter”, “Səbail” kimiləri saxlayınca, bir-ikisinə də rayonlarda “day-day”lıq etsinlər. Ölkədə futbol kütləviləşsin, sevilsin, maraq artsın. Dildə, kağız üzərində yox e, əməldə...
P.S.: Bəlkə neftin pullarını bölgə futbolu üçün xərcləmək günahdı? Yoxsa rayon camaatı dənizdən çıxan “qızıl”dan dadmağı haqq etmir?
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 17:32 “Federasiyanı şahmatın inkişafı yox, öz piarı maraqlandırır” Dünən, 17:31 Rusiya yığması Sumqayıta gəlir Dünən, 16:24 Oqtay Abdullayev Nazim Süleymanovu ittiham etdi Dünən, 16:23 “Qəbələ” azarkeşləri üçün xüsusi tədbir hazırlayıb Dünən, 16:22 Mirbağır İsayev “Neftçi”dən ayrıldı Dünən, 16:20 Əliyar Ağayev Fransaya gedəcək Dünən, 16:19 Mirabdulla Abbasov "Neftçi"dən ayrılacaq? Dünən, 16:18 Ruslan Qurbanov "Visla"ya keçə bilər Dünən, 15:59 Tərlan Əhmədov Rəşad Sadiqovu futbola qaytarır, Raili istəyir Dünən, 15:56 “Arsenal”ın Mxitaryanla bağlı qərarı Bakıdakı azarkeşlərinin fikirlərini haçalayıb Dünən, 15:56 Haqq davamız davam edir Dünən, 15:53 Agentlər fasilə dönəmini dəyərləndirdi Dünən, 15:51 “Sumqayıt”dan ikisi getdi, ikisi yeni müqavilə imzaladı Dünən, 15:50 Gerye “Qarabağ”a “qiymət oxuyur” Dünən, 15:20 “Xəzər Cənub”un prezidentindən səs-küylü müsahibə Dünən, 15:18 “Şüvəlan” Heydər Əliyev kubokunun qalibi oldu Dünən, 15:17 “Ekol” kubokun sahibi oldu Dünən, 15:15 Paşayev “bürünc” qazandı, Emil ən yaxşılaran biri oldu Dünən, 15:14 “Sabah” gələcəyin futbolçularını seçəcək Dünən, 15:12 Agenti Petrovu “Dinamo” səviyyəsində görür Dünən, 15:11 AFFA UEFA-ya müraciət etdi, biletlər geri qaytarıldı 24-05-2019, 17:14 Gülağa Cabbarov Stuxlikə məktub yazdı 24-05-2019, 17:13 Riad Rəfiyev əvvəlcə sponsorla, sonra baş məşqçi ilə görüşəcək 24-05-2019, 17:11 “Qəbələ”də qeyri-müəyyənlik davam edir 24-05-2019, 17:09 Renat Dadaşov U-21-dən imtina etməyib 24-05-2019, 17:07 Qara Qarayev daha iki il “Qarabağ”da 24-05-2019, 17:06 Azərbaycanlı futbolçular Mxitaryanı “qorxaq” adlandırdı 24-05-2019, 17:04 Avroliqanın kuboku Cocuq Mərcanlıda 24-05-2019, 15:28 Yığma 17 nəfərlə hazırlaşır 24-05-2019, 15:25 Yurçeviç “çərçivə”ni Səlahət Ağayevə tapşıracaq 24-05-2019, 15:22 "Ayntraxt"ın azarkeşləri azərbaycanlı cocuqları sevindirdilər 24-05-2019, 15:17 UEFA İcraiyyə Komitəsi Bakıda yığışacaq 24-05-2019, 15:14 Çempion üç günə iki qələbə qazandı 24-05-2019, 15:12 “Araz”ın ÇL-dəki rəqibləri nə vaxt məlum olacaq? 24-05-2019, 15:10 Joze Alesio limitin tərəfdarıdı 24-05-2019, 15:08 Hər iki finalçı cəzalandırıldı 24-05-2019, 14:03 “Dəyişikliklər vacibdi, amma belə yox” 24-05-2019, 14:01 “Keşlə” Salahlı ilə anlaşdı, hədəfdə Əfrandı 24-05-2019, 13:59 U-21 xorvatlarla “sülh bağladı” 24-05-2019, 13:54 Səfir jurnalistlər önünə çıxacaq 24-05-2019, 13:53 Nə tez ayıldın, Özil?! 24-05-2019, 13:51 Naxçıvan turniri: xəbəri kimdən alaq? 24-05-2019, 13:47 Kamal Bayramov “Səbail”də 24-05-2019, 13:44 Emil Balayevli "Tobol"dan önəmli qələbə 24-05-2019, 13:40 “Neftçi”nin Mirabdullanı satmaq fikri yoxdu 24-05-2019, 13:25 Ayxan Abbasov Riad Rəfiyevlə son görüşü gözləyir 24-05-2019, 13:20 AZAL “Qəbələ” və “Sumqayıt”ın futbolçularına zülm etdi 24-05-2019, 13:18 “Topaz” mayın 28-də festivala başlayır 24-05-2019, 11:21 Futbolumuzdakı ingilislər həmyerlilərini Bakıya səsləyir 23-05-2019, 20:32 Finalın meydanda görünməyən tərəfləri 23-05-2019, 20:21 Naxçıvanda üç gün 23-05-2019, 20:19 Premyer-liqanın ən yaxşısı Dani Kintanadı! 23-05-2019, 20:16 “Zirə”nin kapitanlarına qapını göstərirlər 23-05-2019, 20:13 AFFA “Xəzər Cənub”a cəza yağdırdı 23-05-2019, 20:11 "Ekol" “Neftçi”ni asanlıqla üstələdi 23-05-2019, 20:03 Xətai Bağırov Taylandda oteldə qalır 23-05-2019, 19:24 Davud Kərimi 13 futbolçunun göndərilməsini normal sayır Bütün xəbərlər
Ən çox oxunanlar