18 mar 16:20Yazar

Muriqi və bizimkilər

Millətlər Liqasında Kosovo yığmamıza rəqib olanda çəpik çalır, vur-çatlasın oynayırdıq. Deyirdik ki, bu qrupda önümüzü kəsən olmaz. Xəyallarımız bizi uzaqlara aparmışdı, qrupda neçə xal yığacağımızla bağlı riyazi hesablamalar da aparırdıq. Doğma meydanda keçirilən ilk görüşdə Kosovo ilə qolsuz bərabərlik qeydə alındı. Belədə tənqid dalğası millimizə, ən əsası, onun baş məşqçisi Qurban Qurbanova doğru yönəldi. Bu komandayla keçirdiyimiz iki qarşılaşma bizim üçün həlledici oldu. Bakıdakı oyunda hesab açılmadısa, səfər qarşılaşmasında rəqib komandamızı darmadağın etdi. Qapımıza vurulan 4 cavabsız top həm futbolumuzun səviyyəsini göstərdi, həm də böyük xülyalara düşməyimizin erkən olduğunu. Maraqlıdı ki, Qurban Qurbanovun çalışdırdığı komanda həmin gecə qrupdakı ilk məğlubiyyətini aldı. Və elə həmin məğlubiyyət də bizim üçün həlledici oldu, arzularımızın üzərindən qalın bir xətt çəkdi. Bu məğlubiyyət həm də Qurbanovun millidəki gələcək karyerasını müəyyənləşdirdi. AFFA İcraiyyə Komitəsinin iclasında Qurban bəyin millidən uzaqlaşdırılmasına səs verənlər ən çox bu bəhanənin arxasında gizləndilər.
Doğrudu, millimiz həmin vaxta qədər FİFA-nın reytinqində Kosovodan öndə idi. Amma bir vacib məqamı unudurduq ki, Kosovo yığması hələ bir komanda kimi tam formalaşmayıb, vahid kollektivə çevrilib reytinq xalları yığmağa başlamayıb. Fərdi keyfiyyətlərinə görə isə Kosovo millisinin əksər üzvləri bizim futbolçuları qabaqlayırdı. Biz həmin vaxt Rəşad Sadıqovun yığmaya qayıdıb-qayıtmaması sualı üzərində baş sındırırdıq. Açıq-aşkar görünürdü ki, Rəşadsız yığma kapitansız gəmi kimidi, dalğalar onu asanlıqla atıb-tutur, istədiyi istiqamətə yönəldir. Təsadüfi deyil ki, Kosovo ilə vacib görüş ərəfəsində millinin düşərgəsindən heç də xoş olmayan xəbərlər gəlirdi. Böyükhesablı məğlubiyyəti də bu söz-söhbətlərə bağlayanlar oldu. Şəxsən mən heç vaxt şübhə etməmişəm ki, Sadıqov millinin düşərgəsində olsaydı, komandaya kapitanlıq etsəydi, bu cür söz-söhbətlər ortaya çıxmazdı. Kimsənin ağlının ucundan yığma üzvlərinin Qurban Qurbanova qarşı qurulan planda alət rolunu oynadığı barədə ehtimallar keçməzdi. Yığmanın Rəşad kimi kapitanı olsaydı, Dmitri Nazarovla Ramil Şeydayev arasındakı məlum olaylar da yaşanmaz, Nikola Yurçeviç ərköyün gəlmələrin qarşısında aciz qalmazdı.
Sözümün canı Rəşadın liderlik keyfiyyəti deyil. Bilirəm ki, son günlər Sadıqovun adı millinin mümkün baş məşqçisi kimi səsləndirilir, bu yöndə müzakirələr açılır. İnşallah, yaxın vaxtlarda bu mövzuda daha ətraflı yazarıq. İndilik isə qayıdıram Kosovo millisinə. Daha doğrusu, onun liderlərindən biri Vedat Muqiridən danışaq. Vedat millimizə qarşı hər iki oyunda Kosovonun start heyətində yer alıb. Amma daha maraqlısı onun həyat yolu, Türkiyə çempionatında əldə etdiyi yüksəlişdi. Mərkəz hücumçusu mövqeyində çıxış edən Muqiri 2014-cü ilin avqustunda Albaniyanın “Teuta” klubundan azad agent kimi Türkiyənin birinci liqa komandası “Girəsunspor”a gəlib. Həmin vaxt onun transfer qiyməti 150 min avroya bərabər idi. Yəni aşağı-yuxarı orta statistik bir azərbaycanlı futbolçuyla eyni. 20 yaşlı Vedat Girəsun təmsilçisində özünü doğruldur və 56 oyunda rəqib qapılarına 21 dəfə yol tapmağı bacarır. Ordan transfer olunduğu “Gənclərbirliyi”ndə işləri qaydasında getməsə də, “Çaykur Rizəspor”da yenidən özünü “tapmağı” bacarır. Rizə komandasının heyətində birinci liqada adından söz etdirir, 16 oyunda vurduğu 8 qolla “çayçılar”ın elitaya yüksəlməsinə öz töhfəsini verir. “Qol maşını” elitada da dayanmır. Hər halda, “Rizəspor” kimi ortababda 34 oyuna 17 qol vurmaq bir hücumçu üçün heç də pis göstərici sayılmamalıdı. Kubok oyunları, yoxlama görüşləri ilə birlikdə Vedat “Rizəspor”un formasıyla 50 oyuna çıxıb ki, bu oyunlarda 25 dəfə fərqlənib. Sanki adamın standartı var – iki oyuna bir qol. Elə bu uğurun ardınca Türkiyə nəhəngləri - “Qalatasaray”la “Fənərbaxça” kosovolu futbolçu üçün bir-biriylə yarışa girdilər.
“Gənclərbirliyi”ndən “Çaykur Rizəspor”a keçərkən 900 min avro transfer qiyməti olan Vedat Muqiri Rizədən İstanbula yollanada artıq “milyonçu” futbolçu idi. Transfer üçün “Fənərbaxça” “Rizəspor”a 3,5 milyon avro ödədi. Bu keçiddən futbolçunun qazançı təxminən 3 milyon avro olacaqdı. Şan-şöhrət, milyonlar Vedatın ağlını başında almayıb və hücumçu “Fənərbaxça”da da öz işini layiqincə görür. Komandası elə də uğurlu çıxış etməsə də, 25 oyuna 13 dəfə fərqlənməyə macal tapıb. Kosovolu futbolçu bu gün “Fənərbaxça”nın liderlərindən, azarkeşlərin sevimlilərindən biridi. Vedat Muqirinin həyat yolunu, uğur hekayəsini bugünkü yazımda əbəs yerə sizə təqdim etmirəm. Türkiyəyə gələrkən heç kimin tanımadığı kosovolu futbolçu bu gün “Yuventus”, “Latsio”, “Napoli”, “Tottenhem” və “Monako” klublarının transfer siyahısında yer alır. Trasnfer qiyməti hələ açıqlanmasa da, bu rəqəmin azı 12 milyon avro olduğu haqda müxtəlif mənbələrdə qeydlər var. Yüksəliş, inkişaf, zəhmətin və əzmkarlığın mükafatı, tanrının verdiyi istedaddan doğru yararlanmaq başqa necə olur ki?! Qoy bizimkilər də Vedatın uğur hekayəsini oxusunlar, özləri üçün dərs çıxarsınlar. Elə Kosovo millisinə ağız büzənlər də Muriqinin həyat yoluna göz ata bilərlər.
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 13:43 "Neftçi" ikinci doğma evim, Azərbaycan ikinci vətənimdi" Bu gün, 13:28 “Keşlə” maaşları tam ödəyəcək Bu gün, 13:01 Qurban Qurbanov 20 min, Elxan Məmmədov 4 min manat, Kamran Ağayev isə... Dünən, 19:19 AFFA UEFA ilə məsləhətləşmələr aparır Dünən, 19:18 Ağarza Rzayev dünyasını dəyişdi Dünən, 19:08 Çingiz İsmayılov AFFA-nın yardımından imtina edib Dünən, 19:01 “Avropaya yollanmaq üçün Mirançuk daha yaxşı oynamalıdı” Dünən, 18:54 Faiq Qarayev də dəstək kampaniyasına qoşuldu Dünən, 18:50 Uayt döyüş üçün yer tapıb, amma açıqlamır Dünən, 18:46 BOK və yaponiyalılar təzyiqə dözmədi Dünən, 18:43 Azərbaycan Avstraliyanın taleyini yaşamaq istəmədi 26-03-2020, 15:37 “Süleymanovun yerinə gələn məşqçi məni ilk gündən ofsayda saldı” 26-03-2020, 15:33 Yubilyarlara Elxan Məmmədovun göstərişi ilə hədiyyə verilib 26-03-2020, 14:47 Ölkəmizdəki əcnəbilərin yaxınları koronavirusa yoluxmayıb 26-03-2020, 14:46 AFFA və PFL əməkdaşları da istirahətə çəkilib 26-03-2020, 14:45 Ağır Atletika Federasiyasından Novruz “hədiyyəsi” 26-03-2020, 14:33 “Zaqatala”nın hədəfi çempionluqdu 26-03-2020, 14:29 “Komanda hələ ki heç nəyə qadir deyil” 26-03-2020, 14:21 “Neftçi”dən “33 ən yaxşı” sırasına düşən sonuncu ad… 22-03-2020, 19:27 PFL açıqladı: azı bir ay futbol olmayacaq 22-03-2020, 19:24 “Mehdi Hüseynzadə”də 9600 oturacaq quraşdırılacaq 22-03-2020, 19:22 FIDE Rusiya qanunlarına da məhəl qoymur 22-03-2020, 19:18 “Sumqayıt”ın ofisindən oğurluq edən saxlanıldı 22-03-2020, 19:15 Tural Rzayev zədəyə görə “Merani”dən ayrıldı 22-03-2020, 19:09 Elçin Dərgahquliyev məsuliyyəti üzərinə götürdü 22-03-2020, 19:06 “Qadın futbolçular kişilər kimi çox qazansalar, daha məsuliyyətli və çalışqan olarlar” 22-03-2020, 18:59 Novruz Əzimov doğum günündə işdən azad olunub 22-03-2020, 18:46 “Neftçi” 1937-ci ilin martında yox, yanvarında yaranıb 18-03-2020, 16:29 AFFA liqalarda fasiləni aprelin 14-nə kimi uzadıb 18-03-2020, 16:28 “Bu gün hamımız koronavirusun əsiriyik” 18-03-2020, 16:27 Premyer-liqa məşqçiləri çempionatdakı fasiləni normal qarşılayırlar 18-03-2020, 16:24 Asim Xudiyev ABŞ təəssüratını bölüşdü 18-03-2020, 16:22 “Səbail” hollandı vətəninə yola saldı 13-03-2020, 12:15 Azər Mirzəyev Teymurun yaxşı fürsəti qaçırdığını düşünür 13-03-2020, 12:13 “Bizim dostlarımız qapı dirəkləridi” 13-03-2020, 12:11 Riçard Almeyda “Qarabağ”la Bakı üçün darıxır 13-03-2020, 12:07 Region Liqası nəzərdə tutulan vaxtda bitəcək 13-03-2020, 12:02 “Premier Quba”nın məsələsinə gələn həftə baxılacaq 13-03-2020, 11:59 Riad Rəfiyev Ayxan Abbasova dəstək oldu 13-03-2020, 11:56 Teymurun əziz canı = Azərbaycanın itirilən şansı 13-03-2020, 11:53 4-cü oyun, 4-cü məğlubiyyət! 12-03-2020, 10:45 Məğlubedilməzlər də məğlub olurlar… 12-03-2020, 10:43 “Bu gün əsas rəqibimiz arxayınlıq və özümüzük” 12-03-2020, 10:40 AFFA-dan “Xəzər Lənkəran”a cavab gəldi 11-03-2020, 11:44 Samir Abasov gənc mütəxəssislərin müdafiəsinə qalxdı 11-03-2020, 11:37 Emil Babayandan isti münasibət görüb 11-03-2020, 11:34 “Xəzər Lənkəran”ın U-17 komandası fəaliyyətini dayandıracaq 11-03-2020, 11:31 Rus agenti və "Bude-Qlimt” rəhbərliyini qınadılar 11-03-2020, 11:29 “Vaxtında düzgün addımlar atsaydım, maddi xərclərimizi azalda bilərdim” 11-03-2020, 11:24 “Premier Quba”nın taleyi necə olacaq? 11-03-2020, 11:19 Rüstəm Rəhimov hakimliyin səviyyəsindən narazıdı 6-03-2020, 12:05 Emil Balayev: Kostanaydan Zirəyə... 6-03-2020, 12:04 Sabiq qapıçılar Emilə haqq qazandırdılar 6-03-2020, 12:01 Bakıya gələnlərin hər biri yoxlanılacaq 6-03-2020, 11:59 Millətlər Liqasında rəqiblərimiz müəyyənləşdi 6-03-2020, 11:55 AFFA oyunları təxirə saldı, klublar məşqləri ləğv etdi 6-03-2020, 11:53 Stuxlikin yersiz inadı klubların “başında çatlayır” Bütün xəbərlər
Ən çox oxunanlar