09 apr 23:36Yazar

Bu Qara o Qara kimi olmasın!

“Qara Qarayev “Malaqa”da”, “Azərbaycanlı futbolçu İspaniya klubuna transfer olundu” sərlövhəli xəbərlər təxminən iki il öncə idman mətbuatının gündəmini zəbt etmişdi. Əvvəlcə hamı təəccübləndi. “Qaranın oyununu “Qarabağ”ın heyətində Avropa Liqasının qrup oyunlarında görüblər, indi də dəvət göndəriblər” düşünənlərin sayı yetərincə çox idi. Etiraf edirəm ki, şəxsən mən özüm də o cür düşünürdüm. Sonradan yanıldığımızı anladıq. Amma məyus deyildik, əksinə, sevinirdik. Çünki Azərbaycan futbolunda yeni istedadın “kəşf olunduğundan” xəbər tutmuşduq. Həmin istedadın adının və soyadının “Qarabağ”dakı Qara ilə üst-üstə düşməsini də bir xoş təsadüf kimi qəbul edirdik. Ən böyük arzumuz da o idi ki, daha gənc Qara öz adını doğrultsun, “Qarabağ”dakı Qaranın fəth edə bilmədiyi zirvələrə yüksəlsin, cığıraçan olsun.
İlk günlər hər şey yaxşı idi. Necə deyərlər, plan üzrə gedirdi. Bir andaca hər şey dəyişdi. Məlum oldu ki, bu Qara gənc, hətta yeniyetmə olsa da, düşüncələri köhnə azərbaycanlı futbolçulardan zərrə qədər də fərqlənmir. 2015-ci ilin sonlarında Qara Qarayevin “Malaqa”dan ayrılması xəbərini aldıq. AFFA-nın xəttiylə İspaniyaya yollandığı deyilən futbolçunun orda maaşsız oynadığı, pul qazanmaq və rahat yaşamaq üçün Azərbaycana qayıtdığı haqda xəbərlər bizi qəm dəryasına qərq etdi. Bakı “İnter”inin düşərgəsində peyda olan Qara 19 yaşadək futbolçulardan ibarət millimizin heyətində də cürbəcür söz-söhbətlərin, qalmaqalların mərkəzinə düşdü. Onun zədəsini bəhanə edib məşqlərdən boyun qaçırdığı haqda AFFA rəhbərliyi də məlumatlandırılmışdı və Qara uzun müddət U-19-un heyətinə də elə bu səbəbdən çağırılmırdı. Beləcə Qaranın karyerasında eniş yaşanmağa başladı. “İnter”in əsas heyətində özünə yer etməyi bacarmayan gənc futbolçu Novruz bayramı ərəfəsində əvəzedici komandanın çalışdırıcı Füzuli Məmmədovun da qəzəbinə tuş gəldi. Bu dəfə də səbəb fərqli deyildi. Məşqçisinin erkən əvəzetmə qərarına acıqlı reaksiya, özündənrazılıq bəlası özünü göstərmişdi. İndi harda olduğundan xəbərsizik. Deyilənə görə, xaricdə təhsil alır və imtahanlarını vermək üçün Azərbaycanı tərk edib. Bəlkə də elə doğrusu budu. Futbolçu ola bilməyəcəyini anlayıb, zərərin yarısından qayıtmaq fikrinə düşüb. Yoxsa bir əldə iki qarpız tutmaq - həm top dalınca qaçmaq, həm də ali təhsil almaq bizim futbolçulara qismət olan xoşbəxtlik, onların bacaracağı iş deyil. Üstəlik, söhbət xarakterindəki problemləri erkən yaşından biruzə verən futbolçudan gedirsə, onun oxuya-oxuya formasını qoruya biləcəyi, özünü inkişaf etdirəcəyi mümkünsüz görünür.
Azərbaycanda futbol camiəsi o qədər də böyük, komandaların sayı o qədər də çox deyil. Üzdə olan 30-40 futbolçumuz, düz-əməlli 3-4 klubumuz var. Onlar da bir-birini çox yaxşı tanıyır. Artıq bu Qaranın dosyesindən bütün məşqçilər və klub başbilənləri xəbərdardı. Çətin ki, Qarayevə bundan sonra əvvəlki kimi etimad göstərilə, onun üzünə elitada çıxış edən klubların qapıları taybatay açıla. Hər halda, bir gəncin başına gələnlər bizi azərbaycanlı futbolçuların psixologiyasının acı gerçəkləri, nöqsanları ilə üz-üzə qoymuş oldu. Arıtq bu Qaranın başına gələnlərə, daha doğrusu, özünün öz başına açdığı oyunlara təəssüflənməkdən başqa əlimizdən heç nə gəlmir. Amma Azərbaycan futbolunda bu cür “itkilərə” tez-tez rastladığımızdan bir növ öyrəncəli olmuşuq. Belədə vəziyyəti faciəvi saymaq, hər şeyin sonu olduğunu düşünmək üçün də tələsmirik. Ən azı ona görə ki, artıq neçə gündü digər Qara Qarayevin ölkə xaricinə transferiylə bağlı xəbərlər oxumaqdayıq.
“Qarabağ”ın Qarası sözün əsl mənasında istedadlı futbolçu, əla xarakter sahibidi. Onun Almaniya ilə oyundakı soyuqqanlı davranışı və rəqibin ad-sanından çəkinmədən meydanda varlığını hiss etdirməsi təkcə bizim yox, əcnəbi mütəxəssislərin də diqqətini cəlb edib. Hazırda 25 yaşlı futbolçunun adı daha çox Moskva “Lokomotiv”iylə yanaşı çəkilir. Sözün düzü, Rusiya premyer-liqasında heç də yaxşı günlər keçirməyən, turnir cədvəlində 9-cu yeri tutan “dəmiryolçular”ın Qara üçün ideal variant olduğunu düşünmürəm. Komandanı bizə tanış olan Yuri Syominin çalışdırması belə xüsusi hansısa əhəmiyyət daşımır. Rusiya paytaxtını təmsil edən klublar daim təzyiq altında olur. Üstəlik, aqressiv rus azarkeşlərin könlünü qısa müddətdə fəth etmək Qara üçün heç də asan görünmür. Amma indidən bəd gətirmək, Qaranı hansısa kəlməmlə həvəsdən salmaq istəmirəm. Son müsahibələrindən də hiss olunur ki, Qara özü də xaricə getməkdə, özünü daha güclü çempionatlarda sınamaqda maraqlıdı. Onda bu sınaq üçün bütün vacib keyfiyyətlər var. Və bu keyfiyyətlərin üzərinə hazırda istək, özünüsübut həvəsi də əlavə olunub. Bizə qalan uğur arzulamaq, “yolun açıq olsun, Qara” deməkdi. Ən əsası, bu Qaranın legioner həyatı o biri Qara kimi olmasın!
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 18:38 Əvəzediciləri “Neftçi”nin təsəlli yeridi Dünən, 18:37 Qol vuran qələbə qazandı Dünən, 18:35 “Qəbələ” 3 xal qazandı, Qriqorçuk hakimlikdən narazı qaldı Dünən, 18:33 “İmarət Avropa”dan “Vətən”ə cavab gəldi Dünən, 18:32 Azərbaycanlı azarkeşlərin idmançısının yanında olmaq hüququ yoxdu! Dünən, 18:31 “Zirə” bostanlıqda “Kəpəz”in dərsini verdi Dünən, 18:29 Futzal çempionatına iddialı debütantlar gəlir Dünən, 18:29 Rauf Əliyev “Kukesi”də debüt etdi Dünən, 18:24 1 yaşlı uşaqdan 80 yaşlı qocaya sillə Dünən, 18:21 “İnter” 88 dəqiqə dözdü Dünən, 18:17 “Qarabağ”ı böyük ekranda izləmək üçün 500 nəfər müraciət edib Dünən, 18:15 Futbol ictimaiyyəti “Neftçi”ni “asıb-kəsdi” Dünən, 18:14 “Kopenhagen”dən əzmkar qələbə... Dünən, 18:09 Samit Nuruzadə yenə səbr etməyi məsləhət görür Dünən, 18:07 Faiq Həsənov susdu! Dünən, 18:06 Qısa xəbərlər Dünən, 18:04 Belfor pula qaçır... Dünən, 18:03 “Şüvəlan” MOİK-i darmadağın etdi 20-08-2017, 15:30 Ramil Quliyevin ilk məşqçisi onun geri dönməsini istəyir 20-08-2017, 15:26 TRANSFER DOSYESİ 20-08-2017, 15:25 Şarples mərkəzi arenada gördüyü işin sirrini açıqladı 20-08-2017, 15:23 Vaif Əsədov Sadiqovun ittihamları ilə razılaşmadı 20-08-2017, 15:19 “Qəbələ” əvəzedicilərinə qalib gəldi 20-08-2017, 15:18 Ayxan Abbasov “Kəpəz”in qərarının səbəbini anlamayıb 20-08-2017, 15:15 “Neftçi” yeni kartların satışına başladı 20-08-2017, 15:14 “Parken”də anşlaq gözlənilir 20-08-2017, 15:12 “Qarabağ” mövqeyini ortaya qoydu 20-08-2017, 15:11 Danimarkadakı “Vətən” Cəmiyyətinin sədrindən şok vəd 20-08-2017, 15:10 Dima qol hesabını açdı 20-08-2017, 15:09 Yığma “cırtdan”la “Bakcell Arena”da qarşılaşacaq 20-08-2017, 14:13 Höccət Hacıyev Lənkəran stadionunda dondurma satır? 20-08-2017, 14:08 Azərbaycanlı agentlər Rauf Əliyevlə bağlı danışdı 20-08-2017, 14:01 Ən güclü gimnastlar müəyyənləşdi 20-08-2017, 14:00 Almaniyaya səfər ərəfəsində görüş 20-08-2017, 13:59 Bu dəfə Sloveniyaya uduzdular 20-08-2017, 13:58 Ruslan bir pillə irəlilədi 20-08-2017, 13:56 Tofiq Heydərov fikrindən daşınıb? 20-08-2017, 13:55 AMKF yeni sponsorun yolunu gözləyir 20-08-2017, 13:54 “Turan” rəsmisi PFL-in iradları ilə razılaşdı 20-08-2017, 13:52 Norveç səfirliyi viza vermədi, "Qarabağ" azarkeşləri piket keçirəcək 20-08-2017, 13:50 "Traktorsazi" ilk qələbəsini qazandı 20-08-2017, 13:49 Ölkə çempionu Şahmat Federasiyasına etiraz edir 19-08-2017, 19:46 Yığma üzvü zədələnib 19-08-2017, 19:44 Yığmanın baş məşqçisi mətbuat konfransı keçirəcək 19-08-2017, 19:41 “Xəzər Lənkəran” mərkəzi stadionu “Masallı”ya verildi 19-08-2017, 19:39 Yığmamız mövqeyini qorudu 19-08-2017, 19:36 Federasiya klublarla çempionatı müzakirə etdi 19-08-2017, 19:32 “Qarabağ” rəsmisi qazondakı problemləri problem saymır 19-08-2017, 19:30 “Qarabağ” rəhbərliyi ilə AFFA prezidenti arxa qapıdan yararlanıb 19-08-2017, 19:27 AFFA-nın gözü yol çəkir, Prosineçki vətənindən əl çəkmir 19-08-2017, 19:25 Yol polisi Rəşadın maşınını əlindən alıb 19-08-2017, 19:22 “Qəbələ” “Qalatasaray”la oynayacaq? 19-08-2017, 19:16 “Mil-Muğan”da köhnə-yeni baş məşqçi 19-08-2017, 19:13 Elmar Vəliyev stadiona görə Yevlaxın icra başçısına zəng vurub 19-08-2017, 19:11 Yeni yaradılan “Xəzər” birinci divizionda çıxış edəcək 19-08-2017, 19:07 “Qarabağ” “Parken”də dəstəksiz qalmayacaq 19-08-2017, 19:02 Şehiç yığmaya dəvət aldı Bütün xəbərlər
Ən çox oxunanlar