12 in 20:06Yazar

Yurçeviçin özündən böyük bəhanələri

Kilian Mbappe, Antuan Qrizmann, Olivye Jiru... Fransa millisinin Türkiyə ilə oyunda meydana çıxacaq heyətinə baxdım, gözlərim qaraldı. Fikirləşdim ki, “ay-ulduzlular” üçün böyükhesablı məğlubiyyət qaçılmazdı. Zarafat deyil, bu futbolçular cəmi bir il öncə Rusiyada keçirilən dünya çempionatının qalibi olublar. Ondan sonra da yüksələn qrafiklə çıxış edirlər. Təsadüfi deyil ki, Mbappe hazırda Zidanın “Real”a gətirmək istədiyi futbolçuların siyahısında ilk yerlərdən birini tutur, transfer qiyməti 100 milyon avronu çoxdan ötüb. Qrizmannla Jiru da onun kimi. Hansı baş məşqçi əlinin altında belə futbolçuların olmasını istəməz?!
Mən bu düşüncələrin əsirinə çevrilərkən “Bakcell Arena”nın mətbuat konfransı salonundaydım. Macarıstan millisinin baş məşqçisini dinləmişdik, səbrsizliklə Nikola Yurçeviçin yolunu gözləyirdik. Aradakı zamanı fürsət bilib, Türkiyə - Fransa oyunu barədə məlumatlara göz atırdım. Çox keçmədi, Yurçeviç gəldi. Gələn kimi də bizim vərdiş etdiyimiz nağılları yenidən səsləndirməyə başladı. Hər şey əvvəlki kimiydi, birbalaca Yurçeviçin tərzi və intonasiyası Berti Foqtsla Robert Prosineçkidən fərqlənirdi. Vəssalam. Nikola da deyir ki, onun yetirmələri rəqibə qarşı yaxşı oynayıb, sadəcə, standart vəziyyət zamanı diqqətsizlik nəticəsində qapımızda qol görmüşük. Sonra rəqib ikinci qolu bizim qapımızdan keçirib, fərqi azaltdıqdan dərhal sonra yenidən bizi məyus ediblər. Qoymayıblar ki, vurduğumuz qolun sevincini doyunca yaşayaq, vacib qarşılaşmadan xal və ya xallarla ayrılacağımıza olan kövrək ümidlər qəlbimizin dərinliklərində bir qədər də cücərsin. Ay sizi, amansız macarlar. İmkan verin də...
Adam boynuna almaq istəmir ki, start heyətini qurarkən səhvə yol vermişəm, əlimdəki materialdan düzgün istifadə etməmişəm. Millinin heyətini 2-3 yerdən gələn sifarişlər formalaşdırır, Yurçeviç nəkarədi ki?! “Sifarişçilər” hərəsi öz futbolçusunu əvvəlcə milliyə, sonra da start heyətinə, o da olmasa, 23 nəfərlik iştirak ərizəsinə saldırmağa çalışırlar. Məqsəd də məlumdu. Yorğan, yəni mükafat davası. AFFA prezidenti Rövnəq Abdullayev İcraiyyə Komitəsinin iclasından əvvəl millinin məşqinə baş çəkmiş və “gəlin macarlarla oyundan sonra birlikdə sevinək” deməklə fantastik mükafatın siqnalını vermişdi. Yəni ki, macarları udun, mən “yuxarılar”ın qarşısında danlanmayım, sizi də sevindirim. Yüzminlər, milyonlar havada uçuşacaqdı. Bundan qazanan isə təkcə futbolçular olmayacaqdı. Onların havadarları, menecerləri, “milliləşdirmə” prosesinin rəhbərləri də zənginləşəcəkdilər. Di gəl ki, macarlar buna imkan vermədi. İşbazlar öz oyununu oynayır, bunun da əziyyətini bizimlə yanaşı, Nikola Yurçeviç çəkir. Xorvatiyalı mütəxəssis böyük oyunun kiçik piyadası olduğuna görə ona verilən tapşırıqdan çıxa bilməz.
Hamımız gördük ki, Ağabala Ramazanov Renat Dadaşovu əvəzləyəndən sonra millinin oyunu nə qədər canlandı, cinahda sürətli keçidlər izləməyə başladıq. Deməli, Ağabala Renatdan daha yaxşı formada imiş, macarlarla oyunda ilk dəqiqələrdən meydanda olmağa haqqı çatırmış. Təsadüfi deyil ki, millimizin vurduğu yeganə qolda da Ağabalanın böyük payı oldu, məhz onun zərbəsindən sonra qapıçının qaytardığı topu Mahir qapıdan keçirdi. Mən iddia etmirəm ki, heyətdəki səhvlər sayəsində uduzduq, ehtiyatda qalanlar macarları üstələmək gücündə idilər. Amma ən azı daha yaxşı çıxış etmək, rəqibə qarşı sonadək mübarizə aparmaq mümkün olardı. Yurçeviçin Renatı ilk dəqiqələrdən oynatması, Ramil Şeydayevi cinahda “gizlətməsi” komandamızın hücum potensialını xeyli azaltmışdı. Qapısı qarşısında ciddi təhlükə hiss etməyən macarlar isə bundan ürəklənib, meydanın bizə aid hissəsində məskən salmışdılar.
Bütün bunları dilə gətirməli olan adam da Yurçeviç idi. Amma xorvatiyalı çalışdırıcı min bəhanə dərəsindən su gətirir. Deyir ki, Azərbaycan qrupda ən aşağı reytinqə malik komandadı. Onun sözlərindən belə çıxır ki, biz məğlubiyyətlərlə barışmalı, boyumuzdan yuxarı tullanmaq haqda düşünməməliyik. Belədisə, onda Yurçeviç bizim nəyimizə lazımdı? Nə üçün xorvatiyalıya ildə bir milyon avro ödəyirik? Hər şey reytinq cədvəli ilə həll olunsaydı, heç Türkiyə millisi Fransanın qapısına yaxın düşə bilməzdi. Yəqin ki, Yurçeviç də bu komandaların reytinq cədvəlindəki yerindən xəbərdardı. Xəbəri yoxdusa, mən deyim, o da bilsin. FİFA-nın apreldə açıqladığı reytinq cədvəlində Fransa 2-ci sırada yer alıb. Canımız qədər sevdiyimiz Türkiyə isə həmin cədvəlin 39-cu pilləsində qərarlaşıb. Şenol Günəşin çalışdırdığı Türkiyə özündən 37 pillə öndə olan sonuncu dünya çempionlarını heç qapıya yaxınlaşmağa qoymadı. Odu ki, Yurçeviç də özündən böyük bəhanələriylə bizi aldatmağa çalışmasın. Mövzunu isə Slovakiya ilə qarşılaşmadan sonra davam etdirəcəyik.
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
14-06-2019, 22:42 Nazim Süleymanov bu dəfə Masallıya üz tutdu 14-06-2019, 22:32 AFFA ilə sövdələşənlər “Futbol+”i hədəf seçdilər 14-06-2019, 22:31 "Ronaldinyo akademiyası"nın layihəsi qüvvədədi 14-06-2019, 22:30 “Neftçi" Sansone ilə vidalaşdı 14-06-2019, 22:28 Skarlatake daha bir il "Zirə"də 14-06-2019, 22:27 Bu dəfə 5 qapaz... 14-06-2019, 22:17 Yurçeviç xəcalət çəkdiyini bildirib, üzr istədi 14-06-2019, 22:15 Yığma üzvlərinin qiymətləndirməsi 14-06-2019, 22:13 “Bakcell Arena”da azarkeşlər “istefa” tələb etdilər 14-06-2019, 22:11 Yığmanın və AFFA-nın “altını üstünə çevirdilər” 14-06-2019, 22:09 “Qəbələ” birinci divizionun bombardiri ilə anlaşdı 14-06-2019, 22:07 Futbol ictimaiyyəti çıxış yolu göstərdi 14-06-2019, 22:05 Məşqçilər Komitəsinin üzvləri dilə gəldilər 14-06-2019, 22:03 Hakimə ehtiyac olmayan oyun… 14-06-2019, 21:53 Hamşik Bakını niyə unutmayacaq? 14-06-2019, 21:52 İcraiyyə Komitəsi “Bakcell Arena”da Yurçeviçdən hesabat tələb etdi 14-06-2019, 21:48 Bölməyə aparılanlar üçün əcaib şərt 14-06-2019, 21:45 Şərhçilər üçün "qızıl" qayda: haqqı deyə bilmirsənsə, nahaqq danışma! 14-06-2019, 14:59 Günün lətifəsi 14-06-2019, 14:49 Günün sitatı 14-06-2019, 14:46 Gözəl xidmət: 1 manata AFFA-ya ürəyinizdən keçəni çatdırın! 12-06-2019, 23:10 Fanklublar Slovakiya ilə oyunda yığmaya dəstək verməyəcək 12-06-2019, 23:05 “UltrAslan Azərbaycan” AFFA-dan pul almayıb 12-06-2019, 23:04 Prosineçkiylə Foqts AFFA-nın dəvətini “yerə salıb” 12-06-2019, 23:02 “Keşlə” Əfrandan imtina etdi, Ruslanla anlaşdı 12-06-2019, 23:01 Ruslar bizimkiləri Qranatkin turnirinə dəvət etməyib 12-06-2019, 20:04 Slovakiyalılar havanın hərarətindən narahatdı 12-06-2019, 20:03 Slovaklara iki qol vuran Vadim Vasilyev danışdı 12-06-2019, 20:02 Rizvan Fərzəliyevin komandası MFL-in qalibi oldu 12-06-2019, 20:00 Zaur Əzizov alban futbolçunun şikayətinə aydınlıq gətirdi 12-06-2019, 19:59 “Qarabağ”ın veteranları millini məyus etdi 12-06-2019, 19:58 Ceyhun Sultanov 40-ı tamamlayır 12-06-2019, 19:56 “Neftçi”: Ruslan Abışov getdi, Rauf Əliyev gəldi 12-06-2019, 19:55 Qonaqlar bulvarda gəzdi və təəccübləndi 12-06-2019, 19:54 Yığma xəbərləri 12-06-2019, 19:52 Yevlaxlılar çempion oldu 12-06-2019, 19:50 "Zirə"də müqavilələr yeniləndi 11-06-2019, 18:04 Həftənin idman proqramı 11-06-2019, 18:01 “Millimiz, Beyrək demiş, macarları 1 öpüb, 3 dişləndi” 11-06-2019, 18:00 Ceyhun Haşımov holland hakimi bəyənib 11-06-2019, 17:56 Kubemba da “tələbə” oldu 11-06-2019, 17:54 Slovakiya ilə oyun şotland referiyə tapşırıldı 11-06-2019, 17:53 Yığmamız Rossini təəccübləndirməyib 11-06-2019, 17:51 Yığma üzvlərinin qiymətləndirməsi 11-06-2019, 17:48 Rövnəq Abdullayev Yurçeviçi ciddi şəkildə danlayıb 11-06-2019, 17:46 Məğlubiyyətin üç əsas səbəbi 11-06-2019, 17:44 Rəzil yığma və 3 qapaz 11-06-2019, 17:41 Maksim Medvedev acı reallıqları etiraf etdi 11-06-2019, 17:39 Şok: AFFA-nın dəvətnamələri “qara bazar”da satılır 11-06-2019, 17:36 Hamı gedir quş gətirir, "Səbail"... 11-06-2019, 17:34 Slovaklar dünən axşam gəldi 11-06-2019, 17:33 “Qarabağ” 10 nəfərlə başladı 11-06-2019, 17:26 Qurban Qurbanovun oğlu Lixtenşteynə məğlubiyyəti faciə yox, dərs sayır 11-06-2019, 17:24 Günün sitatı 11-06-2019, 17:15 Eldar İsmayılov, “Xarı bülbül”, “Sportsman” jurnalı… 11-06-2019, 15:39 AFFA Media Komitəsinin dağılmasında xidməti olanları gizlicə maliyyələşdirir? 11-06-2019, 15:36 Mübariz Mənsimov AFFA rəhbərliyini aşağıladı Bütün xəbərlər
Ən çox oxunanlar