|
Anar Niyazov cavab gözləyir
Müəllif: SƏBUHİ NƏRİMANOĞLU
"Qayıdaram, onda görərik Babək xeyir-dua verir, ya yox"
Uzun müddətdi hakimlikdən kənarlaşdırılan Anar Niyazovun bağışlanacağı haqda söz-söhbət-lər səngimək bilmir. Xatırladaq ki, AFFA prezidenti Rövnəq Abdullayev İK-nın bir neçə gün əv-vəl baş tutan iclasından sonra keçirdiyi mətbuat konfransında fit sahibinin bağışlana bilə-cəyini, bu haqda hakimlər komitəsinin sədri Xaqani Məmmədovla görüşüb söhbət edəcəyini bildirmişdi. Taleyinə aydınlıq gətirilib-gətirilmədiyini öyrənmək üçün dünən Niyazovla əlaqə saxladıq. Maraqlıdı ki, referi məlum görüşdən xəbərsiz olduğunu söylədi. - Anar, Rövnəq Abdullayev Xaqani Məmmədovla sənin məsələni çözmək üçün görüşəcəyini demiş-di. Deyilən görüş baş tutubmu, taleyinə aydınlıq gəlib? - Xeyr, hələ xəbərim yoxdu. - Axı Rövnəq müəllimlə Məmmədov görüşməli idi... - Bilmirəm. - Sənə hələ bir söz deməyiblər? - Xeyr. - Axı Rövnəq bəyin sözündən belə çıxdı ki, məsələ artıq həll olunub, ona görə soruşuruq... - Mənim bundan xəbərim yoxdu. - Ümumiyyətlə, Abdullayevin İcraiyyə Komitəsinin iclasından sonra mətbuat konfransında söylədiklərindən xəbərdarsan? - Bəli, mətbuatdan oxumuşam. - Belədə heç olmasa, onların görüşünün alınıb-alınmaması ilə maraqlanmamısan? - Yox. - Taleyin özün maraqlı deyil? - Bir qədər şəxsi problemlərim var, başım onların həllinə qarışıb. - Heç olmasa, hakimlikdən kənarda qaldığın müddətdə məşq edirsən? - Bəs necə? Əlbəttə, hazırlaşıram. - Harda məşq edirsən? - Respublika stadionunda. - Yəqin ki, qaçmaqla kifayətlənirsən... - Bəli. - Hər gün gedirsən? - Hər gün. - Tutalım bu gün çağırıb dedilər ki, sənə birinci divizionun oyunlarına təyinat veririk, idarə edə bilərsən? - Niyə etmirəm ki? - Yəni özünü buna hazır sayırsanmı? - Bəli. - Bəs premyer-liqanın oyunlarına göndərsələr necə, sənin üçün çətin olmaz? - Mən hazıram qardaş. Soruşdun məşq edirsən, cavab verdim. - Bildim. Yəni uzun müddətdi oyun praktikan yoxdu. Premyer-liqada da bilirsən ki, idarəçilik bir qədər çətindi, gərgin mübarizə var... - Hazıram, heç bir problem yoxdu. - Ümumiyyətlə, çempionat oyunlarını izləyirsənmi? - İzləyirəm. - Həmkarlarının idarəçilik bacarığına baxırsan? - Baxıram. - Necə düşünürsən, Azərbaycan hakimliyində Anar Niyazovun yeri görünürmü? - Onu siz deyə bilərsiz. - Öz fikrin necədi? - Dedim ki, o haqda siz danışa bilərsiz. - Yaxşı bizim qənaətimiz öz yerində. Yaxşı bəs Babək Quliyevin taleyi ilə bağlı sənə bir şey bəlli deyil? - Yox, bu haqda oxumuşam. Deyilənə görə, səhvlərini boynuna almalıdı. - Ümumiyyətlə, Quliyevlə əlaqə saxlayıb, yaxud görüşürsənmi? - Zəngləşirik, danışırıq. Ayrı nə var ki? - Sənə xeyir-dua veribmi? - Məgər Babəkin evin almışam, ya da ona nəsə satmışam ki, xeyir-dua verə? - Hakimliyə qayıtsan... - Nə deyə bilər ki, hakimliyə qayıtmağıma və qayıtmamağıma. - Hər halda, bir yerdə cəzalanmısız, ona görə deyirəm... - Qayıdaram, onda görərik Babək xeyir-dua verir, ya yox. - Deməli, özünü hazır sayırsan... - Hazıram, özümə arxayınam. - Heç bir çətinlik səni qorxutmur ki? - Nə çətinlik e? Nə danışırsız? "Qarabağ"ı almağa gedirik? - Futbol onsuz da çətinləşib, maraq, təzyiqlər çoxdu... - İndiyə qədər nə təzyiq, nə də maraq görmüşəm. Meydana çıxıb nə var onu da etmişəm, problem deyil. Baxılıb: 82 şəkilə bax FACEBOOK-da paylaşƏN SON MüSAHiBƏLƏR
Hələlik bu xəbərə şərh əlavə edilməmişdirŞərhi yalnız qeydiyyatdan keçənlər yaza bilərlər qeydiyyat |
YAZARLAR
ƏN SON ŞƏRHLƏR
Sorğu
Qeydiyyat
TOP 10 POPULYAR
Anons
Statistika
Bazada məqalələrin sayı: 2142 Sizin brauzer: CCBot/1.0 (+http://www.commoncrawl.org/bot.html) Birbasa daxil olma!
|
TOP XƏBƏRLƏR
QALEREYALAR
XƏBƏR XƏTTİ
|
ALLAH BIZI BELE MESHGCHIDEN UZAQ ETSIN.AMIN!!!!BIR MESHQCHIKI OYUN QABAGI OYUNCHULARI SINDIRIR BUNA NE DEYESEN.GET PULSUZ DERSI TEK OYREN .BIZE DERS LAZIM ... 
AZƏRBAYCAN-ALMANİYA OYUNUNUN FOTO QALEREYASI
Futbol plusun qalereyasi