26 yan 14:40secilmisler, manset

Aşıq Əli “Şıxlar”a forma və buts paylayıb

Aşıq Əli “Şıxlar”a forma və buts paylayıb
“Təkcə idmana yox, bütün sahələrə əl tutmaq lazımdı”

Futbol o qədər populyar idman növüdü ki, onunla yalnız futbolun içində olanlar yox, başqa peşə sahibləri də yaxından maraqlanır. Siyasət, şou-biznes və başqa sahələrlə məşğul olanlar da futbola böyük maraq göstərir. Ölkəmizdə də belə insanlara rast gəlinir. Onlardan biri də populyar aşıqlardan olan, Aşıq Əli kimi tanınan Əli Tapdıqoğludu. Sənətkar yaşadığı Qobustan qəsəbəsinin həvəskarlar liqasında mübarizə aparan "Şıxlar" komandasına forma və buts bağışıayıb. Deyilənə görə, aşıq bacardığı qədər bu komandaya maddi dəstək olmağa çalışır. Həqiqətən də Əli bəyin gördüyü iş alqışalayiqdi. Başqa imkanlı sənət adamları, şou-biznes nümayəndələri də ondan nümunə götürsə, lap yaxşı olar. Tapdıqoğlunun futbola marağı, "Şıxlar"a verdiyi dəstək haqda danışmaq üçün özü ilə əlaqə saxladıq.
- Əli bəy, eşitmişik futbola böyük sevginiz var.
- Təbii ki. Futbolu sevməyən var?! Bu idman növünə marağım çox böyükdü. Küçələrdə top dalınca qaça-qaça böyümüşük. Özüm də balaca yaşlarımda futbol oynamışam.
- Futbola sevginiz necə yaranıb?
- Lap uşaqlıqdan. Məhəllədə hamı oynayırdı, mən də onlara qoşulurdum. Qəsəbələrarası çempionatda Qubustan komandasının heyətində dəfələrlə çıxış etmişəm. Daha doğrusu, qapıçı olmuşam. Son zamanlar isə daha çox oynayıram. Dostlar arasında həvəskar çempionat təşkil etmişik. Ailəmin də futbola sevgisi böyükdü. Qardaşım da oynayıb. Onun hətta həvəskar komandası da olub.
- Hansı komandalara azarkeşlik edirsiz?
- İlk növbədə Azərbaycan millisinə. Hansısa turnirdə yığmamız varsa, ona hamımız baxmalı, azarkeşlik etməliyik. Dünya çempionatlarında Braziliyanı dəstəkləyirəm. Bizim uşaqlıq illərimiz Braziliyanın ən güclü dövrlərinə təsadüf edib. Klublardan isə Madrid “Real”ına baxıram.
- Bəs yerli klublardan?
- Son vaxtlar “Qarabağ”a azarkeşlik edirəm. Həqiqətən də bu klub böyük uğurlara imza atır. Son illər inkişafdadı. Ümid edirəm ki, davamı gələr. Qarabağ həm də yaralı yerimizdi. Klub bu adla vətənimizi Avropada təmsil edir. Vətəni təmsil edən nə varsa, ona baxmalıyıq. Torpağa, vətənə sevgisi olan hər kəs belə etməlidi.
- Amma qeyri-futbol adamlarının ölkə futboluna marağı azdı.
- Məndə belə deyil. Öz ölkəmin klubunu hər zaman dəstəkləyirəm. Bizim də futbolumuz var və inkişaf edir. Sizə bir söhbət danışım. Deməli, bir dəfə Ankarada konsertə getmişdik. Həmin vaxt İspaniya çempionatında “Real” səfərdə “Barselona” ilə oynayırdı. Türkiyədə də “Beşiktaş” – “Qalatasaray” matçı var idi. Hardasa 400 nəfərə yaxın sənət adamı idik. Təsəvvür edin, ordakıların hamısı “Beşiktaş” – “Qalatasaray” oyununa baxdı. Bizə isə fərqli otaq ayırdılar. Çünki “El Klasiko”ya baxmaq istəyirdik. Yəni türklər öz futbollarını daha çox izləyirlər, öz klublarına daha çox azarkeşlik edirlər. Biz də belə olmalıyıq. Hətta türk abilərdən biri soruşdu ki, qardaş, siz ispansız, Madriddən gəlmisiz? (gülür)
- Klublarımızın səviyyəsi də yüksək olmalıdı ki, “El Klasiko”ya və başqa oyunlara yox, öz milli çempionatımıza baxaq.
- Atalarımızın bir sözü var. Deyirlər ki, Moskva birdən tikilməyib. Bu, həqiqətən də gözəl deyimdi. Məsələn, 5 il əvvəli götürsək, futbolumuzda belə inkişaf var idi? Futbolumuzda böyük inkişaf var. İndi hər mövsüm iki klubumuz Avroliqanın qrupunda oynayır. Əvvəl bütün bunlar yox idi. 5-10 il sonra da futbolumuz Avropa və dünya səviyyəsində olacaq.
- Oyunları stadionlardan izləyirsizmi?
- Bəli, izləyirəm. Məsələn, “Qarabağ”ın avrokubok matçlarında stadionda oluram. İmkan daxilində başqa klublarımızın da oyunlarına gedirəm.
- Bəs niyə çempionat oyunlarına gəlmirsiz?
- Hər həftə stadionlara getməyə vaxt olmur. Özünüz də bilirsiz ki, biz sənət adamıyıq. Daim səfərlərdə oluruq. Buna baxmayaraq, çempionat oyunlarının nəticələrinə, icmallarına baxıram. Mətbuat sağ olsun, bizi informasiyasız qoymur.
- Bizdə olan məlumata görə, bu yaxınlarda Qobustanın “Şıxlar” komandasına forma, buts bağışlamısız. Yəni bu komandaya imkan daxilində maddi kömək göstərirsiz. Doğma qəsəbə olduğu üçün etmisiz, yoxsa futbola olan sevgidən?
- Hər ikisini deyərdim. Əslində istəməzdim ki, bu məsələ mətbuata çıxsın. Çünki məni etdiklərimin kiminsə dilində əzbər olması maraqlandırmır. Xoşuma gəlmir belə şeylər. Kim yayıbsa, səhv edib. Düzdü, bu iş təqdirəlayiq sayılır. Kim belə sayırsa, təşəkkür edirəm. Amma üzə çıxmasaydı, daha yaxşı olardı. Çünki bu mənim qəlbimdən gəlib. İndi sənətçilərin nə qədər qazandığı, harda və necə oturduğu hər kəsə maraqlıdı.
- Bu addımınızı həm də futbolsevərlər alqışladı.
- Elədi. Kim belə iş görürsə, idmanımız üçün yaxşıdı. Kimin bir az imkanı varsa, nəyəsə yardım etməlidi. Təkcə idmana yox, bütün sahələrə əl tutmaq lazımdı. Sənin qolunda güc varsa, niyə yoldan keçən qocaya, ağsaqqala əl tutmayasan, kömək etməyəsən?
- Yəni sizi bu işin ancaq mənəvi tərəfi maraqlandırır.
- Təbii ki. Elə mənəvi hisslər var ki, onlara tabe olursan. Mütləq əlindəki nəyisə kiminləsə bölüşməlisən. Mən də bunu özümə borc bildim.
- Onda sizə “nə qədər xərciniz çıxdı” sualını vermək mənasız olar.
- Mənasız deməzdim. Sadəcə, mən bunu açıqlamaram. İstəməzdim xərclədiyim vəsaitin məbləğini kimsə bilsin. Bu komanda Qobustanın yığmasıdı. Kimlərsə ona “Şıxlar” adı qoyub. Bu ümumilikdə Qaradağ və Qobustan əhalisinin komandasıdı. İdman sağlamlıqdı. Futbol isə ən məşhur idman növüdü. Futbol həm də cavanları axmaq vərdişlərdən xilas edir. Onları narkomaniyadan, siqaretdən, içkidən uzaqlaşdırır. Biz də Qobustanın komandasına dəstək oluruq. Qoy uşaqlar diqqətini futbola yönəltsin. Kimin nəyə imkanı çatır, gənclərə dəstək olmaq lazımdı. Qoy hər cavan öz peşəsində inamla addımlasın. Yolları açılsın. Bəlkə də onların sənətlərində irəli getmələri xalqımızın da xeyrinə olar?!
- İstərdiz ki, Qobustanın da peşəkar komandası olsun, premyer-liqada çıxış etsin?
- Kim bunu istəməz?! Qobustandan əvvəl yaxşı futbolçular çıxıb. Bu qəsəbənin “Azəri” komandası fəaliyyət göstərib. Əvvəllər burda Sədiyar adlı oyunçu olub. O, bir çox yerlərdə futbol oynayıb. Yəni bu qəsəbədə futbol olub. Burda cavan nəsil futbolla yaşayır. Təbii ki, bizim qəsəbənin də peşəkar futbol klubu olsa, premyer-liqada çıxış etsə, bu hər kəsə xoş olar. Biz də gedib baxarıq, azarkeşlik edərik.
ŞƏFİ ŞƏFİYEV
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
19-07-2017, 16:56 Tahir Baxşıyev yorğunluqdan gileyləndi 19-07-2017, 16:53 Nazim Babayev yenə Avropa çempionu oldu 19-07-2017, 16:51 Qadınlar Astarada toplanış keçir 19-07-2017, 16:48 Ölkə kubokunun qalibləri müəyyənləşdi 19-07-2017, 16:42 Dünya çempionu xanıma əl qaldırıb? 19-07-2017, 16:42 Eltac Səfərli dünya ulduzları arasında 19-07-2017, 16:35 Yığmada dağıstanlı futzalçı 19-07-2017, 16:33 AFFA hakimlərin Bolqarıstan toplanışını ləğv etdi 19-07-2017, 16:32 “Fola” – “İnter” matçı 29 yaşlı hakimə tapşırıldı 19-07-2017, 16:31 “Qarabağ” Nikaraqua millisinin üzvünə 400 min təklif edib 19-07-2017, 16:26 “Qəbələ” Polşada dəstəksiz qalmayacaq 19-07-2017, 16:24 Yığma üzvü “Zirə”nin potensial rəqibini seçdi 19-07-2017, 16:23 Dəniz Yılmaz “Bursaspor”da qaldı 19-07-2017, 16:21 Yordanesku Abbasovu qabaqlayacaq 19-07-2017, 16:14 Şəfizadə Braziliyada gördüklərini “Futbol+”lə bölüşdü 19-07-2017, 16:11 “Sumqayıt” Bolu toplanışına məğlubiyyətlə başladı 19-07-2017, 16:06 Orxan Hüseynzadə “Neftçi” haqda gizli heç nə saxlamadı 19-07-2017, 16:02 “Kəpəz”in legionerləri gəldi 19-07-2017, 16:00 Göyçə mahalı divizionda təmsil olunacaq 19-07-2017, 15:59 “Forza Neftçi” rəhbərliyi və məşqçilər korpusunu istefaya səslədi 17-07-2017, 23:43 Rəsul Çunayev yenidən dünya lideridi 17-07-2017, 23:42 BŞH beş könüllünü İtaliyaya göndərəcək 17-07-2017, 23:40 Teymur Rəcəbov Cenevrədə “partladı” 17-07-2017, 23:38 Millimizdə yeni braziliyalı 17-07-2017, 23:37 “Kəpəz” Türkiyədədi, yeni transferi Bakıda 17-07-2017, 23:29 Finalın hakimi “Qarabağ”ın oyununda 17-07-2017, 23:27 Tərlan Əhmədov diviziondan aldığı üç təklifi geri çevirib 17-07-2017, 23:25 Tiflisdə “Qarabağ”ın oyununa maraq azdı 17-07-2017, 23:24 “Sumqayıt” superliqa təmsilçisinə qarşı 17-07-2017, 23:22 “Qəbələ” artıq Polşadadı 17-07-2017, 23:21 Fanatları “Qarabağ”a Tiflisdə möhtəşəm dəstək vəd etdi 17-07-2017, 23:19 “Zirə” – “Astra” matçı üçün 6400 bilet 17-07-2017, 23:17 “Qarabağ” kubokla erkən vidalaşdı 17-07-2017, 22:31 “Səbail” meydana çıxa bilmədi 17-07-2017, 22:30 “Qarabağ”lılar “Ayaks”da və “Qalatasaray”da 17-07-2017, 22:28 TRANSFER DOSYESİ 17-07-2017, 22:26 Oqtay Dərəlioglu “qızıl oyun”u yada saldı 17-07-2017, 22:25 Vüqar Latviyada dubl etdi, Renat isə ABŞ-da fərqləndi 17-07-2017, 22:23 “Qaradağ Lökbatan” beş yoxlama oyunu keçirəcək 17-07-2017, 22:22 Antonov “Çernomorets”ə qayıtdı 17-07-2017, 22:20 “Ölkəmdən imtina edənlərdən ikisi də biz olduq” 17-07-2017, 22:16 “Neftçi” “Binə”yə bir qol vurdu 16-07-2017, 16:56 Elməddin Məmmədov Qırğızıstandan “Səbail”ə baxışa gəlməyə razı olmayıb 16-07-2017, 16:53 Gürcüstan mətbuatı: “Kalkulyatorun hesablaya bilmədiyi nəticə - 0:5” 16-07-2017, 16:51 Təmsilçilərimiz növbəti mərhələdəki rəqiblərini tanıyır 16-07-2017, 16:49 BFL-in təsisçisi həyəcan vəd edir 16-07-2017, 16:48 “İnter”dən yubiley qələbəsi və rekord 16-07-2017, 16:38 Heç-heçə Fariz Nəcəfovu təəccübləndirməyib 16-07-2017, 16:36 Teymur yenidən vahid lider oldu 16-07-2017, 16:35 “Zirə” ikinci yarıda çökdü 16-07-2017, 16:32 “Bakcell Arena”da “Neftçi”nin loqosu örtüldü 16-07-2017, 16:30 Reynaldo Türkiyəni İsveçrəyə dəyişir 16-07-2017, 16:28 Reaksiyalar 16-07-2017, 16:25 “Qəbələ”dən təhlükəli start 16-07-2017, 16:23 Qriqorçuk cavab görüşündə yaxşı oynayacaqlarına ümid edir 16-07-2017, 16:20 Mamrot şansları bərabər sayır 16-07-2017, 15:20 “Kəpəz”ə məğlubiyyət Elxan Abdullayevi narahat etməyib Bütün xəbərlər
Ən çox oxunanlar