12 apr 13:28secilmisler, manset

“Butsu ilk dəfə ayağıma 19 yaşımda geymişəm”

“Butsu ilk dəfə ayağıma 19 yaşımda geymişəm”
Darionun imkanı olsaydı, “AZAL Arena”nın örtüyünü dəyişərdi

Vaxtilə ölkəmizdə top qovan legionerlər saya-hesaba gəlməzdi. Autsayder komandanın heyətində belə ən azı beş əcnəbi top qovurdu. Aralarında səviyyəsi yüksək olmayanlar o qədər idi ki... Zaman keçdikcə, yəni klublarda peşəkarlıq artdıqca, üstəgəl, futbolda pul azaldıqca baş məşqçilər daha sanballı legionerlərə bel bağlamağa başladı. Belələri əsasən “Qarabağ”la “Qəbələ”nin şərəfini qoruyur. “Kəpəz”in uğurları üçün tər tökən Dario Federikonu da adını doğruldanlar sırasına aid edə bilərik. İki ildi sarı-göy formanı geyən braziliyalı sərgilədiyi oyunla futbol ictimaiyyətinin rəğbətini qazanmağı bacarıb. Düzdü, uzunmüddətli zədələr bəzən oyununa təsir etsə də, Dario meydanda olanda “Kəpəz” inamlı görünür. İki il ərzində Federiko ilə görüşüb, marağıma səbəb olan suallara cavab tapa bilmirdim. Bu da futbolçunun ingilis dilini bilməməsinə görə idi. Nəhayət, belə bir fürsət əlimə düşdü. “Kəpəz” – “Neftçi” qarşılaşmasından sonra avtobusun yanında komanda yoldaşlarını gözləyən “10 nömrə”yə yaxınlaşıb söhbətləşə bildim. Təbii ki, ingilis və portuqal dillərini səlis bilən başqa bir “Kəpəz”li Serjinyonun sayəsində.
- Bu bacarıqla karyeranı Azərbaycanda davam etdirməyindən razısan?
- Əlbəttə, razıyam. Bilirəm, daha güclü klublarda oynaya bilərəm. Amma həyatda heç də hər şey birdən-birə olmur. İnsan pillə-pillə yüksəlməyi bacarmalıdı. Futbolçunun texniki bacarığı ilə iş həll olunmur. Bununla yanaşı, təcrübə də vacibdi. Belə deyim, bu vaxt ərzində “Kəpəz”də böyük təcrübə toplaya bildim.
- Sentyabda 26 yaşın tamam olacaq. Düşünmürsən ki, pillə-pillə yüksəlmək üçün bu yaş gecdi? Messi 16 yaşında “Barselona”da, Kriştiano Ronaldo 18 yaşında “Mançester Yunayted”də oynayırdı.
- Onlar müasir futbolun Allahı sayılır. Hər bir məsələdə onlar nümunə göstərilir, başa düşürəm. Ancaq hər bir futbolçunu Messi və Ronaldo ilə müqayisə edə bilmərik. Ona qalsa, mən də başqa bənzətmə edə bilərəm. Liedsonu xatırlayırsız, uzun illər “Sportinq”in şərəfini qoruyub, O böyük futbola 23 yaşında gəlib və ilk peşəkar müqaviləsini “Prudentopolis”lə imzalayıb. Səhv etmirəmsə, 26 yaşında “Sportinq”ə keçdi, 36 yaşında “Portu” ilə anlaşdı. 32 yaşında ilk dəfə Portuqaliya millisinə cəlb olundu. Bəlkə də çoxları bu rəqəmlərə fikir verməyib, amma dediyim kimidi. Yəni 25-26 yaş futbolçu üçün normal dönəmdi. Bundan sonra hələ 10 il də oynaya bilərəm. Ulduz futbolçuların böyük əksəriyyəti 25 yaşdan sonra parlamağa başlayıb. Zidan 30 yaşında “Real”a transfer olunmuşdu. Nümunələr çoxdu.
- Sualı əbəs yerə verməmişdim. Sənin çıxışını izləyənlərin çoxu Azərbaycanda, “Kəpəz”də oynamağına təəccüblənir. Düşünmürsən ki, bu bacarıqla öndə gedən çempionatlarda top qovmalısan?
- Futbolçu həyatı elədi ki, bəzən hər şey bizdən asılı olmur. Futbolçunun inkişafında baş məşqçinin, komanda yoldaşlarının, menecerlərin də rolu var. Məsələn, “Trofense”də möhtəşəm mövsüm keçirirdim. Əsas oyunçulardan sayılırdım. 7 oyundan sonra Çinin bir klubu mənimlə maraqlanırdı və israrla transfer etməyə çalışırdı. “Trofense” rəhbərliyi onlara elə qiymət “oxudu” ki, eşidəndə özüm şoka düşdüm. Halbuki ortaq məxrəcə gəlmək olardı. Çünki daha bir il kluba məxsus idim. Sonradan “Trofense”də ciddi maliyyə problemləri ortaya çıxdı və futbolçulara azad agent statusu verildi. Həmin dönəmdə “Kəpəz”in təklifi cəlbedici oldu. Portuqaliyada aşağı dəstə təmsilçiləri futbolçulara görə aldıqları təkliflərin qarşılığında olduqca böyük məbləğdə təzminat tələb edir. Ona görə də bir çox bacarıqlı futbolçular üzə çıxa bilmir, çoxları həvəsdən düşür, gözdən itir.
- “Kəpəz”in yanvarda Bakıda baş tutan təlim-məşq toplanışının əsas hissəsinə qatılmamağı atanın səhhətində ciddi problemlərin olması ilə əlaqələndirmişdin. Mənə maraqlıdı, braziliyalı futbolçuların çoxu niyə intizamsız olur? Sizə hər yerdə ehtiyac duyulduğundan irəli gələn arxayınlıqdı, yoxsa qanda var?
- (gülür) Başqalarının adından danışa bilmərəm, amma qışda atamın vəziyyəti həqiqətən yaxşı deyildi. İndi də tam düzəlməyib. Bakıya gəlsəydim belə, ürəyim Braziliyada qalacaqdı, komandaya kömək edə bilməyəcəkdim. Ona görə bir az yubandım. Tanıyanlar bilir ki, mən əyləncə klubları, içki və qadın həvəskarı deyiləm. İntizamlı həyat sürməyə çalışıram. Avara olsaydım, gecikməyimi intizamsızlıq kimi dəyərləndirə bilərdiz.
- Bu istedad səndə hardandı? Allahın bəxş etdiyidi, ya nəsildən keçib?
- Nəslimizdə peşəkar futbolçu olmayıb. Həvəskar səviyyədə oynayıblar, sonradan dalınca düşməyiblər. Fikrimcə, Allahın hədiyyəsidi (gülür).
- Yəni uşaq vaxtlarından bu qədər cəld, texnikalı, sürətli olmusan?
- 7-8 yaşımdan məhəllədə uşaqlarla yığışıb futbol oynayırdıq. Onda futbolun nə olduğunu dərindən anlamırdıq da. Sadəcə, özümüzü böyük futbolçu sayırdıq. Əvvəl-əvvəl futzal oynayırdım, texnikalıydım deyə, daha çox xoşuma gəlirdi. Sizə bir sirr açım. Butsu ilk dəfə ayağıma 19 yaşımda geymişəm. O vaxta qədər futzalda istifadə olunan idman ayaqqabısına öyrəşmişdim. Butsu geyəndə gülmək tuturdu, qaça bilmirdim. Sonradan alışdım. Böyük futbola isə 20 yaşımda gəldim.
- Arada ağlından yenidən futzala qayıtmaq keçmir?
- Yox-yox. Futzalın dadını tam çıxardım. Həm də böyük sahədə oynamaq daha asandı, rahatdı. Adam istədiyi hərəkətləri edir, boş zona çox olur.
- Səndə əsəb deyilən şey var?
- Hərdən olur. Niyə soruşursuz?
- Rəqib futbolçular sənə qarşı kobudluq etsələr də, sakitcə ayağa qalxıb oyuna davam edirsən. Sanki heç nə olmayıbmış kimi...
- Onlar mənə qarşı kobudluq edirsə, deməli, güclüyəm. Deməli, qaydalar çərçivəsində saxlaya bilmirlər (gülür). Bunu düşünərək əsəbləşmirəm. Əksinə, rəqiblərin bu hərəkəti mənə daha yaxşı oynamaq üçün əlavə stimul verir. Daha artığını etməyə çalışıram. Bir də ki, durub cavab qaytarsam, artıq hərəkət etsəm, cəzasını özüm çəkəcəm. Həmin futbolçu isə futbolunu oynamaqda davam edəcək.
- “AZAL Arena” adı sənə nə deyir?
- (uca səslə gülür) İki dəfə ağır zədə aldığım stadiondu. Bu adı yadıma salmaq istəmirəm. Çünki heç də xoş xatirələr yada düşmür.
- İmkanın olsa, həmin stadionu yerlə yeksan edərdin, yoxsa pul xərcləyib örtüyü dəyişərdin?
- Futbola bağlı olan nəyisə dağıtmağın tərəfdarı deyiləm. Orda neçə-neçə futbolçu yetişib, bundan sonra da yetişəcək. İmkanım yaxşı olsaydı, örtük alıb dəyişdirtdirərdim. Həm də süni yox, təbii örtük.
- Karyeranda nə vaxtsa Gəncədəki meydan kimi yararsız örtükdə oynamışdın?
- (bir qədər fikirləşir) Futbola təzə başlayan vaxtlarımda Braziliyada buna bənzər meydan vardı, ev oyunlarımızı orda keçirirdik. Təxminən oxşar idilər. Ona görə də Gəncədəki stadionun ot örtüyünü görəndə təəccüblənmədim.
- Mayda “Kəpəz”lə müqavilə müddəti başa çatacaq. Gələcək planların nədən ibarətdi?
- Bu dəqiqə qarşıdakı üç oyunu fikirləşirəm. Müqaviləyə o qədər də vaxt ayırmıram. Mövsüm başa çatandan sonra götür-qoy edəcəm. Agentimlə danışacam, təklifləri gözdən keçirəcəm. Ondan sonrasına baxarıq.
- İki il ərzində sənə Azərbaycandan təkliflər olub?
- Sözdə hansısa söz-söhbətlər qulağıma çatıb. Amma rəsmi təklif olmayıb.
- Azərbaycan premyer-liqasını Portuqaliyanın elitası, yoxsa birinci liqası ilə müqayisə etmək daha düzgün olar?
- Elitadan danışmaq düzgün olmaz. Orda “Sportinq”, “Portu”, “Benfika”, “Braqa” kimi Avropaya səs salan komandalar mübarizə aparır. Belə komandaların yarışdığı çempionatla Azərbaycan premyer-liqası müqayisəyə gələ bilməz. Ola bilsin, “Qəbələ” ilə “Qarabağ” müəyyən mənada onlara yaxındı, ya da bir-birinə qarşı oynasalar, aşkar səviyyə fərqi üzə çıxmaz. Ancaq çempionatların ümumi səviyyəsini müqayisə edə bilmərik. Hardasa Portuqaliyanın birinci divizionu səviyyəsindədi, orda ikinci liqa deyirlər.
- Bizim futbolla Portuqaliya futbolu arasında hansı fərqlər var?
- Portuqaliyada daha sadə, sürətli və hücum futboluna üstünlük verirlər. Azərbaycanda gördüyüm müsbət keyfiyyət isə burdakı futbolçuların sona qədər mübarizə aparmasıdı. Meydanın hər qarışında döyüşürlər. Şəxsən mənim xoşuma gəlir.
- Azərbaycanlı futbolçular arasında kimi bəyənirsən?
- “Qarabağ”da orta sahədə oynayan bəstəboy var, onu.
- Qara Qarayev?
- Bəli.
- Hansı komandanın müdafiə xətti sənin üçün keçilməzdi, çətin təsir bağışlayır?
- “Qarabağ” deyərdim. Müdafiədə yer alanların hamısı milli üzvləri, təcrübəlilərdi. Həm də bir-birini yaxşı başa düşürlər, yaxşı təşkilatlanmış kollektivdi. Başqa komandalarda iki-üç rəqibdən sıyrıla bilirəm. Amma “Qarabağ”da bir futbolçunu aldadanda ikincini keçmək çətin olur. Sanki nə edəcəyimi bilirlər, boş zona vermirlər. Bu da Avropa təcrübəsindən irəli gəlir, güclü futbolçulara qarşı oyun təcrübələri var.
- Braziliya yığmasında oynamaq hər bir braziliyalının arzusudu. Nə vaxtsa sən də xəyal etmisən və ya edirsən?
- Xəyal etməklə bağlı sual verirsizsə, bəli, xəyal etmişəm, edirəm. Amma bunun çətin olduğunu da dərk edirəm. Bu arzuya çatmaq üçün aparıcı klublarda, Avropa arenalarında çıxış etməlisən.
- Ailəlisən?
- Hələ ki yox.
- Valideynlərin üçün darıxmırsan?
- Darıxmağına çox darıxıram. Görün bir-birimizdən nə qədər uzaqdayıq... İldə 3-4 dəfə üzümüzü görürük. Yaxşı ki, internet var, arada danışır, dərdləşirik. Daha çox atamın səhhətinə görə narahatam.
- Azərbaycan mətbəxini bəyənirsən?
- Çox xoşuma gəlir. Xüsusən də plov. Ümumiyyətlə, düyü ilə bişən yeməkləri sevirəm. Kabablar da çox dadlıdı. Yağlıdı deyə, hər imkanda yeyə bilmirəm. Ən çox yediyim dönərdi.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 18:26 Bilet satışından 3 milyon manat əldə olunub Dünən, 18:23 Səmədağa Şıxlarov işdən çıxarılmasının səbəbini bilmir Dünən, 18:19 Prosineçki yığma üzvlərinin U-23-ü canlı izləməsinə qadağa qoyubmuş... Dünən, 18:08 Plan suya düşdü: yığma Avstriyada yoldaşlıq oyunu keçirməyəcək Dünən, 15:41 Hakim Maşallah Əhmədova xəbərdarlıq etdi Dünən, 15:38 “Elvin Səfərli futbol adamı deyil” Dünən, 15:37 Naxçıvana yalnız MOİK öz hesabına yollanır Dünən, 15:36 Premyer-liqa avqustun 12-13-də, birinci divizion sentyabrda başlayacaq Dünən, 15:34 “Qəbələ” İtaliyadan qələbəsiz qayıdır Dünən, 15:31 Divizionda çalışanlar Tərlan Əhmədovla razılaşmadı Dünən, 15:29 Tərlan Əhmədov “Şüvəlan”a lazım olmadı Dünən, 15:27 Nikayla Rəşad da “Qəbələ”dən ayrıldı Dünən, 15:18 İslamiadada yer tutan idmançılara müraciәt! Dünən, 15:17 Averin 15 aylıq cəzalandı Dünən, 15:13 Polina Rəhimova “Fənərbaxça”da! Dünən, 15:09 Türkiyə ilə bacarmadıq Dünən, 15:07 Millimiz Bolqarıstana uduzdu Dünən, 15:06 Medalsız qaldılar Dünən, 15:05 Minskə beş qrossmeyster gedəcək Dünən, 15:04 AÇ üçün hazırlıq başlayır Dünən, 15:00 Antalyadan altı medalla Dünən, 14:59 Füzuli və Xaqani Məmmədov qardaşları “İnter”dən göndərildi Dünən, 14:26 Klublarımızın avrokuboklarda mərhələ və “səbət” müəmması Dünən, 14:25 Elvin Məmmədov “Zirə”ni tərk etdi Dünən, 14:07 Veteranlar Əli Rəhmanovu yad edəcək Dünən, 14:04 “Qarabağ” İtaliyadan hücumçu gətirir? Dünən, 14:03 “Rəmzi yığma”ya düşənlərin sayında azalma var Dünən, 14:00 Rusiya yığmasının qapıçısı Şeydayevi xatırladı Dünən, 13:58 “Baku Fayr”dan çətin qələbə Dünən, 13:57 “Sumqayıt” – “Qəbələ” əməkdaşlığı davam edir 24-05-2017, 17:43 “Bakı müsəlman aləminin Las Veqasıdı” 24-05-2017, 17:39 Almeydanın “milliləşdirilməsi” ilə bağlı yenilik yoxdu 24-05-2017, 17:36 “Qəbələ” “qızıl” sayında hamını qabaqladı 24-05-2017, 17:31 Futbolçular İslamiadadakı çıxışını şərh etdi 24-05-2017, 17:27 13 yaşlı qızlar mükafatlandırıldı 24-05-2017, 17:13 Məşqçi kursunun ikinci modulu başlayıb 24-05-2017, 17:11 "Transfer pəncərəsi"nin vaxtı açıqlandı 24-05-2017, 17:09 İlqar Qurbanova “Qarabağ”a lazım olmadığını İndoneziyada istirahət edərkən deyiblər 24-05-2017, 17:07 Hakimlərin premyer-liqadakı işi: kim necə yadda qaldı? 24-05-2017, 17:04 Yığmamız üçün ağır sınaq başlayır 24-05-2017, 17:03 Şəhriyar Məmmədyarov İddiaçılar Turnirinə çox yaxındı 24-05-2017, 17:01 Serbiyada “beş” aldıq 24-05-2017, 17:00 Polşadan dörd medalla 24-05-2017, 16:58 Acı həqiqət... 24-05-2017, 16:57 İslamiadanı 162 medalla başa vurduq 24-05-2017, 16:54 Səmədağa Şıxlarovu da qovdular 24-05-2017, 16:48 Əlvida, Bakı-2017... 23-05-2017, 13:40 İradə Aşumova Olimpiya Komitəsindən 275 min manat alıb 23-05-2017, 13:38 Ramil Diniyev “şərəfsiz” sözünə görə Hüseyn Cəbrayıloğlunun cavabını verdi 23-05-2017, 13:36 “Heydər Əliyev kuboku”nun iştirakçıları müəyyənləşdi 23-05-2017, 13:34 “Qarabağ” Qurbanovla vidalaşdı, Aqollini saxladı 23-05-2017, 13:24 “CBC Sport” yayın hüququna görə klubların pulunu niyə ödəmir? 23-05-2017, 13:22 Sponsor olmadan telekanallarda futbol verilişlərinin yayını mümkünsüzdü 23-05-2017, 13:21 “Qarabağ” Avstriyada çempion oldu 23-05-2017, 13:16 Toğrul Erat çempionluq sevinci yaşadı 23-05-2017, 13:15 Nurlan “Zirə”də əsəbləşirmiş 21-05-2017, 13:56 Natalya Məmmədova yenidən yığmaya qayıdır Bütün xəbərlər
Ən çox oxunanlar