07 apr 23:20secilmisler, manset

Tahir Süleymanov “Neftçi”nin bəyanatını Hitlerin çıxışlarına bənzətdi

Tahir Süleymanov “Neftçi”nin bəyanatını Hitlerin çıxışlarına bənzətdi
“Futbolu bilməyənlər yığışıb kluba, prorab təfəkkürü ilə sağı-solu rəngləməklə məşğuldular”

Kubokun yarımfinalında “Qarabağ” səddini keçə bilməyən “Neftçi”nin mövsümü mükafatsız başa vuracağı rəsmiləşdi. Əlbəttə, 80 yaşını qeyd edən klubun bu durumda olması acınacaqlıdı. Tofiq Bəhramov adına Respublika stadionunda baş tutan cavab görüşündən sonra “ağ-qaralar”ın baş məşqçisi Elxan Abdullayevin mətbuat konfransında səsləndirdiyi fikirlər birmənalı qarşılanmadı. Belə ki, Abdullayev “Neftçi”nin sabiq vitse-prezidenti Tahir Süleymanovun da “bostanına daş atdı”. Ötən sayımızda bu haqda məlumat vermişdik. Dünən Tahir bəylə əlaqə saxlayıb həmin fikirlərə münasibət öyrəndik. Eyni zamanda, bizi maraqlandıran başqa suallara da aydınlıq gətirdik.
- “Qarabağ”la oyundan sonra Elxan Abdullayev sizin adınızı çəkib. Bildirib ki, Tahir Süleymanov “Neftçi”nin 15 futbolçu transfer etdiyini yazıb. Ancaq o qədər futbolçunu eyni vaxtda almamışıq, sadəcə, gedənləri əvəzləmişik.
- "Neftçi" 80 illiyini qeyd edən tarixi klubdu. Klubda kimlərin çalışmasından asılı olmayaraq, daim zirvələrdə olmalı və bunun məsuliyyətini dərk etməlidilər. "Neftçi" yarımcan deyil və hissələrə bölünməməlidi. Qışa qədər və qışdan sonra... Bu mövsüm "Neftçi" 15-16 əcnəbi futbolçu transfer edib. Santini, Şıkov, Filyo, Melnyak, Kastilyo, Denilson, Tira, Pesalli, Baykoviç, Petrov, Navalovski, Folprext, Dreksa, Seqoviya, Barqas. Hələ yerli "legionerlər" - Vaylo, Krivotçukları demirəm. Fərq etməz, bunu Elxan Abdullayev, Orxan Hüseynzadə edib və ya Vəli Qasımovla Elnur Məmmədov. Klubun başında Çingiz Abdullayevin rəhbərliyi ilə Müşahidə Şurası durur. Bu transferlərin hamısı onların dönəmində olub və cari mövsümə təsadüf edir. Bu söhbətlər 1996/97 mövsümündəki “Neftçi”ni xatırlatdı. O vaxt iki “Neftçi” düzəltmişdilər. Mayda bir “Neftçi”, qışda başqa “Neftçi” olmur. Kimlərin klubda çalışmasından asılı olmayaraq, “Neftçi” birdi. "Neftçi" xalqın komandasıdı, kiminsə şəxsi cibindən maliyyələşmir. Biz nə dediyimizi çox gözəl bilirik. Söhbət "Neftçi"dən gedir. "Neftçi" idarəolunmaz vəziyyətə salınıb. Yerli mütəxəssislərə hər zaman dəstək olmuşuq. Hər kəs dərk etməlidi, peşəkar klubun yükünü tam olaraq baş məşqçi boynuna götürə bilməz. "Neftçi"nin nə strategiyası bəllidi, nə də məramı. İki il öncə dedilər ki, gəncləşdirmə siyasəti yürüdürük. Nəticədə "Neftçi"nin illərlə əziyyət çəkdiyi, yetişdirdiyi futbolçuların 90 faizini didərgin saldılar. Bunun əvəzinə son iki mövsümdə biabırçı nəticələrlə 25-ə yaxın əcnəbi çıxış edib klubda. Hər sualın cavabı qazanılan nəticələrdi. Müqayisə aparım, çempionluqlar, kuboklar qazandığımız illərdə "Neftçi"yə cəlb etdiyimiz legionerlərin sayı heç 25 deyil. Orta hesabla mövsümə 5 legioner düşür. Biz kəmiyyətə yox, keyfiyyətə üstünlük verirdik. Eyni zamanda, istedadlı gənc futbolçularımızı çəkinmədən heyətə qatırdıq. Klubda futbola uyğun doğru sistem çalışmalıdı. "Neftçi" sığorta şirkəti, həvəskar zavod komandası deyil. İndiki "Neftçi"ni müasir JEK idarəçiliyi ilə müqayisə edərdim. Futbolu bilməyənlər yığışıb kluba, prorab təfəkkürü ilə sağı-solu rəngləməklə məşğuldular. Adını da qoyublar marketinq fəaliyyəti. Yaşıl meydanda isə "Neftçi" "nəvə"lərinə 14 məğlubiyyətlə "rekord"lar vurur. Mənasız danışmaqla qələbələr qazanılmır, qələbələr meydanda təmin olunur, əyləncə mərkəzlərində, mətbuat konfranslarında yox.
- Abdullayev Flavinyonun 800 min dollar məvacib aldığını qabardıb. Yəni heyətdə indi elə bahalı oyunçu yoxdu...
- Baş məşqçi klubun rəhbəri, maliyyə depatamentinin rəsmisi deyil. Nəinki Flavinyo, "Neftçi"də çalışdığımız dönəmdə bir mövsümə heç kimin 800 min manat (o vaxtkı kursla) və ya dollarla şəxsi müqaviləsi olmayıb. İndiki "Neftçi"yə nəzarət edən və klubda çalışan maliyyəçilər bizim dönəmdə də olublar. Xahiş edərdim, onlar buna aydınlıq gətirsinlər və klubun daxilində hərənin öz işi ilə məşğul olmasını tövsiyyə etsinlər. Hətta Flavinyonun illik müqaviləsi bu qədər olsaydı belə, o bunu haqq edirdi. Bu cür səviyyəli futbolçularla tarixi nəticələrlə yanaşı, onlara ödənilənləri milyonlarla ölçülən vəsaitlə "Neftçi"yə qazandırmışıq. Futbolda hər şey pulla ölçülmür. Ortada səmimiyyət, peşəkar iş olmalıdı. Yoxsa Gede dönəmində Elxan Abdullayevin dediyi məbləğlərə yaxın çox legionerlər olub. Məsləhət bilsələr, klubdan onları da rəsmən açıqlaya bilərlər. 5-6 il öncə çempionatda "Xəzər Lənləran", "Bakı", "İntet" və indiki "Qarabağ", "Qəbələ" çempionluq uğrunda mübarizə aparırdı. Çempionluqlar qazanan "Neftçi"nin büdcəsi 4-cü idi... İndi isə büdcəsi yetərincə olan "Neftçi" qeyd etdiyiniz kasıb klublarla rəqabət apara bilmir. "Neftçi"nin necə vəsaiti olmaya bilər ki, baş məşqçinin dediyi kimi bir Vançe Şıkovun müqaviləsinə üç futbolçu alırlar? Oxucular üçün də maraqlı olar, Mitreski ilə Şıkovun illik müqaviləsi eyni idi. Səviyyə fərqindən isə danışmağa dəyməz. Şıkovun əvəzinə üç futbolçu almaq lazım deyildi. Həmin məbləğə səviyyəli futbolçu gətirilməli idi. 19 yaşında APOEL-ə qarşı oynayan yetirməmiz Elvin Yunuszadə bu gün "Qarabağ"ın heyətində "Neftçi"nin Petrovlarına dərs keçib finala çıxır. Budu "Neftçi"ni idarə edənlərin futbol təfəkkürü.
- Belə deyək, uğur büdcə ilə ölçülmür?
- Yuxarıda qeyd etdim. İşə peşəkar yanaşma olmalı və hərə öz bacardığı sahədə çalışmalıdı. "Cüzeppe Meatsa"da 2 top vurduğumuz Milan "İnter"inin bir futbolçusunun qiyməti "Neftçi"nin 5-10 illik büdcəsi idi. Çox təəssüflənirəm ki, "Neftçi"ni indi “AZAL-dan öndəyik” fikirləri ilə idarə edirlər.
- Bəhs etdiyimiz mətbuat konfransında Elxan bəy azarkeşlərin ünvanına da sərt sözlər işlədib. Necə düşünürsüz, baş məşqçinin azarkeş haqda bu cür sözlər deməsi doğrudu?
- Futbol azarkeşlər üçün oynanılır. Azarkeşsiz futbol futbol deyil. Futbol, idman mədəniyyətin bir parçasıdı. İncəsənət dili ilə deyək, teatr salonunda bir tamaşaçı varsa belə, usta sənətkar anşlaq olmuş kimi səhnədə məharətini göstərməlidi. "Neftçi" kimi klubun vəzifəsi daim nəticələr qazanmaqdı. Tarixi klubun başqa yolu da yoxdu. Azarkeşin istəyi budu. Həmin azarkeşlər "Neftçi" tarixinin ən biabırçı - 0:8 hesablı məğlubiyyətində də klubu tək qoymadılar. Azarkeş Tahir Süleymanov, Qurban Qurbanov və başqaları üçün də zaman-zaman “istefa” qışqırıb. Bizlər heç vaxt günahı onlarda görməmişik. Dünən yaxşı idilər, bu gün pis? Özünə tənqidi yanaşmayan insanlar heç vaxt uğurlu ola bilməz. Bunu hər kəs dərk etməlidi.
- “Neftçi”nin yaydığı bəyanat haqda fikirləriniz necədi?
- "Neftçi"yə illərini vermiş çox hörmət etdiyimiz Müşahidə Şurasının üzvü Səməd Qurbanovun fikirlərini oxudum. Ürək yanğısı ilə deyilən sözlər "Neftçi"nin necə idarə olunduğunun əyani göstəricisidi. Klubu tək icraçı direktor və havadarları "idarə" edir. Klub bəyanat yayır, klubla bağlı ciddi qərarlar qəbul edir Müşahidə Şurasının xəbəri yoxdu. Bu bəyanat bilirsiz nəyə bənzəyir? 1945-ci ildə Hitlerin Berlində, yerin altında bunkerdə gizlənib xalqını qırğına verərək, məğlubiyyətlərini həzm etmək istəmədən əlacsız, isterik bəyanatlarına. Arzu edirəm ki, "Neftçi"nin və bu gün kluba rəhbərlik edənlərin aqibəti bunkerdəki kimi olmasın.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 21:17 Təcrübəlilərdən Yaşar Vahabzadənin yekun siyahısına kimlər düşəcək? Dünən, 21:16 Klublar bonus nəzərdə tutmayıb Dünən, 21:15 AFFA-nın UEFA-dan qonaqları var Dünən, 21:14 Abdulbari Gözəlin açıqlaması azarkeşləri məyus edib Dünən, 21:12 “Trabzonspor”un baş məşqçisi “Qəbələ”nin futbolçusunu bəyənib Dünən, 21:00 Fərhad Məmmədov cüdoçulara qadağa qoyub Dünən, 20:59 Şəhriyar dünya çempionunu da diz çökdürdü Dünən, 20:58 Çempion kim olacaq: “Qarabağ”, yoxsa “Qəbələ”? Dünən, 20:56 PFL əvəzediciləri “Bakcell Arena”da mükafatlandıracaq Dünən, 20:55 “Neftçi” “Qəbələ”nin müdafiəçisinə göz dikib Dünən, 20:54 Namiq Məstanov Azərbaycan futbolunun xilas yolunu göstərdi Dünən, 20:50 “Gümüş” “Səbail”in, “bürünc” “Ağsu”nun oldu Dünən, 20:47 Kubokda sensasiya: “Araz”la “Ekol” mübarizəni dayandırdı Dünən, 20:46 U-17 Podqoritsada xala və qola həsrətdi Dünən, 20:37 Xaqani Məmmədovun finalı Ömər Paşayevə tapşırmaq istəyi narazılıq doğurub Dünən, 20:36 “Qəbələ” fanklublarını Naxçıvana aparacaq Dünən, 20:35 “Sumqayıt”da köklü dəyişikliklər olacaq Dünən, 20:33 “CBC Sport” 25 dəqiqəlik icmalla kifayətlənib Dünən, 19:59 Babək Quliyev Qazaxıstanda hakimlik edir Dünən, 19:57 Adı siyahıda olmayan sabiq prezident medal alıb Dünən, 19:56 AFFA Zaur Axundovu “İnter”in Müşahidə Şurasının sədri təyin etdi Dünən, 19:54 AMADA-nın binası istifadəyə verildi Dünən, 19:53 İslamiada xəbərləri Dünən, 19:51 Uesli Sonun anası da ölkəmizə gəlib Dünən, 19:46 Şəmkirlilər evdə qələbə qazandı Dünən, 19:45 “Mauqli” sükuta Türkiyədə son qoyacaq Dünən, 19:44 Millimiz Sloveniyaya yollandı Dünən, 19:42 AÇ üçün heyətlər açıqlandı 27-04-2017, 17:52 İslamiada xəbərləri 27-04-2017, 17:51 Şəhriyar liderliyini davam etdirir 27-04-2017, 17:49 Yaşar Vahabzadə yekun qərarını 29-dan sonraya saxladı 27-04-2017, 17:48 Misir Əbilovun komandası Mingəçevirdə qoçuluq edib 27-04-2017, 17:47 Şimali İrlandiya ilə “Tofiq Bəhramov”da qarşılaşacağıq 27-04-2017, 17:38 PFL “İnter”ə “Qarabağ” və “Qəbələ”dən az medal verdi 27-04-2017, 17:35 Premyer-liqanın bombardiri kim olacaq? 27-04-2017, 15:59 İlk oyunda məğlubiyyət 27-04-2017, 15:58 Mövsümün ən az qol vurulan turu 27-04-2017, 15:49 İlk altı çempionatla bağlı əcaib mənzərə 27-04-2017, 15:47 “Qəbələ” Tiflisdə 6-cı oldu 27-04-2017, 15:45 FİFA referiləri İslamiadada! 27-04-2017, 15:39 “Gümüş”lə “bürünc”ün taleyi qərbdə həll olunur 27-04-2017, 15:38 İntizam Komitəsi “Neftçi”nin məğlubiyyətini rəsmiləşdirdi 27-04-2017, 15:36 TURUN MƏŞQÇİSİ 27-04-2017, 15:35 TURUN SİTATI 27-04-2017, 15:33 TURUN OYUNÇUSU 27-04-2017, 15:32 HAKİMLƏRİN MÜHAKİMƏSİ 27-04-2017, 15:31 Xaqani Məmmədovun köməkçisi qovuldu 27-04-2017, 15:29 Maşallah Əhmədovla bağlı DGK-ya sorğu göndərilib 27-04-2017, 15:28 “İnter”lilər mayın 10-na qədər gözləyəcək 27-04-2017, 15:27 “Neftçi”yə yeni rəis gəlir 27-04-2017, 15:25 “Neftçi” rəhbərliyi məşqçilər korpusunu cərimələdi 27-04-2017, 15:23 “Forza Neftçi” qərarını verdi 27-04-2017, 15:20 Teymur Rəcəbov Olimpiadadakı uğursuzluqdan danışdı 27-04-2017, 15:18 Şəhriyar Məmmədyarov Rusiya klubuna keçib 27-04-2017, 15:16 Yunanıstana geniş heyətlə 27-04-2017, 15:12 Pevtsov iki pillə irəlilədi 27-04-2017, 15:11 Ən güclü boksçular müəyyənləşdi Bütün xəbərlər
Ən çox oxunanlar