05 fev 22:16reportaj

Türk olan yerdə azərbaycanlının haqqını tapdamaq olar

Türk olan yerdə azərbaycanlının haqqını tapdamaq olar
7 günlük Antalya səfərimin pərdəarxası məqamları...
Bu Antalyaya dördüncü səfərim idi. İndiyə qədər iki dəfə “Neftçi”nin, bir dəfə də “Simurq”un təlim-məşq toplanışını yaxından izləmək imkanım olmuşdu. Odu ki, Türkiyənin, eləcə də Avropanın aparıcı kurort şəhərlərindən birinin necə məkan olmasından hələ illər öncədən xəbərdar idim. Sadəcə, budəfəki səfərin özəlliyi məskunlaşdığımız “Mirakl” otelində azərbaycanlıların çoxluq təşkil etməsiydi: “Səbail”, PFL əməkdaşları və 10-dan çox jurnalist. Açığı, bəzən elə ab-hava yaranırdı ki, özümü Antalyada yox, Qəbələdə, yaxud Qubadakı otellərin birində hiss edirdim. Doğma dil, tanış zarafatlar...
Fürsətdən istifadə edib, səfərin baş tutmasında əməyi keçən AFFA və PFL rəsmilərinə təşəkkür etmək istəyirəm. Jurnalistin Antalyadakı xərclərini qarşılamaq borcları olmasa da, reallıqla tanış olduqlarından bir az artıq xərcə düşdülər.
Qonşu ölkədə (qardaş deməyə dilim gəlmir, səbəbini bir az sonra biləcəksiz) olduğum bir həftə ərzində yığmanın Moldova ilə yoldaşlıq görüşündə gördüklərimi, həmçinin bəzi premyer-liqa təmsilçilərinin sınaq matçlarından reportajları diqqətinizə çatdırmışdım. Amma səfərin pərdəarxası məqamları da var. Onlardan bəhs edəcəm.
Xoşbəxt almanlar və...
Qardaş, insanlar həyat yaşayır. Məsələn, bizdə yalnız elit təbəqənin, yəni əli pulla oynayanların özlərinin və övladlarının ölkədən kənarda dincəlmək imkanı varsa, başqa ölkələrin nümayəndələri, məsələn, plastik şüşə istehsal olunan zavodun işçisi rahatlıqla yorğunluğunu Antalyada çıxara bilir. Həm də 5 ulduzlu lüks oteldə. Zavod sözünü boşuna işlətmədim. Elə oteldə tanış olduğum, 4 gün ünsiyyətdə olduğum əslən rus olan, 25 ildi Almaniyada yaşayan Tanya adlı qadın həmin zavodda işləyir. Ayda 1100 avro (təxminən 2200 manat) maaş alır. “Mirakl”da dincəlmək üçün isə yerini hələ 3-4 ay əvvəldən bron edib. Nəqliyyat, iki həftə qidalanma və məskunlaşma üçün 650 avro xərcə düşüb. Belə deyək, aylıq maaşının təxminən yarısını istirahətinə ayırıb. Təsəvvür edin, 1300 manata Ağdənizin sahilində, bərkgedən otellərin birində 15 gün əməlli-başlı yaşayırsan. Qa deyirsən, qa gəlir, qu deyirsən, qu. Azərbaycanın 5 ulduzlu mehmanxanasında istirahət etmək üçün 1300 manat heç bir həftəyə bəs etmir.
Tanya xanımın dediyinə görə, ilin yorğunluğunu Türkiyədə çıxarmaq üçün daha asan üsul var. Təqaüdə çıxan almanların çoxu bu vasitədən yararlanır. Deməli, ölkəsindəki evini 2-3 aylıq kirayə verir, ailəsini götürüb gəlir isti Antalyaya. Həmin şəhər ki, yanvarın 31-də Hamburqda havanın hərarəti +3 dərəcə olanda, Antalyada +21 idi. Elə buna görə də hər gün saat 11-14 aralığında hovuzun kənarında, dəniz geyimində özünü günə verənlərin sayı kifayət qədər idi.
...ac iranlılar
İranlılarla bağlı mövzuya toxunmağım nə dərəcədə maraqlıdı, bilmirəm. Onsuz da son iki ildə qonşu ölkədən olanların Azərbaycana axınına şahidlik etməkdəyik. Yəni nə etdikləri, nə üçün bura gəldikləri hər birimizə məlumdu. Kişiləri hərbi xidmət dövrünü başa vuran əsgəri, qadınları uzun illər yaşadığı əzazil kişidən boşanmış birini. Ən maraqlısı odu ki, qadınları Türkiyəyə tək gəlmir. Yanındakı ya həyat yoldaşıdı, ya da sevgilisi, ən pis halda, sadəcə, görüşdüyü oğlan. Deməli, İranda başını bağlama məcbur olan, açıq-saçıq geyimdən uzaq düşən, siqaret və içkini ən yaxşı halda otağın bir küncündə çəkib-içən həmin qadınlar Antalyadakı otellərdə tam fərqli atmosferə düşürlər. Üzlərindəki makiyaja baxan kimi bilinir ki, bu qadın iranlıdı. Geyimləri yayda Avropanın göbəyində geyinənlərdən də betər. İçki və siqaretlərinə söz ola bilməz. Gecə 12-dən sonra otelin disko-klubunda əllərindən tərpənmək olmurdu. Hər gecə təxminən 10-15 nəfərdən ibarət eyni dəstə rəqs meydanından çıxmaq bilmirdi. Gör nə günə qalmışdıq ki, iranlıların “Mirakl”ı tərk edəcəyi günün saatlarını sayırdıq. Şirxan adlı cənubi azərbaycanlı həmsöhbətimin yaranmış durumla bağlı dedikləri sizin üçün də maraqlı olar: “Əslində bu vəziyyətlə rastlaşmaq mənim özümə də xoş gəlmir. Qadınlarımızı, lap elə kişilərimizi də qınayıram. Amma düşünəndə ki, iki gündən sonra yenə İrana qayıdacağıq... Hər bir insan əylənməyi, oynamağı, yeyib-içməyi sevir. O cümlədən də biz. Amma İranda elə qanunlar var ki... Özün hər şeyi bilirsən. Bizim qadınlar hansısa başqa ölkədə tək olsalar, bu cür rahatlıqla geyinə, içib-çəkə, hərəkət edə bilməzlər. Həm Türkiyədə olduqlarına görə rahatdılar, həm də fikir verirsənsə, hər birinin yanında kişi var”.
Birlik nümunəsi
İranlılar, türklər demişkən, otel rəhbərliyi qonaqların vaxtının xoş keçməsi üçün hər axşam 1-1,5 saatlıq əyləncəli proqramlar təşkil edir. Yarışmalardan birinin adı “Mister Mirakl”dı. Əslində bu haqda mənə hələ dəniz qırağında təmiz hava qəbul edəndə Fərhad adlı “animatör” məlumat vermişdi. Müxtəlif dillərdə bildiyimi, həm də zarafatla aramın yaxşı olduğunu görən otelin işçisi axşamkı yarışda iştirak etməyimin vacibliyini vurğulayanda, razı olmamışdım. Yaşımın o qədər adamın qarşısında əyləncəli hərəkətlər etməyə imkan vermədiyini düşünürdüm. Lakin səhnəyə çıxanların yaşca məndən də böyük olduğunu görəndən sonra...
Dəvəti qəbul edib səhnədəki dörd kişidən biri olmağa razılaşdım. Biri türk, biri iranlı, digəri kosovolu gənc futbolçu və mən. Deməli, yarış dörd hissədən ibarətdi və hər hissədə qalib gələnlərin xalları sonda hesablanır. İlk turda bodibildinq həvəskarlarına xas hərəkətlər göstərməliydik: qol və sinə əzələlərini, yaxud hansısa fiziki hərəkətlər. İkinci mahnı yarışmasıydı. Üçüncü mərhələdə 0,5 litr pivəni içib qurtarmalı, ardınca şarı şişirdib partlatmalısan. Kim tez bacarsa, qalib adını qazanır. Sonuncu mərhələdə aparıcı sənə müxtəlif hərəkətləri rəqəmlərə uyğun əzbərlətdirir, sonra qarışıq rəqəmlərlə həmin hərəkətləri yerinə yetirməyini tələb edir.
Birinci mərhələdə hamımız təxminən eyni xal topladıq. İkinci mərhələdə “Sarı gəlin”i ifa etdim ki - təvazökarlıqdan uzaq olsa da, deyəcəm – zalı fit və alqış sədaları bürüdü. Üçüncü mərhələdə iranlını udub finala yüksəldim, həlledici anda nəfəs sistemi mənimkinə nisbətən daha işlək olan kosovolu futbolçuya uduzdum. Lakin idmançı yarışı tez tərk etməli oldu. Komandadaxili iclasları vardı. Onun yoxluğunda qalib adını təbii ki, finalçı kimi mən qazanırdım. Dördüncü mərhələdə isə hərəkətləri daha yaxşı əzbərlədiyimdən, yenə qalib oldum.
Sıra qaliblərin adının səsləndirilməsinə çatanda, açığı, sonda hədiyyə kimi fransız çaxırının mənə çatacağına nə özüm, nə də zaldakı qonaqlar şübhə edirdi. Lakin ədalətsizlik edib Fikrətə verdilər. İnsaf naminə, Fikrət özü də şokdaydı. “Abi, senin hakkındı, bana niyə verdilər” sualına cavabım göz vurmaq oldu. Yəni türksən, biz də Türkiyədəyik, kef elə. Dostlarla oturub 2-3 şüşə pivə “vurandan” sonra qarşıma məni yarışa dəvət edən Fərhad çıxdı.
- Sən canın, qalib o idi, yoxsa mən?
- Abi, sen gönüllerin şampiyonusun. Alkışlar da sana göreydi.
- Qardaş, könüllərin çempionu deyib, yola verirsən. Çempion idimsə, məni qalib seçərdiz də.
- Bak, abi. O kardeş Almaniyada yaşayan gurbetçi türk. Zaten bizden uzak düşmüş. Bir de biz üzmeyelim onu.
- Mən də yad ölkədən gəlmişəm də, Türkiyə türkü deyiləm ki...
Deməyə söz tapmır, boynumdan tutub özünə sıxır və alnımdan öpür. Bu yolla üzr istəmiş olur. Əslində davam çaxır, yaxud birinci yer davası deyildi. Sadəcə, haqqımın hansı əsasla tapdanmasını bilmək istəyirdim. Və bildim də. Türklər olan yerdə bizlərə yer yoxdu. Hər cür ədalət prinsiplərinə tüpürməyə hazırdılar. Təki türk olan yerdə azərbaycanlı qələbə qazanmasın. Birlik naminə hər şeyə gedərlər.
Xaqani Məmmədovu saxlamaq olar?
Hakimlər Komitəsinin sədri Xaqani Məmmədovu illərdi tanısam da, dəfələrlə müsahibə və müzakirə üçün üzbəüz gəlsək də, yol yoldaşlığım yox idi. Adam əməlli-başlı sədr imiş. Təkcə oteldəki davranışlarını demirəm. Bakıya qayıdanda diqqətimi çəkən iki məqam oldu. Birincisi, İstanbuldakı Atatürk hava limanında. Sərnişinlərin pasportunu yoxlayıb təyyarəyə buraxan nəzarətçi növbə prinsiplərinə əməl etməyi tapşırsa da, bəziləri qanuna əməl etmirdi. Bunu görən Məmmədov üzünü bəndənizə tutub, “ipi aç, sən də keç, bunlarda növbə anlayışı yoxdu” deyəndə, açığı, söz götürmək istəmədiyim üçün razılaşmadım. Bir də baxdım ki, Xaqani bəy nəzarətçiyə pasportunu uzadır. Yoxladı və buraxdı. Bunu görən anda növbədə dayanmağın boşuna olduğunu anladım və eyni yola əl atdım. Arxamca da başqaları gəldi.
İkinci epizod isə təyyarə yerdən 10 km yüksəkdə olarkən yaşandı. Xaqani Məmmədov ayaqyoluna getmək üçün sərnişinlərə yemək paylayan stüardessadan yol verməsini xahiş edir, xanım isə bir qədər gözləməyi məsləhət görürdü. Sədr ekonom-klassın ayaqyoluna getməyin mümkünsüz olduğunu görüncə, biznes-klassa keçmək üçün icazə istədi. Türk stüardessa bu dəfə də “yox” deyincə, Məmmədov ağına-bozuna baxmadan biznes-klassın pərdələrini aralayıb lazım olan yerə getdi.
“Qarabağ”ın avtobusu diqqət mərkəzində
Çempionlar Liqasının qrup mərhələsinə vəsiqə qazanmaqla işğal altında olan ərazinin adını dünyaya tanıdan “Qarabağ” Antalyada da diqqət mərkəzində idi. Söhbət kluba məxsus avtobusun hər gün kurort şəhərində şütüməsindən gedir. Üzərində “Qarabağ” və “Azərçay” yazılan avtobus hər il Antalyaya yollanır. Komanda üzvlərindən bir gün tez çıxır və bir gün gec qayıdır. Bunu etməkdə məqsəd həm bəzi əşyaları otelə təhlükəsiz çatdırmaq, həm də “Qarabağ”ı Antalyada başqa komandalara nümunəvi klub kimi tanıtdırmaqdı. Öz aramızdı, futbolçular məşqə Azərbaycan dövlət nişanlı klub avtobusu ilə gələndə, istər-istəməz kənardan baxanların təəccübünə səbəb olur.
Antalyadan Bakıya 12 saata
Gedəndə yaxşı getmişdik. Deyilən vaxtda Bakıdan havaya qalxıb, İstanbula çatdıq. Orda da çox gözləmədik. Qeydiyyat və yoxlamadan sonra bizi Antalyaya aparacaq “hava gəmisi”ndəki yerimizi tutduq. Səhər 6-nın yarısı evdən çıxmışdıqsa, 2-də oteldəydik. Qısası, 8,5 saata mənzilbaşına çatmışdıq. Qayıdanda belimiz sındı.
Şənbə günü səhər saat 10-da oteli tərk edib Antalyadakı hava limanına çatdıq. Təyyarənin havaya qalxması təxminən 15 dəqiqə gecikdi. “Atatürk”də pasport yoxlanışından keçmək isə düz 1 saat vaxt aldı. Böyüklüyünə görə Avropada üçüncü olan bu aeroportda adam əlindən tərpənmək olmur deyə, xeyli gözləməyə məcbursan. Bütün çətinlikləri dəf edib, təyyarəyə minik qapısına yaxınlaşmışdıq ki, nəzarətçinin “təxminən 20 dəqiqə gecikmə olacaq. Sizi Azərbaycana aparacaq təyyarə İtaliyadan gəlsə də, duman ucbatından yerə enə bilmir” sözlərini eşidəndə sanki qurbağa gölünə daş atdılar. Deyinən kim, alış-veriş etmək üçün əlavə vaxt qazandığına sevinən kim. Nə 20 dəqiqə, 30 dəqiqə, 40 dəqiqə? Təyyarə 55 dəqiqədən sonra gəldi. Yorğun halda yerimizi tutmuşduq ki, bu dəfə pilotun anonsu qanımızı qaraltdı: “hörmətli sərnişinlər, uçuş zolağında sıxlıq var, hazırda sırada onuncuyuq. 20 dəqiqə gözləmək məcburiyyətindəyik”. Bir o qədər də gözləyib, axşam 9-da Bakıya çatdıq. Evin qapısını döyəndə isə 10 tamam idi. Yəni Antalyadan Bakıya 12 saata gəldik.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 14:55 “Sumqayıt”dan ayrılan məşçinin cəzası və cəriməsi yarıbayarı azaldıldı Bu gün, 14:53 Mirheydər Səfiyev “nala-mıxa vurdu” Bu gün, 14:49 Hakimin burnunu sındıran baş məşqçi cəzalandı Bu gün, 14:46 Sənan Qurbanov “Neftçi”ylə oyuna dönüş nöqtəsi kimi baxır Bu gün, 14:24 Qurban Qurbanova yönələn iradlar haqlıdımı? Bu gün, 14:17 “Qarabağ”ın yığma ilə bağlı paylaşımı birmənalı qarşılanmayıb Bu gün, 14:14 Mahir sosial şəbəkələrdən istifadə etmir Bu gün, 14:12 Rüfət Dadaşov Prosineçkinin addımını axmaqlıq sayır Bu gün, 14:02 Futbolçu “Kəpəz”in baş məşqçisini döyüb? Bu gün, 14:00 “Böyüklər” yekun vuracaq, “birincilər” başlayacaq Bu gün, 13:58 “Neftçi” 1 qolla zirvəyə yüksəldi Bu gün, 13:56 Emin Mahmudov "Qəbələ"ni təhlükəli rəqib sayır Bu gün, 13:55 AFFA 4 xalı 40 min manatla mükafatlandırıb? Bu gün, 13:53 U-21 tsikli səfər xalı ilə bitirdi Bu gün, 13:51 “Qarabağ”ın oyununa cəmi 7000 bilet satılıb Bu gün, 13:50 Bolqar hakim yaxşı qiymət alıb Dünən, 20:04 AFFA hakimə kəllə atan “Laçın”ın məşqçisini cəzalandıracaq Dünən, 20:03 Mirheydər Səfiyevin istədiyi məbləğ AFFA-nı heyrətləndirib Dünən, 20:01 Çempion və mükafatçı qələbəylə başladı Dünən, 19:52 Qurban Qurbanovun “cırtdan”a qarşı gedişləri Dünən, 19:50 Qələbəyə mane olan səbəblər Dünən, 19:48 Mahirə çıxış yolları göstərdilər... Dünən, 19:45 Maltalılar bayram edir Dünən, 19:39 "Sektor 11" BOS-da niyə varlığını göstərmədi? Dünən, 19:37 Vaxtilə məhbus həyatı yaşayanlar Kokorinlə Mamayevdən danışdı Dünən, 19:34 Erkin İbrahimov Skandinaviyaya aparmaq üçün futbolçu axtarır Dünən, 19:30 AÇ-2020 ilə bağlı tədbir 16-10-2018, 18:25 “Araz”ın uğursuzluğu Zaur Axundovu qəzəbləndirməyib 16-10-2018, 18:22 U-13 liqasında “Laçın”ın baş məşqçisi hakimin burnunu qırdı 16-10-2018, 18:21 Stuxlik Xaqani Məmmədovu “kəsib”? 16-10-2018, 18:19 Ramil Şeydayev topdaşıyan rolunda 16-10-2018, 18:18 Malta ayağımızın altını qazdı 16-10-2018, 18:15 Haşımov Bebeki bəyənib 16-10-2018, 18:14 “Mahir oyundan sonra paltardəyişmə otağında ağlayırdı” 16-10-2018, 18:11 AFFA üçün sponsorluq müqaviləsi 16-10-2018, 18:09 "Neftçi" “parçalandı”, “ağlar” qalib gəldi 16-10-2018, 18:08 Kvaratsxeliya konfransı açıq elan etmək hüququna malikdi 16-10-2018, 18:07 Yığma üzvlərinin qiymətləndirməsi 16-10-2018, 18:04 Həftənin idman proqramı 16-10-2018, 18:03 Xal itirməyən iki komanda qaldı 16-10-2018, 18:01 “Keşlə” divizionun liderini darmadağın etdi 16-10-2018, 18:00 Yaxşı ki “Səbail” var… 16-10-2018, 17:59 Dadaşovlu “Eştoril” son anda xilas oldu 16-10-2018, 17:57 “Xəzər Lənkəran”a uduzduq… 16-10-2018, 17:56 “Sumqayıt”da Diaçenkonu həmyerlisi əvəzləyəcək 16-10-2018, 17:54 Samir Abasov sabiq komandasını üstələdi 16-10-2018, 17:52 “Xilə”yə “Royal Holding” sponsorluq edir 15-10-2018, 14:02 Sabah “Futbol+”də 14-10-2018, 16:36 Firdovsi Umudov proqnoz verməkdən çəkindi 14-10-2018, 16:33 Vüqar Nadirov “Baku City”ni atıb premyer-liqaya getməyəcək 14-10-2018, 16:31 Federasiya rəsmisi legionerlərsiz nəticə qazanmağın çətin olduğunu etiraf etdi 14-10-2018, 16:30 “Sumqayıt” 8 min manat cərimələnən məşqçisiylə yolları ayırdı 14-10-2018, 16:26 Yenilmək növbəsi Maltanındı! 14-10-2018, 16:24 “Milli dəstə” tarixinin ən bahalı səfərini gerçəkləşdirib 14-10-2018, 16:22 Olsen komandasının bəxtinin gətirmədiyini düşünür 14-10-2018, 16:07 Rəşad Sadıqov Renatı maya qədər yığmaya dəvət etməyəcək 14-10-2018, 16:04 Stuxlik hakimlərdən test götürdü Bütün xəbərlər
Ən çox oxunanlar