02 noy 21:06reportaj

“Qarabağ” Madridi şoka saldı

“Qarabağ” Madridi şoka saldı
Çempionlar Liqası
Qrup mərhələsi
4-cü tur, C qrupu
Atletiko (İspaniya) – Qarabağ 1:1 (0:1)

13. Yan Oblak
3. Filipe Luis
2. Dieqo Qodin
15. Stefan Saviç
20. Xuanfran
5. Tomas Parti
(22. Nikolas Qaytan, 62)
14. Qabi (k)
8. Saul Niges
11. Anxel Korrea
21. Kevin Qameyro
(9. Fernando Torres, 69)
7. Antuan Qrizmann
Ehtiyat oyunçular
1. Migel Anxel Moyya
12. Auqusto Fernandes
16. Şime Vrsalko
17. Lusiano Vyetto
19. Lukas Ernandes
Baş məşqçi: Dieqo Simeone

13. İbrahim Şehiç
25. Ansi Aqolli
52. Yakub Jezniçak
14. Rəşad Sadıqov (k)
5. Maksim Medvedev
2. Qara Qarayev
20. Riçard Almeyda
77. Vild-Donald Gerye
(32. Elvin Yunuszadə, 63)
8. Miçel
(22. Əfran İsmayılov, 90+2)
10. Pedro Enrike
90. Ramil Şeydayev
(99. Dani Kintana, 72)
Ehtiyat oyunçular
1. Anton Kanibolotski
7. Rahid Əmirquliyev
21. Arif Daşdəmirov
91. Coşqun Diniyev
Baş məşqçi: Qurban Qurbanov
Qollar: Miçel, 40 (0:1). T.Parti, 56 (1:1).
Vərəqələr: R.Sadıqov, 9. S.Saviç, 32. Y.Jezniçak, 34. F.Torres, 76 – sarı. P.Enrike, 59 - qırmızı. S.Saviç, 88 – qırmızı (ikinci sarı).
Hakimlər: DƏNİZ AYTƏKİN, Qvido Klefe, Markus Heker, Eduard Baytinger, Daniel Zibert, Benjamin Brand (hamısı Almaniya).
Hakim-inspektor: Vitor Pereyra (Portuqaliya).
UEFA nümayəndəsi: Duşko Qrabovats (Xorvatiya).
31 oktyabr. Madrid. “Metropolitano” stadionu. 55893 tamaşaçı.
Birinci hissəyə 1, ikinci hissəyə 5 dəqiqə əlavə olunub.
32 (10) qapıya (“çərçivə”yə) zərbə 4 (3)
12 korner 2
1 ofsayd 0
15 qayda pozuntusu 13
3 (1) vərəqə (qırmızı) 2 (1)
Bu oyunda qələbə “Atletiko”ya hava-su qədər vacib idi. İlk 3 turda hesabına cəmi 2 xal yazdıran “hindular” qrupdan çıxmaq şansının minumuma düşməsinə imkan vermək fikrində deyildi. Odu ki, Simeonenin yetirmələri hər nə olur-olsun, Bakıdakı nəticənin təsadüf olduğunu göstərməyə çalışacaqdı. “Qırmızı-ağlar” çılğın azarkeşlərinin gözü önündə xal itkisi haqda qətiyyən düşünmürdü. Hərçənd yalnız 3 xal haqda düşünmələri madridlilərə müəyyən təzyiq də göstərirdi. Hətta bəziləri mümkün xal itkisinin Simeonenin “taxtını silkələyəcəyini” də proqnozlaşdırırdı.
“Qarabağ” isə əksinə, meydana daha rahat çıxmışdı. “Köhlən atlar” geridə qalan turlarda qol və xal arzusunu gerçəkləşdirdiyindən, üzərində o qədər də təzyiq hiss etmirdi. Səfərdə qazanılacaq istənilən müsbət nəticə isə futbol tariximizə bir ilk kimi düşəcəkdi. Qurbanovun yetirmələri Bakıda göstərdiyi əzmakarlığı, istəyi “Metropolitano”da da ortaya qoymaq niyyətində idi. Hadisələri qabaqlayaraq bildirək ki, “Qarabağ” növbəti dəfə əsl komanda ruhunu ortaya qoydu, növbəti dəfə qəhrəmanlıq nümayiş etdirdi, “mümkünsüzdü” fikrini beyinlərdən sildi və təbii ki, milyonları sevincə qərq etdi.
Əslində “Atletiko” ilə matça “Qarabağ” ciddi itkilərlə çıxmışdı. Bu rəqiblə Bakıdakı görüşdə fransız hakimin kobud səhvi ucbatından qırmızı vərəqə alan Dino Ndlovu oyunu buraxırdı. Bədavi Hüsyenov isə zədəli olduğuna görə uzun müddət komandasına kömək edə bilməyəcək. Son anda Mahir Mədətovun zədələnməsi Qurbanovun qayğılarını bir qədər də artırmışdı. Belə itkilər fonunda ağdamlıların 1 xal qazanması doğrudan da əsl qəhrəmanlıq idi. Hələ təxminən yarımsaat komandanın azlıqda oynadığını demirik...
Oyunun axarına gəlincə, “hindular” ilk dəqiqələrdən irəli atıldı. Artıq 4-cü dəqiqədə Qrizmann hesabı açmağa yaxın idi. Onun qüvvətli zərbəsindən sonra Şehiç əla reaksiya ilə topu kornerə çıxardı. Doğrudu, ilk dəqiqələrdə qonaqlarda bir qədər həyəcan hiss olunurdu. Lakin Qurbanovun komandası tezliklə təzyiqi üzərindən atdı. 11-ci dəqiqədə isə “köhlən atlar” ilk həmləsini etdi. Müdafiədən reydə başlayan Pedro sağ cinah boyunca irəliləyib, Qodinlə Qabinin arasından ustalıqla sıyrıldı, lakin qapı önünə ötürməsi zamanı top Saviçə dəyərək kornerə çıxdı. Bundan sonra 5 dəqiqə “Atletiko”, demək olar, topsuz qaldı. Qonaqlar qısa və dəqiq ötürmələrlə nəinki rəqib futbolçuları, hətta azarkeşləri də özündən çıxarırdı. Ancaq növbəti təhlükəli vəziyyəti Simeonenin komandası yaratdı. 16-cı dəqiqədə Qameyro Şehiçlə üzbəüz qalsa da, bosniyalı qolkiper onun fərqlənməsinə imkan vermədi. Cəmi 5 dəqiqə sonra Parti qapı önünə asma etdi, hücuma qoşulan və heç kimin “bağlamadığı” Qodin başla dəqiq ola bilmədi. Bundan sonra bir müddət “Ateltiko” üstün tərəf oldu. Ancaq “Qarabağ”ın tam müdafiəyə qapıldığını söyləmək doğru olmaz. 28-ci dəqiqədə Pedro cərimə meydançasının həndəvərindən “çərçivə”ni nişan alsa da, topu tutmaq Oblak üçün çətin olmadı. Müdafiədə etibarlı oynamaqla və pressinq hesabına “köhlən atlar” rəqibin ardıcıl həmlələr etməsinə imkan vermirdi. Bununla belə, 34-cü dəqiqədə meydan sahibləri əlverişli nöqtədən cərimə zərbəsi vurmaq hüququ qazandı. Qrizmannın vuruşundan sonra top cüzi fərqlə üstdən keçdi.
Matçın 40-cı dəqiqəsini isə azərbaycanlı azarkeşlər uzun müddət xatırlayacaq. O an futbol tariximizdə daha bir ilk gerçəkləşdi. Geryenin kornerdən qapı önünə havalandırdığı topu Miçel dəqiq baş zərbəsi ilə tora sancdı. Bu “Qarabağ”ın ÇL-in qrupunda səfərdə vurduğu ilk qol idi. Təbii, İspaniya təmsilçisini ispan futbolçunun məyus etməsi xüsusi olaydı. Bundan başqa, vaxtilə öz ölkəsinin çempionatında oynayarkən Miçel La Liqada yalnız 1 dəfə fərqlənmişdi. O “Xetafe”nin heyətində məhz “Atletiko”nun qapısına yol tapmışdı. Özü də başla fərqlənmişdi. Həmin vaxt oyunun 49-cu dəqiqəsində “hindular”ı məyus eden yarımmüdafiəçi 6 il sonra yenidən bu komandanı cəzalandırdı.
Fasilədən sonra “Ateltiko”nun təzyiqi bir qədər də artıracağı gözlənilən idi. 49-cu dəqiqədə Korreanın qüvvətli zərbəsindən sonra Şehiç topu qaytardı, Qameyronun təkrar vuruşu isə dəqiq olmadı. Bundan 5 dəqiqə sonra “Qarabağ” hesab arasındakı fərqi artırmağa yaxın idi. Pedrodan topu qəbul edən Ramil özü zərbə vurmaq əvəzinə qapıya paralel ötürmə etdi. Lakin Saviç “kürə”nin Enrikeyə çatmasına imkan vermədi. Bu epizodda Şeydayev mərkəzə meyillənib zərbə endirsəydi, bəlkə də qol olacaqdı. Ümumiyyətlə, dayanmadan pressinq edən, yorulmaq bilməyən gənc forvard sanki “çərçivə”ni nişan almaqdan çəkinir. İlk yarıda da bəzi məqamlarda bunun şahidi olmuşduq. “Vurmayana vurarlar” prinsipi özünü çox gözlətmədi. Cəmi 2 dəqiqə sonra “status-kvo” bərpa olundu. “Atletiko”nun hücumu zamanı Qrizmann cərimə meydançasına girmək əvəzinə ötürmə etdi, Parti isə effketli zərbəylə topu tora qovuşdurdu. Şehiç reaksiya verdi, hətta topa toxundu da, lakin qola mane ola bilmədi. Çox keçmədən “Qarabağ” daha bir zərbə aldı. Pedro ayaqla Qodinin sifətinə zərbə endirdiyinə görə “qırmızı” ilə cəzalandı. Təbii, bir nəfər azlıqda bu cür komandaya qarşı oynamaq çox çətin olacaqdı. Ancaq nəzərə alaq ki, “köhlən atlar” madridlilərlə ilk görüşdə də 75-ci dəqiqədən etibarən azlıqda oynamışdı. Bu dəfə isə ağdamlılar daha çox dözməli idi.
Qurbanov müdafiəni gücləndirmək üçün Geryeni Yunuszadə ilə əvəzlədi. 66-cı dəqiqədə isə Rəşad Saulun başla zərbəsindən sonra topu boş qapıdan çıxardı. Az sonra Luis iki epizodda diqqət mərkəzinə düşdü. O əvvəlcə Şehiçlə üzbəüz qalsa da, topu qapının yanından vurdu. İkinci epiozdda da vuruşu qeyri-dəqiq alındı. Bundan sonra “Qarabağ” bir müddət qapısı önündə təhlükəli vəziyyətlərin yaranmasına mane ola bildi. Matçın sonlarına doğru isə meydan sahibləri təzyiqi birəbeş artırdı. 84-cü dəqiqədə Qabinin uzaqdan yetərincə qüvvətli zərbəsini Şehiç əla reaksiya ilə zərərsizləşdirdi. Əsas vaxtın bitməsinə 2 dəqiqə qalmış rəqibin azlıqda qalması təzyiqin nisbətən səngiməsinə səbəb oldu. Saviç 2-ci sarı ilə meydandan qovuldu. İlk uzatma dəqiqəsində Şehiç Qodinin başla “çərçivə”yə ünvanladığı topu ələ keçirdi. 4-cü uzatma dəqiqəsində isə Qaytanın fərqlənməsinə mükəmməl seyvlə imkan vermədi. Nikolasın təkrar vuruşunun qarşısını da Rəşad kəsdi.
Beləliklə, “Qarabağ” yeni tarixin daha bir səhifəsini Madriddə yazdı. Fakt budu ki, hətta Avropa nəhənglərinin arzuolunmaz rəqib saydığı “Atletiko” iki oyunda təmsilçimizdən üstün ola bilmədi. “Qarabağ”ın bu nəticə ilə bütün Avropanın diqqətini çəkdiyi şübhə doğurmur. Qurbanova və komandasına göstəriyi oyuna, ortaya qoyduğu əzmkarlığa, rəqibdən çəkinmədiyinə və milyonlara sevinc yaşatdığına görə alqış düşür. İnanırıq ki, “köhlən atlar”ın ÇL-dəki qalan iki oyunundan sonra da bunu deyəcəyik: təşəkkürlər, “Qarabağ”!
FARİZ
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 11:50 “Sabah”ın avrokuboklara qatılmaması Adıgözəlov üçün fiasko olmayacaq Bu gün, 11:49 Ramil Şeydayev “Sabah”ı seçdi Bu gün, 11:48 Obradoviçin toplanışı nəyə xidmət edir? Bu gün, 11:45 “Köhlən atlar” “qartallar”ın “yuvasını dağıtdı” Bu gün, 11:42 “Sabah” “Sumqayıt”ı evində döydü Bu gün, 11:40 “Səbail”dən ardıcıl ikinci qələbə Bu gün, 11:34 Mövsümün ən məhsuldar həftəsi Bu gün, 11:29 “Neftçi” ikinci pillədəki yerini möhkəmləndirdi 14-02-2020, 12:31 “İsgəndər Cavadovun akademiyasına ayrılan vəsaiti görəndə şoka düşdük” 14-02-2020, 12:20 Elxan Məmmədovun veteranlarla görüşü təxirə salındı 14-02-2020, 12:15 AFFA “Marafon”u da Nazim Süleymanovun üzünə bağladı 14-02-2020, 12:10 Ağabalanın cəriməsini kim ödəyəcək? 14-02-2020, 11:10 AFFA telekanallara və onlayn mediaya dəvət göndərib 14-02-2020, 11:05 “Qəbələ” çilili forvardla anlaşdı 14-02-2020, 11:03 “Xəzər Lənkəran”a texniki məğlubiyyət verilib 14-02-2020, 11:01 Ruslan “Neftçi” ilə görüşü də buraxacaq 14-02-2020, 11:00 “Birinci işimiz sonuncu pillədən qurtulmaqdı” 14-02-2020, 10:56 Rauf yenə Prezidentə müraciət etdi, anası 1333 səs topladı 14-02-2020, 10:55 Cəmşid Məhərrəmov azadlıqda 12-02-2020, 11:55 Elvin Yunuszadə “Çelik”i Ümit Özata görə seçib 12-02-2020, 11:53 Samir Abasovun seçkidən xəbəri olmayıb 12-02-2020, 11:51 “Sumqayıt” itirdiyi mövqeyi qaytardı 12-02-2020, 11:31 “Qarabağ” “Neftçi”nin yaxınlaşmasına imkan vermədi 12-02-2020, 11:28 İsgəndər Cavadov AFFA-ya əl açıb 12-02-2020, 11:26 “Forza Neftçi” 11 yaşını Mərdəkanda qeyd etdi 12-02-2020, 11:24 Səmra Əliyeva şərhinin birmənalı qarşılanmayacağını bilirmiş 7-02-2020, 22:09 Məşqçilər Komitəsi namizədləri iki saat müzakirə edib 7-02-2020, 22:07 “Qəbələ” pasportun məsuliyyətini AFFA-nın üzərinə atdı 7-02-2020, 22:06 Ağatahir Əzimov futzal hakimlərini “topa tutdu” 7-02-2020, 22:03 Riçard, belə getmək lazım idi 7-02-2020, 22:02 "Qəbələ”nin gözlədiyi hücumçu gəldi 7-02-2020, 22:00 Vüqar Aftandil Hacıyevin “gəl” mesajını gözləyir 7-02-2020, 21:49 Start ərəfəsində yüngül gəzişmə 7-02-2020, 21:47 Siz gizlənin, Rövşən danışsın... 7-02-2020, 21:44 Kamal Bayramov üçün mövsüm bitdi 5-02-2020, 11:42 Elman Ələkbərov yığmanın yaradılan şəraitin əvəzini vermədiyini düşünür 5-02-2020, 11:42 Futbolumuzun yetirməsi 50 yaşında dünyasını dəyişdi 5-02-2020, 11:40 AFFA-da Stuxlikin Bəhramovu ziyarət etməməsinin səbəbini bilmirlər 5-02-2020, 11:38 Almeydalı “Baniyas”dan növbəti qələbə 5-02-2020, 11:37 “Qarabağ” Kintananı Çin klubuna yola saldı 5-02-2020, 11:35 “Zirə”ni Qadze ilə Ramazanov sevindirdi 5-02-2020, 11:32 Rauf Məmmədov deputat olmaq istəyən anasının müdafiəsinə qalxdı 5-02-2020, 11:28 Heç kimə sərf etməyən “sülh” 5-02-2020, 11:26 İstək çox şeydi, amma hər şey deyil 5-02-2020, 11:23 Lider mövqeyini bərkitdi, ən yaxın təqibçisi dəyişdi 5-02-2020, 11:22 Əliyar Ağayev Afinada VAR-ın köməyinə ehtiyac duydu 5-02-2020, 11:17 Elvin Məmmədov “Zirə”dən ayrıldı 5-02-2020, 11:07 Mahir gözəl qolla “Qarabağ”ı sevindirdi 5-02-2020, 10:58 Yığmanın mundial arzusu “suya düşdü” 4-02-2020, 12:25 “Ən azı həmin epizodda Beyli qabaqlamaqda çətinlik çəkmədim” 31-01-2020, 12:22 “Ağsu” divizionda çıxışını dayandırdı 31-01-2020, 12:20 Ölkə basketbolunda yeni səhifə - MBA Azərbaycana gəlir! 31-01-2020, 12:08 Şok: basketbol yığmamızın üzvü də danışılmış oyunlara görə tutulub! 31-01-2020, 10:56 “Sabah” Koçukla Rodrigesi transfer etdi 31-01-2020, 10:54 Bunun harası vacib oyundu ki? 31-01-2020, 10:51 Azad Rəhimov yeni federasiyaya xeyir-dua verdi 29-01-2020, 19:03 Tofiq Mikayılov Alesionun təklifini qəbul etməyib Bütün xəbərlər
Ən çox oxunanlar