25 avq 23:23reportaj

“Qarabağ” böyük coşqu ilə qarşılandı

“Qarabağ” böyük coşqu ilə qarşılandı
Ramin Musayev: “Qələbədə hər bir futbolsevərin, jurnalistin də əməyi var”
Saatın əqrəbləri 6.35-i göstərir. “Koroğlu” metrosunun qarşısında dayanan taksi sürücülərinin kefi kök, damağı çağdı. Günə yeni başlamalarına baxmayaraq, əksəriyyəti artıq bir neçə dəfə Heydər Əliyev Beynəlxalq Hava Limanına baş çəkməyə imkan tapıb. Srağagün gecə nələrin yaşandığından bixəbər olan, işə tələsən bəzi insanlar gənclərin dəstə-dəstə bir araya gəlib, ara-sıra “Qarabağ”, “Qarabağ” qışqıraraq taksi axtarışına çıxmasını təəccüblə qarşılayır, ətrafda nə baş verdiyini öyrənməyə çalışırdı. Bakı kəndlərindən birinə gedən, yanında kiçik yaşlı qız nəvəsi, əlində xeyli yük olan ağsaqqallardan biri səbrini basa bilmədiyindən qeyri-müəyyənliyə aydınlıq gətirmək üçün əynində “Qarabağ”ın forması olan gəncə yaxınlaşaraq “bala, nə olub? Niyə hamı hava limanına gedir” sualını verdi. Dani Kintananın formasını geyən, təxminən 20 yaşı olan gənc “baba, qəhrəmanlar gəlir, onları qarşılamağa gedirik” söyləyib, qısaca “köhlən atlar”ın tarixi zəfəri barədə ağsaqqala məlumat verdi. Ağsaqqal isə buna qarşılıq olaraq “yanımda nəvəm, əlimdə yüküm olmasaydı, sizə qoşulardım. Mənim də adımdan futbolçularımızı təbrik edin” deyib, yaşına uyğun olmayan cəldliklə dayanacağa tərəf yollandı. Gənclər isə özlərinin dedikləri kimi qəhrəmanları qarşılaşmaq üçün hava limanının yolunu tutdular.
Çaş-baş düşən azarkeş, “Qarabağ”ı qarşılamağa gələn PFL prezidenti
“Qarabağ”ı gətirən təyyarənin əvvəlcədən hansı terminala eniş edəcəyi elan olunmadığından azarkeşlərin bəziləri kimi mən də öncə adi reyslərin qəbul olunduğu məkana üz tutdum. Hava limanının qapısından içəri keçmişdik ki, təhlükəsizlik xidmətinin əməkdaşları bizə yaxınlaşaraq, səhv gəldiyimizi, tarix yazan komandanı Bakıya gətirən hava gəmisinin biznes uçuşlar üçün nəzərdə tutulan terminala eniş edəcəyini bildirdilər. Bu üzdən yenidən geri qayıtmalı olduq və təxminən 10 dəqiqədən sonra Aviasiya Akademiyası ilə üzbəüz, qarşısına böyük izdihamın toplaşdığı məkana çatdıq. Təyyarənin eniş etməsinə xeyli vaxt qaldığından insan axını dayanmaq bilmirdi. Kimlər yox idi orda? Sıravi azarkeş, Qarabağ qaziləri, məktəbdə müəllim işləyən, xarici neft şirkətində çalışan, tələbə, təqaüdçü – bir sözlə, 7-dən 77-yə ürəyi “köhlən atlar”la döyünən hər kəs tarixi zəfərin memarlarını salamlamaq, bağrına basmaq istəyirdi. Bu arada PFL prezidenti Ramin Musayev və qurumun əməkdaşları da hadisə yerinə təşrif buyurdular. Son vaxtlar nədənsə qaşqabaqlı görünən Ramin bəyin kefi yerində idi. Gözləmə zalına girməmiş PFL prezidenti jurnalistlərə ayaqüstü açıqlama verməyi də unutmadı: “Bütün futbolsevərləri, Azərbaycan xalqını təbrik edirəm. “Qarabağ” tarixi uğura imza atdı. 23 avqust bizim üçün ağır bir gün sayılırdı. Amma bu dəfə unudulmaz oldu. Bu uğur tək “Qarabağ”ın deyil. Qələbədə hər bir futbolsevərin, jurnalistin də əməyi var. Bunu hamımız qazanmışıq. Növbəti ildən Çempionlar Liqasında reqlament dəyişəcək. Tam başqa formatda keçiriləcək. Yəqin ki, həmin vaxtda da uğura nail olarıq. Ancaq ona vaxt, daha böyük büdcə lazımdı. Qrup mərhələsində Bakıya hansı komandanın gələcəyi fərq etməyəcək. Artıq kimdənsə qorxmuruq. Əsas odu ki, artıq bu günü də yaşadıq. Bu, böyük bir sevincdi”.
Danimarka paytaxtından zəfərlə geri dönən “köhlən atlar”ı qarşılamağa gələnlər arasında veteran futbolçu, Qurban Qurbanovun qardaşı Musa Qurbanov da var idi. Fürsətdən istifadə edən qələm əhli onun da yaşananlarla bağlı fikrini öyrəndi: “Oyunboyu çox həyəcanlıydım. Demək olar ki, 90 dəqiqə, ümumiyyətlə, özümdə deyildim, yer tapa bilmirdim. Matçdan sonra da səhərə kimi yata bilməmişəm. Mən də azarkeşlər kimi bütün gecəni şəhərdə maşınla gəzib, sevinmişəm, bayram etmişəm. Qardaş kimi bütün oyunları izləyirəm. Çox çətin olur, özünü toparlaya bilmirsən, həyəcanlanırsan. Ümumiyyətlə, məşqçi işi çox çətindi. Ancaq belə qələbədən sonra düşünürsən ki, həyəcanlamağa dəyərmiş. Səhərə qədər sevincimi evdə uşaqlarla bölüşmüşəm, gedib Qurbanın oğlunu götürüb birgə şəhəri gəzmişik. Bilmirəm, bu sevincdi, yoxsa həyəcandı. Qurban "Barselona", mən isə “Real” azarkeşiyəm. Təbii ki, bu komandaların ikisi də eyni qrupa düşə bilməyəcək. Ancaq istərdim ki, heç olmasa, bunlardan biri “Qarabağ”la eyni qrupda yer alsın. Matçdan sonra Qurbana zəng vurdum. Hisslərimizi bölüşdük, təbrikləşdik, çox şeyləri xatırladıq, çox şeydən danışdıq, anamızı yada salaraq üzüldük bir az... Ancaq yaxşı ki, hər şey yaxşı qurtardı. Xalqımızı, bütün azarkeşləri bu böyük qələbə münasibətilə təbrik edirəm”.
Ciddi təhlükəsizlik tədbirləri və avtomobil karvanı
Qəhrəmanları gətirən təyyarə əvvəlcədən söylənildiyi kimi 7.50-də yox, bir qədər gec, daha dəqiqi, 8.25-də yerə endi. Əvvəlcə izdihamın qarşısına klubun vitse-prezidenti Tahir Gözəl çıxdı. “Qarabağ” tərəfdarını salamlayan Tahir bəy bir neçə fanatın istəyini nəzərə alaraq, xatirə şəkli çəkdirdikdən sonra ərazini tərk etdi. Bu arada onu da qeyd edək ki, qarşılanma tədbirinə həddən artıq polis və AZAL-ın təhlükəsizlik idarəsinin əməkdaşları cəlb olunmuşdu. Vitse-prezidentin ardınca artıq məşqçilər korpusu və futbolçular görünməyə başladı. Qurban Qurbanovu, Rəşad Sadıqovu, Qara Qarayevi və başqa futbolçuları böyük coşqu ilə qarşılayan azarkeşlər bir-birinin ardınca müxtəlif şüarlar səsləndirir, tarixi anları kameranın yaddaşına köçürməyə çalışırdılar. “Köhlən atlar”ın oyunçuları klubun avtobusu ilə yola çıxarkən isə azarkeşlərdən ibarət avtomobil karvanı onları yolboyu müşayiət etməklə yadda qaldı.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 19:33 Liderlər üçün asan gəzinti Dünən, 19:32 “Kəpəz”in yubileyinə aid film təqdim olundu Dünən, 19:30 Mitreski “Neftçi”dəki ən yaddaqalan oyununu xatırladı Dünən, 19:28 Zaqreb sınağı: bir ay əvvəlin düşüncələri Dünən, 19:27 Ramil Şeydayev Yurçeviçi tanımır Dünən, 19:25 “El Klasiko” “İdman Azərbaycan”da Dünən, 19:17 Riad Rəfiyev yeni transferləri yararsız saymır Dünən, 19:15 “Sumqayıt” rəhbərliyi məşqçilərlə görüş keçirəcək Dünən, 19:12 Elvin Məmmədov “qara zolaq”dan çıxmaq üçün bir qələbənin kifayət edəcəyini düşünür Dünən, 19:09 Sərxan Hacıyev Budapeştdədi Dünən, 19:07 “İspan mətbəxinə öyrəşmək asan olmadı və 4-5 futbolçumuz xəstələndi” Dünən, 19:06 Ölkə futbolunda rüsvayçılıq davam edir Dünən, 19:05 “Neftçi” qeyri-adi cəzanı əsaslı sayır Dünən, 19:03 Təmkin Xəlilzadə duyğulan(dır)dı Dünən, 19:02 Lider dəyişəcəkmi? Dünən, 18:59 Zal dəyişdi, canlı yayın olmayacaq Dünən, 18:52 İlk dueli türklər qazandı Dünən, 18:50 Emil oynadı, “Tobol” qələbə qazandı Dünən, 18:47 “Elə cavab verərəm, siz də qəzetə yazarsız, sonra ...” Dünən, 18:44 Delarj durumundan məmnundu Dünən, 18:43 Dördüncü “Media turniri” başlayır Dünən, 18:41 Qurban Qurbanov İnzaqi ilə Donadonidən öndə 20-02-2019, 17:45 “FC Baku” və “Şahdağ” rəqiblərinə “5” verdi 20-02-2019, 17:43 U-19-un üzvləri “qırmızı”nı qabartdı 20-02-2019, 17:41 Nikola Yurçeviç Xorvatiyaya qayıdıb 20-02-2019, 17:40 İntizam Komitəsi “Səbail”i cərimələməlidi 20-02-2019, 17:37 Yığmamız Litvanı sınağa çəkəcək 20-02-2019, 16:40 “Sumqayıt”: 70 illiyə 7-ci yerdə?! 20-02-2019, 16:39 Tural rəsmən “Dauqavpils”də 20-02-2019, 16:36 Bu ruh nə ruhdu belə... 20-02-2019, 16:24 Turun statistikası 20-02-2019, 16:21 Turun məşqçisi 20-02-2019, 16:06 Hakimlərin mühakiməsi 20-02-2019, 16:03 Turun oyunçusu 20-02-2019, 16:02 Turun sitatı 20-02-2019, 15:56 Məhsuldarlıq rekordu 20-02-2019, 15:49 Kubokun son qalibindən açılışda səssizlik, ertəsi darmadağın 20-02-2019, 15:45 Əliyar Ağayev VAR-da sınanacaq 20-02-2019, 15:43 Turdan məqamlar 20-02-2019, 15:40 Ozancanla Renat “yatdı”, Pavel sonradan “ayıldı” 19-02-2019, 14:24 Həftənin idman proqramı 19-02-2019, 14:15 “Real”ın kapitanını dəstəkləyən də oldu, pisləyən də 19-02-2019, 14:13 BOS-un media tribunasında əsaslı yeniliklər olacaq 19-02-2019, 14:12 Yığma şotlandlardan "2 aldı" 19-02-2019, 14:11 Möhtəşəm oyuna 99 gün qaldı! 19-02-2019, 13:47 "Qarabağ" fərqi minimuma endirdi 19-02-2019, 13:46 “Səbail” Akpovetanın keçidini elan etdi 19-02-2019, 13:44 Çempion fərqi: 22 oyun, 22 qələbə! 19-02-2019, 13:43 “Gilavar”ın 1 yaşı tamam oldu 19-02-2019, 13:40 Murad Moldovada baxışdadı 19-02-2019, 13:38 “CBC Sport” niyə diviziondan uzaq gəzir? 19-02-2019, 13:37 “Qarabağ”a 45 dəqiqə bəs etdi 19-02-2019, 13:11 “Tələbələr” Bayıldakı imtahandan “kəsildi” 19-02-2019, 13:06 Eddidən başqa 90 dəqiqə oynayan yoxdu! 19-02-2019, 13:05 Uğursuzların duelində “Keşlə” sevindi 19-02-2019, 12:55 “Sumqayıt” “Zenit”in yetirməsi ilə anlaşdı 19-02-2019, 12:54 U-19 minimal hesabla yenildi Bütün xəbərlər
Ən çox oxunanlar