09 apr 23:56reportaj

İngilis araşdırmaçı ölkəmizdə gördüklərindən yazdı

İngilis araşdırmaçı ölkəmizdə gördüklərindən yazdı
Fevralın 28-də “Azərsun Arena”da keçirilən “Qarabağ” – “İnter” qarşılaşmasını izləyənlər arasında əcnəbi qonağı görməmək mümkün deyildi. Xarici görünüşünə görə britaniyalılara oxşamasa da, yaxınlaşıb söhbət edəndə məhz İngiltərədən olduğunu söyləmişdi. Tarixçi olan Rob O`Konnor Azərbaycana səfərinin səbəbini Qarabağ və “Qarabağ”la əlaqələndirmişdi. Yəni futbol azarkeşi olduğundan, həm klubla bağlı yazı hazırlamalı, həm də əsas hədəfi olan Qarabağ müharibəsinin pərdəarxası olaylarını üzə çıxarmalıydı. Hətta bunun üçün bir neçə müsahib də müəyyənləşdirmişdi. Bakını tərk edəndən sonra isə Ermənistana yollanmalıydı. Rob səfər planları haqda hələ həmin vaxt “Futbol+”ə verdiyi müsahibədə danışmışdı.
Tarixçi-səyyah artıq vətənindədi. Və gördükləri haqda cızma-qara etməyə başlayıb. Düzdü, 90-cı illərdəki müharibə haqda hələ heç nə yazmayıb. İlk toxunduğu məsələ Bakıda gördükləridi. “Futbol cəbhəsindən nağıl: Qarabağ, Azərbaycan” sərlövhəli yazıda öncə paytaxtımız, xüsusən də Suraxanı haqda təəssüratını bölüşüb: “Qarabağ”ın bazasının yerləşdiyi, yarpaqla bol olan Suraxanı qəsəbəsi Abşeron yarımadasının son dayanacağı sayılır. Bu qəsəbə Bakının küçələri qədər zəngin deyil, sovet dönəmindən qalma neft-kimya sənayesinin çürümüş qalıqları ilə tanınır. Bir sözlə, unudulmuş bir kənddi. Dövlətin əsas gəlir mənbəyi olan neftin çıxarıldığı Xəzər dənizi cəmi 10 kilometr uzaqlıqda yerləşir. Neftin dolları bu kiçik qəsəbədə dövr etmir. Paytaxt Bakıdan Suraxanıya gələn dar yolun kənarındakı məktəb diqqətimi çəkir. Asfalt üzərində təxminən 15 uşağın boş “kola” şüşəsinin dalınca qaçması onların futbola olan sevgisidi. Betondan qalxan tozu udduqlarının fərqində belə deyillər. “Azərsun Arena”nın media üçün giriş qapısında dayanan mühafizəçi jurnalistləri gülər üzlə qarşılayaraq sektora istiqamət göstərir. Suraxanının çirkli yollarını dəhlizdəki baxımlı memar işləməsi olan ağ mərmər döşəmə əvəzləyir. Bəli, bura Azərbaycan çempionu olan “Qarabağ”ın evidi”.
Rob yazının davamında “Qarabağ”dan, həm də “köhlən atlar”ın qolsuz heç-heçə ilə başa çatan qarşılaşmasından bəhs edib: “Bu komanda son 3 ilin çempionudu və cari mövsümdə də “qızıl” dəyişməz hədəf kimi qalmaqdadı. İzlədiyim “İnter”lə oyunun yekun nəticəsi olduqca vacib sayılırdı. Lider “Qəbələ”nin bir neçə saat öncə xal itirməsi mümkün qələbə sayəsində “Qarabağ”ı birinci pilləyə yüksəldəcəkdi. “İnter” “Azərsun Arena”ya heç-heçə dalınca gəlmişdi. Hədsiz dərəcədə intizamlı görünən 3-cü pillədəki bu kollektiv beş müdafiəçi, dörd yarımmüdafiəçi və bir hücumçuyla mübarizə apararaq əsas diqqəti qapısında top görməməyə ayırmışdı. “Adamlar belə oyun üslubunu sevmir, amma ən yaxşı bacardıqları budu. Bu gün nə özləri oynayacaq, nə də “Qarabağ”a oynamaq imkanı verəcəklər” - yanımda əyləşən “Futbol+” qəzetinin əməkdaşı Həbib deyir - “Qarabağ” ötən mövsüm 12 xallıq fərqlə çempion olmuşdu. Üstəlik, ardıcıl üç il Avroliqanın qrup mərhələsinə vəsiqə qazanmaqla ölkənin ən uğurlu komandası adını qazanmışdı. Ölkənin qida bazarını nəzarətdə saxlayan “Azərsun” şirkətlər qrupu “Qarabağ”ın sponsorudu. Ona görə də ən dayanıqlı klub kimi tanınır”.
İngilis araşdırmaçı yazının sonunda “Qarabağ”ın qaçqın həyatı yaşamasının tarixçəsindən bəhs edib: “Paytaxt Bakı “Qarabağ”ın doğma evi deyil. 1993-cü ildə davam edən müharibənin nəticəsi kimi Dağlıq Qarabağın həssas nöqtəsi sayılan Ağdam ermənilər tərəfindən işğal olunmuşdu. Erməni silahlı qüvvələrinin atışmalara ara vermədiyini görən dinc yerli əhali 1993-ün iyulunda Ağdamı tərk etmək məcburiyyətində qalmışdı. 1994-cü ildə tərəflərin atəşkəslə bağlı razılığa gəlməsinə baxmayaraq, məsələ həll olunmadı. Azərbaycan Dağlıq Qarabağı öz ərazisi kimi tanımaqda davam edir, torpaqları işğal etmiş ermənilər isə geri çəkilmək niyyətində olmadıqlarını indiyə qədər sübut etməkdədilər. Bunun nəticəsidi ki, Ağdamı tərk edən 40 min nəfər geri qayıda bilmir. “Qarabağ”ın mətbuat katibi Nurlan İbrahimov deyir: “Qarabağ” Ağdamda yaşananları bütün dünyaya çatdıran klubdu. Klub olaraq nə ediriksə, məlum problemi dünyanın gözü qarşısında qüvvədə saxlamağa kömək edir. Ona görə də beynəlxalq yarışlarda çıxış edib uğur qazanmaq Ağdamı və Azərbaycanı təmsil etmək baxımından faydalıdı. Torpaqlarımız işğal altındadı. Məsələ həllini tapan günə qədər əlimizdən gələn hər şeyi etməliyik ki, tariximiz yaşasın”. Komanda müharibən sonra Ağdamı tərk etmək məcburiyyətində qaldığından, şəhərdən şəhərə köçüb, ev oyunlarını ölkədəki bir neçə stadionda keçirib. 2001-ci ildə kluba “Azərsun” sahib çıxıb. Rəhmətlik prezident Heydər Əliyev “Qarabağ”ın yaşamasının olduqca vacib sayıldığını diqqətə çatdırandan sonra bu addım atılıb. Daxildəki uğurlu nəticələr sonradan Avropa arenalarında çıxış etməyə və “Qarabağ”ın tanınmasına yol açdı. “Qarabağ” həm də tarixi, keçmişi özündə birləşdirir. Komandanın sabiq hücumçusu olmuş Müşfiq Hüseynov bu gün də “Qarabağ”dadı, baş məşqçinin köməkçisi vəzifəsini icra edir. Şaiq Həsənov işğal vaxtına qədər komandanın kapitanı idi, bu gün “Azərsun Arena”nın adminstrativ işlərinə cavabdehlik daşıyır. 1993-cü ildə Vüqar Nadirov uşaq idi, o adam Ağdam qaçqını sayılır. O da hazırda “Qarabağ”ın sıralarındadı”.
HƏBİB hazırladı
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 20:09 Sloveniyanı udduq Dünən, 20:08 Daha bir əcnəbi məşqçi ölkəmizi tərk etdi Dünən, 20:06 Anastasiya dopinqli çıxdı, Tofiq Heydərov istefa verdi Dünən, 20:05 AMKF bəyanat yaysa da... Dünən, 20:04 Çingiz Hüseynzadə “Futbol+”in üzə çıxardığı faktları təsdiqlədi Dünən, 20:01 “İnter” rəhbərliyi bəyanat yaydı Dünən, 19:57 “Həmin pisniyyət adamlara görə hələ də transfer vərəqim “Kukesi”yə göndərilməyib” Dünən, 19:54 “Qəbələ” akademiyasında yeni məşqçilər Dünən, 19:52 Məhsuldar başlanğıc Dünən, 19:51 “Kəpəz” “Zirə”ni Yevlaxda qəbul edə bilər Dünən, 19:50 Reaksiyalar Dünən, 19:48 Danimarkalı həmkarlarımız 0:1-ə görə sevinir Dünən, 19:47 Tanınmışlar da uğura biganə qalmadı Dünən, 19:46 Azarkeşlər bu dəfə sona qədər tribunaları boşaltmadı Dünən, 19:44 Hakimlər “Qarabağ”ın tarixi qələbəsinə kölgə salmadı Dünən, 15:21 “Kopenhagen”in məşqçisi “Qarabağ”ı favorit göstərdi Dünən, 15:11 “Qarabağ” Danimarkaya çarterlə gedir Dünən, 15:07 Bilet satışındakı çatışmazlıqları aradan qaldırmağın vaxtıdı Dünən, 15:06 “Qarabağ”dan gözəl oyun və tarixi qələbə Dünən, 15:04 Debütdə 1700 manat Dünən, 15:02 Əzimov istefa verdi, Ağacanov “Binə”yə keçdi 16-08-2017, 23:38 Turun oyunçusu 16-08-2017, 23:35 Müşahidə Şurasının hakimi vuran üzvü “Futbol+”ə danışdı 16-08-2017, 23:29 HAKİMLƏRİN MÜHAKİMƏSİ 16-08-2017, 16:02 Rauf müqavilə bağladı, “İnter”in icraçı direktoru coşdu 16-08-2017, 15:59 “Mehdi Hüseynzadə”yə arxa çevirib, “kibrit qutusuna sığınan” şəhər... 16-08-2017, 15:55 Rüstəm Orucov mövqeyini qorudu 16-08-2017, 15:54 Rəsul Çunayev liderliyini davam etdirir 16-08-2017, 15:53 Karateçilər Urmiyada medal qoymadı 16-08-2017, 15:51 Millət vəkili də legionerləşmənin əleyhinədi 16-08-2017, 15:49 “Kukesi” Rauf Əliyevi publikaya təqdim etdi 15-08-2017, 12:05 Sumqayıt startda Gəncəni cəzalandırdı 15-08-2017, 12:00 “Qarabağ”ın oyunu italiyalılara tapşırıldı 15-08-2017, 11:59 “Kopenhagen” yenə xal itirdi 15-08-2017, 11:56 “Qarabağ”ın oyununa maraq həddən artıq böyükdü 15-08-2017, 11:54 “Zirə” “Səbail”in debütünü korladı 15-08-2017, 11:52 Raufun “Kukesi”yə transferi düyünə düşüb 15-08-2017, 11:50 Ramin Musayev Sumqayıtda tribuna tikəcək 15-08-2017, 11:47 “Vətən” birinci divizionda oynayacaq, Əsədov baş məşqçi olacaq 15-08-2017, 11:46 Qriqorçuk yetirmələrindən narazı qaldı 15-08-2017, 11:43 “İnter” döyüşdü, sevinən “Qəbələ” oldu 15-08-2017, 11:39 “Qəbələ” Xavi ilə yolları ayırdı 15-08-2017, 11:37 Həkim, dizayner, energetik, rəssam... 15-08-2017, 11:36 Boris Xetaqurov göz yaşını saxlaya bilmədi 15-08-2017, 11:32 “Anortosis” Araza pulsuz yiyələnib 15-08-2017, 11:30 Elxan Abdullayevin söydüyü azarkeş “Futbol+”ə danışdı 15-08-2017, 11:26 “Neftçi” “Asan xidmət”lə vidalaşır 15-08-2017, 11:23 Çempion mövsümə məğlubiyyətlə başladı, “İnter Arena”ya qol yağdı 15-08-2017, 11:19 Vüqar Əsgərovdan növbəti qol 15-08-2017, 11:18 Dünya və olimpiya çempionu zirvədə 15-08-2017, 11:17 Milli Belçikaya uduzdu 15-08-2017, 11:16 “Mauqli” qisas üçün döyüşəcək 15-08-2017, 11:14 Biri Türkiyədə, biri Çexiyada fərqləndi 15-08-2017, 11:13 Kazanda yeddinci oldular 15-08-2017, 11:11 Yığma “AAAF Park”da toplanış keçir 15-08-2017, 11:09 İlk turdan sonra: qol vurmayan qalmadı 13-08-2017, 14:36 Mütəxəssislər yenə “Qarabağ”la “Qəbələ”ni fərqləndirir Bütün xəbərlər
Ən çox oxunanlar