06 yan 16:11olke

Mirabdulla Abbasov qardaşını özündən daha istedadlı sayır

Mirabdulla Abbasov qardaşını özündən daha istedadlı sayır
“Atam zərgərdi, dolanışığımız yaxşı olub”
Bildiyiniz kimi, “Futbol+”in keçirdiyi ümummilli sorğunun qalibi - 2018-ci ilin ən yaxşı futbolçusu Mirabdulla Abbasovdu. Yeni il ərəfəsində “Neftçi”nin gənc forvardından sorğu ilə bağlı reaksiya öyrənəndə Ukraynada idi, dincəlirdi. Razılaşmışdıq ki, Bakıya qayıdandan sonra müsahibə verəcək. Bir neçə gün ötsə də, qrafiki sıx olan qaliblə söhbətimiz, nəhayət, dünən baş tutdu. Onunla uşaqlıq illərinə səyahət etdik, məktəb dövrünü xatırladıq, ailəsindən, qardaşı Mirsahibdən, Samir Abasovdan, Qurban Qurbanovdan, Kriştiano Ronaldodan – bir sözlə, bir adamı tanımaq üçün nə lazım gəlirsə, həmin mətləblərin hamısından danışdıq. Buyurun, “ilin futbolçusu”nu siz də yaxından tanıyın.
- İntizamlı, sakit, münaqişəyə meyilli olmayan birisən. Bu ailədən irəli gəlir, yoxsa özünün xarakterindən? Ümumiyyətlə, uşaqlığın necə keçib? Ailən mühafizəkardımı? Yəni sənə nələrisə qadağan ediblər, yoxsa hər istəyin yerinə yetirilib?
- Əvvəla onu deyim ki, ailədə elə iki uşağıq: Mirsahib və mən. Yaxşı dolanışığımız olub. Bu da atamın sənətindən irəli gəlir. Atam zərgərdi. Ciddi qayğımız olmayıb. Həm qardaşım, həm də mən bütün diqqətimizi məşqlərə cəmləmişik. Amma ailədə tərbiyə ön planda olub. Bu məsələyə ciddi diqqət yetirilib. Böyük-kiçik yeri bilmək, təkəbbürlü olmamaq kimi keyfiyyətlər aşılanıb bizə. Əlbəttə, əksər uşaqlar kimi biz də bəzən "sərhədləri aşmışıq”. Ancaq nadinclik əsasən iki qardaş münasibətimizdə özünü göstərirdi. Boş, mənasız şeylərə görə dalaşmışıq (gülür). Amma böyüdükdən, özümüzü dərk edəndən sonra o da qaydasına düşdü. Yeniyetməlik dövründən indiyə kimi heç dalaşmamışıq, əksinə çox mehriban davranmışıq. Yəqin ki, ümumilikdə uşaqlığımın sakit keçməsi xasiyyətimə də təsir edib.
- Adətən, futbolçular dərslərini yaxşı oxumur. Bəs sən? Hansı məktəbdə oxumusan?
- 160 saylı gimnaziyada təhsil almışam. Ancaq 11-ci sinfi 63 saylı orta məktəbdə başa vurmuşam. Dərslərim həmişə normal olub, aşağı siniflərdə yüksək qiymətlər almışam. Ancaq 8-9-da oxuyandan zəiflədim. Bu da təbiidi, çünki artıq seçimimi etmiş, əsas fikrimi futbola yönəltmişdim. Demək olar, həftənin bütün günlərində məşq və oyunlarda olurdum. Yuxarı siniflərdə qiymətlərim əsasən "3" və "4" olub, heç vaxt "2" almamışam (gülür). Allaha şükür edirəm və atama minnətdarlığımı bildirirəm ki, məni düzgün yola istiqamətləndirib. Məhz onun sayəsində bu gün həm futbolumu oynayıram, həm də ali təhsilliyəm. İdman Akademiyasını bitirmişəm.
- Sinif yoldaşların oyunlarına baxmağa gəlir?
- Stadiona gəlməsələr də, baxırlar, izləyirlər və hər bir uğuruma sevinirlər. Yazır və ya zəng vurub təbrik edirlər. Tez-tez olmasa da, ara-sıra görüşürük.
- Mütaliə ilə aran necədi? Boş vaxtın olanda kitab oxuyursan, yoxsa başqa hobbin var?
- Desəm ki, kitab həvəskarıyam, çoxlu kitab oxumuşam, yalan olar. Bəzi oxuduğum kitablar var, onlar da əsasən futbolçuların, məşqçilərin həyatı, iş metodları ilə bağlıdı. Məsələn, Kriştiano Ronaldoya, Mourinyoya aid kitablar oxumuşam. Mənimki əsasən kinolardı. Film izləməyi xoşlayıram. Amma ayrıca hobbim yoxdu.
- Gənc olmağına baxmayaraq, pis qazanmırsan. Qazancından hansısa xeyriyyə məqsədilə xərcləmisənmi? Məsələn, qocalar evinə baş çəkmək, ata-ana qayğısından məhrum olmuş kimsəsiz uşaqlara yardım etmək və s.
- Hər kəs belə məsələlərdə vicdanı qarşısında hesabat verməlidi. Bir şəxsin verdiyini başqası bilməməlidi. Bu barədə danışmaq istəmirəm. Yalnız onu deyə bilərəm ki, əlimdən gəldiyi qədər kömək etməyə, ehtiyacı olanlara yardım göstərməyə çalışıram. Yaxın ətrafımızda da belə insanlar var. Təbii ki, ilk növbədə yaxınlara əl tuturam.
- “Neftçi”də ən yaxın münasibətdə olduğun futbolçu kimdi?
- Komanda dediyiniz bir ailədi, hamı can deyib can eşitməlidi. Yoxsa meydanda da işlər yolunda getməz. Öz uşaqlarımızdan tutmuş legionerlərə qədər hamı ilə aram yaxşıdı, deyib-gülüb zarafatlaşırıq. Amma Rəhman Hacıyev və Namiq Ələsgərovla daha yaxınıq. Bu da təbiidi, çünki bir otaqda qalırıq (gülür). İkisinin də qızıl kimi xasiyyəti var.
- “Neftçi”nin aşağı yaş qruplarında Fəhmin Muradbəyli ilə tandem təşkil etmisən. Yenidən onunla bir yerdə oynamaq istərdin?
- Fəhminlə çox gözəl münasibətimimiz var. Dörd-beş il onunla hücumda birgə çıxış etmişik. 2007-ci ildə Tiflisdə turnirdə yaxşı oynamışdıq. 2008-də isə Donetskdə 2-ci yeri tutduq. Ən yaxşı hücum xətti kimi bizi fərqləndirdilər. Qismət olsa, əlbəttə, yenidən bir yerdə oynamaq istərdim. Onunla bir komandanın uğuru üçün çalışmaq mənim üçün çox xoş olardı. Fəhmin bacarıqlı, istedadlı futbolçudu.
- Karyeranda xüsusi rolu olan məşqçi kimdi?
- İndiyə qədər bir çox məşqçim olub. Uşaqlıqda futbolun sirlərini Roman Cəfərov və İslam Kərimovun rəhbərliyi altında öyrənmişəm. Futbola 5 yaşımdan başlamışam. Qardaşım Mirsahiblə eyni vaxtda başlamışıq, eyni komandada olmuşuq. Onda Roman müəllimin “Şəfa”da komandası var idi. “İnter” olana qədər orda qaldım, sonra “Neftçi”yə keçdim. Amma bunu deməsəm, olmaz: indiki səviyyəyə çatmağımda Samir Abasovun rolu danılmazdı. Məhz o məni kəşf etdi. İlk dəfə Samir müəllim məni mərkəz hücumçusu kimi oynatdı və orda özümü daha yaxşı tərəfdən göstərməyə başladım.
- Bəs Qurban Qurbanov? İlk dəfə onun rəhbərliyi altında millidə debüt etmisən. Qurbanovla ilk görüşündən yadında nə qalıb? Səncə, onun millidən göndərilməsi doğru qərar idi?
- Qurban müəllim güclü məşqçidi. Qısa müddət də olsa, onunla birgə işləmək mənim üçün xoş oldu. O ki qaldı millidən gedişinə, bəli, bu, çoxları kimi mənim üçün də gözlənilməz oldu. Amma bu haqda danışmaq istəmirəm. Peşəkar futbolçuyam, kimin rəhbərliyi altında olur-olsun, mənim işim çıxıb oyunumu göstərmək, əlimdən gələnin ən yaxşısını ortaya qoymaqdan ibarətdi. Bu nə dərəcədə alınacaq, onu zaman göstərəcək. Qurban müəllimə də “Qarabağ”da uğurlar arzulayıram. Ancaq “Neftçi”yə daha çoxunu arzu edirəm (gülür).
- Mirsahib, yoxsa Mirabdula - hansınız daha istedadlısız?
- Əlbəttə, Mirsahib. Qardaşım və məndən böyük olduğuna görə demirəm, amma o daha istedadlıdı. Tam səmimi deyirəm. Onda elə keyfiyyətlər var ki, onların məndə olmasını arzulayıram. Xüsusilə də driblinqini daha çox bəyənirəm. Mən də driblinq etməyə, bu zaman daha çox sürətimdən yararlanmağa çalışıram. O isə topla daha yaxşı davranır.
- Yenidən legioner həyatı yaşamaq istəmirsən? Özünü hansı ölkədə, hansı komandada görmək istərdin? Ümumiyyətlə, azarkeşlik etdiyin, fanatı olduğun komanda varmı?
- Əlbəttə, yaxşı təklif olsa, niyə istəməyim?! Azərbaycanı yad ölkədə təmsil etmək mənim üçün şərəf olar. Düzdü, Latviyada oynamışam, ancaq “Dauqavpils”də karyeram qısa çəkdi. Orda oynadığım müddət mənim üçün gözəl təcrübə oldu. Ora Orxan Qurbanlı ilə birlikdə getmişdik. Düzdü, "Dauqavpils" iddialı klub deyildi. Amma, demək olar, tam gənc və perspektivli futbolçulardan qurulmuşdu. Bir-iki nəfər yaşlı oyunçu vardı. O ki qaldı fanatı olduğum kluba, uşaqlıqdan “Real”ın azarkeşi olmuşam. Oyunlarını həmişə izləməyə çalışıram. Futbolçu kimi isə Ronaldonun heyranıyam.
- Ən böyük hədəfin, arzun nədi?
- Milli komanda ilə seçmə mərhələni adlamaq və “Neftçi” ilə bu il çempion olmaq.
MİRAĞA
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 10:06 Həftənin idman proqramı Bu gün, 10:01 “Sumqayıt 70”dən yubiley hədiyyəsi Bu gün, 09:59 “Neftçi” – “Sperantsa”: hakimlər açıqlandı, biletlər satışa çıxarıldı Bu gün, 09:56 "Forza Neftçi" bu gün Bakıya çatacaq Bu gün, 09:54 Emil Balayev qol buraxmadı, rəmzi komandaya düşdü Bu gün, 09:52 “Dauqavpils” Əli Şirinovu rənglərinə bağladı Bu gün, 09:47 Stankoviç Kişinyovda oynamadığına görə üzgündü Bu gün, 09:43 Yığmanın heyəti açıqlandı Bu gün, 09:42 AÇ üçün rekord müraciət 15-07-2019, 14:37 PFL yeni mövsümə yenilənmiş Əsasnamə ilə başlayacaq 15-07-2019, 14:35 Çimərlik futbolu üzrə yığmanın üzvlərinə danışmaq qadağası qoyulub 15-07-2019, 14:32 Kamran Quliyev legioner transferini istisna etmədi 15-07-2019, 14:28 “Neftçi” işinin öhdəsindən gəldi 15-07-2019, 14:26 Vidadi Rzayev “Səbail”in də şansının olduğunu düşünür 15-07-2019, 14:24 Ramil “Dinamo”nun heyətində rəsmi oyuna çıxdı 15-07-2019, 14:21 Ağabala dubl edəcəyini gözləmirmiş 15-07-2019, 14:18 “Sevindirici haldı ki, Kişinyova hər iki gəlişim uğurlu alınıb” 15-07-2019, 14:15 Yaşıllığa bürünən, dəbdəbədən uzaq Kişinyov... 15-07-2019, 14:13 Proqrama pul tapmadız? 15-07-2019, 14:11 Mövqeyimiz dəyişmədi 15-07-2019, 14:07 Transfer dosyesi 15-07-2019, 14:04 Rəşid Mahmudov Moskvada Peleni canlı izləyib 13-07-2019, 15:35 Voleybol yığmamız Bolqarıstana yollandı 13-07-2019, 15:28 Nazim Babayev bayrağımızı dalğalandırdığı üçün qürur hissi keçirir 13-07-2019, 15:23 Nikola Yurçeviçin məzuniyyəti bitdi 13-07-2019, 15:20 “İmarət”dən “Forza Neftçi”nin Moldova səfərinə atmaca 13-07-2019, 15:16 Rəmiş Malıyev “Keşlə”dən və futboldan getdi 13-07-2019, 15:09 “Forza Neftçi” Kişinyovda da tribunaya fişəng keçirdi 13-07-2019, 15:01 “Neftçi” mərhələnin taleyini Kişinyovda həll etdi 13-07-2019, 14:56 “Sperantsa”nın baş məşqçisi boşboğazlıq etdi 13-07-2019, 13:17 “Qəbələ”nin gücü bir hissəyə çatdı 13-07-2019, 13:15 Region Liqasının mükafatçısı üçün tədbir 13-07-2019, 13:09 Aftandil Hacıyev: “Əlbəttə, çalışacağıq, amma çox çətin görünür” 13-07-2019, 12:59 Ağabala “Səbail”i məğlubiyyətdən qurtara bilmədi 13-07-2019, 12:48 “Qarabağ” səhərəyaxın qayıtdı 13-07-2019, 12:44 “Qarabağ” biletləri satışa çıxardı 13-07-2019, 12:39 Aqolli heç-heçəni “Qarabağ” üçün uğurlu nəticə sayır 13-07-2019, 12:35 “Partizani” rəhbərliyi məmnundu 13-07-2019, 12:24 “Neftçi”ni məyus etmiş komandanın oyunçusu “Keşlə”də 13-07-2019, 12:18 Əsgər Abdullayev “Araz Naxçıvan”da! 13-07-2019, 12:15 Nazim Süleymanovun qalmaqallı müsahibəsinə sözardı 13-07-2019, 12:12 İki azərbaycanlı ulduzun avrokubok macəraları 12-07-2019, 12:36 Federasiya Fransa çempionu olan basketbolçuyla maraqlanmır 12-07-2019, 12:33 Yığmanın baş məşqçisi istefa verdi 12-07-2019, 12:30 Məğlubiyyətdən başqa istənilən nəticə Bordini qane edəcək 12-07-2019, 12:26 "Sperantsa" ilə oyunöncəsi 9 saatlıq yolculuq 12-07-2019, 12:22 “Forza Neftçi” gömrük məntəqəsində problemlə üzləşdi 12-07-2019, 12:20 "Neftçi" yayın hüququnu 5 min avroya aldı 12-07-2019, 12:11 “Zirə”nin prezidenti istefa verdi 12-07-2019, 12:01 Nazim Süleymanov “vulkan kimi püskürdü” 12-07-2019, 11:58 “Tofiq Bəhramov” avropalılar önünə sökük örtüklə çıxacaq 12-07-2019, 11:55 Riad Rəfiyev Nazim Süleymanova cavab verməyi lazım bilmədi 12-07-2019, 11:47 MOK və AFFA Vaqif Davudovu yubileyi münasibətilə təbrik etdi 12-07-2019, 11:45 “Qəbələ” Adeniyini 100 min avroya icarəyə verdi 12-07-2019, 11:44 “Sabah” transferlərdən “doymur” 12-07-2019, 11:42 Rəhim Həsənov Slovakiyaya gedir 11-07-2019, 18:36 Sakit Alıyevin xatirə turniri başa çatdı Bütün xəbərlər
Ən çox oxunanlar