05 okt 23:51olke

“Qarabağ” oynadı, “Arsenal” qolları sıraladı

“Qarabağ” oynadı, “Arsenal” qolları sıraladı
Avropa Liqası
Qrup mərhələsi, 2-ci tur
Qarabağ – Arsenal (İngiltərə) 0:3 (0:1)
13. Vaqner da Silva
25. Ansi Aqolli
52. Yakub Jezniçak
55. Bədavi Hüseynov
5. Maksim Medvedev (k)
2. Qara Qarayev
(6. Simeon Slavçev, 84)
8. Miçel
17. Abdulla Zubir
19. Filip Ozobiç
(9. Araz Abdullayev, 67)
11. Mahir Mədətov
(28. Con Delarj, 61)
7. İnnosent Emeqara
Ehtiyat oyunçular
1. Hannes Halldorsson
4. Rahil Məmmədov
30. Abbas Hüseynov
91. Coşqun Diniyev
Baş məşqçi: Qurban Qurbanov

19. Bernd Leno
31. Sead Kolaşinats
18. Naço Monreal (k)
(11. Lukas Torreyra, 46)
5. Sokratis Papastatopulos
16. Rob Holdinq
12. Ştefan Lixtştayner
4. Məhəmməd Elneni
29. Metteo Qenduzi
17. Aleks İvobi
(9. Aleksandr Lakazett, 71)
55. Emil Smit-Rou
(10. Məsut Özil, 65)
23. Danni Uelbek
Ehtiyat oyunçular
26. Emiliano Martines
2. Eektor Belyerin
20. Şkodran Mustafi
34. Qranit Caka
Baş məşqçi: Unay Emeri
Qollar: S.Papastatopulos, 4 (0:1). E.Smit-Rou, 53 (0:2). M.Qenduzi, 80 (0:3).
Vərəqlər: M.Medvedev, 33. R.Holdinq, 43 – sarı.
Hakimlər: DAVİDE MASSA, Filippo Meli, Alessandro Kostanso, Fabiano Preti, Daniele Doveri, Mixael Fabbri (hamısı İtaliya).
Hakim-inspektor: Nikolay Levnikov (Rusiya).
UEFA nümayəndəsi: İştvan Huşar (Macarıstan).
4 oktyabr. Bakı. Olimpiya stadionu. 63412 tamaşaçı (68700 yerlik)
Yalnız ikinci hissəyə 3 dəqiqə əlavə olunub.
12 (4) qapıya (“çərçivə”yə zərbə) 13 (4)
9 qayda pozuntusu 9
1 vərəqə (qırmızı) 1
6 korner 4
6 ofsayd 1
Dünən Avropa Liqasında qrup mərhələsi çərçivəsində 2-ci turun görüşləri keçirildi ki, qitənin ikinci dərəcəli klub turnirində mübarizəni davam etdirən “Qarabağ” da növbəti oyununa çıxdı. E qrupunda mübarizəyə “Sportinq”lə səfərdə keçirdiyi oyunla start verən Qurban Qurbanovun komandası bu dəfə evdə İngiltərə nəhənglərindən “Arsenal”ı sınağa çəkdi. Təkcə qrupun yox, turnirin əsas favoriti olan London təmsilçisi ilə Bakı Olimpiya Stadionundakı görüş anşlaqla baş tutdu. Ardıcıl 5-ci dəfə qrupa düşən Qurban Qurbanovun yetirmələrinin oyununa maraq bir yana, rəqibin adı da azarkeşləri cəlb edirdi.
Sözsüz, ağdamlıların adlı-sanlı rəqibi büdrətməsi inandırıcı görünmürdü. “Arsenal” Bakıya 7 oyunluq qələbə seriyası ilə gəlmişdi. Bu azmış kimi, azarkeşlərini sensasiya ilə sevindirmək arzusunda olan çempion “topçular”la oyuna da itkilərlə çıxdı. Bu mənada Vild-Donald Geryenin yoxluğu xüsusi qeyd olunmalıdı. İndiyədək İngiltərə klublarından xal ala bilməyən “Qarabağ” üçün matç tarixi əhəmiyyət kəsb edirdi. Belə ki, ağdamlılar avrokuboklarda 100-cü, evdə 50-ci sınağına çıxmışdı.
Təəssüf ki, təmsilçimiz “Arsenal”ın erkən qol həvəsini “qursağında qoya” bilmədi. Hərçənd 3-cü dəqiqədə rəqibin bir həmləsini önləməyi bacarmışdıq. Monreal Maksimi keçib qapı qarşısına paralel ötürmə etsə də, Vaqnerin toxunuşu təhlükənin böyüməsinə imkan vermədi. Bununla belə, “Arsenal” künc zərbəsindən sonra hesabı açdı. Monrealın ötürməsindən sonra Papastatopulos “Qarabağ”ı meydanın mərkəzinə dəvət etdi. Ancaq start həyəcanı keçdikcə Qurban Qurbanovun yetirmələri Unay Emerinin komandasını tez-tez narahat etməyə başladı. 9-cu dəqiqədə Emeqara Ozobiçin ötürməsindən sonra rəqib meydanına şığısa da, “Arsenal”ın müdafiəsi etibarlı oynadı. 16-cı dəqiqədə əks-hücumda ingilisləri cəzalandıra bilərdik. Ansi ilə Zubirin paslaşmasından sonra sonuncu nə qapını nişan ala bildi, nə də dəqiq ötürmə verdi. İki dəqiqə sonra Smit-Rou çoxgedişli kombinasiyanı dəyərləndirə bilmədi. Kolaşinatsın ötürməsi sürətli alındığından, gənc forvard topa yetişmədi.
27-ci dəqiqədə “Qarabağ” yüzfaizlik imkanı əldən verdi. Əla təşkil olunan hücumdan sonra Mahir iki gözəl hərəkətin ardından cərimə meydançasında qapıya zərbə endirdi. Onun sol ayaqla vuruşunu Leno cəld reaksiya ilə zərərsizləşdirməyi bacardı. Bir dəqiqə sonra Mədətov yenidən diqqət mərkəzinə düşdü. Zubirin uzaq dirəyin önünə havalandırdığı topu Mahir yıxılaraq tora qovuşdurmaq istəsə də, hədəfə düşə bilmədi. Bu epizodda yan xətt hakimi də ofsayd işarə etmişdi.
39-cu dəqiqədə “Qarabağ” daha bir inanılmaz imkanı boşa verdi. Daha doğrusu, zədəli Petr Çexin yoxluğunda “çərçivə”yə keçən Leno “Arsenal”ı yüzfaizlik qoldan xilas etdi. Əvvəlcə Aqollinin zərbəsi alınmadı, ancaq rəqib təhlükəni uzaqlaşdıra bilmədi və top Ozobiçin qarşısına düşdü. Onun qüvvətli zərbəsini Leno dəf etməyi bacardı. Start həyəcanını nəzərə almasaq, “Arsenal”dan daha inamlı görünən “Qarabağ” fasilə ərəfəsində “status-kvo”nu bərpa edə bilərdi. Belə ki, 43-cü dəqiqədə Qaranın ideal ötürməsini rəqibin cərimə meydançasında sinəsi ilə saxlayıb zərbə endirən Maksim toru yandan silkələdi.
“Qarabağ” ikinci hissəyə qolla başladı. 48-ci dəqiqədə Emeqaranın ara ötürməsindən sonra Mahir qapıçıyla təkbətək çıxıb topu tora qovuşdursa da, yan xətt hakimi haqlı olaraq ofsayd bayrağını qaldırdı. Beləliklə, qol qeydə alınmadı. Fasilədən sonra inamlı çıxışını davam etdirən “Qarabağ” 50-ci dəqiqədə qol vurmağa borclu idi. Ancaq Zubirin mükəmməl ötürməsindən sonra qapıçı ilə növbəti dəfə üzbəüz qalan Mahir topu saxlaya bilmədi. Bir qədər sonra “vurmayana vurarlar” prinsipi işə düşdü. 53-cü dəqiqədə müdafiəmiz azlıqda yaxalandı. İvobinin ötürməsindən sonra qapıçı ilə üzbəüz qalan Smit-Rou topu onun qoltuğunun altından tora qovuşdurdu.
Həm özü oynayan, həm də rəqibin oynamasına imkan yaradan “Arsenal”ı bir saatın tamamında meydanın mərkəzinə dəvət etmək olardı. Ozobiçin cərimə meydançasına asmasını Jezniçak Emeqaranın önünə atdı. Ofsayd olmadığını görən hücumçunun qapıçının yanından atmaq istədiyi top son anda Lenonu “sığortalayan” Papastatopulosun ayağından geri döndü.
Qurbanovun əvəzetmələri də işə yaramadı. Mahiri əvəzləyən Delarj və Ozobiçin yerinə meydana çıxan Araz oyunu gücləndirə bilmədi. Əksinə, 3-cü qol məhz Delarjın səhvindən sonra vuruldu. Onun ünvansız ötürməsini ələ keçirən londonlular 80-ci dəqiqədə əks-hücum təşkil etdilər və hesabı darmadağın həddinə çatdırdılar. Hərçənd 85-ci dəqiqədə “Qarabağ” qrupda qol hesabını aça bilərdi. Zubirin uzaqdan zərbəsindən sonra Leno topu əla reaksiya ilə tirin üstündən aşıra bildi. Beləliklə, “Qarabağ” ilk iki oyunu xal bir yana, qol belə vura bilmədən başa vurdu. Amma insafən, adlı-sanlı rəqibinin qapısı qarşısında bir neçə dəfə qol imkanı əldə edən təmsilçimiz cəsarətinə görə alqışlanmalıdı. Məsələ ustalıqda, səviyyə fərqindədi...
MİRAĞA

Reaksiyalar
Tahir Gözəl: “Qarabağ” bu gün Azərbaycanın və klubun adına layiq oyun sərgilədi. Fikrimcə, yekun nəticə oyunun gedişatını əks etdirmədi. Komandamızın möhtəşəm oynadığını düşünürəm. Bu gün “Qarabağ” öz çıxışı ilə həm “Arsenal”ın, həm də bu oyunu izləyən azarkeşlərin rəğbətini qazandı. Bu gün çatışmayan nəticə oldu. Rəqibin adını da unutmayaq. Məqsədimiz Qarabağ adını dünyaya eşitdirməkdi. Buna nail olmaqda davam edirik. Bu cür möhtəşəm stadionda dünyanın adlı-sanlı komandalarını qonaq edirik. Azərbaycana gəlişimin səbəbi tək bu oyun deyildi. Onsuz da ayın 15 gününü burda oluram. İşlərlə bağlı gəlib-gedirəm. Bu oyunun heç vaxt unudulmayacağını düşünürəm. Xüsusilə də birinci hissə əla idi. Daha səviyyəli futbolçular almaq? Bilirsiz, “Qarabağ”ın gəlirləri çox məhduddu. Gəlirlərin 90 faizi, bəlkə də daha artığı bir sponsorun üzərindədi. Əlavə gəlirlərimiz demək olar ki, yoxdu. Azarkeşlərimizin çoxu qaçqınlardı. Baxın, bu gün stadion tam doldu. Xərcləri çıxanda, yerdə 300-350 min manat qaldı, ya yox. Heç bir futbolçunun maaşı eləmir. Ona görə də bu gün əlimizdəki imkanlarla maksimumu etməyə çalışırıq. Qarşımızdakı klubların yarım milyard büdcəsi var. Biz onlara heç vaxt çata bilməyəcəyik. Hədəfimiz sırf olaraq bu rəqibləri udmaq deyil. Əsas məqsəd Azərbaycan ruhunu, müstəqilliyini, mübarizə əzmini və ən əsası, Qarabağ həqiqətlərini dünyaya tanıtdırmaqdı. Sizi inandırım ki, bizi alqışlayırlar. O vaxt çexiyalı hakim qolumuzu qeydə almayanda, italyan jurnalistlər həqiqəti yazıb bizi dəstəkləyirdi”.
Rəşad Sadıqov: “Tahir bəyin dedikləri ilə tək mən yox, futbolu az da olsa anlayan hər kəs razılaşar. Bəli, mən də o fikirdəyəm ki, hesab oyuna görə olmadı. Çoxsaylı qol imkanlarımız oldu. Beynəlxalq görüşlər bir tərəfə, bəlkə öz çempionatımızda belə bu qədər qol fürsəti yaxalamırıq. Son zərbə, son ötürmə - bunlar çatmırdı. Bunu ustalıq səviyyəsi ilə bağlamaq olar. Elə epizod var idi ki, topu saxlayıb, üç metrdən qol vurmaq lazım idi. O cür adi epizodlarda həyəcanlanıb topu istədiyimiz kimi ram edə bilmirdik. Bu oyun qorxulu yuxu kimi keçdi. Üçüncü qola qədər pis oynamırdıq. Ondan sonra rəqibə boşluqlar verməyə başladıq. Kənarda olsam da, matçı sakit izləyirdim. İlk hissədə bir-iki vəziyyəti boşa verəndən sonra içimdəki hiss yaxşı nəticə ilə ayrıla bilməyəcəyimizi deyirdi. Bu cür rəqiblərlə görüşlərdə qol şanslarını boşa verirsənsə, yaxşı mənada nəyəsə ümid etmək çətin olur. Azarkeşlər sağ olsunlar. Gəldilər, dəstək verdilər. Bu gün möhtəşəm idilər. Onları sevindirmək istəyirdik. Alınmadı”.
Ansi Aqolli: “Nəticəni kənara qoysaq, pis oyun olmadı. “Arsenal” kimi güclü rəqibə qarşı ən yaxşı oyunlarımızdan birini sərgilədik. Şansları dəyərləndirə bilsəydik, hər şey başqa cür ola bilərdi. Bu cür oyunlarda təcrübə sözünü deyir. Təbii, bizim də güclü futbolçularımız var. Məhz buna görə də rəqibdən aşkar geri qalmırdıq. Sadəcə, qol vəziyyətlərində təcrübə sözünü deyir. Xal qazanmağa nə çatmadı? Təbii ki, lazım olan qol”.
Qara Qarayev: “Hər şeydən əvvəl siz jurnalistlərə və bu gün stadionu dolduran azarkeşlərə minnətdarlığımı bildirirəm. Sizin sayənizdə oyuna olan maraq artdı və yekunda tərəfdarlar bu cür möhtəşəm ab-hava yaratdılar. Məncə, pis oynamadıq. Elə indicə öyrəndim ki, statistik göstəricilərdə “Arsenal”dan heç də geri qalmamışıq. İlk yarıda Maksimlə Mahirin, həmçinin Filipin, fasilədən sonra Emeqara ilə Mahirin qol şansları olsa da, qol vura bilərdik. Qol vura bilsəydik, bəlkə də hər şey fərqli olacaqdı. O səviyyəyə çatmaq üçün dayanmamalıyıq, daim işləməliyik. İnşallah, növbəti görüşlərdə istədiyimiz qolları vurarıq. Miçelin oyununun alınmadığını deməzdim. Rəqib hücumlarını cinahlardan qururdu ki, belədə asmalardan istifadə edirdi. Xüsusən ilk yarıda bu taktikadan yararlanırdılar. Belədə Miçellə mənim üzərimə “qara iş” çox düşürdü. Qurban Qurbanov oyundan əvvəl “heç nə yoxdu, rahat olun, azarkeşlərə maraqlı oyun göstərin” deyib dəstəkləmişdi. Oyundan sonra da təşəkkürünü bildirdi, təbrik etdi. Amma bəzən mübarizə əzmi qələbə qazanmağa kifayət etmir. “Arsenal” da elə-belə komanda deyil. “Arsenal”la “Sportinq”dən 6 xal geri qalmaq böyük fərqdi. Buna baxmayaraq, dayanmaq olmaz. Son oyuna qədər döyüşməliyik”.
Maksim Medvedev: “Bu gün rəqibdən çəkinmədik. Öz oyunumuzu sərgiləməyə çalışırdıq. Hücum qurmaq, qol vurmaq üçün əlimizdən gələni etməyə çalışırdıq. Bunun sayəsində çox sayda qol fürsəti yaxaladıq. “Arsenal” kimi komandaya qarşı bu cür oynamaq hər komandanın işi deyil. Vacib olan o idi ki, rəqibin adından qorxmadıq. Halbuki bizimlə müqayisədə başqa səviyyədə komandadı. Uduzmağımıza baxmayaraq, ruhdan düşmürük, irəli boylanırıq. Nəticə o qədər də vacib deyil. Əsas odu, “Arsenal”ı Bakıya gətirib, o cür futbolçuların azarkeşlər qarşısında oynamasına imkan yaratdıq. İlk qol kuryoz alındı. O futbolçu özü də bilmədi ki, top harasına dəyib qapıdan keçdi. Diqqətsizliyə yol verdik. İvobini saxlamaqda çətinlik çəkdiyimi deməzdim. Sadəcə, fərdi ustalığı ilə seçilən oyunçudu. Həm də hücuma da dəstək verməyə çalışırdım deyə, bəzən cinahımda boşluqlar olurdu, güc itirirdim. O ki qaldı azarkeşlərin Mahiri fitə basmasına, bunu normal qarşılamıram. Mahir gənc futbolçudu, indidən bu cür təzyiq etsələr, gələcəkdə bacarığını ortaya qoya bilməyəcək. Əksinə, ona dəstək vermək lazımdı. Biz təcrübəli futbolçular bu cür rəqiblərlə oynayanda az da olsa həyəcanlanırıqsa, 21 yaşlı futbolçuda həyəcanın olması normaldı. Məsutun alqışlanması isə normaldı. Böyük futbolçudu və çox sayda azarkeşləri var. Türk olması da müəyyən rol oynayır. Futbolkamı öz azarkeşlərimizə verdim. “Arsenal”ın futbolçularından heç kimdən forma almadım. Belə şeydən uzaq dururam”.
HƏBİB
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Dünən, 12:30 Şəhriyar övladları ilə bir arada Dünən, 12:28 Biletlərin 81 faizi xarici ölkə vətəndaşlarına satılıb Dünən, 12:25 AFFA Azad Həmkarlar İttifaqı İlham Əliyevə müraciət hazırlayır Dünən, 12:19 Yunis Hüseynov Antalyaya gedir Dünən, 12:15 İcra başçısı ilə görüşün təşəbbüskarı şəmkirli məşqçilər olub Dünən, 12:13 Dario Federiko yoxlama oyununda qol vurdu Dünən, 12:11 “Sumqayıt” 7 qolun vurulduğu oyunu uduzdu Dünən, 12:10 MTK gücünü “Qəbələ”yə göstərdi Dünən, 12:07 Amit Quluzadə Albaniyaya qayıtmaq istəyib Dünən, 12:05 “Turan Tovuz” rəhbərliyinə premyer-liqa ilə bağlı heç nə deyilməyib Dünən, 12:04 U-19 hər ay toplanış keçəcək Dünən, 12:02 Hakimlərimiz beynəlxalq arenada nəinki yerində sayır, hətta geri gedirlər Dünən, 11:59 Bakı metrosunda əcaib irqçilik Dünən, 11:56 Kintananın getmək qərarının arxasındakı sirr 8-01-2020, 11:16 Mirabdulla “Neftçi”yə qayıtdı, Rıbka da gedir 8-01-2020, 11:14 PFL kubokun finalının yeri ilə bağlı yekun qərar verməyib 8-01-2020, 11:09 “Neftçi”ylə “Zirə”nin 200 mini əlində qaldı 8-01-2020, 11:07 Bordinin taleyinə bu gün aydınlıq gəlməlidi 8-01-2020, 11:03 Almeydadan xəbər yoxdu 8-01-2020, 11:00 Güloğlan Cabbarov deputat olmaq istəyir… 8-01-2020, 10:54 “Ümid edirəm ki, “Səbail” futbolda özünəməxsus tarix yazacaq” 8-01-2020, 10:50 İl yeniləndi, dekadanın acıları unudulmadı 3-01-2020, 16:35 Ümummilli sorğuda 2-ci dəfə qapıçı qalib gəldi! 3-01-2020, 16:26 “Zirə”dən Elvinə “get” deyən olmayıb 3-01-2020, 16:13 Teymur Rəcəbov 2019-un ən yaxşı idmançısıdı! 3-01-2020, 11:00 “Sabah”ın ilk transferi Marina oldu 3-01-2020, 10:54 Veteranların duelini “Sumqayıt” qazandı 3-01-2020, 10:48 Cəfərquliyevlə Həsənov AFFA-nın qərarıyla razılaşmır 3-01-2020, 10:45 “Qəbələ”: 2019-dan 12 məqam 31-12-2019, 08:18 Ruslan qış fasiləsinin dönüş nöqtəsi olacağını düşünür 31-12-2019, 08:13 Musa Qurbanlı “Qarabağ”ı tərk edə bilər 30-12-2019, 21:22 Agentlərin qış “transfer pəncərəsi” ilə bağlı gözləntiləri 30-12-2019, 21:00 Şahin Zəkiyev “Keşlə”də haqsızlıqla üzləşib 30-12-2019, 20:55 “Azərbaycandan gələn təklifləri gözdən keçirmək fikrim yoxdu” 30-12-2019, 11:04 Mənzilin verilməsi Vladislav Qədirov üçün sürpriz olub 30-12-2019, 11:01 Aftandil Hacıyev: “Elə oyunçular var ki, 3-4 aydı pul ala bilmirlər” 30-12-2019, 10:58 Elvin Yunuszadə yerli klublarla danışıq aparır 30-12-2019, 10:55 Yaşar Vahabzadə “Kəpəz”in oyunlarının videoyazısını dəfələrlə izləyir 27-12-2019, 12:41 Güləş ailəsi bir araya gəldi 27-12-2019, 12:39 Riçard “Qarabağ”dan 1 milyon tələb edir 27-12-2019, 12:37 “Neftçi” rəhbərliyi Bordini yola salmağın planlarını cızır 27-12-2019, 12:35 “Forza Neftçi”nin rəhbəri üsyan edir 27-12-2019, 12:31 Yunanov “Sumqayıt”dan ayrılmağı düşünmür 27-12-2019, 12:29 “Azarkeşlərin AFFA-ya qarşı mübarizəsini parlamentdə də davam etdirəcəyik” 27-12-2019, 12:26 “İlin futbolçusu” sorğusu: adlar və tanıtma 27-12-2019, 12:24 Milli Olimpiya Komitəsində 2019-a yekun vuruldu 27-12-2019, 12:20 AFFA, “Neftçi” və “Qəbələ”… 27-12-2019, 12:19 Region Liqası qış fasiləsinə yollandı 24-12-2019, 23:26 Səməd Qurbanov günahı Bordində görür 24-12-2019, 23:23 “Səbail” AFFA-dan haqqını tələb etməkdə acizdi 24-12-2019, 23:16 Volkovla Ağabala rəsmən “Zirə”də! 24-12-2019, 23:10 “Keşlə” rəhbərliyinin “açılış oyunu” 24-12-2019, 23:06 “Mehdi Hüseynzadə”yə ağır texnika yeridildi 24-12-2019, 23:05 “Qəbələ” tələsik qərar vermək istəmir 24-12-2019, 23:03 Slavçev “Levski”yə keçdi 24-12-2019, 23:02 “İlin futbolçusu” sorğusu: adlar və tanıtma 24-12-2019, 22:55 “Dedilər ki, lazım olsan, “Sumqayıt” rəhbərliyi ilə əlaqə saxlayacağıq” Bütün xəbərlər
Ən çox oxunanlar