03 mar 13:33olke

Zaur Axundovun İcraiyyə Komitəsi üzvlüyünə namizədliyi irəli sürüldü

Zaur Axundovun İcraiyyə Komitəsi üzvlüyünə namizədliyi irəli sürüldü
“Ən böyük istəyimiz futzal akademiyasının yaradılmasıdı”

AFFA-nın martın 16-da təşkil olunacaq növbəti Hesabat Konfransında İcraiyyə Komitəsində hazırda vakant olan 1 yerə seçki keçiriləcək. Nizamnaməyə əsasən İK üzvlüyünə namizəd AFFA-nın üzvü və ya dolayı üzvü tərəfindən Konfransın keçiriləcəyi tarixdən ən azı 15 gün əvvəl baş katibliyə təqdim olunmalıdı. Sahə Futbol Federasiyası İctimai Birliyi tərəfindən hazırda Futzal Federasiyasının prezidenti vəzifəsində çalışan Zaur Axundovun İK üzvlüyünə namizədliyi irəli sürülüb. Zaur bəy həm bu, həm də başqa məsələlərlə bağlı AFFA-nın saytına danışıb.
- AFFA-nın İcraiyyə Komitəsinin üzvlüyünə yeganə namizədsiz. Platformanızla bağlı nə deyə bilərsiz?
- Əlbəttə, mənim üçün yenilikdi. Eyni zamanda, Azərbaycanda qeyri-olimpiya idman növlərinin inkişafında xüsusi xidmətlərinə görə dövlətimizin başçısı cənab İlham Əliyev tərəfindən Milli Olimpiya Komitəsi prezidentinin fəxri fərmanı ilə təltif edilməyim məsuliyyətimi bir qədər də artırır. Hamımızın bir məqsədi var - Azərbaycanda futbolun inkişafı, milli komandaların və klublarımızın uğur qazanması, istər daxili, istərsə də ölkəmizə həvalə edilən yarışların, turnirlərin yüksək səviyyədə təşkil edilməsi, uşaq futbolunun inkişafı, kütləviliyin artırılması, azarkeşlərin futbola yaxın olması. Bunlar AFFA-nın prioritetləridi və işimizi də bu istiqamətdə davam etdirəcəyik.
- Namizədliyiniz Sahə Futbol Federasiyası tərəfindən irəli sürülüb. Bu qurumda da Futzal Federasiyası ilə yanaşı, bir neçə federasiya yer alır. Deməli, fəaliyyət sferanız bir qədər də genişlənəcək. Həmin federasiyaların problemləri ilə tanışsız?
- Sahə Futbol Federasiyası Mahir Məmmədovun rəhbərliyi altında üzərinə düşən işləri görür. Biz də müntəzəm həmin federasiyalarla görüşürük, bacardığımız köməyi edirik. Bu proses davam etdiriləcək. Aydın məsələdi ki, iş olan yerdə həlli vacib məsələlər də olur. İstər AFFA, istərsə də Sahə Futbol Federasiyası yaranan problemləri mümkün qədər həll edir, yoluna qoyur, federasiyalara lazım olan dəstəyi göstərir. Həmin federasiyaların qazandıqları uğurlu nəticələr də var. Çimərlik futbolu millimiz Avropanın B divizionundan A divizionuna yüksəldi. Futzal yığmamız ardıcıl 4 dəfə Avropa, ötən il isə dünya çempionatının final mərhələsində iştirak etdi.
- Bəs futzalla bağlı hansısa təklifləri səsləndirməyi düşünürsüz?
- Futzala buna qədər də lazımi diqqət göstərilirdi. 2008-ci ildən – federasiyaya prezident seçiləndən sonra müəyyən işlər görmüşük. Nəticə ortadadı: millimiz dünya reytinqində ilk “10-luq”dadı, ardıcıl 4 dəfə Avropa çempionatının final mərhələsinə qatılmışıq. Bu nəticələri bir qədər də yaxşılaşdırmağı düşünürük.
- Millidən söz düşmüşkən, Miltinyonun yanvarda istefa verəcəyini gözləyirdiz?
- Kolumbiyadakı dünya çempionatından sonra Miltinyo ilə dəfələrlə söhbətimiz oldu. Böyük oğlunun problemləri var idi və məşqçimiz narahat olduğunu deyirdi. Dekabrda ailəsi problemin bir qədər də dərinləşdiyini ona bildirdi. Nəticədə Miltinyo həm AFFA, həm də mənimlə görüşüb, dekabrdan sonra yaranacaq fasilədə geri dönməyəcəyini bildirdi. Hazırki məşqçimiz də peşəkar insandı. O, uzun müddət millimizdə oynayıb, eyni zamanda Miltinyonun köməkçisi işləyib. Vaxtımız az olduğunundan və Avropa çempionatının əsas seçmə mərhələsinin oyunlarının Bakıda keçiriləcəyini nəzərə alaraq, seçimimizi Biro Jadenin xeyrinə etdik.
- Baş məşqçinin bu postda ilk işi olması narahatlığa əsas verirmi?
- Yaxşı futzalçı və məşqçi fərqli anlayışlardı. O ağıllı, peşəkar oyunçu olub, futzalı bilir. Ölkəmizə qədər Rusiyada, Braziliyada çıxış edib, böyük təcrübəsi var. Bu seçmə mərhələ onun üçün bir imtahan olacaq. Özü də başa düşür ki, azarkeşlər və AFFA rəhbərliyi qarşısındakı ilk imtahanı məşqçi karyerasında ciddi rol oynayacaq. Hədəfimiz birinci yeri tutaraq ardıcıl 5-ci dəfə AÇ-nin final mərhələsinə yollanmaqdı.
- Baş məşqçi artıq ilk toplanışını keçirib. Razı və narazı qaldığı məqamları sizə bildiribmi?
- Əlbəttə, hazırlıq dövründə də onunla tez-tez görüşürdük. Hər bir baş məşqçinin öz məşq üslubu, işə yanaşma metodu var. İlk toplanışdan sonra o, komandanın 60-70 faiz hazır olduğunu söylədi. Aprelə qədər bir ay vaxtımız var. Onun hazırlıq proqramı ilə tanşıq və martın sonuna qədər komandanın lazımi səviyyəyə çatacağını düşünürük.
- Yoldaşlıq oyunlarının keçirilməsi nəzərdə tutulubmu?
- İki yoldaşlıq oyunu keçirəcəyik. Martın 29-u və 30-da Moldova millisi ilə Bakı İdman Sarayında qarşılaşacağıq. Ona qədər isə çempionatımızda çıxış edən klubların üzvlərindən qurulmuş komanda ilə üz-üzə gələcəyik.
- Yığmamızın yer aldığı qrupdakı rəqiblər haqda nə deyə bilərsiz?
- Bu gün Avropada futzal çox inkişaf edib. Zəif komanda yoxdu. Xüsusilə də bizə qarşı əksər komandalar ikiqat güclə oynayır. Macarıstan yığmasına artıq 4-5 ildi braziliyalı mütəxəssis rəhbərlik edir. Komanda ötən il Serbiyada keçirilən AÇ-nin final mərhələsində çıxış edib. Bosniya və Hersoqovinada da futzalı çox sevirlər. Albaniya isə ilk seçmə mərhələdən vəsiqə qazanıb. Təbii ki, hər bir iştirakçının məqsədi gələn il Sloveniyada keçiriləcək AÇ-nin finalında iştirak etməkdi. Ona görə oyunlar asan keçməyəcək. Maraqlı qarşılaşmalar izləyəcəyik və azarkeşlərimizi aprelin 8-i, 9-u və 11-də Bakı İdman Sarayında keçiriləcək oyunlara dəvət edirik.
- Top-komandalara qarşı köklənmək asandı. Qrupumuzda belə rəqibin olmaması arxayınlıq yarada bilər?
- Arxayınlıq bizə hər zaman problem yaradır. Razıyam, güclü rəqibə qarşı futzalçılar motivasiya olur, çünki hansı komandaya qarşı oynayacaqlarını bilirlər. Heç vaxt imkan verməmişəm ki, oyunçularımız hansısa rəqibə yuxarıdan aşağı baxsın. Yenə də profilaktik söhbətlər aparılır. Bu yolverilməzdi. Heyətə 2-3 gənc oyunçu də dəvət etmişik ki, gələcəkdə oynamaq imkanı qazansınlar.
- Milli tapşırığın öhdəsindən gəlsə, final mərhələsinə də Biro Jade ilə yollanacaq?
- Zamanı qabaqlamaq istəmirəm. Final mərhələsinə vəsiqə qazanmaq, Biro Jade də daxil olmaqla, hamımızın istəyidi. Biro ilə müqaviləmiz mayın sonuna qədər nəzərdə tutulub. Əlbəttə, birinci yeri tutması onun üçün yaxşı şans ola bilər. Burda hər şey nəticə ilə ölçülmür. Bəlkə komanda birinci yeri tutdu, amma oyun planında biz istəyəni vermədi?! Taktiki, fiziki hazırlıq, nizam-intizam nəzərə alınacaq və yekunda AFFA rəhbərliyi ilə Biro Jadenin statusu haqda söhbət edəcəyik.
- Çempionatda keyfiyyəti artırmaq üçün yeni planlar hazırlanırmı?
- İntriqa, mübarizə yenə var. Ən azı 3 komanda bir-biri ilə rəqabət aparır. Təbii ki, biz də keyfiyyəti artırmaq üçün əlimizdən gələni edirik. Çempionatımız sabit keçir. Hazırda isə 45 komanda müxtəlif liqalarda yarışır.
- Oyunların canlı yayınlanması üçün danışıqlar aparılırmı?
- Mövsümün sonuna qədər mərkəzi oyunların “CBC Sport” telekanalında yayınlanması nəzərdə tutulub.
- Əksər bölgələrimizdə futzal oyunlarını keçirmək üçün idman kompleksləri var. Bəs komandaların yaradılması üçün hansı addımlar atılacaq?
- Hər il bir bölgə komandası çempionatımızda iştirak edir. Bunu kütləviləşdirmək isə yalnız bizdən asılı deyil. AFFA bölgələrdə futzalın inkişafı ilə bağlı bütün təkliflərə dəstək verir və bunda maraqlıdı. Amma bölgələrdə də lazımi insanlar müəyyən addımlar atmalıdı. Onlar işlərin 10 faizini üzərlərinə götürsələr, qalan 90 faizini AFFA, Futzal Federasiyası həll etməyə hazırdı. Biz həmin təkanı gözləyirik.
- İlk dəfə ölkəmizdə FİFA-nın təşkilatçılığı ilə futzal hakimləri və hakim-inspektorları üçün seminar keçirildi. Kateqoriya verən məşqçi kurslarının təşkili ilə bağlı necə, plan varmı?
- Bu gündəmdədi. Ən böyük istəyimiz futzal akademiyasının yaradılmasıdı. AFFA rəhbərliyi ilə bunu müzakirə edəcəyik. Nail olsaq, futzalın inkişafına böyük təkan veriləcək. Futzal ölkəmizdə ənənələri olan idman növüdü və hər zaman maraqla qarşılanıb. Akademiya eyni zamanda millinin bazası rolunu oynayacaq. Orda bir neçə zalın tikilməsi və aşağı yaş qruplarından ibarət bölmələrin yaradılması planlaşdırılır. Nəticədə həm millimiz, həm də məşqçilərimiz qazanmış olacaq. Bakı İdman Sarayı isə əsas millimizin rəsmi oyunlarını keçirəcəyi məkan kimi qalacaq.
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 20:09 Sloveniyanı udduq Dünən, 20:08 Daha bir əcnəbi məşqçi ölkəmizi tərk etdi Dünən, 20:06 Anastasiya dopinqli çıxdı, Tofiq Heydərov istefa verdi Dünən, 20:05 AMKF bəyanat yaysa da... Dünən, 20:04 Çingiz Hüseynzadə “Futbol+”in üzə çıxardığı faktları təsdiqlədi Dünən, 20:01 “İnter” rəhbərliyi bəyanat yaydı Dünən, 19:57 “Həmin pisniyyət adamlara görə hələ də transfer vərəqim “Kukesi”yə göndərilməyib” Dünən, 19:54 “Qəbələ” akademiyasında yeni məşqçilər Dünən, 19:52 Məhsuldar başlanğıc Dünən, 19:51 “Kəpəz” “Zirə”ni Yevlaxda qəbul edə bilər Dünən, 19:50 Reaksiyalar Dünən, 19:48 Danimarkalı həmkarlarımız 0:1-ə görə sevinir Dünən, 19:47 Tanınmışlar da uğura biganə qalmadı Dünən, 19:46 Azarkeşlər bu dəfə sona qədər tribunaları boşaltmadı Dünən, 19:44 Hakimlər “Qarabağ”ın tarixi qələbəsinə kölgə salmadı Dünən, 15:21 “Kopenhagen”in məşqçisi “Qarabağ”ı favorit göstərdi Dünən, 15:11 “Qarabağ” Danimarkaya çarterlə gedir Dünən, 15:07 Bilet satışındakı çatışmazlıqları aradan qaldırmağın vaxtıdı Dünən, 15:06 “Qarabağ”dan gözəl oyun və tarixi qələbə Dünən, 15:04 Debütdə 1700 manat Dünən, 15:02 Əzimov istefa verdi, Ağacanov “Binə”yə keçdi 16-08-2017, 23:38 Turun oyunçusu 16-08-2017, 23:35 Müşahidə Şurasının hakimi vuran üzvü “Futbol+”ə danışdı 16-08-2017, 23:29 HAKİMLƏRİN MÜHAKİMƏSİ 16-08-2017, 16:02 Rauf müqavilə bağladı, “İnter”in icraçı direktoru coşdu 16-08-2017, 15:59 “Mehdi Hüseynzadə”yə arxa çevirib, “kibrit qutusuna sığınan” şəhər... 16-08-2017, 15:55 Rüstəm Orucov mövqeyini qorudu 16-08-2017, 15:54 Rəsul Çunayev liderliyini davam etdirir 16-08-2017, 15:53 Karateçilər Urmiyada medal qoymadı 16-08-2017, 15:51 Millət vəkili də legionerləşmənin əleyhinədi 16-08-2017, 15:49 “Kukesi” Rauf Əliyevi publikaya təqdim etdi 15-08-2017, 12:05 Sumqayıt startda Gəncəni cəzalandırdı 15-08-2017, 12:00 “Qarabağ”ın oyunu italiyalılara tapşırıldı 15-08-2017, 11:59 “Kopenhagen” yenə xal itirdi 15-08-2017, 11:56 “Qarabağ”ın oyununa maraq həddən artıq böyükdü 15-08-2017, 11:54 “Zirə” “Səbail”in debütünü korladı 15-08-2017, 11:52 Raufun “Kukesi”yə transferi düyünə düşüb 15-08-2017, 11:50 Ramin Musayev Sumqayıtda tribuna tikəcək 15-08-2017, 11:47 “Vətən” birinci divizionda oynayacaq, Əsədov baş məşqçi olacaq 15-08-2017, 11:46 Qriqorçuk yetirmələrindən narazı qaldı 15-08-2017, 11:43 “İnter” döyüşdü, sevinən “Qəbələ” oldu 15-08-2017, 11:39 “Qəbələ” Xavi ilə yolları ayırdı 15-08-2017, 11:37 Həkim, dizayner, energetik, rəssam... 15-08-2017, 11:36 Boris Xetaqurov göz yaşını saxlaya bilmədi 15-08-2017, 11:32 “Anortosis” Araza pulsuz yiyələnib 15-08-2017, 11:30 Elxan Abdullayevin söydüyü azarkeş “Futbol+”ə danışdı 15-08-2017, 11:26 “Neftçi” “Asan xidmət”lə vidalaşır 15-08-2017, 11:23 Çempion mövsümə məğlubiyyətlə başladı, “İnter Arena”ya qol yağdı 15-08-2017, 11:19 Vüqar Əsgərovdan növbəti qol 15-08-2017, 11:18 Dünya və olimpiya çempionu zirvədə 15-08-2017, 11:17 Milli Belçikaya uduzdu 15-08-2017, 11:16 “Mauqli” qisas üçün döyüşəcək 15-08-2017, 11:14 Biri Türkiyədə, biri Çexiyada fərqləndi 15-08-2017, 11:13 Kazanda yeddinci oldular 15-08-2017, 11:11 Yığma “AAAF Park”da toplanış keçir 15-08-2017, 11:09 İlk turdan sonra: qol vurmayan qalmadı 13-08-2017, 14:36 Mütəxəssislər yenə “Qarabağ”la “Qəbələ”ni fərqləndirir Bütün xəbərlər
Ən çox oxunanlar