13 sen 23:23olke

“Uğur”un futbolçuları 10 min manatın həsrətindədi

“Uğur”un futbolçuları 10 min manatın həsrətindədi
Region Liqasının qalibi Ukrayna, Finlandiya və İspaniya klubları ilə qarşılaşacaq
Ötən mövsüm Region Liqasının finalı təmtəraqlı şəkildə keçirildi. “Bayıl Arena”da təşkil olunan mövsümün əsas qarşılaşmasında AFFA rəhbərliyi ilə yanaşı, ölkənin futbol ictimaiyyətinin sayılıb-seçilən simaları iştirak etdilər. “CBC Sport”un canlı yayın təşkil etdiyi görüşdən sonra Sumqayıt “Uğur”una kubok, mükafatçılara isə medallar təqdim olundu. Bundan başqa, turnirin Əsasnaməsinə uyğun qalibə 10, gümüş mükafatçıya 5, üçüncü yerin sahibinə isə 3 min manat pul mükafatı verilməliydi. Ancaq təəssüf ki, hələ də həmin pullar ünvanına çatdırlmayıb.
Ötən saylarımızın birində məsələ ilə bağlı qəzetimizə açıqlama verən Region Liqasının Təşkilat Komitəsinin üzvü Yusif Vəliyev yubanmanı belə əsaslandırmışdı: “Biz istəyirdik ki, hər üç komandanın pul mükafatını eyni gündə verək. Bununla bağlı həm Uğur”, həm “Energetik”, həm də “Füzuli” komandalarının rəhbərliyinə müraciət edib bank sənədlərini Təşkilat Komitəsinə göndərmələrini istəmişdik. Yalnız “Uğur” rəsmiləri müraciətimizə reaksiya verdi və lazımi sənədləri vaxtında bizə təqdim etdilər. Növbəti həftənin ilk günlərində Sumqayıt klıubuna çatacaq vəsait onların hesabına köçürüləcək”.
Həmin söhbətin üstündən artıq iki2 həftə keçib. Dünən redaksiyamızla əlaqə saxlayan Region Liqasının ilk qalibi olan komandanın üzvləri AFFA rəhbərliyinin vədini tutmadığını, hələ də mükafat kimi onlara çatmalı olan 10 min manatın yolunu gözlədiklərini bildirdilər. Komandanın adının çəkilməsini istəməyən təcrübəli oyunçularından biri bunları söylədi: “3 aydan çoxdu eyni sözləri eşidirik. Hər həftənin ilk günü pulun köçəcəyini deyirlər, ancaq həftəsonu məlum olur ki, hesaba heç qəpik də köçməyib. Başa düşmürük, bizi niyə belə aldadırlar? Ya konkret desinlər ki, mükafatı verməyə imkanımız yoxdu, AFFA-nın “Uğur”un 10 min manatına ehtiyacı var. Ya da konkret tarix deyib sözlərini tutsunlar. Artıq qeyri-müəyyənlikdən bezmişik. Nə vaxta kimi eyni bəhanələri eşidəcəyik? Bu gün-sabah yeni mövsümə start veriləcək, ancaq biz çempion kimi ötən mövsümün mükafatını almamışıq. Təşkilat Komitəsinin üzvləri, AFFA rəsmiləri hər gün mətbuatda, sosial şəbəkələrdə bəh-bəhlə liqanı tərifləyir, yeni liqanın uğurlu layihə olduğunu göstərməyə çalışırlar. Bəli, Region Liqası yaxşı ideyadı, bir çox kənarda qalan futbolçuların az-çox pul qazanması üçün iş yeridi. Ancaq liqanın daha da inkişaf etməsini, yeni komandaların birinciliyə qoşulmasını istəyirlərsə, sənəd üzərində göstərilən şərtləri də yerinə yetirməlidilər. Bu gün üçün görünən odu ki, Region Liqasında hər şey görüntü xatirinə edilir, turnirin davamlı olmasını istəməyənlər narazılıq yaratmaq üçün bu üsullara əl atırlar. Bizim başımıza gələnlərdən başqa komandalarda oynayan futbolçular da xəbərdardı. Sizcə, bütün bunlardan sonra onlar turnirə ciddi yanaşarlar? Artıq səbrimiz tükənib. Çempionatın startına kimi pulumuzu almasaq, başqa vasitələrə əl atmaq məcburiyyətində qalacağıq”.
Komanda adından danışan futbolçunun söylədiklərindən sonra yenidən Yusif Vəliyevlə əlaqə saxladıq. Vəliyev növbəti dəfə “Uğur”a çatacaq vəsaitin həftəiçi komandanın hesabına köçəcəyini söylədi: “Başa düşmürəm, “Uğur”un futbolçuları nədən narahatdılar? Biz tez-tez komandanın rəhbərliyi və baş məşqçisi ilə görüşürük. Bugünlərdə baş məşqçi yenə AFFA-ya gəlmişdi. Ona dedim ki, bank əməliyyatı ilə bağlı köçürmə məsələsi bir qədər ləngiyir. Əslində bu işlə AFFA-da başqa şöbələr məşğul olur. Mən sadəcə, onlardan məlumat alıb sizə bildirirəm. Ötən mövsümün qalibinə çatacaq 10 min manat bu həftənin sonuna kimi komandanın hesabına köçürüləcək”.
Sonda onu da bildirək ki, “Uğur” bu il Azərbaycanı UEFA Regionlar Kubokunda təmsil edəcək. Ancaq Sumqayıt təmsilçisi bəzi problemlərlə üzləşib. Bu haqda bilgini komandanın baş məşqçisi Qəzənfər Abbasovdan aldıq: "Əsasnaməyə görə, Region Kubokunda həvəskar səviyyədə 2 il oynamış futbolçu çıxış edə bilər. Bu səbəbdən komandaya yeni futbolçuların cəlb edilməsi bir az çətindi. Ötən mövsüm bizimlə olan oyunçularla davam edəcəyik. Əlavə olaraq, digər klublardan da bir neçə nəfər cəlb etməyi düşünürük. Legioner gətirməyə isə maddi imkanımız yetərli deyil. Ola bilər ki, Azərbaycanda təhsil alan və ya işləyən həvəskar futbolçuya rast gəldik. Bax, eləsini götürə bilərik. Vasif Maşayev artıq 3-cü mövsümdü ki, öz şəxsi vəsaiti hesabına komandamıza dəstək verir. 2016/17 mövsümündə ilk dəfə qatıldığımız Həvəskarlar Liqasının və kubokunun, ötən mövsüm isə Region Liqasının qalibi olmuşuq. Özü də bunu heç bir oyunda uduzmadan bacarmışıq. Yəni komanda yarandığı 2016-cı ildən rəsmi qarşılaşmalarda məğlub olmayıb”.
Xatırladaq ki, qitəmiqyaslı yarışa AFFA-nın təşkil etdiyi Region Liqasının qalibi kimi qatılacaq Sumqayıt komandası Ukraynanın "Lvov Region”, İspaniyanın "Kastilya-i-Leon” və Finlandiyanın "Qərb Rayon Komandası" ilə birgə 6-cı qrupda yer alıb. Oyunlar Lvov şəhərində keçiriləcək. Təqvimə əsasən, ilk matçını oktyabrın 2-də meydan sahiblərinə qarşı keçirəcək "Uğur" 5-də İspaniya, 3 gün sonra isə Finlandiya təmsilçisi ilə qarşılaşacaq.
Qəzənfər bəy qrupdakı rəqiblər haqda məlumat toplamağa çalışdıqlarını vurğuladı: "Kastilya-i-Leon” 2009-cu ildə Region Kubokunun qalibi olub. Bu o deməkdi ki, komanda neçə ildi yüksək səviyyədə çıxış edir. Ukrayna və Finlandiya komandaları da zəif deyil. Rəqiblər haqda mümkün qədər məlumat toplamağa çalışacağıq. Klubumuz yeni yaranıb, elə də böyük təcrübəyə malik deyilik. Buna baxmayaraq, yaxşı nəticə qazanmaq üçün əlimizdən gələni edəcəyik".
"Uğur”un avqustun 12-dən hazırlıq prosesinə başladığını deyən Abbasov hazırda Abşeron Olimpiya Kompeksinin stadionunda məşq etdiklərini söylədi: "Hazırda "Kapital Bank Arena” təmirdədi. Mehdi Hüseynzadə adına şəhər stadionunda isə "Sumqayıt”ın əsas və əvəzedici komandaları məşq edir. Yarışda oyunlarımız 3 gündən bir olacağı üçün burda eyni intervalla yoxlama matçlarında qüvvəmizi sınayırıq. Təxminən 10-a yaxın görüşümüz olub. Heyətimizdə əvvələr peşəkar səviyyədə çıxış etmiş Elnur Abdulov, Ruslan Poladov, Mikayıl Rəhimov kimi futbolçular yer alıb”.
Qeyd edək ki, 1966-cı ildə təsis olunan və 1999-dan Region Kuboku adı altında keçirilən yarış iki ildən bir mini-turnir formatında, qrupda yer alan komandalardan birinin təmsil etdiyi ölkədə təşkil olunur. 8 qrupda 1-ci yeri tutan kollektivlər 2019-cu ilin iyulunda təşkil olunacaq final mərhələsinə vəsiqə qazanacaq. Yarışda 19- 40 yaşlı futbolçular iştirak edə bilər.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 17:14 Gülağa Cabbarov Stuxlikə məktub yazdı Dünən, 17:13 Riad Rəfiyev əvvəlcə sponsorla, sonra baş məşqçi ilə görüşəcək Dünən, 17:11 “Qəbələ”də qeyri-müəyyənlik davam edir Dünən, 17:09 Renat Dadaşov U-21-dən imtina etməyib Dünən, 17:07 Qara Qarayev daha iki il “Qarabağ”da Dünən, 17:06 Azərbaycanlı futbolçular Mxitaryanı “qorxaq” adlandırdı Dünən, 17:04 Avroliqanın kuboku Cocuq Mərcanlıda Dünən, 15:28 Yığma 17 nəfərlə hazırlaşır Dünən, 15:25 Yurçeviç “çərçivə”ni Səlahət Ağayevə tapşıracaq Dünən, 15:22 "Ayntraxt"ın azarkeşləri azərbaycanlı cocuqları sevindirdilər Dünən, 15:17 UEFA İcraiyyə Komitəsi Bakıda yığışacaq Dünən, 15:14 Çempion üç günə iki qələbə qazandı Dünən, 15:12 “Araz”ın ÇL-dəki rəqibləri nə vaxt məlum olacaq? Dünən, 15:10 Joze Alesio limitin tərəfdarıdı Dünən, 15:08 Hər iki finalçı cəzalandırıldı Dünən, 14:03 “Dəyişikliklər vacibdi, amma belə yox” Dünən, 14:01 “Keşlə” Salahlı ilə anlaşdı, hədəfdə Əfrandı Dünən, 13:59 U-21 xorvatlarla “sülh bağladı” Dünən, 13:54 Səfir jurnalistlər önünə çıxacaq Dünən, 13:53 Nə tez ayıldın, Özil?! Dünən, 13:51 Naxçıvan turniri: xəbəri kimdən alaq? Dünən, 13:47 Kamal Bayramov “Səbail”də Dünən, 13:44 Emil Balayevli "Tobol"dan önəmli qələbə Dünən, 13:40 “Neftçi”nin Mirabdullanı satmaq fikri yoxdu Dünən, 13:25 Ayxan Abbasov Riad Rəfiyevlə son görüşü gözləyir Dünən, 13:20 AZAL “Qəbələ” və “Sumqayıt”ın futbolçularına zülm etdi Dünən, 13:18 “Topaz” mayın 28-də festivala başlayır Dünən, 11:21 Futbolumuzdakı ingilislər həmyerlilərini Bakıya səsləyir 23-05-2019, 20:32 Finalın meydanda görünməyən tərəfləri 23-05-2019, 20:21 Naxçıvanda üç gün 23-05-2019, 20:19 Premyer-liqanın ən yaxşısı Dani Kintanadı! 23-05-2019, 20:16 “Zirə”nin kapitanlarına qapını göstərirlər 23-05-2019, 20:13 AFFA “Xəzər Cənub”a cəza yağdırdı 23-05-2019, 20:11 "Ekol" “Neftçi”ni asanlıqla üstələdi 23-05-2019, 20:03 Xətai Bağırov Taylandda oteldə qalır 23-05-2019, 19:24 Davud Kərimi 13 futbolçunun göndərilməsini normal sayır 23-05-2019, 19:19 Renat Dadaşov Portuqaliyada medal qazandı 23-05-2019, 19:17 Azərbaycan səfirindən sərt sual 23-05-2019, 19:15 Gürcü Azərbaycanı bəyənmir... 23-05-2019, 19:13 “Qarabağ”ın 16 mümkün rəqibindən 13-ü bəllidi 23-05-2019, 19:11 Rəhimin “Sabah”, Əliyarın “Qarabağ” “sevgisi” 23-05-2019, 19:04 Bakıda əfsanələrin paradı 21-05-2019, 15:14 Həftənin idman proqramı 21-05-2019, 15:08 Medianın finala biganəliyinin arxasında nə dayanır? 21-05-2019, 15:05 “Çelsi” fanklubunun Bakıdakı üzvləri hava limanına getməyəcək 21-05-2019, 15:03 Ayxan Abbasov “Sumqayıt”dan gedir 21-05-2019, 15:01 Rauf Əliyev: “Top qəbul etmək, düzgün ötürmək vermək çətin idi” 21-05-2019, 14:54 Cavid Hüseynov rəhbərliklə görüşəcək 21-05-2019, 14:52 İnqilab Məmmədov protokolda çoxlu səhv buraxdı 21-05-2019, 14:50 "Qəbələ": final lənətinə son və ilk titul! 21-05-2019, 14:46 "Səbail" bir ucdan yola salır 21-05-2019, 14:40 Alla Həsənova çempion oldu 21-05-2019, 14:38 Fərid Kərimzadə yersiz xal itkilərini səbəb göstərdi 21-05-2019, 14:35 Elçin Səmədli UEFA-da Murad Məmmədovu əvəzlədi 21-05-2019, 14:32 “Xəzər Cənub” dağıldı! 21-05-2019, 14:28 “Baku Fire” yüksək liqaya iddialıdı 21-05-2019, 14:27 ADBTİA “gümüş”ü “Standard”dan “oğurladı” Bütün xəbərlər
Ən çox oxunanlar