10 sen 13:51olke

Qurban Qurbanov: “Bundan da yaxşısına qadirik”

Qurban Qurbanov: “Bundan da yaxşısına qadirik”
Şalland: “1 xal da bizim üçün önəmlidi”
Oyun başa çatandan sonra hər iki komandanın baş məşqçisinin iştirakı ilə ənənəvi mətbuat konfransı keçirildi. Əvvəlcə jurnalistlər önünə Kosovonun çalışdırcısı Bernar Şalland çıxdı. 67 yaşlı isveçrəli mütəxəssis oyunla bağlı fikirlərini bölüşdükdən sonra sualları cavabladı. Yeri gəlmişkən, bir məqamı da vurğulamaq yerinə düşər. Bakı Olimpiya Stadionunda keçirilən oyunu işıqlandırmaq üçün Kosovodan Azərbaycana 9 jurnalist gəlsə də, onlardan yalnlz biri mətbuat konfransına qatılmağı lazım bildi.
- Oyunun nəticəsindən narazı deyiləm. İki fərqli tərzdə oynayan komanda var idi. Azərbaycan topla daha yaxşı rəftar edirdi. Amma təhlükəli vəziyyət yaratmadı. Azərbaycan millisinin Almeyda kimi təhlükəli, ağıllı yarımmüdafiəçisi var. Bu baxımdan yaxşı müdafiə olunmağımız vacib idi. Bu gün uğurla müdafiə olunduq. Ancaq hücum xəttimizdən heç də razı deyiləm. Topu çox gecikdirirdik. İrəlidə ağır təsir bağışladıq. Bilirəm ki, komandam bundan daha yaxşısını edə biləcək potensiala malikdi.
- İlk dəqiqələrə əsasən demək olar ki, qarşılaşma rəsmi matçdan çox yoldaşlıq görüşü kimi təsiri bağışlayırdı. Məqsədiniz burdan 1 xalla ayrılmaq idi?
- Xeyr, mənim üçün heç də belə görünmürdü. Belə düşünsəm, hər iki komandaya hörmətsizlik olardı.
- Son üç yoldaşlıq oyununda rəhbərlik etdiyiniz komanda daha çox hücumameyilli oyuna üstünlük vermişdi. Və futbolçular qısa ötürmələrdən yararlanırdı. Ancaq nədənsə bu gün yetirmələriniz uzun ötürmələrə üstünlük verdi. Bunun səbəbini izah etməyinizi istərdik.
- Onu düz vurğuladız ki, yoxlama oyunlarında daha çox hücum etmişdik, qısa və sürətli ötürmələrə üstünlük vermişdik. Ancaq bugünkü rəqibin topla yaxşı oynadığını nəzərə alaraq, oyun sistemində dəyişiklik etmək istədik.
- Matçdan əvvəl deyirdiz ki, Azərbaycan favoritdi. Bu gün isə fərqli fikir səsləndirdiz. Bildirdiz ki, yetirmələrim bundan da yaxşısını bacara bilər. Belə çıxır ki, nəticədən narazısız?
- Azərbaycan çox güclü komandadı. Bunu dünən demişəm, bu gün bir daha təkrarlayıram. Hər iki tərəfin fərqlənmək üçün şansları oldu. Ancaq rəqibin qol vəziyyəti daha çox idi. Bəlkə də kənardan möhtəşəm oyun kimi görünməyə bilər. Ancaq 1 xal da bizim üçün önəmlidi.
Qonaqların baş məşqçisinin ardından millinin çalışdırıcısı Qurban Qurbanov mikrofonlar arxasına keçdi. Qurban bəy də həmkarı kimi sualları cavablamamış oyunla bağlı fikirlərini söylədi.
- Ağır oyun oldu. Çətin olacağını gözləyirdik. Dünən də qeyd etmişdim ki, rəqibin fərdi cəhətdən bacarıqlı oyunçuları var. Bəzi anlarda topun onlarda çox qalmasını səviyyəli oyunçularının olması ilə əlaqələndirərdim. İlk hissədə ehtiyatlı oyun oldu. İkinci hissə isə fərqli keçdi. Bəzi oyun epizodları düşündüyümüz kimi alınmadı. Amma oyunçulardan razı qaldım. Həddən artıq yoruldular. Səfər oyununa maksimum dərəcədə hazırlaşmalıyıq.
- Özünüz də qeyd etdiz ki, iki fərqli hissə izlədik. İlk hissədə qorxaq, ikinci hissədə hücuma atılan, qol vurmaq istəyən milli gördük. Bu da etdiyiniz əvəzetmələrin nəticəsində oldu. Meydana sonradan çıxanlar daha fəal təsir bağışladılar. Sizə elə gəlmir ki, start “11-liy”ini səhv seçmişdiz?
- Qorxaq deməzdim. Hər iki komanda ehtiyat edirdi. Rəqibin sürətli oyunçuları var. Hansı çempionatlardan gəldiklərini də bilirsiniz. İlk hissədə onların hücumlarının qarşısını aldıq, istədikləri kimi oynamalarına imkan vermədik. Fasilədən sonra isə bizim komanda daha yaxşı təsir bağışladı. Bu gün tam hazır olan futbolçular meydanda idi. Oyun təcrübəsi baxımından əziyyət çəkən oyunçular var. Bu gün hazır futbolçulardan istifadə etdik.
- Artıq xeyli vaxtdı yığmanın “sükanı arxasındasız”. Necə düşünürsüz, bu, yığmanın maksimumudu?
- Xeyr, bundan da yaxşısına qadirik. Qeyd etdiyimiz problemləri aradan qaldırmaq lazımdı. Futbolçularımız daha yaxşı çempionatlarda oynamalı, oyun təcrübələri çox olmalıdı. Hansısa komandaya qarşı oynamaqdan qorxmuram. Faktları deyirəm. Onların hücum xətti güclüdü. Futbolçularımızın daha yaxşı oynamaq imkanları var. Bunu qarşıdakı matçlarda görəcəyik.
- Bu gün Kosovonu məğlub etmək üçün nə çatmadı: Azərbaycan futbolunun səviyyəsi, çempionatın durumu, yoxsa yanlış taktiki seçim?
- Rəqibin oyunu düzgün təhlil edilmişdi. Ancaq çempionatın səviyyəsi aşağıdısa, futbolçu ustalıq səviyyəsini yaxşılaşdıra bilməz. Özümə bəhanə axtarmıram. Oyunçulara güvənirəm. Bunları göz önünə alıb qarşıdakı görüşlərə hazırlaşırıq. Bu rəqibə qarşı layiqincə mübarizə apardıq. Ustalıqda bəzən məğlub ola, texniki səhvlər edə bilərik. Ancaq oyunçular çəkinmədilər, aqressiv oynadılar.
- Cavid İmamverdiyev kimi kreativ yarımmüdafiəçinin yoxluğu hiss olunurdu. Malta ilə görüşdə ona şans verəcəksiz?
- Ola bilər. Amma əsas heyətdə olub-olmayacağını indidən deyə bilmərəm. İki gündən sonra Cavidin hazırlığı daha yaxşı olarsa, meydana çıxa bilər.
- Rəqibin baş məşqçisi sizin oyununuzu yaxşı təhlil etdiyini demişdi. Taktiki dəyişiklik etmək istədiz, alınmadı?
- Bu rəqibin oyunçuları sadə futbolçular deyil. Onlar iştirak etdikləri çempionatlarda ustalıq səviyyəsi yüksək olan oyunçular görüblər. Dəyişikliklər etdim, oyun sürətləndi. İkinci hissədə rəqibin cərimə meydanı yaxınlığında daha çox olduq. Taktiki dəyişikliyə isə ehtiyac yox idi.
- Millətlər Liqası qısa məsafəyə qaçışa bənzəyir. İki aya hər şey bəlli olacaq. Startdan öncə bir çoxları Azərbaycanı favorit görür, qrupun lideri olacağını düşünürdü. Bugünkü nəticədən sonra şansları necə dəyərləndirirsiz? Onu da nəzərə almaq lazımdı ki, bu rəqiblə cavab görüşü Kosovoda olacaq.
- Sona qədər mübarizə aparacağıq. Elə turnirdi ki, iki oyun uduzub, sonda birinci yeri tuta bilərsən. Dünya futbolunda belə halların şahidi olmuşuq. Bütün komandalar turnirin qalibi olmaq istəyir. Biz də son gücümüzə qədər mübarizə aparacağıq ki, hər bir rəqibə qalib gələk.
- Mövsümlərarası fasilədə Qazaxıstana üz tutan Almeyda son üç ayda artırıb, yoxsa geriləyib?
- Deməzdim geriləyib. Almeyda sabit oyunçudu. Həmişəki kimi sərbəst oynayırdı. Ümumilikdə razı qaldım.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
21-05-2019, 15:14 Həftənin idman proqramı 21-05-2019, 15:08 Medianın finala biganəliyinin arxasında nə dayanır? 21-05-2019, 15:05 “Çelsi” fanklubunun Bakıdakı üzvləri hava limanına getməyəcək 21-05-2019, 15:03 Ayxan Abbasov “Sumqayıt”dan gedir 21-05-2019, 15:01 Rauf Əliyev: “Top qəbul etmək, düzgün ötürmək vermək çətin idi” 21-05-2019, 14:54 Cavid Hüseynov rəhbərliklə görüşəcək 21-05-2019, 14:52 İnqilab Məmmədov protokolda çoxlu səhv buraxdı 21-05-2019, 14:50 "Qəbələ": final lənətinə son və ilk titul! 21-05-2019, 14:46 "Səbail" bir ucdan yola salır 21-05-2019, 14:40 Alla Həsənova çempion oldu 21-05-2019, 14:38 Fərid Kərimzadə yersiz xal itkilərini səbəb göstərdi 21-05-2019, 14:35 Elçin Səmədli UEFA-da Murad Məmmədovu əvəzlədi 21-05-2019, 14:32 “Xəzər Cənub” dağıldı! 21-05-2019, 14:28 “Baku Fire” yüksək liqaya iddialıdı 21-05-2019, 14:27 ADBTİA “gümüş”ü “Standard”dan “oğurladı” 21-05-2019, 14:23 Şengen vizasının yoxluğu Kamal Bayramovu yığmadan edib 21-05-2019, 14:21 Emil qayıtdı, “Tobol” darmadağınla qazandı 21-05-2019, 14:18 “Bu ailənin bir üzvü olduğum üçün qürur hissi keçirirəm” 21-05-2019, 14:10 UEFA bilet qiymətlərini açıqladı 21-05-2019, 14:03 Delarj da getdi... 21-05-2019, 14:02 “Azneft” dairəsində “yanan top” quraşdırılıb 21-05-2019, 14:00 Tapmaca kimi bilet satışı 19-05-2019, 15:06 Kikboksinq Federasiyasında Zaur Yusifov adlı dünya çempionu yoxdu 19-05-2019, 15:05 Zöhrə Ağamirova finala vəsiqə qazandı 19-05-2019, 15:04 Teymur heç-heçə etdi, Şəhriyar uduzdu 19-05-2019, 15:03 Yığma üç həftədən artıq toplanış keçəcək 19-05-2019, 15:01 Marko Rossi Şeydayevlə İsrafilovu fərqləndirdi 19-05-2019, 15:01 “Zirə” 9 futbolçu ilə vidalaşdı 19-05-2019, 14:56 Futbol ictimaiyyəti üçün Avroliqaya kimin getməsinin önəmi yoxdu 19-05-2019, 14:55 Rauf Əliyev də PFL-dən narazıdı 19-05-2019, 14:53 Finalçı çalışdırıcılar qələbəyə kökləniblər 19-05-2019, 14:50 "Xəzər Cənub" Mehman Mahmudovu Allaha tapşırdı 19-05-2019, 14:49 Futzal mövsümü qalmaqalla bitdi 19-05-2019, 14:46 Tünzalə Ağayeva finalçılardan heç birinə azarkeşlik etməyəcək 19-05-2019, 14:43 Naxçıvanda ölüm-qalım savaşı 19-05-2019, 14:41 Bütün medalçılar müəyyənləşdi 19-05-2019, 14:39 Xətai Bağırov Tayland çempionatında top qovacaq 19-05-2019, 14:35 “Səbail”in məşqçisindən narazıların sayı artır 19-05-2019, 14:33 Platellas Bakını “kiçik Dubay” adlandırdı 19-05-2019, 14:31 Mövsümü qələbəsiz başa vurdular… 19-05-2019, 14:29 Erməni futbolçu Bakıya gəlməyəcək 19-05-2019, 14:28 “Səbail” futbolçulara borcunu ödədi 19-05-2019, 14:27 “Sabah” Haqverdiyevli sabaha ehtiyac duymadı 19-05-2019, 14:03 “Məktəblərdə futbol dərsi” bitdi 19-05-2019, 13:56 Kaprara Azərbaycan yığmasında? 19-05-2019, 13:54 Ay sizin başınız haqqı... 19-05-2019, 13:50 “Finalçılar hərəyə 10 min bilet də ala bilər” 19-05-2019, 13:49 “Keşlə” 13 futbolçuya “qapını göstərdi” 19-05-2019, 13:47 “Qəbələ” Gürcüstandan qayıtdı 19-05-2019, 13:46 Veteranların konfransı söz-söhbət doğurdu 17-05-2019, 21:50 Toğrul Əsgərova Avropa Oyunlarında şans veriləcək 17-05-2019, 21:48 Əliyar Ağayev 2019-da mərkəzi oyuna həsrət qalıb 17-05-2019, 21:47 “Neftçi” Çingiz Abdullayevin də medalını göndərib 17-05-2019, 21:45 Azarkeşlər finala xüsusi hazırlaşır 17-05-2019, 21:43 “Sumqayıt”ın “vuran ayağı” məşqlərdən kənarda qalıb 17-05-2019, 21:38 Naxçıvan stadionu son “döyüş”ə hazırdı 17-05-2019, 21:24 “Sabah” qalibə 960 manat təqdim etdi Bütün xəbərlər
Ən çox oxunanlar