10 avq 13:18olke

Mütəxəssislər cavab görüşü ilə bağlı nikbindi

Mütəxəssislər cavab görüşü ilə bağlı nikbindi
Ağasəlim Mircavadov: “Temp yüksələn kimi BATE-nin oyunçuları səhvlərə yol verirlər”
Yunis Hüseynov: “Onlar cərimə meydançasında bir qədər “dişli” olsalar...”
Samir Abasov: “Səfərdə tam fərqli komanda görəcəyik”

“Qarabağ”ın Çempionlar Liqasının üçüncü mərhələsində BATE ilə qarşılaşacağı məlum olunca, çoxları “köhlən atlar”ın asanlıqla pley-offa adlayacağını düşünürdü. Ancaq srağagün “Tofiq Bəhramov”da baş tutan qarşılaşma bir daha göstərdi ki, Belarus təmsilçisini siyahıdan silənlər, rəqibə yuxarıdan aşağı baxanlar fikirlərində yanılıblar. Aleksey Baqanın komandası təmsilçimizi məyus edərək, Bakıdan qələbə ilə dönməyi bacardı. Düzdü, Qurban Qurbanovun yetirmələrini hələ cavab görüşü gözləyir. Necə deyərlər, hələ ki döyüş uduzulub, müharibə yox. “Köhlən atlar” toparlanıb Borisovda baş tutacaq oyunda sərfəli nətizə qazanmaqla bizi yenə sevindirə bilər. Ancaq ilk qarşılaşmada qeydə alınan nəticə həyəcan siqnalı olmalı və ağdamlılar birinci oyundan dərs çıxarmalıdı.
Bəs görəsən, mütəxəssislər ilk qarşılaşma haqda nə düşünürlər, cavab görüşü ərəfəsində ağdamlıların şanslarını necə dəyərləndirirlər?
Ağasəlim Mircavadovun fikrincə, Borisovda “köhlən atlar”ı çətin sınaq gözləyir: “Dünən (srağagün) iki fərqli hissəyə tamaşa etdik. İlk yarıda mənə elə gəlir, “Qarabağ” daha çox kəşfiyyat aparıb rəqibin zəif nöqtəsini tapmaq istəyirdi. Bu üzdən oyuna bir qədər ehtiyatlı başladılar. Yeri gəlmişkən, vurğulayım ki, belaruslar “Qarabağ”ı çox yaxşı təhlil etmişdilər, üstün və zəif cəhətlərini bilirdilər. Çox intizamlı komanda təsiri bağışlayan BATE ilk hissədə lazım olan qolu vurub fasilədən sonra hesabı qorumağa üstünlük verdi. Qurban Qurbanovun komandası da bundan istifadə edib irəli atıldı. Bizimkilər hücumların kəsərini artırınca, rəqibin müdafiəsində boşluqlar yaranırdı. Bu da onu göstərir ki, BATE-nin arxa xətti heç də keçilməz deyil. Məni ən çox təəccübləndirən qonaqların ilk hissədə “Qarabağ”a pressinq tətbiq etməsi oldu. Ola bilsin, bu da onların taktikasıdı. Birinci zonada fəal olduqlarından bizimkilər bir qədər özlərini itirmişdilər, müdafiədən hücuma keçməkdə çətinlik çəkirdilər. Ümid edirəm ki, ilk görüşdən sonra Qurban müəllim rəqibi daha yaxşı tanıdı və səfərdə uğur qazanmaq üçün yetirmələrinə lazımi tapşırıqları verəcək. Ancaq onu da bildirim ki, Borisovda keçiriləcək görüş “Qarabağ” üçün heç də asan olmayacaq. Ucaboy futbolçulardan qurulmuş BATE standart vəziyyətlərdən maksimum yararlanmağa çalışacaq. Bunun qarşısını almaq üçün isə cərimə meydançasının yaxınlığında qaydanı pozmamaq, künc zərbələri zamanı diqqətli olmaq lazımdı. Topla rəftarda “Qarabağ” onlardan çox üstündü. Bir qədər də sürətli oynasalar, istədiklərinə nail ola bilərlər. Bakıdakı qarşılaşma da göstərdi ki, temp yüksələn kimi BATE-nin oyunçuları səhvlərə yol verirlər. Və sonda ən vacib məqama toxunmaq istəyirəm. Təmsilçimizə erkən qol lazımdı. Belə olan təqdirdə rəqib də açıq oynamağa başlayacaq. Əks halda, müdafiəyə çəkilib ətdən çəpər quracaqlar ki, onu da yarmaq çox çətin görünür. BATE-də fiziki cəhətdən seçilən müdafiəçilərlə yanaşı, səviyyəli qolkiper də var”.
Yunis Hüseynov isə bunları dedi: “İlk görüşdə “Qarabağ” minimal hesabla yenilsə də, şanslar 50-nin 50-yədi. Fikrimcə, Qurban Qurbanovun komandası səfərdə Bakıdakı görüşün ikinci hissəsinin davamını gətirməlidi. Məhz belə olacağına da inanıram. BATE-nin müdafiəçiləri fiziki cəhətdən nə qədər hazırlıqlı olsalar da, uca boyları ilə seçilsələr də, topla rəftarları zəifdi. Qurban müəllimin sərəncamında isə texniki ustalıq səviyyəsi yüksək olan oyunçular var. Onlar cərimə meydançasında bir qədər “dişli” olsalar, rəqibi səhv etməyə məcbur edəcəklər. Bu nüansdan yararlanmaq mümkündü. Bir də cavab görüşündə ehtiyatı əldən vermək olmaz. BATE-nin əsas silahı əks-hücumlardı. İstər HİK, istərsə də “Qarabağ” ilə görüşdə bir daha bunun şahidi olduq. Yəqin ki, birinci oyundan sonra Qurban müəllim rəqib barədə ətraflı informasiya toplaya bildi və yetirmələrini lazımınca təlimatlandıracaq”.
“Sumqayıt”ın sabiq çalışdırıcısı Samir Abasov cavab görüşü ərəfəsində nikbin fikirlər səsləndirdi: “BATE-nin “Qarabağ”dan üstün olduğunu düşünmək səhv olardı. Sadəcə, bir səhv, əks-hücumda yaxalanmaq və istifadə edilməyən qol imkanları məğlubiyyətə gətirib çıxardı. Matçdan sonra Qurban Qurbanovun, futbolçuların açıqlamaları da göstərir ki, “Qarabağ” “sınmayıb”. Qarşıda 2-ci oyun var. Məğlub olmasına baxmayaraq, təmsilçimizin hələ də şansı qalır. Komanda niyə belə oynadı? “Qarabağ”ı qınamalı bir şey yoxdu, heyətdə xeyli yeni futbolçu var. Məşqçinin öz ideyası, oyun üslubu olur. “Qarabağ” illərdi bu cür oynayır. Bilirsiz ki, hər futbolçu Azərbaycana gəlmək istəmir. Yeni gələnlərin də “Qarabağ”ın oyun üslubuna uyğunlaşmaq üçün zamana ehtiyacı var. Bu görüş ərəfəsində “Qarabağ” BATE-ni o qədər də yaxından tanımırdı. Bakıdakı 90 dəqiqədə belə imkanı oldu. Düşünürəm ki, səfərdə tam fərqli komanda görəcəyik. Qurban Qurbanovun oyundan sonra dedikləri göstərir ki, o, özü də cavab matçına nikbin baxır. Bu isə bizi hardasa rahatlaşdırır. İnanırıq ki, “Qarabağ” BATE-ni keçə bilər. Amma bunu necə edəcəyini, inanın ki, mən deyə bilmərəm. Bilirəm ki, hazırda komandada çox çətin bir dönəmdi. Bunu da yeni futbolçularla əlaqələndirərdim”.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
17-03-2019, 14:50 Marinadan tarixi addım və finala vəsiqə 17-03-2019, 14:49 “Boykotçular”ın turniri apreldə keçiriləcək 17-03-2019, 14:48 “Neftçi” debütantı üstələdi, “Yasamal” İSK “zirzəmi”dən qurtuldu 17-03-2019, 14:34 Mütəxəssislər Səlahətin “1 nömrə” olacağını düşünür 17-03-2019, 14:32 Essyenin “Səbail”dən heç bir xüsusi tələbi olmayıb 17-03-2019, 14:30 Essyenin transferi ölkə futboluna nə qazandıracaq? 17-03-2019, 14:28 “Xəzər Lənkəran” uduzdu: 9 min manatımızı verin! 17-03-2019, 14:26 Samir Əliyev ərəblərlə oyunlar üçün heyəti açıqladı 17-03-2019, 14:24 Qurbanovlar bir-birini sevindirdi 17-03-2019, 14:03 “Qarabağ” penalti qolu ilə sevindi 17-03-2019, 14:01 Qaxda da mükafatçılar müəyyənləşdi 17-03-2019, 13:56 "Zirə" şərikini udub, başqasına şərik oldu 17-03-2019, 13:54 Zirvədə ikihakimiyyətlik yarandı 17-03-2019, 13:53 Uğursuzlar qalibi müəyyənləşdirə bilmədilər 17-03-2019, 13:51 Şeydayev gündə beş dəfə namaz qılır 17-03-2019, 13:48 İcraiyyə Komitəsinin üzvləri yığmaya uğur arzuladı 17-03-2019, 13:43 “Traktorsazi” zirvəyə yüksəldi 17-03-2019, 13:41 Böyükağa Hacıyev bir ildən sonra sükutu pozdu 17-03-2019, 13:35 Turnir cədvəlində yerdəyişmə olmadı 17-03-2019, 13:33 Gürcülərə uduzdular 17-03-2019, 13:33 Gürcülərə uduzdular 17-03-2019, 13:31 Balayevli “Tobol”dan ardıcıl ikinci qələbə 14-03-2019, 23:12 "Ağsu" paytaxtda sürpriz gerçəkləşdirdi 14-03-2019, 23:10 Klublar Komitəsi PFL-ə məktub göndərəcək 14-03-2019, 23:08 Yurçeviç sürprizlərlə zəngin siyahı açıqladı 14-03-2019, 23:07 “CBC Sport”un iclasında günahkarlara irad bildirilib 14-03-2019, 23:06 “Bürünc “Neftçi”nin daha bir üzvü yubileyini qeyd etdi 14-03-2019, 23:04 Stuxlik özü müəyyənləşdirdiyi tələbləri pozdu 14-03-2019, 23:01 Elxan Məmmədov və PFL rəsmiləri KK-nın iclasına qatıldı 14-03-2019, 22:56 İntizam Komitəsi “Sumqayıt”ı baş məşqçisiz və qapıçısız qoydu 14-03-2019, 22:55 Koçuk Fransa və Türkiyə ilə oyunlara dəvət aldı 14-03-2019, 22:53 “Bakcell Arena”da yalnız qələbə üçün döyüşəcəklər 14-03-2019, 22:50 Elnurla Nazim “Dauqavpils”ə lazım olmadı 14-03-2019, 22:49 Litva 23 futbolçu ilə gəlir 14-03-2019, 22:47 EFA azərbaycanlı uşaqları Avropa üçün hazırlayır 14-03-2019, 22:41 “Sumqayıt” Zakir Mahmudovu işlə təmin etdi 14-03-2019, 22:40 “Qəbələ” ölkəmizi Çempionlar Liqasında təmsil edəcək 14-03-2019, 22:38 Tur sabah başlayıb 10 gün sonra bitəcək 14-03-2019, 22:37 U-19 ADBTİA ilə bacarmadı 14-03-2019, 22:36 Ağatahir Əzimov hamıdan narazıdı 14-03-2019, 22:34 Mustivar Kuba ilə oyuna çağırıldı 14-03-2019, 22:32 Aqolli vida müsahibəsini verib, bəndənizdən şübhələndi 13-03-2019, 12:58 Turun statistikası 13-03-2019, 12:55 Turun məşqçisi 13-03-2019, 12:55 Turdan məqamlar 13-03-2019, 12:52 Yığmanın heyəti açıqlandı 13-03-2019, 12:50 İlham Əliyev Avroliqanın finalı ilə bağlı sərəncam imzaladı 13-03-2019, 12:48 Nikola Yurçevçin siyahısında kimlər yer alacaq? 13-03-2019, 12:46 “Zirə” – “Keşlə” matçını PFL yayınlayacaq 13-03-2019, 12:45 “Atromitos” Əliyarın idarəçiliyindən narazı qaldı 13-03-2019, 12:41 Rövşən Əhmədov oğlunun idarə etdiyi oyunu izləməyib 13-03-2019, 12:40 “Qəbələ”nin məşqçisinə “Tərəqqi” medalı verildi 13-03-2019, 12:39 İlk “3-lük”də dəyişiklik 13-03-2019, 12:37 AÇ üçün 14 nəfərlik heyət 13-03-2019, 12:36 Medvedev Hüseynov qardaşlarını qabaqladı 13-03-2019, 12:34 Turnirdə ikinci məğlubiyyət 13-03-2019, 12:32 “Sabah”lıların hərəsi uğursuzluğa bir səbəb göstərdi Bütün xəbərlər
Ən çox oxunanlar