Elvin Yunuszadə karyerasını Avropada davam etdirə bilər » Football-plus.az
10 avq 13:03olke

Elvin Yunuszadə karyerasını Avropada davam etdirə bilər

Elvin Yunuszadə karyerasını Avropada davam etdirə bilər
Klubsuz təcrübəlilər isə birinci divizionda oynamaq istəmir
Premyer-liqada klub sayının 12-dən 10-a, sonra isə 8-ə qədər enməsi bir çox futbolçuların işini çətinə salıb. Bu azmış kimi, birinci divizionda da limit tətbiq olundu ki, əsas heyətdə yalnız dörd təcrübəli futbolçunun xidmətindən yararlanmaq mümkündü. Belədə uzun illərdi premyer-liqada görməyə alışdığımız neçə-neçə futbolçu klubsuz, başqa cür desək, işsiz qalacaq.
Elita təmsilçiləri əsasən legionerlərə, millidə çıxış edən və namizəd göstərilən yerlilərə bel bağlayır. Ona görə də yaşı 30-u haqlamış təcrübəlilərin çoxu kənarda qalmaq məcburiyyətindədi. Birinci divizionda vəziyyət isə acınacaqlıdı. Əsasən əvəzedicilərdən ibarət olacaq liqada aylıq əməkhaqqı olduqca aşağıdı. Məsələn, vaxtilə onminlər, yüzminlər qazanan futbolçulardan hansısa birinin 500-800 manat qarşılığında top qovacağı inandırıcı deyil. Futbolsuz qalarlar, amma o pula görə canlarını meydanda qoymazlar.
Elə dünən əlaqə saxladığımız bir neçə klubsuz futbolçunun mövqeyi də buna bənzər oldu.
Aleksandr Şemonayev: “Düzünü desəm, fasilə dönəmində premyer-liqa təmsilçiləri ilə danışıq aparmadım. Mövsüm başa çatanda zədəliydim. Ola bilsin, baş məşqçilər bunu nəzərə alıb təklif göndərmədilər. Artıq bir aya yaxındı tam sağalmışam. Fərdi məşq edirəm, bəzən uşaqlarla futbol oynayırıq. Yəni heç bir problem yoxdu. Açığı, elita klublarından təklif olsa, oynamaq istəyərəm. Amma birinci divizionda çətin. Əvvəla, klublar gəncləşdirmə siyasətinə üstünlük verirlər. Digər tərəfdən, maaş çox azdı. Hətta “Zaqatala”dan təklif olsa belə, inanmıram ki, məni razı salacaq əməkhaqqı təklif olunsun. Bir az gözləyim, görüm nə olur. Klub tapa bilməsəm, futbolu atıb başqa işlə məşğul olacam”.
Elvin Yunuszadə: “Bakıdayam, hələ ki hansısa yenilik yoxdu. Düzdü, “Keşlə” söhbəti var idi, amma çox dərinə getmədik. Bilirəm, premyer-liqa təmsilçiləri iştirak ərizəsini PFL-ə təqdim edib. Amma mən karyeramı Avropada davam etdirmək istəyirəm. Hazırda bu yöndə danışıqlar gedir. Alınsa, inşallah, yaxın günlərdə xəbəriniz olacaq. Xeyr, Türkiyədən deyil, sırf Avropa ölkəsinin təmsilçisidi. Özüm də legioner həyatı yaşamaqda maraqlıyam”.
Elnur Abdullayev: “Hazırda evdəyəm, vaxtımı ailəmə ayırıram. “Sumqayıt”la birillik müqaviləm vardı. Yəni növbəti mövsümdə də komandanın sıralarında olmalıydım. Qışda “Sumqayıt”a qoşulanda zədəmi tam sağaltmamışdım. Düşünürdüm ki, mövsümün sonuna qədər oynayım, formamı yığım, növbəti çempionatda komandaya tam gücümlə kömək edərəm. Vaxtında həkimlər düzgün müalicə etməmişdilər deyə, zədəmi sağaltmağım müəyyən qədər vaxt apardı. Şükürlər olsun, indi hər şey qaydasındadı. Samir Abasov gedəndən sonra klub rəhbərliyi ilə görüşdüm. Yeni komanda formalaşdırmaq istədiklərini deyib, xidmətimə ehtiyac duymadıqlarını bildirdilər. Qərarlarına hörmətlə yanaşdım. Halbuki nə yeni baş məşqçi gəlmişdi, nə də məşqlərdə məni iş başında görən olmuşdu. Heç nə başa düşmədim, düzü... Yayda “Sabah”dan zəng vurub maraqlandılar. Sonra səs çıxmadı. Açığı, birinci divizionda oynamaq istəmirəm. Necə olacağını bilmirəm. Çünki qəti qərar verməmişəm”.
Davud Kərimi: “Açığı, premyer-liqadan elə bir təklif olmadı. Futbol oynamaq istəyirəm. Fərqi yoxdu, premyer-liqa olsun, ya da birinci divizion. Hazırda MOİK-in sıralarındayam. Görək necə olacaq”.
Vüqar Nadirov: “Hələ ki heç bir yenilik yoxdu. Oturub gözləyirəm. Elitadan təklif olsa, oynamaq istəyərəm. Amma birinci dizionda çətin. Həm maliyyə şərtlərinə görə, həm də perspektiv görmürəm”.
Ruslan Əmircanov: “Hələ ki klubsuzam. Amma karyeramı bitirmək fikrim yoxdu. Oynamaq həvəsim var, inşallah, oynayaram. Heç bir komanda ilə danışmamışam, çünki maraqlanan yoxdu. Baxıram, kənarda qalan tək mən deyiləm. O qədər uşaq komandasız qalıb ki. Hamısını bir yerə yığsan, elitada layiqincə mübarizə aparan komanda formalaşar. Allahın izni ilə hansısa qapı açılar. Əsas odu, içimdə oynamaq istəyi var. Fiziki hazırlığım da qaydasındadı. Hər gün fərdi məşq edirəm ki, hansısa komandaya qoşulsam, problem olmasın. Özümə güvənirəm. Sabah hansısa klubla müqavilə bağlasam, yenə əvvəlki Əmircanovu görəcəksiz. Özümə, gücümə güvənirəm. 33 yaşım var və bu vaxta qədər özümə şərait qurmağı bacarmışam. Bu dəqiqə məni pul yox, futbol oynamaq maraqlandırır. İstənilən komandada pulsuz oynamağa razıyam. Heç 1 manat da verməsinlər, təki məşq edim, oynayım. Təki o şansı versinlər mənə. Birinci divizionda oynamağı ayıb saymıram, futbolsuz qalmamaq üçün oynamaq olar. Yenidən forma yığasan, hansısa elita təmsilçisinin diqqətini çəkəsən və sair. 23-25, ya da 27 yaşın ola, başqa məsələ. Amma 33 yaşda yox də. Ona görə də diviziondan təklif olsa da, isti yanaşmaram”.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
16-08-2018, 19:11 Bəhruz Salehli razıdı 16-08-2018, 19:10 Yığma İsveç sindromunu möhtəşəm geridönüşlə qırdı 16-08-2018, 19:06 Kosovo ilə oyunun bilet satışı yubanır 16-08-2018, 19:05 “Panionios” Arazın “Mattersburq”a keçidinə əngəl yaradır 16-08-2018, 19:04 Samir Məsimov azərbaycanlı kimi getdi, rus kimi döndü 16-08-2018, 19:03 “Keşlə” Orxan Sadıqlını “Sumqayıt”a icarəyə verdi 16-08-2018, 19:02 Qələbəyə əngəl olan səbəblər 16-08-2018, 19:00 ÇL ilə vida “feysbuk”u coşdurdu 16-08-2018, 18:58 Belarus jurnalist “Qarabağ”ı incələdi 16-08-2018, 18:56 Rəşad Sadıqov azarkeşlərdən üzr istədi 16-08-2018, 18:55 Heç-heçə ilə bir addım irəli 16-08-2018, 18:54 Borisovdakı oyun “CBC Sport”a 20 min avroya başa gəlib 16-08-2018, 18:53 “Qarabağ” bir gecədə 8 milyon avro itirdi 16-08-2018, 18:51 Hansı münasibdi: “Şerif”, yoxsa “Valyur”? 16-08-2018, 18:49 Mütəxəssislər AL-in qrupunu nişan verdi 16-08-2018, 18:46 Vasif Haqverdiyev futbolçuların həyata baxışından narazıdı 16-08-2018, 18:45 PFL “AZAL Arena”da problem aşkarlamayıb 16-08-2018, 18:43 Vurğun Rauf Cabbarovun sərt qərar verdiyini düşünür 15-08-2018, 23:57 Faiq Qarayevin yetirmələri vətənə qayıdır 15-08-2018, 23:56 Ramil Quliyev Ərdoğana söz verib 15-08-2018, 23:54 Yeni limit divizion klublarına başağrı olub 15-08-2018, 23:53 Fərhad Vəliyev karyerasını bərpa etdi 15-08-2018, 23:52 Millinin oyunları eyni saatda başlayacaq 15-08-2018, 23:40 “Hakimin beynəlxalq təcrübə sarıdan axsadığı hiss olundu” 15-08-2018, 23:37 Çempionlar Liqası ilə vidalaşdıq, qrup ümidimiz yaşayır 15-08-2018, 23:33 “Xan Lənkəran”ın yeni İdarə Heyəti seçiləcək 15-08-2018, 23:29 Tural Axundov “Sumqayıt”la oyunda ilk yaşayıb 15-08-2018, 23:28 200 manatlıq start 15-08-2018, 23:26 “Sabah” “Qaradağ Lökbatan”a qalib gəldi 15-08-2018, 23:25 Premyer-liqada start təəssüratı 15-08-2018, 23:23 “Keşlə” daha iki keçidi rəsmiləşdirdi 15-08-2018, 23:22 Fərid Nəbiyevdən növbəti qol 15-08-2018, 23:21 “Zirə” “AZAL Arena”da oynayacaq 15-08-2018, 23:20 BATE-nin baş məşqçisi və oyunçuları “Qarabağ”a tərif yağdırdı 14-08-2018, 19:38 Kubalı legioner AÇ-də “gümüş”ə sevindi 14-08-2018, 19:33 Yeni mövsümümüz mübarək! 14-08-2018, 19:32 Fariz Nəcəfov əvəzedicilərlə bağlı məsələyə nöqtə qoydu 14-08-2018, 19:30 “Neftçi” iki aya üç tərcüməçi dəyişib 14-08-2018, 19:28 “Qarabağ” möcüzə axtarışında 14-08-2018, 19:27 Ramil Şeydayev “Mattersburq”la anlaşdı 14-08-2018, 19:25 Stamenkoviç Azərbaycan himni üçün darıxıbmış 14-08-2018, 19:23 İki oyun, iki məğlubiyyət 14-08-2018, 19:16 “Pressbol” Halldorssonu danışdırdı 14-08-2018, 19:14 Qurban Qurbanov üçün ideal “11-lik” 14-08-2018, 19:13 Borisova nə “İmarət Avropa”, nə də “Milli Dəstə” gedir 14-08-2018, 19:00 “Zirə” “Qarabağ”dan güclü oldu 14-08-2018, 18:59 Kamran Quliyev istədiyi oyunu görə bilməyib 14-08-2018, 18:57 Qalib narazı, məğlub razı qaldı 14-08-2018, 18:55 Debütant “Keşlə”ni cəzalandırdı 14-08-2018, 18:52 Toşak “Traktorsazi”də qələbəyə həsrətdi 14-08-2018, 18:51 Ağabala əməliyyat olundu, “Səbail” bolqar yarımmüdafiəçi aldı 14-08-2018, 18:49 “Qəbələ” Aftandil Hacıyevin debütünü korladı 14-08-2018, 18:47 “Qarabağ” Borisova getmədi 14-08-2018, 18:46 Baqa bu dəfə ehtiyatlı danışdı 13-08-2018, 19:24 Zədə epidemiyasının qurbanları… 13-08-2018, 19:22 Belaruslular artıq BATE-yə inanırlar... 13-08-2018, 19:20 İki pillə də gerilədik... Bütün xəbərlər
Ən çox oxunanlar