04 iy 19:19olke

Azərbaycanlı futbol adamları Salahın qərarını alqışlayır

Azərbaycanlı futbol adamları Salahın qərarını alqışlayır
Ruslan Qurbanov: “Bundan sonra həm də qatı islamsevər kimi xatırlayacam onu”
Hazırda Rusiyada davam edən dünya çempionatında maraqlı anlara şahidlik etməkdəyik. Almaniya millisinin qrupda qalması, həmçinin Argentina və Portuqaliyanın mundialı erkən başa vurması böyük səs-küyə səbəb olan hadisələrdi. Lakin bəzi kiçik olaylar var ki, onlar bəlkə də “kölgədə yatır”. Belə deyək, ciddi söz-söhbətlərə yol açmır.
İyunun 25-də, A qrupunun son turu çərçivəsində keçirilən Səudiyyə Ərəbistanı – Misir qarşılaşmasında birincilər gözlənilmədən qələbə qazandı. Ərəblər əsas vaxta əlavə olunmuş dəqiqədə 3 xalı təmin etsə də, oyundan sonra matçın ən yaxşı futbolçusu üçün nəzərdə tutulan mükafata Məhəmməd Salah layiq görüldü. Altı nəfərdən ibarət komissiya məhz Misinin “10” nömrəsini 90 dəqiqənin ən diqqətçəkən futbolçusu seçdi. Bu da təsadüfi deyildi. Məhəmməd 22-ci dəqiqədə iki müdafiəçidən sıyrılıb, topu qapıçının başı üzərindən tora qovuşdura bilmişdi. Bundan başqa, özünün də qol imkanları olmuşdu, komanda yoldaşlarına fərqlənmək şansı yaratmışdı.
“Liverpul”un aparıcı futbolçusu ən yaxşı futbolçu üçün nəzərdə tutulan mükafatı almaqdan imtina etdi. Təbii ki, açıq şəkildə yox, üstüörtülü formada. Təşkilatçılara ayağında ağrıların olduğunu, təcili həkim müayinəsinə ehtiyac duyduğunu bildirən forvard mükafatı almağı lazım bilmədi. Halbuki 90 dəqiqə meydanda olmuşdu və heç bir zədədən söhbət gedə bilməzdi. İş burasındadı ki, həmin mükafat pivə şirkəti tərəfindən verilirdi və qatı müsəlman olan Salah da spirtli içkini reklam edən şirkətin ənamını götürmək istəmirdi. Ona görə də dolayı yolla da olsa, mükafatlandırmaya qatılmaqdan imtina etdi. Hazırda FİFA məsələni araşdırır. Nə vaxtsa Məhəmmədin zədəli olmadığı ortaya çıxsa, yəni dini futbola qatdığı aşkarlansa, özü, yaxud da Misir Futbol Assosiasiyası cərimələnəcək.
Son vaxtların üzdə olan isminin əməli ilə işimiz yoxdu. Addımı atan Salah olubsa, cavabını da özü verəcək. Bizə maraqlı olan dindar futbol adamlarının misirli futbolçunun hərəkətinə olan münasibətidi. Yəni namaz qılan, İslam qanunlarına əməl edən hansısa azərbaycanlı futbolçu, yaxud məşqçi bu addımı atardımı? Bəziləri ilə əlaqə saxladıq.
Anar Nəzirov, “Zirə”nin qapıçısı: “Açığı, bu haqda xəbəri mətbuatdan oxumuşdum. Amma heç bir yerdə Salahın açıqlamasına rast gəlmədim. Yəni elə bir fakt yoxdu ki, futbolçu əsl faktın yazılanlar kimi olduğunu təsdiqləsin. Ola bilsin, mülahizələrdi, gümanlardı. Bəlkə də niyyəti dediyiniz kimi olub. Hətta belə olubsa da, bu onun şəxsi işidi. Mən, yaxud kimsə deyə bilməz ki, Məhəmməd niyə o addımı atıb. Çünki axirətdə hər kəs öz əməlinə görə cavab verəcək. Bildiyiniz kimi, Misirdə dinə daha çox bağlılıq var. Ən kiçik detala belə diqqət yetirirlər. Ona görə də Salahın mükafatdan imtina etməsi hardasa başadüşüləndi. Onun yerində olsam, nə edərdim? Açığı, bu cür suala qəfil cavab vermək olmur. Çünki həmin anı yaşamalısan, duruma baxmalısan. Şəxsi fikrim belədi ki, dini futbola, yaxud başqa nəyəsə qatmaq olmaz. Namaz qılırsan, ibadət edirsən – bunlar Allah yolundadı. Belə deyim, niyyətin düz yolda olmaqdı. Futbol isə ailənə pul qazandığın sahədi. Hər işin öz incəlikləri, öz sirləri var. İnanırsız, mən heç yerdə ağzımı açıb demirəm ki, namaz qılıram və ya nəsə edirəm. Bu mənə aid olan məsələdi. Deməyim odu ki, dinin öz yeri var, futbolun üz yeri. Bunu deməklə Salahı nədəsə günahlandırmaq istəmirəm. Sadəcə, öz fikrimi deyirəm”.
Vurğun Hüseynov, “Sumqayıt”ın müdafiəçisi: “Qısa deyirəm: halal olsun! Həm futbolda o zirvəyə yüksələsən, həm də o dərəcədə qatı dindar olasan... Nə bilim, vallah. Deməyə söz tapmıram. Həqiqətən niyyəti dediyiniz kimi olubsa, o dünyasını fikirləşib. Görün nə qədər böyük insandı ki, nə insanların qınağını düşünüb, nə hansısa cəza və ya cəriməni, nə də karyerasını. İnanmıram ki, onun yerində olum. Ona görə də “onun yerində olsaydın, nə edərdin” sualına dəqiq cavab verə bilməyəcəm. Qısaca onu deyim ki, həmin an hansı qərar qəbul edəcəyimi deyə bilmərəm. Bəlkə də Salah qədər dərindən düşünməzdim. Ona görə də ona “halal olsun” deyirəm”.
Aftandil Hacıyev, “Səbail”in baş məşqçisi: “Hər bir insanın inancı, inancla bağlı əməlləri və qərarları özünə məxsusdu. Və nə vaxtsa buna görə cavab verəcək. Salah da çox güman, nəyisə düşünərək, nəyisə bilərək bu addımı atdı. Şəriətdə də buyurulub ki, spirtli içki içmək və ya kiməsə təklif etmək, məsləhət görmək günahdı. Dediyiniz pivə şirkəti mükafatı Salah kimi futbol ulduzuna təqdim etməklə bir növ spirtli içkini reklam etmək niyyəti gedür. Məhəmməd də bunu bildiyindən, mükafatdan imtina edib. Fikrimcə, doğru addım atıb. Onun yerində deyiləm, bu gün üçün olmağım da mümkünsüzdü. Amma buna bənzər hadisə ilə rastlaşsam, düşünürəm ki, eyni qərarı qəbul edərdim”.
Vüqar Nadirov, klubsuz futbolçu: “Açığı, məsələdən tam xəbərdar deyiləm. Çünki Salahın açıqlamasına rast gəlməmişəm. Amma həqiqətən niyyəti belə olubsa, düz edib. Başqaları üçün pis görünə bilər, əslində müsəlmanlıq borcunu yerinə yetirib. Pivə şirkətinin mükafat verməkdə məqsədi nədi? Məhsulunu reklam etmək. Belə çıxır ki, namaz qılan, dinə bağlı olan adam pivəni reklam edir. Ona görə də Məhəmmədin qərarını alqışlayıram. Bəli, onun yerində mən də olsaydım, eyni addımı atardım”.
Hüseynqulu Quliyev, işsiz mütəxəssis: “Bir müsəlman adına tam doğru qərar qəbul edib. Söhbət spirtli içkinin reklamından gedirsə, Məhəmmədin həmin mükafatı götürməmək hüququ var. Düşünmürəm ki, kimsə onu qınasın və ya cəzalandırsın. Çünki göstərə biləcəyi səbəb var. Ortada spirtli içki adı varsa, əlbəttə, mən də imtina edərdim”.
Ruslan Qurbanov, “Səbail”in hücumçusu: “Düzü, belə bir hadisənin baş verdiyini sizdən eşidirəm. Həqiqətən dediyiniz kimi olubsa, o əsl müsəlmanlıq nümayiş etdirib. Salah mənim gözümdə sadə insan və güclü futbolçu idi. Bundan sonra həm də qatı islamsevər kimi xatırlayacam onu. O anda o cür qərar qəbul etmək Məhəmmədin İslama olan sevgisini, hörmətini göstərir. İmanını heç bir mükafatın ayağına vermədən hərəkət edib. Eyni halla üzləşsəydim, mən də həmin qərarı qəbul edərdim. İslam qanunlarına görə içki haram buyurulubsa, deməli, içki şirkətini reklam etmək də qəbulolunmazdı”.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 17:14 Gülağa Cabbarov Stuxlikə məktub yazdı Dünən, 17:13 Riad Rəfiyev əvvəlcə sponsorla, sonra baş məşqçi ilə görüşəcək Dünən, 17:11 “Qəbələ”də qeyri-müəyyənlik davam edir Dünən, 17:09 Renat Dadaşov U-21-dən imtina etməyib Dünən, 17:07 Qara Qarayev daha iki il “Qarabağ”da Dünən, 17:06 Azərbaycanlı futbolçular Mxitaryanı “qorxaq” adlandırdı Dünən, 17:04 Avroliqanın kuboku Cocuq Mərcanlıda Dünən, 15:28 Yığma 17 nəfərlə hazırlaşır Dünən, 15:25 Yurçeviç “çərçivə”ni Səlahət Ağayevə tapşıracaq Dünən, 15:22 "Ayntraxt"ın azarkeşləri azərbaycanlı cocuqları sevindirdilər Dünən, 15:17 UEFA İcraiyyə Komitəsi Bakıda yığışacaq Dünən, 15:14 Çempion üç günə iki qələbə qazandı Dünən, 15:12 “Araz”ın ÇL-dəki rəqibləri nə vaxt məlum olacaq? Dünən, 15:10 Joze Alesio limitin tərəfdarıdı Dünən, 15:08 Hər iki finalçı cəzalandırıldı Dünən, 14:03 “Dəyişikliklər vacibdi, amma belə yox” Dünən, 14:01 “Keşlə” Salahlı ilə anlaşdı, hədəfdə Əfrandı Dünən, 13:59 U-21 xorvatlarla “sülh bağladı” Dünən, 13:54 Səfir jurnalistlər önünə çıxacaq Dünən, 13:53 Nə tez ayıldın, Özil?! Dünən, 13:51 Naxçıvan turniri: xəbəri kimdən alaq? Dünən, 13:47 Kamal Bayramov “Səbail”də Dünən, 13:44 Emil Balayevli "Tobol"dan önəmli qələbə Dünən, 13:40 “Neftçi”nin Mirabdullanı satmaq fikri yoxdu Dünən, 13:25 Ayxan Abbasov Riad Rəfiyevlə son görüşü gözləyir Dünən, 13:20 AZAL “Qəbələ” və “Sumqayıt”ın futbolçularına zülm etdi Dünən, 13:18 “Topaz” mayın 28-də festivala başlayır Dünən, 11:21 Futbolumuzdakı ingilislər həmyerlilərini Bakıya səsləyir 23-05-2019, 20:32 Finalın meydanda görünməyən tərəfləri 23-05-2019, 20:21 Naxçıvanda üç gün 23-05-2019, 20:19 Premyer-liqanın ən yaxşısı Dani Kintanadı! 23-05-2019, 20:16 “Zirə”nin kapitanlarına qapını göstərirlər 23-05-2019, 20:13 AFFA “Xəzər Cənub”a cəza yağdırdı 23-05-2019, 20:11 "Ekol" “Neftçi”ni asanlıqla üstələdi 23-05-2019, 20:03 Xətai Bağırov Taylandda oteldə qalır 23-05-2019, 19:24 Davud Kərimi 13 futbolçunun göndərilməsini normal sayır 23-05-2019, 19:19 Renat Dadaşov Portuqaliyada medal qazandı 23-05-2019, 19:17 Azərbaycan səfirindən sərt sual 23-05-2019, 19:15 Gürcü Azərbaycanı bəyənmir... 23-05-2019, 19:13 “Qarabağ”ın 16 mümkün rəqibindən 13-ü bəllidi 23-05-2019, 19:11 Rəhimin “Sabah”, Əliyarın “Qarabağ” “sevgisi” 23-05-2019, 19:04 Bakıda əfsanələrin paradı 21-05-2019, 15:14 Həftənin idman proqramı 21-05-2019, 15:08 Medianın finala biganəliyinin arxasında nə dayanır? 21-05-2019, 15:05 “Çelsi” fanklubunun Bakıdakı üzvləri hava limanına getməyəcək 21-05-2019, 15:03 Ayxan Abbasov “Sumqayıt”dan gedir 21-05-2019, 15:01 Rauf Əliyev: “Top qəbul etmək, düzgün ötürmək vermək çətin idi” 21-05-2019, 14:54 Cavid Hüseynov rəhbərliklə görüşəcək 21-05-2019, 14:52 İnqilab Məmmədov protokolda çoxlu səhv buraxdı 21-05-2019, 14:50 "Qəbələ": final lənətinə son və ilk titul! 21-05-2019, 14:46 "Səbail" bir ucdan yola salır 21-05-2019, 14:40 Alla Həsənova çempion oldu 21-05-2019, 14:38 Fərid Kərimzadə yersiz xal itkilərini səbəb göstərdi 21-05-2019, 14:35 Elçin Səmədli UEFA-da Murad Məmmədovu əvəzlədi 21-05-2019, 14:32 “Xəzər Cənub” dağıldı! 21-05-2019, 14:28 “Baku Fire” yüksək liqaya iddialıdı 21-05-2019, 14:27 ADBTİA “gümüş”ü “Standard”dan “oğurladı” Bütün xəbərlər
Ən çox oxunanlar