13 may 12:58olke

“Təcrübə” “Funksionerlər”i üstələdi

“Təcrübə” “Funksionerlər”i üstələdi
Ruslar Bakıya gələcək, Tofiq Bəhramov yad olunacaq
AFFA-nın dəstəyi, Veteranlar İttifaqının təşkilatçılığı ilə mayın 9-da Azərbaycan futbolunun ən istedadlı nümayəndələrindən biri, SSRİ-nin əməkdar idman ustası, SSRİ-nin əməkdar məşqçisi, dörd dəfə SSRİ çempionu, AFFA İcraiyyə Komitəsinin sabiq üzvü Ələkbər Məmmədovun dünyaya gəlişinin 88-ci ildönümü ilə bağlı turnir təşkil olundu.
Günün ilk yarısında, “Neftçi”nin köhnə bazasında aşağı yaş qrupları arasında yarış keçirildi. 4 komandanın qatıldığı turnirdə püşaktamaya əsasən “Vətən”lə İsgəndər Cavadov Futbol Akademiyası, digər cütdə isə “Keşlə” ilə BFİM üz-üzə gəldi. Gözləntilərin əksinə, “Vətən”meydanı məğlub tərk etdi. Veteran futbolçunun adını daşıyan akademiyanın futbolçuları rəqibi 3:1 hesabı ilə yenəməyi bacardı. “Keşlə” isə BFİM-in qapısından 2 cavabsız top keçirməklə adını finala yazdırdı. 3-cü yer uğrunda matçda BFİM “Vətən”dən üstün oldu - 3:0. Gərgin idman mübarizəsi şəraitində keçən finalda azarkeşlər məhsuldar oyuna tamaşa etdi. “Keşlə” İsgəndər Cavadov Bakı Futbol Akademiyasının komandasını 5 dəfə meydanın mərkəzinə dəvət etdi. Nominal qonaqların bunlardan yalnız ikisinin əvəzini çıxmağa gücü çatdı.
Günün ikinci yarısında isə Ələkbər Məmmədovun ad günü ilə bağlı “Bayıl Arena”da veteranlardan ibarət “Təcrübə” komandası ilə futbol ictimaiyyətinin nümayəndələrindən (AFFA, PFL, premyer-liqa klubları) formalaşmış “Futbol funksionerləri” üz-üzə gəldi. “Təcrübə”nin baş məşqçisi Ağasəlim Mircavadov ilk dəqiqələrdən bu futbolçulara meydana çıxmaq şansı yaratmışdı: Camaləddin Əliyev, Arif Əsədov, Tərlan Əhmədov, Ədahim Niftəliyev, Oqtay Abdullayev, Nazim Süleymanov, Maşallah Əhmədov, Musa Qurbanov, Mahmud Qurbanov, Elxan Abdullayev, İqor Getman.
Ehtiyat oyunçular: Elmir Xankişiyev, Zaur İsmayılov, Vasif Haqverdiyev, Samir Əliyev, Araz Qulamov, Alim Qurbanov.
Rəqibin baş məşqçisi Vaqif Sadıqovun start heyəti isə belə idi: Faiq Əzizov, Dmitri Kramarenko, Şahin Cəfərov, Bəxtiyar Osmanov, Cavid Cəlilov, Firuz Abdulla, Kamran Quliyev, Yunis Hüseynov, Sənan Qurbanov, Müşfiq Hüseynov, Elxan Məmmədov.
Ehtiyat oyunçular: Əfqan Kərimov, Emin Cəfərov, Əliyar Ağayev, Aslan Şahgəldiyev, Ramin Həsənov, Rəmiş Malıyev, Fərhad Həsənov, Yaşar Hüseynov.
Hər biri 35 dəqiqədən ibarət ikihissəli qarşılaşmanı Tahir Süleymanov idarə edirdi. Onun köməkçiləri isə Ramiz Əsədovla Eldar Nağıbəyov idi.
Adətən, bu cür qarşılaşmalar şou xarakteri daşıyır və bir çox hallarda “sülh”lə bitir. Ancaq bu dəfə tribunalara toplaşanlar fərqli mənzərəyə şahidlik etdi. Yeri gəlmişkən onu da bildirək ki, matçı izləyənlər arasında Kazbek Tuayev, İsgəndər Cavadov, Rüstəm Rəhimov, Asim Xudiyev, Vadim Vasilyev, Əbdülqəni Nurməmmədov kimi dövrünün tanınmış futbolçuları və hakimləri yer almışdı. AFFA-nın texniki departamentinin direktoru Bernard Lippert də qarşılaşmaya biganə qalmamışdı.
Artıq 3-cü dəqiqədə Musa Qurbanov adını tabloya yazdırmağı bacardı. Veteran forvard hələ də qol duyumunu itirmədiyini, sürətinin də yerində olduğunu görüşün qalan dəqiqələrində də nümayiş etdirdi. 16-cı dəqiqədə Qurbanov dublunu rəsmiləşdirdi. Hesabda geri düşən rəqib komanda hər nə yolla olur-olsun, qol vurmağa çalışırdı. “Funksionerlər”in əsas silahı olan Yunis Hüseynov bunun üçün hakimi də aldatmaqdan çəkinmədi. “Solaxay” “Təcrübə”nin cərimə meydançasının daxilində özünü yer atsa da, təcrübəli Tahir Süleymanovu aldada bilmədi və hətta simulyasiyaya görə qarşısında sarı vərəqə gördü. 22-ci dəqiqədə, nəhayət, “göylər” istəklərinə çatdılar. Bəxtiyar Osmanov fərqi minimuma endirdi. Ancaq onların sevinci çox çəkmədi. Əvəzetmədən meydana daxil olan Alim Qurbanov ilk yarının sonuna 3 dəqiqə qalmış, daha dəqiq desək, 32-ci dəqiqədə yenidən hesab arasındakı fərqi ikiyə çatdırdı. Bu həm də birinci hissədə vurulan son qol oldu.
Komandalar fasilədən geri dönər-dönməz Yunis bəy bir çox gənc futbolçulara dərs olacaq qolun müəllifi oldu. Hüseynov təxminən 25 metrdən, sol ayaqla topu Camaləddin Əliyevin qoruduğu qapının “9-luğ”una sancdı. Artıq “göylər”in hesabı bərabərləşdirəcəyinə inananların sayı yetərincə çox idi. Lakin “qırmızılar”ın əsas “qol silah”ı olan Musa bəy dayanmaq fikrində deyildi. Yaşına uyğun olmayan sürətlə cərimə meydançasına daxil olan veteran hücumçu Mahmud Qurbanovun ideal ara ötürməsini bir toxunuşla yaxın küncə göndərdi. 45-ci dəqiqədə isə Maşallah Əhmədov hələ də qol vurmağı unutmadığını ortaya qoydu. “10 nömrə” qapı qarşısındakı qarışıqlıqdan istifadə edib zəif, ancaq hiyləgər zərbə ilə rəqibi 5-ci dəfə meydanın mərkəzinə dəvət etdi. Müşfiq Hüseynov 3-cü qolu vurub komandasını ümidləndirsə də, Elxan Məmmədovun avtoqolu heç yerinə düşmədi. Qalan dəqiqələrdə həm “Təcrübə”, həm də rəqib hərəyə iki dəfə fərqləndi. “Qırmızlar”dan Oqtay Abdullayev dublla yadda qaldısa, rəqibin heyətində Yunis Hüseynov və Elxan Məmmədov adını tabloya yazdırdı. Onu da qeyd edək ki, həm Hüseynov, həm də Məmmədov penaltidən fərqləndi. Hər onbirmetrənin səbəbkarı isə Oqtay Abdullayev oldu. Gərgin idman mübarizəsində keçən 70 dəqiqə “Təcrübə”nin 7:5 hesablı qələbəsiylə başa çatdı.
Oyundan sonra Veteranlar İttifaqının vitse-prezidenti Rüstəm Rəhimova yaxınlaşıb, turnirlə bağlı fikirlərini öyrəndik: “Bu gün istər aşağı yaş qrupları arasında keçirilən turnir, istərsə də veteranlar və funksionerlər arasında baş tutan görüş çox maraqlı alındı. Belə yarışlar veteranlarımıza verilən ən yüksək dəyərdi. Dünyasını dəyişənlər bir daha yad olunur, onların ölkə futbolu üçün etdikləri yada salınır. Gənc nəsil də belə yarışlarda iştirak etməklə tanınmış futbolçularımız barədə məlumat əldə edir. Bu il təqvim planımıza Anatoli Banişevski, Ələkbər Məmmədov və Tofiq Bəhramovun xatirəsinə həsr olunmuş turnirlərin keçirilməsi daxil olunub. Artıq bunlardan ikisi geridə qalıb. Qarşıdakı aylarda dünyaca məşhur hakimimizin də xatirəsinə turnir təşkil edəcəyik. Bu insanlar Azərbaycan futbolunun qaymaqları olub. Bütün dünyada belə yarışlar təşkil olunur. Növbəti illər üçün artıq bu turnirlərin beynəlxalq səviyyədə təşkil olunmasına çalışacağıq. Yaxın qonşularımız olan Rusiya, Gürcüstan və İran komandalarına dəvət göndərmək istəyirik. Bu həm uşaq, həm də veteran komandalara aid olunur. Özünüz də gördüz ki, yaşları artsa da, veteranlarımızın ustalıq səviyyəsi hələ də yerindədi. Yunisin vurduğu qol, Mahmudun ötürmələri, Nazimin texnikası, Oqtayın əzmkarlığı yenə özünü göstərdi. Veteranların beynəlxalq oyunlarına gəlincə, rusiyalı həmkarlarımız bununla bağlı bizə müraciət ediblər. Sentyabr - oktyabr aylarında onların Bakıya səfəri planlaşdırılır. Artıq bununla bağlı danışıqlar gedir. Onu da bildirim ki, onların heyətində vaxtilə Rusiyada top qovmuş azərbaycanlılar – Rasim Abışov, Ramiz Məmmədov, Aleksandr Jidkov, Vyeçaslav Lıçkin və başqalarının da yer alacağı gözlənilir”.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
21-01-2019, 22:41 MOK rəsmisi ilə görüş də nəticəsiz qaldı 21-01-2019, 22:40 Rəcəbov qələbə hesabını parlaq oyunla açdı 21-01-2019, 22:38 “Araz” “Neftçi”ni darmadağın etdi 21-01-2019, 22:36 AFFA bolqar mütəxəssisi “hədəfə alıb” 21-01-2019, 22:35 Veteranlar “Kəpəz”in xilası üçün hərəkətə keçir 21-01-2019, 22:34 Ağasəlim Mircavadov on gündü müalicə olunur 21-01-2019, 22:32 Külək “Tofiq Bəhramov”un dam örtüyünü qoparıb 21-01-2019, 22:26 “Qarabağ” “Bohemians”ı “kəllələdi” 21-01-2019, 22:23 “Sabah” Antalyada məğlubiyyətin nə olduğunu bilmir 21-01-2019, 22:21 Məşqçilər Komitəsinin iki üzvü Antalyadadı 21-01-2019, 22:19 Aftandil Hacıyev Avropa çempionunu sınayır 21-01-2019, 22:17 “Sürix” “Səbail”in əlindən zorla qurtuldu 21-01-2019, 22:16 Bosniyalıların bəhanələri “Sumqayıt”ın “başında çatladı” 21-01-2019, 21:59 İlk yarının uğursuz legioner “11-liy”i 21-01-2019, 21:57 AFFA üç yığmanı ləğv etdi 21-01-2019, 21:56 "Sabah" "Zirə"nin stadionunda oynayacaq 21-01-2019, 21:54 Samir Əliyev ilk qələbəsini qazandı 21-01-2019, 21:53 Həftənin idman proqramı 21-01-2019, 21:51 Klublar 20 Yanvar şəhidlərinə biganə qalmadı 21-01-2019, 21:50 Ufuk “fərqləndi”, Ziya və Eddi kənarda qaldı 21-01-2019, 21:48 "Neftçi” "İstiqlal"la oyundan imtina etdi 21-01-2019, 21:46 “Qəbələ” qələbəni əldən verdi 21-01-2019, 21:45 “Keşlə” Serbiyanın autsayderinə uduzdu 21-01-2019, 21:42 "Zirə"nin hər iki rəqibi dəyişdi 20-01-2019, 22:16 Samit Nuruzadə danışmaqdan çəkindi 20-01-2019, 22:14 “Keşlə”dən qolsuz “sülh” 20-01-2019, 22:07 Fevralda UEFA-nın nümayəndə heyəti Bakıya gələcək 20-01-2019, 22:05 “Neftçi”nin futbolçuları faciədən “Qalatasaray”la oyundan sonra xəbər tutub 20-01-2019, 22:03 “Bundan sonrakı karyeram hakim-inspektorluqla bağlı olacaq” 20-01-2019, 22:02 Azərbaycanlı təşkilatçı Antalyadakı vəziyyəti şərh etdi 20-01-2019, 22:00 “Növbəti toplanışlara “Zaqatala”, “Qaradağ Lökbatan” və başqa komandalardan da çağırılanlar olacaq” 20-01-2019, 21:58 Tahir Süleymanov BTFİ-yə niyə getməyib? 20-01-2019, 21:55 Yoxlama oyunu ləğv olunan U-19 Antalyaya yollandı 20-01-2019, 21:53 "Zirə" yenə "Voluntari"dən güclü oldu 20-01-2019, 21:52 "Neftçi" rumınları darmadağın etdi 20-01-2019, 21:50 Amit Quluzadə yenə xaricdə oynamaq arzusundadı 20-01-2019, 21:48 Delarj əvəzedici komandaya göndərilməsindən narazı deyil 20-01-2019, 21:47 TRANSFER DOSYESİ 20-01-2019, 21:46 Rahid Əmirquliyevə “atan” dələduzlara hökm oxundu 20-01-2019, 21:44 Əvvəl çempionat, sonra kubok 20-01-2019, 21:43 “Araz”ın yeni transferinin debütü gecikəcək 20-01-2019, 21:41 “Yasamal” İSK yenilənib 20-01-2019, 21:39 “Kəpəz”in çalışdırıcısı mətbuat katibinin göstərişi ilə hərəkət edir 20-01-2019, 21:37 PFL rəsmiləri “Uypeşt”in təklifini geri çevirib 20-01-2019, 21:34 Pits: “Azərbaycan reallıqlarından həqiqətən də təsirləndim” 20-01-2019, 21:33 Tovuzda danışılmış oyunlarla bağlı seminar 19-01-2019, 17:52 Petrov çempion olmaq istəyir 19-01-2019, 17:47 Elşad Əhmədov futbolçulardan razı, küləkdən narazı qalıb 19-01-2019, 17:45 Hikmət Abdullayev oyun təcrübəsizliyini qabartdı 19-01-2019, 17:41 Divizion məşqçiləri Obradoviçin siyahısından narazıdı 19-01-2019, 17:39 Küveyt millimizlə görüşdən imtina etdi 19-01-2019, 17:36 “Azərbaycanlı olduğuma görə fars təmsilçilərinin təklifini geri çevirdim” 19-01-2019, 17:31 Hacıağa zədəyə görə kənarda qalıb 19-01-2019, 17:27 Qurban Qurbanov Delarjı əvəzedici komandaya göndərdi 19-01-2019, 17:20 Sayt rəhbəri Qazaxıstandakı pullardan danışdı 19-01-2019, 17:10 Adil Şükürov “Zirə”dən ayrılmasının səbəbini açıqladı 19-01-2019, 17:04 "Zirə" afrikalıların yolunu gözləyir Bütün xəbərlər
Ən çox oxunanlar