23 apr 20:06olke

İlqar Qurbanov Qriqorçukun qərarına hörmətlə yanaşır

İlqar Qurbanov Qriqorçukun qərarına hörmətlə yanaşır
“Oyundan əvvəl “premiya” haqda bir kəlmə də söz deyilməmişdi”
“Qəbələ” bu futbol həftəsinə imzasını atdı. İstər “Neftçi”nin meydanında sərgilədiyi futbol, istər göstərdiyi əzmkarlıq, istərsə də yaratdığı saysız-hesabsız qol vəziyyətlərinə görə. Nəticədə ilk oyunda doğma meydanında məğlub olduğu rəqibini səfərdə yenib, adını finala yazdırdı. Halbuki aprelin 12-də qeydə alınan yenilgidən sonra çoxları “Qəbələ”ni siyahıdan silmişdi. Roman Qriqorçukun isə mövsümün sonunda komandadan ayrılacağı deyilirdi. Bir qələbə hər şeyi kökündən dəyişdi.
“Neftçi”ylə qarşılaşmada sevindirici məqam Voislav Stankoviç Rasim Ramaldanovla əvəzlənəndən sonra bölgə təmsilçisinin müdafiə xəttinin sırf azərbaycanlılardan təşkil olunmasıydı. Taleyüklü matçlarda bu cür hadisəyə rast gələ bilməzsiz. Əcnəbi mütəxəssislər arxa xətdə daim gəlmələrə şans verib. Bu dəfə isə İlqar – Ürfan – Rasim - Təmkin “dördlüy”ü inamlı çıxışla rəğbət qazandı. İlqar demişkən, oyunun sonlarına yaxın zədələnərək, meydanı vaxtından əvvəl tərk edən təcrübəli müdafiəçi olduqca inamlı görünürdü. Hətta ilk hissənin sonunda rəqib qapısına yol tapa bilərdi. Qısası, müsahib kimi “18 nömrə”ni seçdik.
- Səmimi danışaq, səfərdə “Neftçi”nin qapısından 3 qol keçirəcəyinizə inanırdız?
- Desəm ki, 3, yaxud 4-5 top vuracağımızı gözləyirdim, yalan olar. Çünki bu cür matçların necə keçəcəyini, hansı hesabla başa çatacağını heç kim bilmir. Bəli, qalib gəlib finala adlayacağımıza inanırdım. İlk görüşdə uduzmağımıza baxmayaraq, son bir neçə gündə uşaqlar nikbin görünürdü. Öz aramızda danışırdıq, nələrisə müzakirə edirdik. Açıq-aşkar görürdüm ki, hamı aprelin 18-ni gözləyir.
- İki fərqli oyun, fərqli nəticələr. Bir həftə ərzində nə dəyişdi?
- Heç nə dəyişmədi. Həmin komandadı, həmin məşqçi və futbolçulardı. Sizə deyim ki, Qəbələdəki oyun da bu axarda gedəcəkdi. Orda da lazım olan qələbəni qazana bilərdik. Sadəcə, həmin gün bizim günümüz deyildi. İlk hissədə buraxılan ardıcıl iki qol uşaqlara pis təsir etdi. Öz səhvimizdən vurulan ilk qol olmasaydı, “Neftçi” o cür rahat oynaya bilməyəcəkdi. Birinci qarşılaşmadakı səhvlərimizi təhlil edib, müəyyən nəticələr çıxardıq. Çalışdıq ki, daha az səhvə yol verək.
- “Qəbələ” 0:2 uduzurdu və sənin ötürməndən sonra Stiven Jozef-Monroz hesab arasındakı fərqi azaltdı. Düşünmürsən ki, cavab matçı ərəfəsində hesabın 0:2 yox, 1:2 olması komanda yoldaşlarına əlavə ruh yüksəkliyi verdi?
- Belə deməzdim. Uduzmaq uduzmaqdı, fərqi yoxdu, 0:2, yaxud 1:2. Lap 2 top fərqi ilə məğlub olsaydıq da, Bakıda bunun əvəzini çıxmalıydıq. Çünki hamı buna köklənmişdi.
- Sanki xüsusi motivasiya vardı komandada. Çox güman, klubun gələcək taleyinin məhz bu oyundan asılı olduğunu bilirdiz.
- Bu haqda yazırlar, danışırlar. Amma sizi inandırım ki, bununla bağlı söhbətimiz olmamışdı. Hadisələrin sonrakı axarını bilmək olmazdı. Çünki heç kimə rəsmən nəsə deyilməmişdi. Sadəcə, “Qəbələ” neçə ildi iddialılardan sayılsa da, Avroliqanın qrup mərhələsində oynasa da, titula həsrətdi. Çalışırdıq ki, bu şansı əldən verməyək. Titul qazanmağımız həm klub, həm də öz adımıza faydalıdı. Bu cür imkan varkən, niyə əldən verək ki?
- Razılaşaq ki, oyundan əvvəl söz verilən pul mükafatının da xüsusi rolu vardı. Xüsusilə legionerlər üçün.
- Açıq deyirəm, qarşılaşmadan əvvəl “premiya” haqda bir kəlmə də söz deyilməmişdi. Birinci görüşdəki məğlubiyyətdən sonra heç kim ağzını açıb pul adı çəkmirdi. “Qəbələ”də mükafat sistemi var və bunun necə tətbiq olunduğunu futbolçular bilir. Heç vaxt oyundan əvvəl gəlib konkret məbləğ söyləmirlər. Bilirdik ki, qazanılacaq uğurun qarşılığında rəhbərlik öz səxavətini göstərəcək. Həmin an bir şey düşünürdük: nə olur-olsun, səfərdə “Neftçi”ni udmalıyıq! O an pul-zad gözə görünmürdü. Bu cür kollektivlə finaldan kənara qalmağı özümüzə bağışlaya bilməzdik.
- Yeri gəlmişkən, oyunun sonlarında zədələnib meydanı xərəkdə tərk etdin. Özünü necə hiss edirsən?
- Düzdü, matçdan sonra müəyyən ağrılar vardı. İndi şükürlər olsun, yaxşıyam, ciddi problem yoxdu.
- Bundan sonra əsas gücü finala saxlamağa dəyər? Yoxsa premyer-liqaya əvvəki kimi köklənəcəksiz?
- Kubok ayrıdı, çempionat ayrı. Çempionata önəm verməsək, bir də baxarıq 3-4-cü pillələrə enmişik. Özünüz də bilirsiz ki, qonşu komandalarla xal fərqi elə də çox deyil. Ona görə də premyer-liqa matçlarında qətiyyən “boşalmaq” olmaz. Diqqətsizliyin sonu yaxşı nəticələnməz. Həm də finala çıxmağımız kuboku qazanacağımız anlamına gəlməməlidi. Hər iki “cəbhə”də mübarizəni sona qədər davam etdirəcəyik.
- 24-cü turda rəqibiniz yenə “Neftçi”di, oyun yenə “Bakcel Arena”da baş tutacaq…
- Çətin qarşılaşma olacaq. Rəqib kubok şansını itirdiyindən, bütün gücünü çempionata qoyacaq. Üstəlik, meydana əvəz çıxmaq üçün çıxacaqlar. Aprelin 18-də baş tutan oyunu ortaya qoya bilsək, problem omayacaq. Məqsəd həmişəki kimi qələbə qazanmaqdı.
- Qriqorçuk zədəli legionerlərin yoxluğunda yerlilərə şans verməyə başlayıb. Xüsusilə xeyli vaxtdı səni oynatmadığına görə indi daha çox tənqid olunur. Əvvəlki iki oyunda verdiyin qol ötürmələri ukraynalı mütəxəssis üçün gözdağı olmalıdı.
- Qriqorçukla problemim olmayıb. Yadınıza gəlirsə, komandaya yeni cəlb olunanda mənə güvənirdi. Daim əsas heyətdə yer alırdım. Lakin sonradan ciddi zədələnməyim həm onun, həm də mənim planlarımı pozdu. Uzun müddət müalicə olundum. Zədədən qayıdan kimi birbaşa əsas heyətdə yer almağım isə riskli olardı. Özü də “vaxtını gözlə, oynayacaqsan” deyirdi. Hər halda, bildiyi nəsə vardı. Görünür, indiki məqamı nəzərdə tuturmuş. Baş məşqçi şans verir, mən də ümidləri doğrultmağa çalışıram.
- Belə başa düşdüm ki, neçə vaxtdı ehtiyatda qalmağından narazı deyilsən.
- İlk gəldiyim gündən mənə şans verməsəydi, yaxud formada olduğum dönəmdə ehtiyatda saxlasaydı, sizinlə razılaşardım. Amma Qriqorçukun mənimlə ədavəti yoxdu. Əksinə, daim soruşur, maraqlanır. Ona görə də nədənsə narazı ola bilmərəm.
- Mayda və iyunda yığmanın yoldaşlıq görüşləri baş tutacaq. Öz oyununla vaxtilə “Qarabağ”da rəhbərliyi altında çıxış etdiyin Qurban Qurbanova mesaj göndərməyin vaxtıdı?
- Milli haqda çox danışmışam. Nədənsə, hər dəfə bu haqda suallar verilir. Qısaca onu deyə bilərəm ki, bu dəqiqə əsas məqsədim yaxşı oyunla “Qəbələ”yə kömək etməkdi. Sonrası necə olacaq, bunu zaman göstərəcək. Mənim vəzifəm futbol oynamaq, meydanda işimi görməkdi.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
14-02-2019, 23:21 “Karlsen, demək olar ki, səhv etmir” 14-02-2019, 23:18 Günay Məmmədzadə - 9 oyuna 8,5 xal toplayan çempion! 14-02-2019, 23:07 Denis “Sumqayıt”la oyuna dönüş nöqtəsi kimi baxır 14-02-2019, 23:05 Stuxlikin “islahatı” liqalarda narazılıq doğurub 14-02-2019, 23:03 U-21 martda 10 günlük toplanış keçəcək 14-02-2019, 22:54 Yığma penaltini qaçırdı və İspaniyaya uduzdu 14-02-2019, 22:51 “Avropa çempionatında iştirak etmək üçün vuruşacağıq” 14-02-2019, 22:41 Yurçeviçin təyinatına premyer-liqadan baxış 14-02-2019, 22:39 Xorvatlar Yurçeviçin 300 min avro qazanacağını iddia edir 14-02-2019, 22:37 Üç il əvvəlki duelə damğa vuran FİFA referisi 14-02-2019, 22:36 “Tofiq Bəhramov”da növbəti “döyüş” 14-02-2019, 22:34 Divizionda təcrübəli adlar: İmanxan Sultani, Ramil Diniyev, Əliyar Ağayev, İnqilab Məmmədov… 14-02-2019, 22:32 “Xəzər Lənkəran” yenə məhkəməyə gəlmədi 14-02-2019, 22:30 “Səbail” Antalyaya yollanıb 14-02-2019, 22:29 Asif Əsgərov ECA-nın toplantısının detallarını açıqladı 14-02-2019, 22:27 Kluba kəsilən cəriməni “Ağsu”nun futbolçuları ödəyəcək 14-02-2019, 22:26 İntizam Komitəsi daha iki komandaya texniki məğlubiyyət verdi 14-02-2019, 22:25 “Qəbələ”nin sabiq məşqçisi və idman direktoru uğursuzlar arasında 14-02-2019, 22:23 Baş katib BOS-da qonaqlarla görüşdü 13-02-2019, 13:35 Hacı Əliyev: "Hələ optimal formada deyiləm" 13-02-2019, 13:33 AFFA yığmanı Nikola Yurçeviçə tapşırdı 13-02-2019, 13:30 Yığmanın yeni çalışdırıcısını Məşqçilər Komitəsinin üzvlərindən uzaq tutublar 13-02-2019, 13:29 UEFA nümayəndələrinin Bakıya son səfəri 13-02-2019, 13:28 Səyavuş Əliyev “İdman Azərbaycan”ın direktoru olacaq 13-02-2019, 13:22 U-21-in heyəti ilə bağlı növbəti narazılıq dalğası 13-02-2019, 13:21 Aqil Məmmədov zədələnib 13-02-2019, 13:20 “Neftçi”nin bazasında işlər davam etdirilir 13-02-2019, 13:14 “Keşlə” Vaqif Cavadovdan qurtuldu 13-02-2019, 13:11 Almeyda “Qarabağ”dan ayrıldı 13-02-2019, 13:09 “Salam, “Çelsi”, nətərsən?” 13-02-2019, 13:05 Moldova futboluna azarkeşlik edən rus təqaüdçü 13-02-2019, 12:59 Turun statistikası 13-02-2019, 12:56 Turun məşqçisi 13-02-2019, 12:56 Turun oyunçusu 13-02-2019, 12:55 Turun sitatı 13-02-2019, 12:54 Cənub zonasında havaya görə təxirəsalma 13-02-2019, 12:50 Hakimlərin mühakiməsi 13-02-2019, 12:48 “Banişevski kuboku”nda 6 komanda mübarizə aparacaq 13-02-2019, 12:47 “Zirə”dən 6 aylıq icarə və növbəti transfer 13-02-2019, 12:45 Turdan məqamlar 13-02-2019, 12:44 Futzal millimiz apreldə iki ölkəyə səfər edəcək 13-02-2019, 12:43 Balayev üçün rəqiblər bilindi, Paşayev məşqlərə başladı 13-02-2019, 12:42 PFL “Qarabağ”ın müraciətini müsbət cavabladı 12-02-2019, 18:12 Belə oxuculara görə yaşamağa dəyər! 12-02-2019, 18:11 Həftənin idman proqramı 12-02-2019, 18:09 U-19 toplanış ərəfəsində yenildi 12-02-2019, 18:07 Yığmanın potensial baş məşqçisi “kartları açmadı” 12-02-2019, 18:05 Bacarığının sərhədlərini tanıyan, münaqişələrdən qaçan, çılğınlıqdan uzaq, iddiasız biri... 12-02-2019, 18:03 “Qəbələ” şikayət etmək iddiasından çəkildi 12-02-2019, 18:01 Qurban Qurbanov “Sumqayıt”ın iki hücumçu ilə oynayacağını düşünürmüş 12-02-2019, 17:58 “Qarabağ” üçün birgünlük sevinc 12-02-2019, 17:50 “Qəbələ”: bir olsun, pir olsun! 12-02-2019, 17:45 “Kapital Bank Arena”nın qapı torları dəyişdiriləcək 12-02-2019, 17:42 “Forza Neftçi” yubileyini qeyd etdi 12-02-2019, 17:39 Nazarov oynamadı, komandası darmadağın oldu 12-02-2019, 17:34 Liderlər büdrəmədi, “Qəbələ” “üçlüy”ə yaxınlaşdı 12-02-2019, 17:33 Elbrus Məmmədovun ağ yalanı Bütün xəbərlər
Ən çox oxunanlar