15 apr 12:13olke

Baş məşqçilər təcrübəsizliyi qabartdı

Baş məşqçilər təcrübəsizliyi qabartdı
Elnur Zeynalov: “Turnirdə ən balacaboy üç komanda var idisə, hər üçü Azərbaycan təmsilçiləriydi”
Bir neçə gün öncə “Neftçi”, “Qəbələ” və “Vətən”in U-12 komandalarının “İzmir Cup” beynəlxalq turnirində iştirak etdiyini xəbər vermişdik. Təəssüf ki, təmsilçiləmiz qardaş ölkədə keçirilən yarışda uğursuz nəticələrlə yadda qaldı. Yalnız “Vətən” bu mənada fərqləndi. Belə ki, 56 komandanın mübarizə apardığı yarışın yekununda “Vətən” 23-cü, “Qəbələ” 44-cü, “Neftçi” isə 49-cu oldu. Halbuki istər “Qəbələ”, istərsə də “Neftçi” aşağı yaş qrupları üzrə liqalarda “at oynadır”. Ancaq xaricə çıxan kimi bizimkilərə real yerlərini göstərirlər. Dünən hər üç komandanın baş məşqçisi ilə danışmaq qərarına gəldik. Ən bərbad nəticə ilə yadda qalan “Neftçi”nin çalışdırıcısı Emin Salmanov çoxsaylı zənglərimizi cavabsız qoydusa, digər iki mütəxəssisin fikirlərini öyrəndik.
Elnur Zeynalov (Vətən): "Bildiyimə görə, ilk dəfə bu turnirdə 56 komanda iştirak edirdi. Ümumilikdə normal çıxış etdik. Açığı, rəqiblər bəlli olanda, çoxları qrupdan çıxacağımıza şübhə ilə yanaşırdı. Ancaq mən komandama inanırdım. Normal kollektivimiz var, uşaqlar topla oynamağı bacarır. Nəticədən də öndə duran əsas məsələ müxtəlif məktəblərin, akademiyaların təmsilçiləri ilə üz-üzə gəlməyimiz idi. Uşaqların təcrübə qazanması üçün bu yarışın həqiqətən bizə çox xeyri oldu. Təşkilatçılıq normal idi, bütün komandalar beşulduzlu oteldə qalırdı. Oyunlara aparılıb-gətirilmə də yüksək səviyyədə idi. Səfər zamanı hər hansı problemimiz olmadı. Təbii, "Neftçi" və "Qəbələ"nin də oyunlarını izlədim. Çünki bu komandalar çempionatda bizim rəqiblərimizdi. Bu üzdən onların xarici kollektivlərlə mübarizəsi maraqlı idi. Əslində onların da qrupuna yaxşı komandalar düşmüşdü. Ola bilər, bizimlə müqayisədə "Neftçi" və "Qəbələ" üçün nəticələr qənaətbəxş olmadı. Lakin onlar üçün də böyük təcrübə idi. Uşaqlarımızın o cür oyunlara çıxması onların özlərinə xeyirdi. Belə turnirlərə nə qədər çox qatılsaq, o qədər faydasını görərik. Biz il ərzində bir-iki dəfə bu cür yarışlarda iştirak ediriksə, Avropa komandları 7-8, hətta 10 belə turnirə qatılır. Kənardan baxanda da hiss olunurdu ki, rəqiblər üçün həyəcan yox idi. Çıxıb rahat oynayırlar, çünki alışıblar. Əksər komandaların oyunlarını izlədik. Həm Skandinaviya ölkələrindən gələnlər, həm də Hollandiya təmsilçiləri fərqlənirdilər. Uşaq olmalarına baxmayaraq, təşkilatlanmış şəkildə mübarizə aparırdılar. Görürdün ki, fərqlənirlər, seçilmiş uşaqlardı. İnanın ki, turnirdə ən balacaboy üç komanda var idisə, hər üçü Azərbaycan təmsilçiləriydi. Ancaq bunlar peşəkar, yığma oyunçuları deyillər ki, hər şey mükəmməl olsun. Sadəcə, daha çox turnirdə iştirak etsək, inkişaf etmək olar. Millilərdə yetirmələrim var, onlarla söhbət edəndə də görürəm ki, xaricdə oynayanda həyəcan keçirirlər. Səbəb isə uşaq futbolunda çıxış edərkən beynəlxalq turnirlərdə iştirak etməmələridi. Avropa komandaları üçün ev-səfər oyunları fərq eləmir. Tutaq ki, "Real" kimi klub səfərdə evdəkindən daha yaxşı oynayır. Bunlar hamısı alışqanlıqdan irəli gəlir. Biz isə evdə özümüzü göstəririk, səfərdə problemlər ortaya çıxır. Bununla belə, "İzmir Cup"da seçilən uşaqlarımız oldu. Özlərini yaxşı tərəfdən göstərdilər, rəqib önündə itib-batmadılar. "Krasnodar"ın rəhbəri yaxınlaşıb komandamız haqda müsbət fikirlər səsləndirdi. Həmçinin "Braqa" tərəfi də çıxışımızı yaxşı qiymətləndirdi. Ardıcıl şəkildə belə turnirlərə qatılsaq, faydasını görərik. O ki qaldı səfərin maliyyə tərəfinə, gedib-gəlmək, orda qalmaq rəhbərliyin hesabına idi. Sadəcə, dəvət etmişdilər və orda oyunlara aparıb-gətirmək təşkilatçılar tərəfindən həyata keçirildi. Bu üzdən rəhbərliyə təşəkkür edirik. Ümumiyyətlə, bizdə komandalar imkan düşdükcə turnirlərə göndərilir. İldə iki dəfə təlim-məşq toplanışımız olur. Rəhbərlik hansısa problemimizin olmamasına çalışır. Rayonlarda seleksiya aparırıq, istedadlı uşaqları gözdən qaçırmamağa çalışırıq. Əsas hədəfimiz də ölkə futboluna xeyir vermək, yığmalar üçün futbolçu yetişdirməkdi".
Şehruz Mustafayev (Qəbələ): “Bir gündə 6 oyun keçirirdik. Bizim uşaqlar da bu cür rejimə alışmayıb. Ancaq təcrübə baxımından qazancımız oldu. “Alkmaar”, “Qalatasaray” kimi rəqiblərlə qarşılaşmaq uşaqlar üçün faydalıdı. Təşkilatçılıq baxımından elə bir problem görmədik. Xırda çatışmazlıqlar isə vardı. Düzdü, hər bir komandaya ayrıca paltardəyişmə otağı ayırmaq mümkünsüz idi. Ancaq bəzən 3 komanda bir otaqdan istifadə edirdi. Tutaq ki, ilk oyunda hər şey qaydasında olurdusa, ikinci dəfə həmin paltardəyişmə otağından istifadə edəndə durum fərqli olurdu. Doğrudu, bunlar kiçik şeylərdi. Lakin oyunlar arasındakı müddət də bəzən narahatlıq yaradırdı. Çünki yemək vaxtı olanda baxırsan ki, növbəti qarşılaşmaya bir saat qalıb, tələm-tələsik toparlanmaq məcburiyyətində qalırsan. Gün ərzində 6 oyun, fikrimcə, bizim uşaqlar üçün normadan artıq idi. Uşaqlar ən böyük yükü oyun zamanı alır. Bizimkilərin təcrübəsizliyi özünü göstərdi. Müəyyən komandaların adına baxıb həyəcan keçirirdilər. Bəzi uşaqlar ilk dəfə belə turnir görürdü. Bizim heyətdəki uşaqlardan dördü 2007 təvəllüdlü idi. O məqamlara toxunmaq istəməsəm də, bəlkə də digər komandalarda yaşı çox olan uşaqlar var idi. Bəziləri mənimlə bir boyda idi ki, onun 2006 təvəllüdlü olmasına inanmaq olmur. Lakin bizə belələri lazım deyildi. Əsas, vacib məsələ təcrübə qazanmaq idi. “Qəbələ”nin liqalarda lider olub, xaricdə bunu ortaya qoya bilməməsinin əsas səbəbi bu cür turnirlərdə müntəzəm iştirak etməməsidi. Bu davamlı olmalıdı. Düzdü, bizdə hər yaş qrupu il ərzində bir-iki turnirə göndərilir. Ancaq 4-5 belə yarış lazımdı. Çempionatımızın səviyyəsi çox aşağıdı. Bunu boynumuza almalıyıq. Biz Qəbələdə zona oyunları keçiririk, Yevlax, Mingəçevir, Ağdaş komandaları ilə qarşılaşırıq. Ordakı nəticələrdən də xəbərdarsız. Burda gəzə-gəzə 10, 20 qol vurursan və gedib birdən-birə “Qalatasaray”, MS kimi rəqiblərlə üz-üzə gəlirsən. Rəhbərlik nəticələri normal qarşıladı. Bununla bağlı bir problem yoxdu. Əsas məsələ uşaqların gücünü görmək, onlara təcrübə qazandırmaqdı”.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
19-10-2018, 14:55 “Sumqayıt”dan ayrılan məşçinin cəzası və cəriməsi yarıbayarı azaldıldı 19-10-2018, 14:53 Mirheydər Səfiyev “nala-mıxa vurdu” 19-10-2018, 14:49 Hakimin burnunu sındıran baş məşqçi cəzalandı 19-10-2018, 14:46 Sənan Qurbanov “Neftçi”ylə oyuna dönüş nöqtəsi kimi baxır 19-10-2018, 14:24 Qurban Qurbanova yönələn iradlar haqlıdımı? 19-10-2018, 14:17 “Qarabağ”ın yığma ilə bağlı paylaşımı birmənalı qarşılanmayıb 19-10-2018, 14:14 Mahir sosial şəbəkələrdən istifadə etmir 19-10-2018, 14:12 Rüfət Dadaşov Prosineçkinin addımını axmaqlıq sayır 19-10-2018, 14:02 Futbolçu “Kəpəz”in baş məşqçisini döyüb? 19-10-2018, 14:00 “Böyüklər” yekun vuracaq, “birincilər” başlayacaq 19-10-2018, 13:58 “Neftçi” 1 qolla zirvəyə yüksəldi 19-10-2018, 13:56 Emin Mahmudov "Qəbələ"ni təhlükəli rəqib sayır 19-10-2018, 13:55 AFFA 4 xalı 40 min manatla mükafatlandırıb? 19-10-2018, 13:53 U-21 tsikli səfər xalı ilə bitirdi 19-10-2018, 13:51 “Qarabağ”ın oyununa cəmi 7000 bilet satılıb 19-10-2018, 13:50 Bolqar hakim yaxşı qiymət alıb 18-10-2018, 20:04 AFFA hakimə kəllə atan “Laçın”ın məşqçisini cəzalandıracaq 18-10-2018, 20:03 Mirheydər Səfiyevin istədiyi məbləğ AFFA-nı heyrətləndirib 18-10-2018, 20:01 Çempion və mükafatçı qələbəylə başladı 18-10-2018, 19:52 Qurban Qurbanovun “cırtdan”a qarşı gedişləri 18-10-2018, 19:50 Qələbəyə mane olan səbəblər 18-10-2018, 19:48 Mahirə çıxış yolları göstərdilər... 18-10-2018, 19:45 Maltalılar bayram edir 18-10-2018, 19:39 "Sektor 11" BOS-da niyə varlığını göstərmədi? 18-10-2018, 19:37 Vaxtilə məhbus həyatı yaşayanlar Kokorinlə Mamayevdən danışdı 18-10-2018, 19:34 Erkin İbrahimov Skandinaviyaya aparmaq üçün futbolçu axtarır 18-10-2018, 19:30 AÇ-2020 ilə bağlı tədbir 16-10-2018, 18:25 “Araz”ın uğursuzluğu Zaur Axundovu qəzəbləndirməyib 16-10-2018, 18:22 U-13 liqasında “Laçın”ın baş məşqçisi hakimin burnunu qırdı 16-10-2018, 18:21 Stuxlik Xaqani Məmmədovu “kəsib”? 16-10-2018, 18:19 Ramil Şeydayev topdaşıyan rolunda 16-10-2018, 18:18 Malta ayağımızın altını qazdı 16-10-2018, 18:15 Haşımov Bebeki bəyənib 16-10-2018, 18:14 “Mahir oyundan sonra paltardəyişmə otağında ağlayırdı” 16-10-2018, 18:11 AFFA üçün sponsorluq müqaviləsi 16-10-2018, 18:09 "Neftçi" “parçalandı”, “ağlar” qalib gəldi 16-10-2018, 18:08 Kvaratsxeliya konfransı açıq elan etmək hüququna malikdi 16-10-2018, 18:07 Yığma üzvlərinin qiymətləndirməsi 16-10-2018, 18:04 Həftənin idman proqramı 16-10-2018, 18:03 Xal itirməyən iki komanda qaldı 16-10-2018, 18:01 “Keşlə” divizionun liderini darmadağın etdi 16-10-2018, 18:00 Yaxşı ki “Səbail” var… 16-10-2018, 17:59 Dadaşovlu “Eştoril” son anda xilas oldu 16-10-2018, 17:57 “Xəzər Lənkəran”a uduzduq… 16-10-2018, 17:56 “Sumqayıt”da Diaçenkonu həmyerlisi əvəzləyəcək 16-10-2018, 17:54 Samir Abasov sabiq komandasını üstələdi 16-10-2018, 17:52 “Xilə”yə “Royal Holding” sponsorluq edir 15-10-2018, 14:02 Sabah “Futbol+”də 14-10-2018, 16:36 Firdovsi Umudov proqnoz verməkdən çəkindi 14-10-2018, 16:33 Vüqar Nadirov “Baku City”ni atıb premyer-liqaya getməyəcək 14-10-2018, 16:31 Federasiya rəsmisi legionerlərsiz nəticə qazanmağın çətin olduğunu etiraf etdi 14-10-2018, 16:30 “Sumqayıt” 8 min manat cərimələnən məşqçisiylə yolları ayırdı 14-10-2018, 16:26 Yenilmək növbəsi Maltanındı! 14-10-2018, 16:24 “Milli dəstə” tarixinin ən bahalı səfərini gerçəkləşdirib 14-10-2018, 16:22 Olsen komandasının bəxtinin gətirmədiyini düşünür 14-10-2018, 16:07 Rəşad Sadıqov Renatı maya qədər yığmaya dəvət etməyəcək 14-10-2018, 16:04 Stuxlik hakimlərdən test götürdü Bütün xəbərlər
Ən çox oxunanlar