27 mar 18:26olke

“Qarabağ” son saniyələrdə sevindi

“Qarabağ” son saniyələrdə sevindi
Samir Abasov: “Xəyal növbəti səhvə yol versə, onu xahiş etmiş insanlar da ona qoşulub gedəcək”
Qurban Qurbanov: “Belə hallarda bu addım atılmalı idi və mən də atdım”

Millinin və U-21-in oyunlarına görə premyer-liqada yaranan fasilədən yararlanan “Sumqayıt” martın 24-də “Azərsun Arena”da “Qarabağ”la yoldaşlıq oyununda üz-üzə gəldi. Hər iki komandanın heyətində yığmalara cəlb olunan oyunçular olduğundan baş məşqçilər meydana optimal heyət buraxa bilməmişdi. Ən diqqətçəkən məqam isə qonaqların heyətində Xəyal Nəcəfovun meydana çıxması idi. Bir müddət əvvəl intizamsızlığa görə Samir Abasov tərəfindən yaya qədər əvəzedici heyətə göndərilən 21 yaşlı yarımmüdafiəçi yenidən meydanda top qovurdu.Yeri gəlmişkən,, bir gün əvvəl yığmanı Belarusla matça çıxaran Qurban Qurbanov “kimyaçılar”la görüşdə də texniki zonada yer almışdı.
Arenaya təşrif buyuran azsaylı azarkeşlər ilk hissədə bərabərsəviyyəli oyun izlədilər. Düzdü, müəyyən zaman kəsiyində meydan sahibləri topa daha çox nəzarət edir, daha kəsərli hücumlar qururdular. Ancaq Fərhad Vəliyevin “çərçivə”də inamlı, müdafiə xəttinin isə intizamlı oyunu ağdamlıların qol vurmaq istəyinin reallaşmasına imkan vermirdi. 28-ci dəqiqədə Pedro Enrike, hissənin sonlarına yaxın isə Ağabala Ramazanov real qol imkanını boşa verməklə yadda qaldılar. Pedronun “9-luğ”a gedən zərbəsini Vəliyev gözəl seyvlə zərərsizləşdirdisə, Ağabalanın yaxın məsafədən zərbəsi dirəyin yanından keçdi. Çox maraqlıdı ki, Maksimin, Rəşadın, Bədavinin yoxluğunda Qurban bəy müdafiənin mərkəzini Miçel – Aqolli cütlüyünə tapşırmışdı. Sağ cinahda isə sonuncu dəfə meydana nə vaxt çıxıdığını unutduğumuz Arif Daşdəmirov çıxış edirdi. Mərkəzdə Rahid Əmirquliyev “dirijorluq” edirdi. Daşdəmirovdan fərqli, Rahid futbol oynamağı unutmadığını bir daha göstərdi. Əmirquliyev hücumların qurulmasında fəal iştirak edir, ikili mübarizələrdə inamlı təsir bağışlayırdı.
Fasilədən sonra tamaşaçılar 3 qola şahidlik etdi. Əvvəlcə Pedro fərqləndi. Qonaqların müdafiəçiləri süni “ofsayd” yaratmaq istəsələr də, Rail Məlikov “xətti” pozduğundan komanda yoldaşının ötürməsini braziliyalı çətinlik çəkmədən dəqiq tamamladı. Fasilədə Fərhadı əvəzləyən Mehdi Cənnətov çox çalışsa da, komandasını xilas edə bilmədi. Ancaq çox çəkmədən qonaqlar “status-kvo”nu bərpa etdi. Elnur Abdullayev rəqibin 3 müdafiəçisinin arasından çıxıb cərimə xəttinin üzərindən uzaq küncü dəqiq nişan aldı. Əsas vaxta əlavə olunmuş dəqiqələrdə isə meydan sahibləri qələbə qolunu vurmağı bacardı. Meydana sonradan çıxan əvəzedici heyətin üzvü Ruslan Hacıyev təxminən 20 metrdən toru silkələdi.
Oyundan sonra “kimyaçılar”ın baş məşqçisi Samir Abasov matçı izləyən azsaylı jurnalistlərin sullarını cavabladı.
- "Qarabağ"la yoxlama oyunu nə dərəcədə faydalı oldu?
- Bir çox futbolçunu sınadıq. Həm də uzun müddətdi oynamayan, oyun təcrübəsi sarıdan əziyyət çəkən futbolçulara şans verdik. İnanırsız, uzun müddətdi oynamayan futbolçuların vəziyyəti ürəkaçan deyil. Nə qədər çətin oyunlarımızın qaldığını fikirləşəndə, əziyyət çəkəcəyimizi dərk edirik. Allah oynayan futbolçularımızı zədədən, qırmızı vərəqədən qorusun.
- Oyun praktikasından əziyyət çəkən futbolçular dedikdə kimləri nəzərdə tutursuz?
- Əsas komandanın üzvlərini. Əvəzedicilər başadüşüləndi, bəlkə də ilk dəfə belə rəqibə qarşı oynayırdılar. Amma əsas komandanın oyunçuları var ki, zədədən qayıdıblar, çoxdan oynamayıblar, uyğunlaşma dövrünü keçiblər. Artıq xeyli müddətdi bizimlə olsalar da, kollektivdən bir qədər arxa planda qalırdılar. Onların sərgilədiyi oyun ürəkaçan olmadı.
- Xəyal Nəcəfovu əsas komandaya qaytarmısız. Amma əvvəlki açıqlamanızda onu bağışlamayacağınızı demişdiz...
- Müəyyən məsələlər var ki, indi açıqlama vermək istəmirəm. Vəziyyət bunu tələb etdi. Yaşlı futbolçularımızın, kapitanımızın xahişi Xəyalı komandaya qaytardı. İndi açıqlama versək, oyunçunu pərt etmiş olarıq. Amma yenə deyirəm, bəzi məsələlər məni yumşalmağa məcbur etdi.
- Onun əsas komandadan göndərilməsinə səbəb nə idi?
- Ümumi problem idi. Ailədən tutmuş hər şey daxil idi. Əsas odu ki, bütün komanda məndən onun bağışlanmasını xahiş etdi. Mən də yaşlı oyunçuların sözünü yerə salmaq istəmədim. Amma onlara bildirdim ki, Xəyal növbəti səhvə yol versə, onu xahiş etmiş insanlar da ona qoşulub gedəcək.
- Deməli, bu, Xəyalın son şansıdı?
- Əlbəttə.
- Millinin oyununu, təbii ki, izləmisiz. Yetirmələriniz necə təsir bağışladı?
- "Sumqayıt"ın futbolçuları ən yaxşılardan idi.
- Əsas da Cavid İmamverdiyev...
- Fasilədən dərhal sonra meydana çıxan Tural Axundov da ən yaxşılardan idi
- Ancaq böyük ümidlər bəslənilən Amil Yunanov fasilədə əvəzləndi. Bu, sizdə ruh düşkünlüyü yaratmadı?
- Yox. Sadəcə, Amilin o səviyyədə ilk oyunu idi, buna görə də başadüşülən idi. Həddən artıq çox çalışdı. İmamverdiyev üçün belə oyunlar adi hal olduğu üçün yaxşı oynadı. Tural isə yaxşı mənada təəccübləndirdi.
Bir gün öncə millinin baş məşqçisi kimi media qarşısına çıxan Qurban Qurbanov bu dəfə “Qarabağ”ın oyunu ilə bağlı fikirlərini bölüşdü.
- Pis oyun olmadı. Sürətli mübarizə getdi. Samir Abasov da sağ olsun ki, belə bir görüşə razılıq verdi. Hər iki komanda yaxşı, istəkli oyun sərgilədi. Bu məqam da məni razı saldı. Bir sözlə, düşündüyüm proqram alındı.
- Dünən millinin baş məşqçisi idiz, bu gün isə "Qarabağ"a rəhbərlik edirdiz. Çətin deyildi?
- Həm orda, həm burda çalışmaqdan dolayı bir qədər yorğunluq olur. Amma çalışırıq ki, bunu doğru-düzgün qaydada yola verək. Dünənki oyundan sonra millinin futbolçularına bu gün axşamadək istirahət vermişdim. Fürsətdən istifadə edərək, gəlib "Qarabağ"ın oyununda iştirak etdim.
- Bu gün "Qarabağ"ın heyətində meydana xeyli sayda gənc çıxdı. Ehtiyat qüvvənin özünü göstərməsindən razı qaldız?
- Bir oyunla fikir yürütmək olmaz. Həmin gənclər son bir ildə daha çox diqqətimizdə olanlardı. Bir il əvvəlki ilə indiki performansları arasında çox fərq var. Yaxşılığa doğru xeyli irəliləyişə nail olublar.
- Milliyə namizəd sayılan, lakin müəyyən səbəblərdən uzaq qalan Əfran İsmayılov, Rahid Əmirquliyev kimi futbolçuların vəziyyəti necədi?
- Pis deyillər. Dərk edirlər ki, daha çox öz üzərlərində işləməlidilər. Bu gün yığmada deyillərsə, o demək deyil ki, bir daha çağırılmayacaqlar. Belarusla qarşılaşmada öz klubunda daha çox çıxış edən oyunçulara üstünlük verdik. Lakin bu, onların milliyə daim çağırılacaqları demək deyil. Elə oyunçular var ki, klublarında yüksək rəqabət üzündən oynaya bilmir, lakin öz performanslarını qoruyub saxlayırlar. 2-3 belə futbolçu olacaq ki, klubunda az oynamalarına baxmayaraq, milli üçün faydalarını nəzərə alaraq, toplanışa çağıracağıq. Dəyişikliklər, rotasiya həmişə olacaq.
- Millidən kənarlaşdırdığınız Elvin Yunuszadə ötən gün “instaqram”da “məni yalnız Allah mühakimə edə bilər” paylaşımı edib. Bunu sizin qərarınıza etiraz kimi başa düşmək olar?
- (bir qədər fikirləşir, sifət çizgilərindən belə məlum oldu ki, onun bundan xəbəri yox idi). Mən klubda hər hansı futbolçunun bəzi hərəkətlərinə göz yuma bilərəm. Çünki futbolçu ilboyu eyni iş sistemi, eyni prinsiplərlə çalışır, yorğunluq olur. Bəzən məşqə gecikə, ləngiyə bilər. Milliyə gəldiyim gündən ilk növbədə "Qarabağ"ın futbolçularından tələb etmişəm ki, daim hər yerdə birinci olsunlar. Elvində isə bu hal ilk dəfə deyil. Nə yalan danışaq? Onu əvəzedici heyətə də göndərmişik, bəzən sizin xəbəriniz olmadan cərimələnib də. Belə hallarda bu addım atılmalı idi və mən də atdım. Yəqin ki, sizin üçün də təəccüblü bir şey yoxdu. Çünki tələbim budu: ilk növbədə "Qarabağ"da rəhbərliyim altında çıxış edən futbolçular millidə çox diqqətli olmalıdılar. Paylaşıma gəlincə, Elvindi də. Boş verin. Onun belə fikirləri olacaq. Niyə belə yazdığını bilmirəm. Bəlkə də özü ilə kiminsə arasında olan bir şeydi. Ümumiyyətlə, bizim hökmümüz Allahın hökmü ola bilməz. Bizim öz qərarlarımız var. Olub ki, cəzalandırmışıq, sonra bağışlamışıq. Onun fikirlərinə münasibət bildirməyim də düzgün çıxmaz.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
21-01-2019, 22:41 MOK rəsmisi ilə görüş də nəticəsiz qaldı 21-01-2019, 22:40 Rəcəbov qələbə hesabını parlaq oyunla açdı 21-01-2019, 22:38 “Araz” “Neftçi”ni darmadağın etdi 21-01-2019, 22:36 AFFA bolqar mütəxəssisi “hədəfə alıb” 21-01-2019, 22:35 Veteranlar “Kəpəz”in xilası üçün hərəkətə keçir 21-01-2019, 22:34 Ağasəlim Mircavadov on gündü müalicə olunur 21-01-2019, 22:32 Külək “Tofiq Bəhramov”un dam örtüyünü qoparıb 21-01-2019, 22:26 “Qarabağ” “Bohemians”ı “kəllələdi” 21-01-2019, 22:23 “Sabah” Antalyada məğlubiyyətin nə olduğunu bilmir 21-01-2019, 22:21 Məşqçilər Komitəsinin iki üzvü Antalyadadı 21-01-2019, 22:19 Aftandil Hacıyev Avropa çempionunu sınayır 21-01-2019, 22:17 “Sürix” “Səbail”in əlindən zorla qurtuldu 21-01-2019, 22:16 Bosniyalıların bəhanələri “Sumqayıt”ın “başında çatladı” 21-01-2019, 21:59 İlk yarının uğursuz legioner “11-liy”i 21-01-2019, 21:57 AFFA üç yığmanı ləğv etdi 21-01-2019, 21:56 "Sabah" "Zirə"nin stadionunda oynayacaq 21-01-2019, 21:54 Samir Əliyev ilk qələbəsini qazandı 21-01-2019, 21:53 Həftənin idman proqramı 21-01-2019, 21:51 Klublar 20 Yanvar şəhidlərinə biganə qalmadı 21-01-2019, 21:50 Ufuk “fərqləndi”, Ziya və Eddi kənarda qaldı 21-01-2019, 21:48 "Neftçi” "İstiqlal"la oyundan imtina etdi 21-01-2019, 21:46 “Qəbələ” qələbəni əldən verdi 21-01-2019, 21:45 “Keşlə” Serbiyanın autsayderinə uduzdu 21-01-2019, 21:42 "Zirə"nin hər iki rəqibi dəyişdi 20-01-2019, 22:16 Samit Nuruzadə danışmaqdan çəkindi 20-01-2019, 22:14 “Keşlə”dən qolsuz “sülh” 20-01-2019, 22:07 Fevralda UEFA-nın nümayəndə heyəti Bakıya gələcək 20-01-2019, 22:05 “Neftçi”nin futbolçuları faciədən “Qalatasaray”la oyundan sonra xəbər tutub 20-01-2019, 22:03 “Bundan sonrakı karyeram hakim-inspektorluqla bağlı olacaq” 20-01-2019, 22:02 Azərbaycanlı təşkilatçı Antalyadakı vəziyyəti şərh etdi 20-01-2019, 22:00 “Növbəti toplanışlara “Zaqatala”, “Qaradağ Lökbatan” və başqa komandalardan da çağırılanlar olacaq” 20-01-2019, 21:58 Tahir Süleymanov BTFİ-yə niyə getməyib? 20-01-2019, 21:55 Yoxlama oyunu ləğv olunan U-19 Antalyaya yollandı 20-01-2019, 21:53 "Zirə" yenə "Voluntari"dən güclü oldu 20-01-2019, 21:52 "Neftçi" rumınları darmadağın etdi 20-01-2019, 21:50 Amit Quluzadə yenə xaricdə oynamaq arzusundadı 20-01-2019, 21:48 Delarj əvəzedici komandaya göndərilməsindən narazı deyil 20-01-2019, 21:47 TRANSFER DOSYESİ 20-01-2019, 21:46 Rahid Əmirquliyevə “atan” dələduzlara hökm oxundu 20-01-2019, 21:44 Əvvəl çempionat, sonra kubok 20-01-2019, 21:43 “Araz”ın yeni transferinin debütü gecikəcək 20-01-2019, 21:41 “Yasamal” İSK yenilənib 20-01-2019, 21:39 “Kəpəz”in çalışdırıcısı mətbuat katibinin göstərişi ilə hərəkət edir 20-01-2019, 21:37 PFL rəsmiləri “Uypeşt”in təklifini geri çevirib 20-01-2019, 21:34 Pits: “Azərbaycan reallıqlarından həqiqətən də təsirləndim” 20-01-2019, 21:33 Tovuzda danışılmış oyunlarla bağlı seminar 19-01-2019, 17:52 Petrov çempion olmaq istəyir 19-01-2019, 17:47 Elşad Əhmədov futbolçulardan razı, küləkdən narazı qalıb 19-01-2019, 17:45 Hikmət Abdullayev oyun təcrübəsizliyini qabartdı 19-01-2019, 17:41 Divizion məşqçiləri Obradoviçin siyahısından narazıdı 19-01-2019, 17:39 Küveyt millimizlə görüşdən imtina etdi 19-01-2019, 17:36 “Azərbaycanlı olduğuma görə fars təmsilçilərinin təklifini geri çevirdim” 19-01-2019, 17:31 Hacıağa zədəyə görə kənarda qalıb 19-01-2019, 17:27 Qurban Qurbanov Delarjı əvəzedici komandaya göndərdi 19-01-2019, 17:20 Sayt rəhbəri Qazaxıstandakı pullardan danışdı 19-01-2019, 17:10 Adil Şükürov “Zirə”dən ayrılmasının səbəbini açıqladı 19-01-2019, 17:04 "Zirə" afrikalıların yolunu gözləyir Bütün xəbərlər
Ən çox oxunanlar