17 mar 00:47olke

Elçin Səmədli futzaldakı problemləri sadaladı

Elçin Səmədli futzaldakı problemləri sadaladı
“Məşqçilər 18 epizodun 14-15-ni səhv qiymətləndirir”
Futzal referisi Elçin Səmədli federasiyanın rəsmi “feysbuk” səhifəsinə müsahibə verib. Çempionatdakı rəqabətdən, komandaların oyun qaydalarını bilməməsindən danışan FİFA-nın birinci kateqoriyalı hakimi maraqlı məqamlara toxunub.
- Futzal üzrə yüksək, birinci və ikinci liqalarda ümumi mənzərə necədi?
- Təbii ki, hakim nöqteyi-nəzərindən yanaşdıqda, ümumi mənzərə pis deyil. Ancaq qeyd etməli olduğumuz faktlar var. Xüsusilə də intizam məsələləri ilə bağlı. Bilirəm ki, bununla bağlı sualınız olacaq, ona görə də toxunmağımız mütləqdi. Bu gün futzalçıların əksəriyyəti oyun qaydalarını bilmir və nəticədə oyunda müəyyən problemlər yaranır.
- Bunun günahı kimdədi? Problemi aradan qaldırmaq üçün hansı işlər görülür və ya görülməlidi?
- Günahkar axtarmağa ehtiyac yoxdu. İstər AFFA, istərsə də Futzal Federasiyası il ərzində azı iki dəfə referilər və hakim-inspektorlar üçün seminarlar təşkil etməyə çalışır. Bundan başqa, özümüz də tez-tez yığışırıq, müzakirələr aparırıq, mübahisəli epizodlar, mövqe seçimi və başqa məsələlər ilə bağlı fikrimizi bildiririk. Həmin seminarlara komandaların baş məşqçilərini də dəvət etmişdik. Çünki referi ani zaman kəsiyində, hətta saniyədən də az vaxt ərzində qərar qəbul edir. Qərarın düzgün olub-olmaması ikinci mərhələyə aiddi. Dəfələrlə olub ki, hansısa qərarın düzgün olub-olmadığına epizodun videoyazısına dəfələrlə baxdıqdan sonra qərar vermisiz. Ancaq referinin bu qədər vaxtı olmur. Buna görə güünahkar axtarmaq düzgün deyil. Komandalar oyunçuların qaydalarla bağlı bilik səviyyəsini mütləq inkişaf etdirməlidi. Mövsümdən əvvəl Hakimlər Komitəsi tərəfindən təklif oldu ki, hər bir kluba bir FİFA referisi göndərilsin və o, qaydalarla bağlı seminar keçsin. Ötən mövsüm bu təklifimiz 4 komanda tərəfindən müsbət qarşılandı və reallaşdı.
- Oyunların sürəti hakimlərin hazırlığına necə təsir edir?
- Hər turda ən azı bir yüksək sürətli oyun izləyirik. Həmin matçı UEFA kubokunun əsas və elit mərhələsinin oyunları ilə müqayisə etmək mümkündü. Avropada bu gün klubların səviyyəsi bir-birinə yaxınlaşır. Elə Azərbaycan çempionatında da bunun şahidi oluruq. Yüksək liqada ikinci pillədə qərarlaşan komanda altıncı sıradakı rəqibi ilə matçda çətinlik çəkir, hətta məğlub olur. Oyunlar maraqlı, hətta sürətli keçir. Bu da hakimlərin məsuliyyətini artırır. Hakim fiziki cəhətdən daim hazır olmalıdı. Çünki hamı ona baxır, həlledici qərarlarını gözləyir. Ona görə də epizoda 2 yox, 4 gözlə baxmalıyıq. Bunu oyuna çıxanda briqadadakı yoldaşlarıma da xatırladıram.
- Bu, xüsusilə FİFA referilərinin eyni tonusda qalmasına kömək edirmi?
- Mütləq şəkildə köməyi dəyir. Avropada hansısa oyuna çıxanda çətinlik çəkdiyimi deyə bilmərəm. Hətta birinci liqada bəzən elə oyunların şahidi oluruq ki, həmin matçlardakı sürət, gərginlik UEFA kubokunun ilkin mərhələsindəki matçlardan artıq olur.
- Bəzən oxşar epizodlarla bağlı fərqli qərarlar verilir. Bu nədən irəli gəlir?
- Hakim robot deyil. Hər bir hakimin oyunu anlamaq, başa düşmək qabiliyyəti var, ancaq yanaşma eyni olmalıdı. 17 qayda hamı üçün eynidi və bunu heç kim dəyişə bilməz. Epizodu qiymətləndirmək isə çox nüansdan asılıdı. Tutaq ki, bir hakim eyni epizodu 5 metrlik, digəri 12 metrlik məsafədən qiymətləndirir. Əlbəttə, yaxın məsafədə yer alan hakim düzgün qərar verməlidi. Bəzən isə bunun əksi ilə rastlaşırıq. Yaxında olduğuna görə əvvəlki epizodları görmür və sondakı ana uyğun qərar qəbul edir. Bu baxımdan sualınızla qismən razılaşa bilərəm. Çünki 1 saniyə əvvəl oyunçu rəqibinin köynəyindən dartırdı və siz tribunadan onu görmədiz. Ancaq meydandakı hakim bunu aşkar şəkildə görür və qərarını verir. Qərarın yanlış olmaması üçün hakim düzgün mövqe seçməlidi. Düzgün mövqe isə düzgün qərar verdiyiniz andı. Ona görə də eyni epizodla bağlı fərqli qərarın olduğunu deməzdim.
- Yüksək və birinci liqalar peşəkar, ikinci liqa isə həvəskar statusludu. Liqalarda mübahisədən qaçmaq üçün bu fərqi necə aradan qaldırırsız?
- Peşəkar və ya həvəskar, fərqi yoxdu - 17 qayda hamı üçün eynidi. Oyunçular, məşqçilər qaydaları bilmirsə, ya da 2005-ci ildə çap olunan kitabdan oxuyursa, mübahisələr hər zaman olacaq. Məşqçi strategiyasını 2000-ci ildəki kimi qurursa, deməli, nə bizim çempionatda, nə də Avropada uğur qazana biləcək. Məşqçi də, oyunçu da, hakim də inkişaf etməlidi. İstənilən yeniliyi hakimlər arasında paylaşırıq, ingilis dilindən tərcümə edirik, komandalara da çatdırırıq. Seminar zamanı videorolikləri təqdim edirik və məşqçilərdən epizodları dəyərləndirmələrini xahiş edirik. İnanın, 18 epizodun 14-15-ni səhv qiymətləndirirlər. Bu hələ məşqçidi, o, oyunçulardan yüksək səviyyədə bilməlidi qaydaları. Bəzən FİFA-nın qaydalarını oyunçular anlamır. Nəticədə 17 qaydanın tətbiqi bir qədər fərqli olur. Çalışırsan ki, qabaqlayıcı tədbir görəsən. Məsələn, səslə bildirirsən ki, asta oyna, əlsiz oyna, tələsmə, topu düzgün oyuna daxil et. Xəbərdarlıq edən zaman oyunçular eşidirlər, çalışırlar ona riayət etsinlər. Ancaq UEFA-nın bayrağı altında keçirilən oyunlarda bu cür xəbərdarlıq etmək qadağandı.
- Premyer-liqa hakimləri üçün mütəmadi toplanışlar keçirilir. Ancaq futzal referiləri üçün 2-3 günlük seminarlar keçirilir. Belədə hakimlər oyunlara necə hazırlaşırlar?
- Seminarların hakimlərə çox böyük faydası olur. Təbii ki, futbolla müqayisədə futzal ikinci pillədədi. Ancaq seminarlarımız müntəzəm keçirilir. Orda hakim-inspektorlar da iştirak edirlər. Nə səhvimiz olursa, hakim-inspektorlar izah edirlər. Seminarlarda nəzəri məşğələlər keçirilir. Praktiki çalışmalar zamanı isə özümüz də oyun keçiririk, komandaları da dəvət edirik və qərarların müzakirəsini aparırıq, səhv etdikdə, yerindəcə buna aydınlıq gətiririk. Hansısa yenilik əldə etdikdə isə seminarı gözləmirik. Futzal hakimlərimiz onsuz da say baxımından çox deyillər, yığışırıq, bir-birimizi məlumatlandırırıq. 15-20 nəfərin bir araya gəlməsi problem deyil. AFFA-da, eləcə də Bakı İdman Sarayında ehtiyac duyduğumuz zaman bizə iclas keçirmək üçün şərait yaradırlar. “CBC Sport”un oyunları canlı yayınlaması bizim üçün əla meydan yaradıb. Qarşılaşmaların təhlilinin aparılması, səhvlərin müzakirə edilməsi baxımından çox faydasını görürük bu layihənin.
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 14:53 "Keşlə"nin Türkiyə planı təsdiqləndi, amma... Bu gün, 14:51 “Bakı yox, bölgə seçiminin olması da təqdirəlayiqdi” Bu gün, 14:50 “Qarabağ” təxribatçı erməni ilə bağlı UEFA-ya müraciət edib Bu gün, 14:49 “Elxan Məmmədovla görüşmək istəyirəm” Bu gün, 14:46 Beşinci dəfə 1/16 finala qədər uzanmayan marafon Bu gün, 14:44 “Emireyts”də 21 minə yaxın azarkeş olub Bu gün, 14:43 Mövsümü 26-cı yerdə başa vurduq! Bu gün, 14:41 Tribunadakı gərginlik Mehini ağladıb Bu gün, 14:38 Yarımfinala gedən yol: üçü Bakıda, biri bölgədə Bu gün, 14:36 AFFA-nın namizəd siyahısı genişdi Bu gün, 14:34 “Liman” - “Neftçi” üçün dərman! Bu gün, 14:17 Baş məşqçilər ehtiyatlı danışdı Bu gün, 14:16 Lider dəyişdi Bu gün, 14:14 Türk mütəxəssis yığmaya təqdim olundu Bu gün, 14:09 “Qurban Qurbanov bir il əvvəl, yığmanı çalışdırmaq təklifi alanda seçim etməliydi” Bu gün, 14:06 Ümummilli sorğu start götürür! Bu gün, 14:05 Kərim Ağayev Şəmkirdə top payladı 13-12-2018, 00:02 “FC Baku” qoldan doymur 12-12-2018, 23:59 Səfirlik “İmarət”in dörd üzvünə viza verməyib 12-12-2018, 23:58 Reynaldo “Qarabağ”a qayıdır 12-12-2018, 23:56 "Keşlə" "Mirakl"a getmir 12-12-2018, 23:54 Ruslan şirniyyat həvəsinə qurban gedib 12-12-2018, 23:49 “Qurbanov azı üç tsikl millinin başında olacaq” 12-12-2018, 23:45 Elman Himayətoğlu da vəzifəsindən ayrıldı 12-12-2018, 23:43 Turun statistikası 12-12-2018, 23:41 Turun məşqçisi 12-12-2018, 23:40 Turun oyunçusu 12-12-2018, 23:39 Turun sitatı 12-12-2018, 23:38 Hakimlərin mühakiməsi 12-12-2018, 23:36 BKFF dünən püşk atdı, həftəsonu başlayır 12-12-2018, 23:34 Turdan məqamlar 12-12-2018, 23:26 Ölkə kubokunun püşkü atılacaq 12-12-2018, 23:19 “Bədr Xocalı”ya texniki məğlubiyyət veriləcək 12-12-2018, 23:17 MOİK uduzdu, "Sumqayıt-2" "qış çempionu" oldu 12-12-2018, 23:15 "Neftçi" Ömər Buludovla müqavilə müddətini uzatdı 12-12-2018, 23:13 Adil Nağıyev etdiyi səhvlərin səbəbini tapa bilmir 11-12-2018, 17:05 Həftənin idman proqramı 11-12-2018, 17:03 Nazarov darmadağını izlədi, Şeydayev cəzalandı 11-12-2018, 17:02 Hakimlər qış toplanışını Mingəçevirdə keçirəcək 11-12-2018, 16:58 Qurban Qurbanov yığmadan getdi 11-12-2018, 16:56 Qurban Qurbanov İK-dan da gedəcək 11-12-2018, 16:54 Yığmanın yeni baş məşqçisi əcnəbi olacaq! 11-12-2018, 16:52 İstefaya göndərilən məşqçilər susmağı üstün tutur 11-12-2018, 16:51 Yeni departament rəhbəri AFFA-nın əməkdaşıdı 11-12-2018, 16:48 Əhmədovların duelini "Keşlə"li qazandı 11-12-2018, 16:45 “Qış çempionu” bu gün bəlli olacaq 11-12-2018, 16:43 “Qurban Qurbanovu itirməmək üçün bu addımı atdıq” 11-12-2018, 16:41 Dabosuz “Neftçi” ili qolsuz bitirdi 11-12-2018, 16:37 U-19 növbəti darmadağınla 100-ü ötdü 11-12-2018, 16:35 Sənan Qurbanov fasilədən sonranı nişan verdi 11-12-2018, 16:33 Bayılda səssizlik... 11-12-2018, 16:30 Rəşad Sadıqova yığmadan ayrılacağını iki gün əvvəldən deyiblərmiş 11-12-2018, 16:27 Çempion “Zirə”nin “6”nı üstünə çevirdi 11-12-2018, 16:20 “Neftçi” müdafiəçi transfer etdi 11-12-2018, 16:18 "Neftçi" büdrədi, "Qarabağ" yaxınlaşdı 9-12-2018, 14:15 Katiblik sistemi ilə bağlı təklifi “Qarabağ” rəsmisi irəli sürüb 9-12-2018, 14:14 Klublar maliyyə hesabatını açıqlamaqda problem görmür Bütün xəbərlər
Ən çox oxunanlar