11 fev 13:48olke

Mütəxəssislər bugünkü oyunu “Qəbələ”nin son şansı sayır

Mütəxəssislər bugünkü oyunu “Qəbələ”nin son şansı sayır
Elxan Abdullayev heç-heçə gözləyir
Bu gün bütün futbolsevərlərin diqqəti Suraxanıdakı “Azərsun Arena”ya yönələcək. Başqa cür də ola bilməz. Futbol üçün darıxan azarkeşlər fasilədən sonra keçirilən ilk turdaca çempionluğa iddialı iki komandanın – “Qarabağ”la “Qəbələ”nin qarşıdurmasını izləyəcək. Son illərin ən iddialı komandalarının oyunundan öncə müxtəlif fikirlər səslənir. Kimi meydan sahiblərni şanslı sayır, kimi də qonaqların qələbə qazanacağını düşünür. Hər iki tərəf də ehtimallarında haqlı olduğunu əsaslandırmağa çalışır. Bəs görəsən, mütəxəssislər 15-ci turun mərkəzi oyunu haqda nə düşünür?
Bunu bilmək üçün öncə Məşqçilər Komitəsinin üzvü, karyerası ərzində dəfələrlə texniki zonada yer alıb rəhbərlik etdiyi komandanı qələbəyə daşıyan Ağasəlim Mircavadovla əlaqə saxladıq. “Şöhrət” ordenli mütəxəssis çempionatın qalan bölümündə intiriqanın qalıb-qalmayacağının məhz bu qarşılaşmadan asılı olduğunu bildirdi: “Təlim-məşq toplanışı çərçivəsində keçirilən yoxlama matçlarında qeydə alınan nəticələrə aldanıb hansısa komandanın üstün olduğunu söyləmək mümkün deyil. Həmin görüşlərin məqsədi başqa olur. “Qəbələ” hazırda ikinci pillədə qərarlaşıb və liderdən 6 xal geri qalır. Roman Qriqorçukun komandası bu tur məğlub olsa, artıq böyük ölçüdə çempionluğun taleyinə aydınlıq gələcək. Çətin ki, qalan turlarda “Qəbələ” 9 xallıq fərqi aradan qaldıra bilsin. Fikrimcə, bu səbəbdən Suraxanıda keçiriləcək qarşılaşma Qriqorçukun yetirmələri üçün 6 xallıq matçdı. Bu məqam, meydana təzyiq altında çıxmaq “Qəbələ”yə bir qədər çətinlik yaşada bilər. Ancaq onların rəqib qarşısında üstünlüyü də var. Qurban Qurbanov qış fasiləsində əsas qolçusunu itirib. Mahir Mədətovla Ramil Şeydayev sürətli və texnikalı olsalar da, heç şübhəsiz, təcrübə baxımından Dino Ndlovudan geri qalırlar. “Qarabağ”ın daha bir problemi müdafiənin mərkəzi ilə bağlıdı. Bədavi Hüseynovun yoxluğu ciddi itkidi. Proqnoza gəlincə, mən əvvəlcədən nəsə deməyi xoşlamıram. Amma hiss edirəm ki, çox gərgin 90 dəqiqə izləyəcəyik. Özüm də stadiona yollanıb matçı canlı izləyəcəm”.
Robert Prosineçkinin dönəmində millinin məşqçilər korpusunda yer alan Mahmud Qurbanov bunları söylədi: “Fasilə dönəmində hər iki komanda xeyli sayda yoxlama görüşü keçirib. Ancaq bu cür qarşılaşmalarda qeydə alınan nəticələr komandaların real gücünü əks etdirmir. Cünki yoldaşlıq görüşlərində baş məşçilər müxtəlif oyun modellərini sınaqdan keçirir, futbolçuları müxtəlif mövqelərdə sınayırlar. Toplanış vaxtı çalışdırıcılar bütün futbolçulara meydana çıxmaq şansı yaradırlar ki, bu da nəticəyə təsir göstərir. Ona görə də hər zaman sınaq matçlarında nəticənin önəm daşımadığı vurğulanır. Onu da qeyd edim ki, toplanışdan sonra ilk turlar daim futbolçular üçün çətin keçir. Relsə düşmək, tempi yaxalamaq üçün müəyyən zamana ehtiyac var. Sözügedən qarşılama iki tur sonra baş tutsaydı, konkret fikir bildirib, kimin üstün olacağını söyləmək olardı. Ancaq indiki vəziyyətdə bunu demək qeyri-mümkündü. Yalnız onu söyləyə bilərəm ki, maraqlı, gərgin idman mübarizəsi şəraitində keçəcək bir qarşılaşma izləyəcəyik. Hər iki komanda oyunun məsuliyyətini dərk edir və ona ciddi yanaşacaq. Aşkar favoriti olmayan görüşdə bir qol 90 dəqiqənin taleyini həll edə bilər. Hansı komanda taktiki cəhətdən meydanda ağıllı oynasa, sonda gülən tərəf də o olacaq. Həm Qurban Qurbanov, həm də Roman Qriqorçuk bir-birini yaxından tanıdığından hansısa formada sürpriz gözləməyə dəyməz. Düzdü, fasilədə ağdamlılar Dino Ndlovu kimi aparıcı futbolçularını itiriblər. Ancaq onun yoxluğunda Mahir Mədətov, Ramil Şeydayev, Ağabala Ramazanov özünü göstərə bilər”.
Cari mövsümün gedişində “Neftçi”dən ayrılan Elxan Abdullayev oyunun heç-heçə başa çatacağını ehtimal etdiyini vurğuladı: “Uzun fasilədən sonra komandalar ilk dəfə rəsmi oyuna çıxdığından matç hər iki tərəf üçün çətin keçəcək. Ancaq o da bəllidi ki, bu qarşılaşma çempionluğun taleyinə də böyük ölçüdə aydınlıq gətirə bilər. “Qarabağ” qalib gəlsə, 80 faiz qızıl medalı təmin etmiş olacaq. Bunu da “Qəbələ”nin istər rəhbərliyi, istər məşqçilər korpusu, istərsə də futbolçuları yaxşı başa düşür. Məncə, motivasiya baxımından qonaqların problemi olmayacaq. İndi əsas olan bu məqamdan düzgün istifadə etməkdi. Kim deyir ki, Dino Ndlovunun yoxluğu “Qarabağ”a problem yardacaq, bu heç də belə deyil. Hamı Qurban Qurbanovun komandasının gücünə bələddi. Sabah (bu gün) meydan sahibi qismində çıxış edəcək ağdamlılarda birinci, ikinci heyət söhbəti yoxdu. Sifariş ərizəsində adı olan istənilən oyunçu meydana çıxıb sözünü deyə bilər. Məncə, oyun heç-heçə bitəcək. Bu turda heç bir baş məşçi riskə getməyəcək. Çünki qarşıda hələ 13 tur var”.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
16-10-2018, 18:25 “Araz”ın uğursuzluğu Zaur Axundovu qəzəbləndirməyib 16-10-2018, 18:22 U-13 liqasında “Laçın”ın baş məşqçisi hakimin burnunu qırdı 16-10-2018, 18:21 Stuxlik Xaqani Məmmədovu “kəsib”? 16-10-2018, 18:19 Ramil Şeydayev topdaşıyan rolunda 16-10-2018, 18:18 Malta ayağımızın altını qazdı 16-10-2018, 18:15 Haşımov Bebeki bəyənib 16-10-2018, 18:14 “Mahir oyundan sonra paltardəyişmə otağında ağlayırdı” 16-10-2018, 18:11 AFFA üçün sponsorluq müqaviləsi 16-10-2018, 18:09 "Neftçi" “parçalandı”, “ağlar” qalib gəldi 16-10-2018, 18:08 Kvaratsxeliya konfransı açıq elan etmək hüququna malikdi 16-10-2018, 18:07 Yığma üzvlərinin qiymətləndirməsi 16-10-2018, 18:04 Həftənin idman proqramı 16-10-2018, 18:03 Xal itirməyən iki komanda qaldı 16-10-2018, 18:01 “Keşlə” divizionun liderini darmadağın etdi 16-10-2018, 18:00 Yaxşı ki “Səbail” var… 16-10-2018, 17:59 Dadaşovlu “Eştoril” son anda xilas oldu 16-10-2018, 17:57 “Xəzər Lənkəran”a uduzduq… 16-10-2018, 17:56 “Sumqayıt”da Diaçenkonu həmyerlisi əvəzləyəcək 16-10-2018, 17:54 Samir Abasov sabiq komandasını üstələdi 16-10-2018, 17:52 “Xilə”yə “Royal Holding” sponsorluq edir 15-10-2018, 14:02 Sabah “Futbol+”də 14-10-2018, 16:36 Firdovsi Umudov proqnoz verməkdən çəkindi 14-10-2018, 16:33 Vüqar Nadirov “Baku City”ni atıb premyer-liqaya getməyəcək 14-10-2018, 16:31 Federasiya rəsmisi legionerlərsiz nəticə qazanmağın çətin olduğunu etiraf etdi 14-10-2018, 16:30 “Sumqayıt” 8 min manat cərimələnən məşqçisiylə yolları ayırdı 14-10-2018, 16:26 Yenilmək növbəsi Maltanındı! 14-10-2018, 16:24 “Milli dəstə” tarixinin ən bahalı səfərini gerçəkləşdirib 14-10-2018, 16:22 Olsen komandasının bəxtinin gətirmədiyini düşünür 14-10-2018, 16:07 Rəşad Sadıqov Renatı maya qədər yığmaya dəvət etməyəcək 14-10-2018, 16:04 Stuxlik hakimlərdən test götürdü 14-10-2018, 16:02 Vaqif Sadıqovla Şakir Qəribov U-21-i tək qoymadı 14-10-2018, 16:00 “Araz” “Liman”a “bərk çırpıldı” 14-10-2018, 15:57 “Həmişə milliyə dəvət alıb, oynamağı düşünürdüm” 14-10-2018, 15:54 Üçgünlük səfər, hər gün üçün bir qol 14-10-2018, 15:51 Mütəxəssislər oyunu yox, nəticəni qabartdı 14-10-2018, 15:47 Kiril Petrov ilk dövrədən razıdı 12-10-2018, 22:56 Vüqar Əsgərli U-19-un çıxışını dəyərləndirdi 12-10-2018, 22:54 “Uğur” Region Kubokunda zəif heyətlə oynayıb 12-10-2018, 22:53 Atilla Türkiyədə keçirdiyi 7 mövsümü itirilmiş sayır 12-10-2018, 22:51 “Sumqayıt” Orxan Əliyevlə gücləndi 12-10-2018, 22:50 Kobaxidze bərpa dövrü keçir, Vasin isə meydana çıxmağa can atır 12-10-2018, 22:48 Çəlikəl akademiyanın məşqçiləri ilə nələri müzakirə edib? 12-10-2018, 22:27 Rusiyalı hakimlər obyektivlikdən kənara çıxmadı 12-10-2018, 22:25 Bebek 5-ci dəfə Bakıya gəlir 12-10-2018, 22:25 Maltanın baş məşqçisi və qapıçısı nikbindi 12-10-2018, 21:51 Yığma üzvlərinin qiymətləndirməsi 12-10-2018, 21:48 “Rüfəti əsas heyətdə buraxmaqla bir qədər risk etdim” 12-10-2018, 21:47 Üç azarkeş üçün üç qol 12-10-2018, 21:44 İnamlı və önəmli qələbə 12-10-2018, 21:43 Yerli mütəxəssislər Adil Mahmudovun cavabını verdi 12-10-2018, 21:41 Roberto Bordin yeni imicdə 12-10-2018, 21:40 Arif Əsədov yeni komitədə təmsil olunacaq 12-10-2018, 21:38 Qadın voleybolçularımız antirekordu təkrarladı 12-10-2018, 21:35 Faiq Qarayev məşqçi karyerasını başa vurdu 11-10-2018, 19:02 Yenə məğlubiyyət və qrupu sonuncu yerdə bitirmək ehtimalı 11-10-2018, 18:59 Reynaldo Qazaxıstanda Almeyda ilə görüşə bilmir 11-10-2018, 18:57 Sənan Qurbanov “Qəbələ”ni “tərlətdi” Bütün xəbərlər
Ən çox oxunanlar