04 fev 15:42olke

Yığmamız 1/4 finalda!

Yığmamız 1/4 finalda!
AÇ-2018
Final mərhələsi
D qrupu
Fransa – Azərbaycan 3:5 (1:1)

Fransa: 1. Camal Harun (k), 6. Kevin Ramires, 8. Azdin Ayqun, 10. Abdussamad Mohammed, 20. Suheyl Muhudin; 12. Ba El-Maruf Kerrumi, 2. Sid Belhaj, 5. Bulay Ba, 7. Mişel De Sa Andrade, 11. Landri Nqala, 14. Samir Alla, 16. Jevin Dyüro, 18. Samba Kebe, 19. Adrien Qasmi.
Baş məşqçi: Pyer Jaki.
Azərbaycan: 12. Rövşən Hüseynli, 5. Fineo, 6. Eduardo, 13. Qallo, 3. Tyaqo; 1. Emin Kürdov, 2. Samir Həmzəyev, 4. İsa Atayev, 7. Ramiz Çovdarov, 8. Rizvan Fərzəliyev (k), 10. Vassura, 11. Xətai Bağırov, 14. Vitali Borisov, 18. Namiq Məmmədkərimov.
Baş məşqçi: Joze Alesio da Silva.
Qollar: Tyaqo, 3 (0:1). L.Nqala, 7 (1:1). A.Mohammed, 21 (2:1). Tyaqo, 23 (2:2). Tyaqo, 24 (2:3). Qallo, 29 (2:4). Eduardo, 38 (2:5). S.Muhudin, 40 (3:5).
Vərəqə: A.Mohammed, 40 – sarı.
Hakimlər: Ancelo Qalante, Alessandro Malfer (hər ikisi İtaliya), Andrey Çerni (Çexiya).
Hakim-inspektor: Pedro Anxel Qalan Nyeto (İspaniya).
2 fevral. Lyublyana. “Arena Stojiçe”.
Dünən bütün diqqətlər Lyublyanadakı “Arena Stojiçe”yə yönəlmişdi. Ardıcıl 5-ci dəfə Avropa çempionatının final mərhələsinə qatılan futzal yığmamız ötən gecə Sloveniyadakı yarışda ilk oyununa çıxdı. İlk turda Fransanın sürprizə imza ataraq İspaniya ilə heç-heçə etməsi millimizin işini ağırlaşdırmışdı. Fransızları növbəti heç-heçə də qane edəcəkdi, çünki Joze Alesio da Silvanın komandasının fevralın 4-də mümkünsüzü mümkünə çevirməli olacağı bəlliydi. Hər halda, İspaniya turnirə inamsız start verməsinə rəğmən, bütün AÇ-lərin aşkar favoriti sayılır. Qələbə isə bizi 1/4 finala çıxaracaqdı.
Onu da əlavə edək ki, yığmamızı dəstəkləmək üçün AFFA-nın birinci vitse-prezidenti Rauf Əliyev, İctimai Futbol Federasiyaları İctimai Birliyinin prezidenti Elxan Tağızadə, Gənclər və İdman Nazirliyinin futbol bölməsinin rəisi Fikrət Hüseynov, həmçinin “Fənər”in sabiq, Serbiya “Ekonomaç”ının hazırkı rəhbərlərindən olan Turqay Fərzəliyev Sloveniyaya yollanıb.
Alesionun start heyətindən risk etmək istəmədiyi aşkar görünürdü. “Çərçivə”ni Rövşənə etibar edən braziliyalı mütəxəssis sahə oyunçularından ibarət “4-lüy”ü büsbütün həmyerlilərindən qurmuşdu. Belə ki, Fineo, Eduardo və Qallo ilk dəqiqələrdən meydanda idi. Fransızlar isə İspaniyaya qarşı çıxdığı “5-lik”lə mübarizəyə başladı.
İlk hücumun təşkili üçün 24 saniyə lazım gəldi. Tyaqonun zərbəsindən sonra rəqib qapıçı topun qarşısını ayağıyla kəsdi. Bir qədər sonra “stolba” təkbətəkdən yararlana bilməsə də, əsas qol ümidi erkən qola imza atdı. 3-cü dəqiqədə standart vəziyyətdən sonra Fineonun zərbəsini Tyaqo dabanıyla “çərçivə”yə ünvanladı. Fransanın kapitan-qapıçısı çarəsiz qaldı – 1:0. Bundan sonra təşəbbüsü tam ələ alan yığmamız 7-ci dəqiqədə gözlənilmədən qapısında qol gördü. Bu vaxt Alesio artıq Tyaqonu əvəzləmişdi. Buraxılan qolda Rövşənin səhvi də qeyd olunmalıdı. Nqalanın uzaqdan zərbəsinə gec reaksiya göstərməsi qolla nəticələndi. Bundan sonra sanki komandamızın oyun nizamı pozuldu. Düzdü, bu dəqiqələrdə rəqib də tempi artırmağa meyilli görünmürdü. Ümumiyyətlə, Fransa yorğun görünürdü. Rəqibin ilk hissə ərzində cəmi bir təhlükəli vəziyyəti oldu ki, Rövşən cinahdan qapıya göndərilən topun qarşısını sinəsiylə kəsə bildi. Əvəzində yığmamızın daha iki-üç real şansı oldu. Bir epizodda Tyaqo bir metrdən standart vəziyyətdən sonra ayağına gələn topu qola çevirə bilmədi. Hissənin ortalarında isə Fineonun çəpəki zərbəsi fransızların qapıçısının dizindən geri döndü. Fasiləyə qədər yaddaqalan daha bir məqam hissənin sonuna 4 dəqiqə qalmış Alesionun riskli taktiki addım atması oldu. Əslində Fransanın baş məşqçisi taym-aut götürmüşdü, ancaq braziliyalı mütəxəssis qapıçını meydan oyunçusu ilə əvəzləməklə həmkarının hansısa planını pozdu. Baxmayaraq ki, bir dəqiqə çəkməyən gedişat az qala yığmamızın ziyanına işləyəcəkdi. Vitali qapıya göndərdiyi topun Camal Harunda qaldığını görüb onun önünə keçməklə ölümcül zərbəni əngəllədi. Bir neçə saniyə Rövşənin “çərçivə”yə dönməsinə kifayət etdi.
İkinci hissə yığmamız üçün pis başladı. Beş saniyə keçmişdi ki, rəqib 2-ci qolu qapımızdan keçirdi. Muhammedin yaxın küncə ünvanladığı topu Rövşən dəf edə bilmədi. Ümumiyyətlə, qapıçımız oyunu inamsız keçirdi.
Yaxşı ki, cəmi 2 dəqiqə sonra rəqibin üstünlüyünü heçə endirdik. 23-cü dəqiqə yeni başlamışdı ki, yığmamız yenə Tyaqonun sayəsində rəqibi meydanın mərkəzinə dəvət etdi. Fineonun ara ötürməsindən sonra hücumçu dublunu rəsmiləşdirdi. Bir dəqiqə sonra isə o, het-trik edərək komandamızı oyun ərzində ikinci dəfə hesabda önə çıxardı. Qallo – Eduardo - Tyaqo “üçlüy”ünün təşkil etdiyi əks-hücumu sonuncu dəqiq tamamladı. 29-cu dəqiqədə oyunun taleyi həll olundu desək, yanılmarıq. Künc zərbəsindən sonra Eduardonun arxaya ötürməsini Qallo qarşısıalınmaz vuruşla, qapıçının ayaqları arasından tora sancdı – 4:2. Son dəqiqələrdə Fransa qapıçısız oynamağa məcbur oldu. 38-ci dəqiqədə topu rəqibdən oğurlayan Eduardo boş qapını nişan almaqla fərqi 3 topa çatdırdı. Düzdü, fransızlar sona 27 saniyə qalmış yığmamızın müdafiəsini yarmağa müvəffəq oldu. Ancaq Suheylin yekun nəticəni müəyyənləşdirən qolu futzalçılarımızın 1/4 finala yolunda əngəl ola bilməzdi. Beləliklə, Joze Alesionun komandasının fevralın 4-də İspaniya ilə baş tutacaq görüşü formal xarakter daşıyacaq. Bununla belə, heç-heçə edə bilsək, qrup liderliyi işimizə yaraya bilər. Axı, belədə çox güman, C qrupunun birincisi olacaq Portuqaliya ilə üz-üzə gəlməkdən yayına bilərik. Qeyd edək ki, qitə nəhəngi ilə oyun ayın 4-ü saat 23.45-də başlayacaq.

AÇ-2018
Final mərhələsi

A qrupu: Sloveniya, İtaliya, Serbiya
B qrupu: Rusiya, Qazaxıstan, Polşa
C qrupu: Portuqaliya, Ukrayna, Rumıniya
D qrupu: İspaniya, Azərbaycan, Fransa
1-ci tur
30 yanvar
21.00. Sloveniya – Serbiya 2:2
23.45. Rusiya – Polşa 1:1
31 yanvar
21.00. Portuqaliya – Rumıniya 4:1
23.45. İspaniya – Fransa 4:4
2-ci tur
1 fevral
21.00. Polşa – Qazaxıstan 1:5
23.45. Serbiya – İtaliya 1:1
2 fevral
21.00 Fransa – Azərbaycan 3:5
23.45 Rumıniya – Ukrayna 2:3
Bu gün və sabah D və C qrupunda bu oyunlar baş tutacaq:
3 fevral
21.00 Qazaxıstan – Rusiya
23.45 İtaliya – Sloveniya
4 fevral
21.00 Ukrayna – Portuqaliya
23.45 Azərbaycan – İspaniya

Reaksiyalar
Joze Alesio da Silva: “Komandam oyuna yaxşı hazırlaşmışdı. Fransa ilə oyunun bizim üçün final matçına bərabər olduğunu hamımız anlayırdıq. Oyun ərzində müəyyən gərgin anlar oldu. Hətta hesabda geri də düşdük. Ancaq oyunçularım tez bir zamanda toparlanmağı və oyun intizamını qorumağı bacardılar. Onlar məşq zamanı dediklərimi tətbiq etdilər. Ardıcıl iki qol vurduq və hesabı lehimizə dəyişdikdən sonra psixoloji üstünlüyə də sahib olduq. Fransa millisi sona qədər mübarizə apardı. Onlar məğlubiyyətlə barışmaq istəmirdilər. İspaniya ilə oyunda qazandıqları 1 xal onlarda inam yaratmışdı. Təzyiq altında meydana çıxsaq da, vacib qələbə qazandıq. Bizi qrupda İspaniya ilə matç gözləyir. 1/4 finala vəsiqəni təmin etməyimizə baxmayaraq, qələbə qazanmaq üçün mübarizə aparacağıq. Çünki qrup mərhələsini birinci pillədə başa vurmaq şansımız var. Təbii ki, ispanlar da mübarizəni davam etdirmək üçün qələbə qazanmağa çalışacaqlar”.
Pyer Jaki: “İlk oyunda ispanlara qarşı yaxşı nəticə əldə etmişdik. Bu inamımızı artırmışdı və davamını gətirməyə çalışdıq. Amma səhvlərə yol verdik və istədiyimizi reallaşdırmağı bacarmadıq. Bizim üçün mübarizə hələ bitməyib. İspaniya – Azərbaycan oyununun nəticəsini gözləyəcəyik. Bir tərəfdə dünyanın ən yaxşı komandası olan İspaniya, digər yanda Avropanın ən güclü hücum xəttinə malik Azərbaycan millsi yer alacaq. Ümidimizi üzməmişik. Qazanılan nəticəyə baxmayaraq, oyunçularımla fəxr edirəm”. Fikrət Hüseynov: “Yanvarın 30-dan etibarət futzal üzrə Avropa çempionatının final mərhələsinə start verilib. Qrupumuzun ilk oyununda İspaniya və Fransa komandaları qarşılaşdı və matç 4:4 hesabı ilə bitdi. Bu nəticədən sonra bizi Fransa ilə oyunda ancaq qələbə qane edirdi. Komandamız bu gün çox gözəl oyun nümayiş etdirməklə yanaşı, lazım olan nəticəni də əldə etdi. Bütün idmansevərləri nazirliyin və öz adımızdan təbrik edirik. Bu uğurun davamının gəlməsini arzulayıram. Növbəti oyunda İspaniya ilə qarşılaşacağıq. Əlbəttə, ancaq qələbə haqda düşünürük. Arzulayıram ki, Sloveniyanı yarışın son günü finalçı kimi tərk edək”.
Rauf Əliyev: “Çox həyəcanlıydıq, oyun da yetərincə gərgin keçdi. Millimizin yer aldığı qrupda bizdən əvvəl Fransa və İspaniya komandaları qarşılaşmışdı. Fransanın güclü İspaniya ilə 4:4 hesablı heç-heçə etməsindən sonra əksəriyyət millimizin necə oynayacağını, hansı nəticəni qazanacağını düşünürdü. Düzgün taktika müəyyənləşdirilməsi nəticənin uğurlu alınmasında başlıca rol oynadı. Bu gün cənab prezidentimizin rəhbərliyi ilə Azərbaycanda idmanın bütün növləri inkişaf etdirilir. Artıq Azərbaycan millisi elə bir mərhələyə çatıb ki, hansısa rəqibdən çəkinməkdən, qorxmaqdan söhbət gedə bilməz. Futzalçılarımız öz oyunlarını göstərdilər, həyəcanlı anlar yaşatsalar da, inamlı qələbə qazandılar. Bugünkü qələbə İspaniya ilə oyunda daha yaxşı çıxış edəcəyimizə inam yaratdı. Komandamız ikinci oyunun nəticəsindən asılı olmayaraq, 1/4 final mərhələsinə vəsiqə qazanıb. Təbii ki, bunun özü böyük uğurdu. Bu uğurun əldə edilməsinə görə AFFA və Futzal Federasiyasının rəhbərliyinə təşəkkür edirik”.

Yeri gəlmişkən...
UEFA-nın saytının dünənki oyunla bağlı qeydləri: “Fransa AÇ-dəki ikinci oyuna iki gün əvvəlki qəhrəmanlığın (İspaniya ilə heç-heçə nəzərdə tutulur – red.) təsadüf olmadığını sübut etmək niyyəti ilə çıxmışdı. Ancaq fransızlar Tyaqo Bolinya adlı dağın altına düşdü. Onun het-triki “üçrənglilər”in AÇ-də qalmaq perspektivini çətinləşdirdi”.
MİRAĞA
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Dünən, 11:28 “Bülənt Korkmaz elə bilirdi ki, Azərbaycanda heç kimin futboldan anlayışı yoxdu” Dünən, 11:23 Nurlan Novruzov Moldovanı Estoniyaya dəyişdi Dünən, 11:22 AFFA oyunlarda çəkiliş aparanlara “barmaq silkələdi” Dünən, 11:20 “Doğma Bakıda futbolun incəliklərini öyrəndim” Dünən, 11:12 Aqil Nəbiyev beş aydı məşğul olduğu işi davam etdirəcək Dünən, 11:09 Tovuzlular sevindi, gəncəlilər üzüldü Dünən, 11:07 İsmayıllı futbolçuları Qəbələdən kubok apardı 21-02-2020, 12:28 Klublar Obradoviçin anormal qərarını anlayışla qarşılayırlar 21-02-2020, 12:26 AFFA “Keşlə”nin paraqvaylı legionerini “milliləşdirir” 21-02-2020, 12:21 Ramilin dönüşünə təəssüflənirlər... 21-02-2020, 12:13 Elxan Məmmədov xidmətlərin ucuz olduğu yerlərə gedir 21-02-2020, 11:56 Turun ən məhsuldar görüşü Şamaxıda baş tutdu 21-02-2020, 11:54 “Neftçi”yə bütün veteranları əzizdi 21-02-2020, 11:51 Cavid Hüseynova sərt cəza: 4 oyun + 3200 manat! 21-02-2020, 11:49 Dosyeyə bax, AFFA! 19-02-2020, 11:50 “Sabah”ın avrokuboklara qatılmaması Adıgözəlov üçün fiasko olmayacaq 19-02-2020, 11:49 Ramil Şeydayev “Sabah”ı seçdi 19-02-2020, 11:48 Obradoviçin toplanışı nəyə xidmət edir? 19-02-2020, 11:45 “Köhlən atlar” “qartallar”ın “yuvasını dağıtdı” 19-02-2020, 11:42 “Sabah” “Sumqayıt”ı evində döydü 19-02-2020, 11:40 “Səbail”dən ardıcıl ikinci qələbə 19-02-2020, 11:34 Mövsümün ən məhsuldar həftəsi 19-02-2020, 11:29 “Neftçi” ikinci pillədəki yerini möhkəmləndirdi 14-02-2020, 12:31 “İsgəndər Cavadovun akademiyasına ayrılan vəsaiti görəndə şoka düşdük” 14-02-2020, 12:20 Elxan Məmmədovun veteranlarla görüşü təxirə salındı 14-02-2020, 12:15 AFFA “Marafon”u da Nazim Süleymanovun üzünə bağladı 14-02-2020, 12:10 Ağabalanın cəriməsini kim ödəyəcək? 14-02-2020, 11:10 AFFA telekanallara və onlayn mediaya dəvət göndərib 14-02-2020, 11:05 “Qəbələ” çilili forvardla anlaşdı 14-02-2020, 11:03 “Xəzər Lənkəran”a texniki məğlubiyyət verilib 14-02-2020, 11:01 Ruslan “Neftçi” ilə görüşü də buraxacaq 14-02-2020, 11:00 “Birinci işimiz sonuncu pillədən qurtulmaqdı” 14-02-2020, 10:56 Rauf yenə Prezidentə müraciət etdi, anası 1333 səs topladı 14-02-2020, 10:55 Cəmşid Məhərrəmov azadlıqda 12-02-2020, 11:55 Elvin Yunuszadə “Çelik”i Ümit Özata görə seçib 12-02-2020, 11:53 Samir Abasovun seçkidən xəbəri olmayıb 12-02-2020, 11:51 “Sumqayıt” itirdiyi mövqeyi qaytardı 12-02-2020, 11:31 “Qarabağ” “Neftçi”nin yaxınlaşmasına imkan vermədi 12-02-2020, 11:28 İsgəndər Cavadov AFFA-ya əl açıb 12-02-2020, 11:26 “Forza Neftçi” 11 yaşını Mərdəkanda qeyd etdi 12-02-2020, 11:24 Səmra Əliyeva şərhinin birmənalı qarşılanmayacağını bilirmiş 7-02-2020, 22:09 Məşqçilər Komitəsi namizədləri iki saat müzakirə edib 7-02-2020, 22:07 “Qəbələ” pasportun məsuliyyətini AFFA-nın üzərinə atdı 7-02-2020, 22:06 Ağatahir Əzimov futzal hakimlərini “topa tutdu” 7-02-2020, 22:03 Riçard, belə getmək lazım idi 7-02-2020, 22:02 "Qəbələ”nin gözlədiyi hücumçu gəldi 7-02-2020, 22:00 Vüqar Aftandil Hacıyevin “gəl” mesajını gözləyir 7-02-2020, 21:49 Start ərəfəsində yüngül gəzişmə 7-02-2020, 21:47 Siz gizlənin, Rövşən danışsın... 7-02-2020, 21:44 Kamal Bayramov üçün mövsüm bitdi 5-02-2020, 11:42 Elman Ələkbərov yığmanın yaradılan şəraitin əvəzini vermədiyini düşünür 5-02-2020, 11:42 Futbolumuzun yetirməsi 50 yaşında dünyasını dəyişdi 5-02-2020, 11:40 AFFA-da Stuxlikin Bəhramovu ziyarət etməməsinin səbəbini bilmirlər 5-02-2020, 11:38 Almeydalı “Baniyas”dan növbəti qələbə 5-02-2020, 11:37 “Qarabağ” Kintananı Çin klubuna yola saldı 5-02-2020, 11:35 “Zirə”ni Qadze ilə Ramazanov sevindirdi 5-02-2020, 11:32 Rauf Məmmədov deputat olmaq istəyən anasının müdafiəsinə qalxdı Bütün xəbərlər
Ən çox oxunanlar