29 yan 21:38olke

Qriqorçuk yığma üzvlərini Kosovoyla oyuna buraxmayacaqmış

Qriqorçuk yığma üzvlərini Kosovoyla oyuna buraxmayacaqmış
“Penaltini vurmaq üçün topu Təmkinin götürməsi xoşuma gəlmədi”
“Qəbələ”nin “Arsenal”la yoldaşlıq görüşünü izləyənlər arasında beş azərnbaycanlı jurnalist də vardı. Təbii, gərgin keçən qarşılaşmada futbolçuları, yəni bölgə təmsilçisini iş başında görmək vacib idi. Lakin ən çox çalışdığımız baş məşqçi Roman Qriqorçukla söhbət etmək, son günlər ortaya çıxan suallara cavab tapmaq idi. Xüsusilə “Astana”dan təklif alması və “Qəbələ”də onu Kaxaber Tsxadadzenin əvəzləyəcəyi ilə bağlı mətbuatda yazılanlar. Oyunun nəticəsinə, yoxsa komandasının çıxışına görəydi, dəqiq bilmədim. Amma Roman İosifoviçi heç də həmişə bu cür səmimi və geniş açıqlama verən görməmişdim.
- Suallar çoxdu. Hardan, nədən başlayaq? Oyundan, yoxsa "Astana" söhbətindən?
- (gülür) Bu məlumatı oxumamışam, ancaq yazılanlardan xəbərdaram. İndi siz deyin, nədən başlayırıq?
- Oyundan...
- Ciddi mənada danışılası başqa heç nə yoxdu. Bu gün elə bir oyun izlədim ki, yalnız razı qaldım demək pis çıxar. Çox razı qaldım. İlk növbədə ondan razıyam ki, çox yaxşı komandaya qarşı oynaya bildik. Bir sıra oyun keyfiyyətlərinə görə çox yaxşı məşq etdik. Deyərdim ki, təkcə yeni yox, həm də təsdiqlənən məlumat əldə etdim. Meydanda gördüklərim bunu təsdiqlədi və çox şadam. Hesab edirəm ki, bugünkü matçdan çox faydalı nəticələr əldə etdik. Hər şey qaydasındadı.
- Yəqin bu komponentlərdən biri odu ki, komandanız 3 dəfə hesabda geri düşdüyü halda, nəticəyə tarazılıq gətirə bildi.
- Bu da az əhəmiyyətli deyil. Həqiqətən də sınaq matçlarında nəticəyə xüsusi önəm vermirəm. Əlbəttə, hər zaman qalib gəlmək istəyirsən. İstəyirsən ki, hesabda irəlidə olasan, geridə yox. Adi psixologiya qanunudu. Vacib olan bu yox, əvvəl dediklərimdi. Bu, məni çox maraqlandırırdı. Meydanda gördüklərimə görə həddən artıq şadam.
- Antalyada heç vaxt bu cür emosional olduğunuzu görməmişdik. Xüsusilə də ilk hissədə...
- Məşq tipli oyunlarda emosiyaları çox üzə çıxarmırıq. Düşünmürəm ki, hər imkanda belə qarşılaşma izləyə bilərsiz. Emosional dedikdə hərəkətlərimi nəzərdə tutursuz?
- Bəli, emosiyalarınızı cilovlaya bilmirdiz.
- Yəni bu, çempionat matçları ilə eyni idi. Yoxlama oynlarına münasibətimi dedim. Həmişə futboçularıma deyirəm - bir faiz şansımız var ki, lazımsız mübarizəyə gedək. Hansı ki bundan qaçmaq olar, ona görə futbolçulara heç nə demərəm. Çünki hər şeyi başa düşürəm. Bilirsiz, komandalar bu oyunlarda fərqli məşq edirlər. Ola bliər, siz bu məqamlara diqqət yetirməmisiz. Ancaq mən etmişəm. Məsələn, istəyirəm ki, komandam düzgün məşq etsin. Bugünkü oyunu nəzərdə tutmuram, rəqibimiz çox ciddi idi. Ancaq çox oyun var ki, futbolçular, sadəcə, lazımsız follar edirlər, rəqibin formasından dartıb saxlayırlar. Belədə anlaya bilmirəm, onlar nəyi məşq edirlər? Çalışırıq ki, yoxlama görüşünə düzgün yanaşaq, düzgün məşq edək. Bəlkə də bu matçlarda daha çox sakit olursan, nəinki rəsmi oyunlarda.
- Penaltidə topa Təmkin Xəlilzadə yaxınlaşdı. Halbuki Asif Məmmədov da meydanda idi, Baqali Dabo ilə Filip Ozobiç də. Sizin tapşırığınız idi?
- Yox. Açığı, mən penaltini kimin vurmasıyla bağlı tapşırıq vermədim. İlk yarıda olsaydı, topa kimin yaxınlaşacağı bəlli idi.
- Kim?
- Bunu özümüz bilirik, ancaq deməyi düzgün saymıram (Cavid Hüseynovu nəzərdə tutur – H.). Ancaq həmin epizodda zərbəni vurmaq üçün topu Təmkinin götürməsi, açığı, xoşuma gəlmədi. Həmin anda heç nə demək istəmirdim, lakin Xəlilzadənin hərəkətini bəyənmədim. Başa düşmədim ki, bu hərəkəti nəyə lazım idi? Komandaya yeni gəlib, dərhal da topun başına keçmək... Bu hərəkətin özü çox şeydən xəbər verir, insanı tanıyırsan. Deməzdim ki, Təmkin penaltini dəqiq yerinə yetirə bilmədiyinə görə məndən hansısa mənfi qiymət aldı. Yox, sadəcə, hərəkəti xoşuma gəlmədi. Elə olub ki, komandama yeni futbolçu gəlib, penaltini vurub, qol da olub, olmayıb da. Ancaq onda başqa cür idi. İndi isə belə hərəkət xoşuma gəlmədi.
- Bəlkə futbolçunun psixologiyasıyla bağlıdı? Təmkin "Zirə"də lider idi, burda da özünü lider kimi göstərmək istəyir.
- Söhbət liderlik uğrunda mübarizədən gedirsə, bu həmişə yaxşıdı. Ona görə ki, hər bir fubolçu öz nümunəvi hərəkətiylə lider olmağa çalışmalıdı. Ancaq penati zamanı dərhal topun başına keçməklə komandada yüksək statusa malik olmaq mümkün deyil. Komandada yüksək mövqe tutmaq, nüfuz sahibi, avtoritet olmaq üçün o qədər yollar var ki. Təmkini nə söyəcəm, nə də hansısa irad bildirəcəm. Bunu qəti şəkildə etməyəcəm. Ancaq hərəkətinin xoşuma gəlmədiyini diqqətinə çatdıracam.
- Endi Halideylə Deyv Bultuis komandadan getsə də, hələ onların mövqeyinə futbolçular alınmayıb. Get-gedə vaxt da azalır. Səbəb nədi?
- Həmin mövqeyə transferlər haqda düşünürük. Onlar gedəndə bilirdik ki, mövqeləri gücləndirilməlidi. Ancaq bizə yüz faiz hücumameyilli futbolçu lazımdı. Hazırda bunun üzərində işləyirik.
- Namizəd var?
- Açığı, hələ yoxdu. İş gedir, ancaq konkret bir şey yoxdu.
- Maliyyə imkan vermir?
- Məsələ konkretliyə gedib çatmayıb. Ola bilər ki, səbəblər olub. Hər şey bir-birini tamamlamalıdı.
- Yalnız hücumçu istəyirsiz, yoxsa başqa mövqelərdə də çatışmazlıqlar var?
- Bizə hücumameyilli futbolçu lazımdı. Onu hücumçu adlandıraq. Bu transferin vacib olduğunu bilirəm. Ancaq o halda götürəcəyik ki, bizə lazım olduğunu görək. Şübhəmiz olsa, transfer etməyəcəyik.
- Yalnız bir transfer?
- Bəli. Başqa mövqelərdən şikayətim yoxdu.
- Axı, komandadan iki futbolçu gedib...
- Birinin əvəzinə Təmkini cəlb etdik. Digər mövqelərdə gedənləri əvəzləyən futbolçuları görürük. Bunda problem yoxdu, ancaq bizə hücum xəttinə mütləq futbolçu lazımdı.
- Qurban Qurbanov millinin heyətini açıqladı və "Qəbələ"dən 3 oyunçu dəvət etdi. Bu məqam hazırlıq planlarınıza mane olmayacaq?
- Xeyr. Bu barədə Qurbanla söhbətimiz olub. İki oyun olsaydı, futbolçularımızın yalnız bir matçda iştirakına icazə verəcəkdim. Kosovoyla görüş təxirə salındı deyə, oyunçularımızı milliyə 4 günlük göndərəcəyik. Gördüyünüz kimi, bu gün ilk yarıdan sonra onları əvəzlədim.
- U-21-in məşqçisi Rəşad Sadıqov müsahibəsində demişdi ki, Hacıağa Hacılı çox xoşuma gəlib. Ancaq Roman Qriqorçuka deyə bilmərəm ki, onu mütəmadi əsas heyətdə oynatsın. Bu haqda nə düşünürüsüz?
- Bütün oyunçularımı çox yaxşı tanıyıram. Başqaları kimi, Hacı da əsas komandayla məşq edir. Son ərarı mən verirəm - kim nə qədər oynamalıdı və s. Öz futbolçularımızı yüksək səviyyədə görməyi mən də arzulayıram. Qisməti, Hacını və başqa gəncləri daha çox meydanda görmək xoş olar. Belə məsələlərdə kiminsə mənə nəsə deməsi qeyri-peşəkarlıq olar.
- "Qəbələ"ni tərk edərək "Astana"ya gedəcəyinizlə bağlı çıxan xəbərə nə deyirsiz?
- Belə bir şey olsa, təklif gəlsə, bunu birinci siz yox, “Qəbələ” rəhbərliyi biləcək. Başqa nəsə demək artıq işdi. Heç yerə getmirəm, burdayam.
- Ümumiyyətlə, indiyə qədər “Astana”nın sizinlə maraqlandığını eşitmisiz?
- Belə şeylərə önəm vermirəm, yaxşı bilirsiz. Maraqlanmaq, soruşmaq heç nə demək deyil. Nə vaxt rəsmi müraciət olar, hamı ortaq dil tapar, onda danışmağa sözüm olar. Bu gün “Qəbələ”nin baş məşqçisiyəm və heç yerə getmirəm.
HƏBİB, Bələk
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
16-10-2018, 18:25 “Araz”ın uğursuzluğu Zaur Axundovu qəzəbləndirməyib 16-10-2018, 18:22 U-13 liqasında “Laçın”ın baş məşqçisi hakimin burnunu qırdı 16-10-2018, 18:21 Stuxlik Xaqani Məmmədovu “kəsib”? 16-10-2018, 18:19 Ramil Şeydayev topdaşıyan rolunda 16-10-2018, 18:18 Malta ayağımızın altını qazdı 16-10-2018, 18:15 Haşımov Bebeki bəyənib 16-10-2018, 18:14 “Mahir oyundan sonra paltardəyişmə otağında ağlayırdı” 16-10-2018, 18:11 AFFA üçün sponsorluq müqaviləsi 16-10-2018, 18:09 "Neftçi" “parçalandı”, “ağlar” qalib gəldi 16-10-2018, 18:08 Kvaratsxeliya konfransı açıq elan etmək hüququna malikdi 16-10-2018, 18:07 Yığma üzvlərinin qiymətləndirməsi 16-10-2018, 18:04 Həftənin idman proqramı 16-10-2018, 18:03 Xal itirməyən iki komanda qaldı 16-10-2018, 18:01 “Keşlə” divizionun liderini darmadağın etdi 16-10-2018, 18:00 Yaxşı ki “Səbail” var… 16-10-2018, 17:59 Dadaşovlu “Eştoril” son anda xilas oldu 16-10-2018, 17:57 “Xəzər Lənkəran”a uduzduq… 16-10-2018, 17:56 “Sumqayıt”da Diaçenkonu həmyerlisi əvəzləyəcək 16-10-2018, 17:54 Samir Abasov sabiq komandasını üstələdi 16-10-2018, 17:52 “Xilə”yə “Royal Holding” sponsorluq edir 15-10-2018, 14:02 Sabah “Futbol+”də 14-10-2018, 16:36 Firdovsi Umudov proqnoz verməkdən çəkindi 14-10-2018, 16:33 Vüqar Nadirov “Baku City”ni atıb premyer-liqaya getməyəcək 14-10-2018, 16:31 Federasiya rəsmisi legionerlərsiz nəticə qazanmağın çətin olduğunu etiraf etdi 14-10-2018, 16:30 “Sumqayıt” 8 min manat cərimələnən məşqçisiylə yolları ayırdı 14-10-2018, 16:26 Yenilmək növbəsi Maltanındı! 14-10-2018, 16:24 “Milli dəstə” tarixinin ən bahalı səfərini gerçəkləşdirib 14-10-2018, 16:22 Olsen komandasının bəxtinin gətirmədiyini düşünür 14-10-2018, 16:07 Rəşad Sadıqov Renatı maya qədər yığmaya dəvət etməyəcək 14-10-2018, 16:04 Stuxlik hakimlərdən test götürdü 14-10-2018, 16:02 Vaqif Sadıqovla Şakir Qəribov U-21-i tək qoymadı 14-10-2018, 16:00 “Araz” “Liman”a “bərk çırpıldı” 14-10-2018, 15:57 “Həmişə milliyə dəvət alıb, oynamağı düşünürdüm” 14-10-2018, 15:54 Üçgünlük səfər, hər gün üçün bir qol 14-10-2018, 15:51 Mütəxəssislər oyunu yox, nəticəni qabartdı 14-10-2018, 15:47 Kiril Petrov ilk dövrədən razıdı 12-10-2018, 22:56 Vüqar Əsgərli U-19-un çıxışını dəyərləndirdi 12-10-2018, 22:54 “Uğur” Region Kubokunda zəif heyətlə oynayıb 12-10-2018, 22:53 Atilla Türkiyədə keçirdiyi 7 mövsümü itirilmiş sayır 12-10-2018, 22:51 “Sumqayıt” Orxan Əliyevlə gücləndi 12-10-2018, 22:50 Kobaxidze bərpa dövrü keçir, Vasin isə meydana çıxmağa can atır 12-10-2018, 22:48 Çəlikəl akademiyanın məşqçiləri ilə nələri müzakirə edib? 12-10-2018, 22:27 Rusiyalı hakimlər obyektivlikdən kənara çıxmadı 12-10-2018, 22:25 Bebek 5-ci dəfə Bakıya gəlir 12-10-2018, 22:25 Maltanın baş məşqçisi və qapıçısı nikbindi 12-10-2018, 21:51 Yığma üzvlərinin qiymətləndirməsi 12-10-2018, 21:48 “Rüfəti əsas heyətdə buraxmaqla bir qədər risk etdim” 12-10-2018, 21:47 Üç azarkeş üçün üç qol 12-10-2018, 21:44 İnamlı və önəmli qələbə 12-10-2018, 21:43 Yerli mütəxəssislər Adil Mahmudovun cavabını verdi 12-10-2018, 21:41 Roberto Bordin yeni imicdə 12-10-2018, 21:40 Arif Əsədov yeni komitədə təmsil olunacaq 12-10-2018, 21:38 Qadın voleybolçularımız antirekordu təkrarladı 12-10-2018, 21:35 Faiq Qarayev məşqçi karyerasını başa vurdu 11-10-2018, 19:02 Yenə məğlubiyyət və qrupu sonuncu yerdə bitirmək ehtimalı 11-10-2018, 18:59 Reynaldo Qazaxıstanda Almeyda ilə görüşə bilmir 11-10-2018, 18:57 Sənan Qurbanov “Qəbələ”ni “tərlətdi” Bütün xəbərlər
Ən çox oxunanlar