25 yan 18:58olke

Yığma münasib qrupa düşdü

Yığma münasib qrupa düşdü
Qurban Qurbanov: “Xeyirli-uğurlu olsun”
Dünən azərbaycanlı futbolsevərlərin fikri-zikri Lozannaya yönəlmişdi. UEFA-nın İsveçrənin bu şəhərindəki mənzil-qərargahında Millətlər Liqasının (ML) ilk mövsümünün püşkü atılırdı. Qitə futbol qurumuna üzv olan 55 assosiasiyanın yığması rəqiblərini tanıdı. Bakı vaxtı ilə saat 15.00-da başlayan püşkatma mərasimi “CBC Sport” vasitəsilə canlı yayınlanırdı. Yığmanın çalışdırıcısı Qurban Qurbanov, AFFA-nın baş katibi Elxan Məmmədov və assosiasiyanın Mətbuat və İctimaiyyətlə Əlaqələr Departamentinin rəhbəri Firuz Abdulla tədbirdə iştirak edirdi. Püşkün nəticəsinə keçməzdən öncə bəzi detalları bir daha xatırladaq.
Liqaların qalibi final mərhələsində
Məlum olduğu kimi, ML-in yaradılmasında əsas məqsədlərdən biri zəif yığmaların AÇ-nin final mərhələsinə qatılmaq şansını artırmaqdı. Bundan başqa, yoldaşlıq oyunlarının əvəzində belə yarışın keçirilməsi oyunlara marağı və prinsipilalığı artıracaq. Yarışın reqlamentini də bir daha yada salaq. Belə ki, UEFA reytinqinə görə ML iştirakçıları 4 liqada qüvvəsini sınayacaq. A divizionunda yer alan ən güclü 12 komanda kubok və medallar üçün mübarizə aparacaq. B liqasında 12, C liqasında 15, D liqasında 16 yığma yer alıb. Bütün divizionlarda komandalar 4 qrupa bölünüb. Liqaların qalibləri 2020/21 mövsümündə daha yüksək dəstədə çıxış etmək imkanına yiyələnəcək, sonuncular isə aşağı dəstədə qüvvəsini sınamalı olacaq. Qrup mərhələsinin nəticələri təkcə liqalar arasında yuxarı-aşağı hərəkət etmək üçün önəmli deyil. AÇ-2020-nin seçmə mərhələsinin püşkatması zamanı yığmaların səbətlərə bölünməsi məhz Millətlər Liqasının nəticələrinə görə gerçəkləşəcək. Bundan başqa, ən əsas məqam hər liqadan bir komandanın – qalibin AÇ-2020-nin final mərhələsinə yüksəlməsidi. Lakin liqanın ən güclüsü olan komanda seçmə mərhələdən qitə birinciliyinin final mərhələsinə vəsiqə qazananda vəziyyət dəyişir. Belə ki, qrupunda ən yaxşı olan ikincilər 2020-ci ilin martında pley-offda xoşbəxtlər sırasına düşmək üçün mübarizə aparacaq.
Farer adaları, Malta, Kosovo
Püşkdən öncə məlum idi ki, bəzi cütlər eyni qrupda yer ala bilməz. Ölkələr arasında münasibətləri nəzərə alan UEFA B liqasında Rusiya və Ukraynanı, D liqasında Azərbaycanla Ermənistanı ayrı qruplara salacaqdı. Lakin pley-offda oynamalı olacaqları halda bu rəqiblərin də dueli qaçılmaz olacaq. Bundan başqa, məsafəni də nəzərə alan qitə futbol qurumu Cəbəllütariqlə millimizin eyni qrupda olmayacağını elan etmişdi. Beləliklə, keçək əsas məsələyə. Püşkatmanın nəticəsinə görə, yığmamız D liqasının 3-cü qrupunda Farer adaları, Malta və Kosovo ilə birgə mübarizə aparacaq. Qeyd edək ki, D divizonunda qrupların tərkibi müəyyənləşdirilərkən şarları Belarus yığmasının sabiq və ən tanınmış üzvlərindən olan Aleksandr Qleb çıxarırdı. Əslində püşkün nəticəsini normal saya bilərik. İndi isə liqalar üzrə qruplara nəzər yetirək.
A liqası
1-ci qrup: Hollandiya, Fransa, Almaniya
2-ci qrup: İslandiya, İsveçrə, Belçika
3-cü qrup: Polşa, İtaliya, Portuqaliya
4-cü qrup: Xorvatiya, İngiltərə, İspaniya
B liqası
1-ci qrup: Çexiya, Ukrayna, Slovakiya.
2-ci qrup: Türkiyə, İsveç, Rusiya
3-cü qrup: Şimali İrlandiya, Bosniya və Hersoqovina, Avstriya
4-cü qrup: Danimarka, İrlandiya, Uels
C liqası
1-ci qrup: İsrail, Albaniya, Şotlandiya
2-ci qrup: Estoniya, Finlandiya, Yunanıstan, Macarıstan
3-cü qrup: Cənubi Kipr, Bolqarıstan, Norveç, Sloveniya.
4-cü qrup: Litva, Monteneqro, Serbiya, Rumıniya.
D liqası
1-cü qrup: Andorra, Qazaxıstan, Latviya, Gürcüstan
2-ci qrup: San Marino, Moldova, Lüksemburq, Belarus
3-cü qrup: Kosovo, Malta, Farer adaları, AZƏRBAYCAN
4-cü qrup: Cəbəllütariq, Lixtenşteyn, Ermənistan, Makedoniya
ML-in təqvimi
Yarışın qrup mərhələsinin oyunları bu ilin payızında keçiriləcək.
1-ci tur – 6-8 sentyabr
2-ci tur – 9-11 sentyabr
3-cü tur – 11-13 oktyabr
4-cü tur – 14-16 oktyabr
5-ci tur – 15-17 noyabr
6-cı tur – 18-20 noyabr
Final mərhələsinin püşkü isə bu ilin dekabrında atılacaq. Həmin mərhələnin oyunları gələn il iyunun 5-9-u aralığında keçiriləcək. Pley-offun püşkü 2019-cu il noyabrın 22-də atılacaq. Pley-off oyunları isə 2020-ci il 26-31 mart tarixlərində gerçəkləşəcək.
İkisi tanış, biri yad
Farer adaları, Malta və Kosovodan yalnız sonuncu bizim üçün yeni rəqib sayılır. Qalan iki komanda ilə əvvəllər də qarşılaşmışıq. Farer adaları 1 oyunla yığma tarixinə düşüb. Şimallılar milli tarixində ilk böyükhesablı qələbənin qurbanı olublar. 1996-cı il fevralın 27-də Cənubi Kiprin Larnaka şəhərində keçirilən yoxlama oyununda komanda 3 cavabsız qolla qalib gəlib. Maraqlıdı ki, Kazbek Tuayevin rəhbərlik etdiyi millinin qollarından birini məhz Qurban Qurbanov vurub. O, 30-cu dəqiqədə fərqlənib. Digər iki qola Vyaçeslav Lıçkinlə Yunis Hüseynov imza atıb. Malta ilə daha çox – 6 dəfə görüşmüşük. Bu rəqiblə ilk dəfə 1994-cü ildən üz-üzə gəlmişik və həmin vaxt yığma 5 cavabsız qolla məğlub olub. Ümumiyyətlə, ilk 3 oyunda maltalılar bizə “quru” hesabla qalib gəlib. Sonrakı 3 görüşdə isə milli 2 qələbə qazanıb, 1 heç-heçə edib. Top fərqi də rəqibin xeyrinədi – 11:7. Yığma 2 böyükhesablı məğlubiyyətdən birinin əvəzini çıxıb. Bu 6 matçdan 4-ü yoxlama, 2-si seçmə xarakterli olub:
19.04.1994. Ta Qali. YO. Malta – Azərbaycan 5:0
06.02.2000. Ta Qali. BT. Malta – Azərbaycan 3:0
17.04.2002. Ta Qali. YO. Malta – Azərbaycan 1:0
14.08.2013. Bakı. YO. Azərbaycan – Malta 3:0
28.03.2015. Bakı. AÇ. Azərbaycan – Malta 2:0
06.09.2015. Ta-Qali. AÇ. Malta – Azərbaycan 2:2

Reaksiyalar
Qurban Qurbanov: “Xeyirli-uğurlu olsun. Hər bir komanda rəqibimiz ola bilərdi. Artıq püşk atılıb və rəqiblərimizi tanımağa, düzgün hazırlaşmağa, komandamızı formalaşdırmağa çalışmalıyıq. Qarşıda xeyli vaxt var. Oyunlara qədər daha güclü, mehriban komanda qurmağı bacaracağımıza inanıram. Püşkdən əvvəl komandalar arasında hansısa seçim etdiyimi deyə bilmərəm. Çünki heç vaxt belə məsələlər haqda düşünməmişəm. Püşk bir lotereyadı. Artıq rəqiblərimizi tanıyırıq. Bütün diqqətimizi və işlərimizi bu istiqamətə yönəldəcəyik. Bu gün dünya futbolunda hər cür nəticələrlə qarşılaşırıq. Zəif hesab etdiyimiz milli belə güclü rəqibdən xal almağı bacarır. Millətlər Liqası ilk dəfə keçiriləcək. Hər kəsin gözü bu yarışdadı və çalışacaqlar şanslarından maksimum istifadə etsinlər. Başqa yarış olsaydı, bəlkə də indiki rəqiblərimizə qarşı oynamaq rahat olardı. Ancaq Avropa çempionatına yollanmaq baxımından, komandaların hamısı şansından sona qədər istifadə etməyə çalışacaq, mübarizə aparacaq. Biz də həmin komandalardan biriyik. Əlbəttə, hər addımda rəqiblərimizə qarşı diqqətli olmalı, onları düzgün dəyərləndirməliyik. Bu komandalardan bəziləri ilə müxtəlif vaxtlarda qarşılaşmışıq, uğurlu və ya uğursuz nəticələrimiz var. Azarkeşlərimizə millini dəstəklədiklərinə görə təşəkkür edirəm. İnanıram ki, yığmamızın uğur qazanması üçün yenə birləşəcəyik”.
Elxan Məmmədov: “Bizi maraqlı yarış gözləyir. Üç ay ərzində yarışın qrup mərhələsi başa çatacaq. Kənardan rəqiblərin aşağı reytinqli komandalar olduğu görünür. Ancaq yığmamızın 3 gün ərzində 2 oyun keçirəcəyini və bu matçlardan birinin doğma, digərinin isə rəqib meydanında olacağını nəzərə alsaq, yarışın asan keçməyəcəyi dəqiqdi. Əlbəttə, məqsədimiz birinci pilləni tutmaq, düşüncəmiz isə hər oyunda qalib gəlməklə bağlı olmalıdı. Rəqiblərimiz də xal və ya xallar qazanmaq üçün mübarizə aparacaqlar. Bu baxımdan heç bir görüş asan keçməyəcək. Üç ay ərzində intensiv bir yarış izləyəcəyik. Missiya mümkündü”.
Muharrem Sahiti (Kosovonun baş məşqçisi): “Qrupumuzda yer alan bütün komandaları tanıyırıq. Asan qrupa düşməmişik. Amma hər şey öz əlimizdədi. Yaxşı oynasaq, istəyimizə çata bilərik”.
Samir Uykani (Kosovonun qapıçısı və kapitanı): "Püşkə görə xoşbəxtəm. Azərbaycan qrupun ən güclü və ən yaxşı komandasıdı. Futbol möcüzələrlə doludu. İstedadımız var. Maksimum güc zərf edəcəyik. Bizim üçün yaxşı təcrübə olacaq. Ehtiyatlı və təşkilatlanmış olmalıyıq. Çalışacağıq ki, qrupda birinci yeri tutaq”.
Tom Saintfit (Maltanın baş məşqçisi): "Bir tərəfdən sevindim, digər tərəfdən qrupumuzun çətin olduğunu anlayıram. Amma ən azı bir-iki oyunu udmağa çalışacağıq. Öz səviyyəmizdə olan komandalarla qarşılaşmaq maraqlıdı. Gərək Kosova yığmasını öyrənək. Biz oyun tərzimizi dəyişə və daha pozitiv, hücum futbolu sərgiləyə bilərik. Bu da öz növbəsində qolların və xalların sayında özünü göstərəcək. Bu, bizim məqsədimizdi. Rəqiblərimizi zəif saymırıq”.
Lars Olsen (Farer adalarının müdafiəçisi): “Püşkatmadan öncə arzulayırdım ki, uzaq yolçuluq olmasın. Ancaq indi Azərbaycana səfər etməliyik. Qrup ağırdı, lakin birinci olmaq şansımız var”.
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 00:29 Almaniyada Ömər Paşayevin səhhətində ciddi problem aşkarlanmayıb Bu gün, 00:27 Heç bir klub mətbuat katibinə protokol doldurmağı tapşırmır Bu gün, 00:26 Xaqani Məmmədovun düşmənləri sosial şəbəkədə “at oynadır” Bu gün, 00:23 Voleybolçular dünya çempionatına inamlı yollanır Bu gün, 00:21 Alesio yığmanın heyətini bu gün açıqlayacaq Bu gün, 00:19 “Sportinq” qrup mübarizəsinə uğursuz başlayır Bu gün, 00:05 Turun oyunçusu Bu gün, 00:04 TURUN SİTATI Bu gün, 00:02 Məhsuldarlıq rekord vurdu Bu gün, 00:01 Turun statistikası Dünən, 23:59 TURUN MƏŞQÇİSİ Dünən, 23:58 Turdan məqamlar Dünən, 23:56 16 medalın izi ilə... Dünən, 23:54 Xala və qola həsrət “Kəpəz”in baş məşqçisi məmnundu Dünən, 23:53 İntizam Komitəsi “Zirə”yə texniki məğlubiyyət verdi Dünən, 23:51 HAKİMLƏRİN MÜHAKİMƏSİ 18-09-2018, 22:14 Stuxlik qovulanları başına topladı 18-09-2018, 22:13 Sabiqlər Stuxliklə görüşə dəvət olundu, Tahir Süleymanov AFFA-nın təklifini geri çevirdi 18-09-2018, 22:12 Əliyar Ağayev “Latsio” – “Apollon” oyununda 18-09-2018, 22:10 “Sportinq” kubok mübarizəsinə qələbə ilə başladı 18-09-2018, 22:08 UEFA “Sportinq”i cəzalandırdı 18-09-2018, 22:07 Leteksiye “Qarabağ”ın oyununda qrupda debüt edəcək 18-09-2018, 22:07 “Qarabağ” bu gün yola düşür: 7 saatlıq uçuş 18-09-2018, 22:05 “Traktorsazi” dayandı, “Maşınsazi” davam edir 18-09-2018, 21:48 Samir Abasovun əziyyəti hədər getdi 18-09-2018, 21:45 Rüfət Dadaşov Almaniyada növbəti qolunu vurdu 18-09-2018, 21:44 Qriqorçuk “Astana”ya qayıdacaq 18-09-2018, 21:43 Volkan Üst infarkt keçirib 18-09-2018, 21:42 “Keşlə” Bosançiçi göndərdi 18-09-2018, 21:40 Rahid formada olmadığını etiraf etdi 18-09-2018, 21:37 Bayılda qarşılıqlı qollar 18-09-2018, 21:16 Deviç vurur, “Sabah” udur 18-09-2018, 21:13 “Zirə”yə texniki məğlubiyyət veriləcək 18-09-2018, 21:12 “Neftçi” “yuva”ya qayıdışını qələbəylə qeyd etdi 18-09-2018, 21:10 Startda “sülh” olmadı 18-09-2018, 21:08 Təyinatlar açıqlandı 14-09-2018, 23:16 “Uşaq vaxtı Kasorlayla bir yerdə oynamışam” 14-09-2018, 23:04 Dünya çempionatı üçün rekord mükafat fondu 14-09-2018, 23:03 Tofiq Məmmədov Avropanın ən güclüsüdü! 14-09-2018, 22:58 AFFA Hakimlər Komitəsi ilə Hakim-İnspektorlar Komitəsini birləşdirir 14-09-2018, 22:57 Şahin Diniyevlə Əsgər Abdullayev Mircavadovun səsinə səs vermədi 14-09-2018, 22:56 Venera Kahriç Xaqani Məmmədovdan ölkə başçısına şikayət etdi 14-09-2018, 22:54 “Keşlə”dən növbəti transfer 14-09-2018, 22:52 PFL-i premyer-liqanın imici maraqlandırmır 14-09-2018, 22:50 “Sportinq”in 4 illik avrokubok macərasına səyahət 14-09-2018, 22:47 Adams Mxitaryanın Bakıya gəlməsini istəyir 14-09-2018, 22:46 Slavçev futbolumuzdan və “Qarabağ”dakı durumundan razıdı 14-09-2018, 22:43 “Qəbələ” Biləcəriyə qayıtdı 14-09-2018, 22:34 Yığmalardan ikisi liqalarda oynayacaq 14-09-2018, 22:33 Utancaq, küskün Zeynal Zeynalov 14-09-2018, 22:32 “Hərbçilər” zirvədə! 14-09-2018, 22:30 Futbolçular Bakının işğaldan azad olunduğu günü bilmir 14-09-2018, 22:26 Yüksək liqanın təqvimi açıqlandı 14-09-2018, 22:24 Yığma “Sumqayıt”ı darmadağın etdi 14-09-2018, 22:23 Eddi oynadı, komandası mərhələ adladı 14-09-2018, 22:21 Tahir Süleymanov Qurban Qurbanova haqq qazandırdı 14-09-2018, 22:20 “Neftçi”nin yeni formaları satışa çıxır Bütün xəbərlər
Ən çox oxunanlar