10 yan 23:26olke

Ayaz Quliyev Elxan Məmmədovla söhbətin detallarını açıqlamadı

Ayaz Quliyev Elxan Məmmədovla söhbətin detallarını açıqlamadı
“Futbolçu meydanda “artırır”, baş məşqçinin yanında oturub, skamyanı isitməklə yox”
O Rusiyada doğulsa da, əslən azərbaycanlıdı. Moskva “Spartak”ının yetirməsi olan soydaşımız “xalq komandası”nın qapılarını döyəndə cəmi 6 yaşı olub. Vaxt ötdükcə bütün yaş qruplarını uğurla adlayıb “qırmızı-ağlar”ın əvəzedici heyətinədək yüksəlməyi bacarıb. Klubdakı uğurlu çıxışı yığma komandanın məşqçilərinin də diqqətindən yayınmayıb. İlk dəfə U-16-nın formasını geyinən gənc artıq Rusiya U-21-nin də əvəzolunmaz isimlərindən biridi. 2015-ci ildə isə U-19-un heyətində Avropa çempionatının gümüş medalına sahib çıxıb. Yəqin ki, söhbətin kimdən getdiyini başa düşdüz. Bu gənc AFFA-nın israrla yığmaya gətirmək istədiyi Ayaz Quliyevdi. Hələ ki Rusiyanın ən titullu komandasının əsas heyətinə düşməkdə çətinlik çəkən Ayaz 2017-ci ildə “Anji”yə icarəyə verilmişdi. Ötən il martın 13-də Rusiya premyer-liqasında debüt edən soydaşımız mövsümlərarası fasiləyə kimi Dağıstan təmsilçisinin heyətində 11 oyuna çıxmışdı. Quliyevin oyunundan razı qalan klub rəhbərliyi yeni “futbol ili”ndə də yarımmüdafiəçinin xidmətində maraqlı olduğundan icarə müddətini uzatmağı lazım bildi. Ancaq 2017-nin dekabrında, müqavilə müddəti başa çatmamış Ayaz Mahaçqaladan ayrılaraq, yenidən “Spartak”a döndü. “Anji”dən ayrılma səbəbini, Azərbaycan millisi ilə bağlı planlarını öyrənmək və bizi maraqlandıran başqa suallara cavab tapmaq üçün 21 yaşlı yarımmüdafiəçi ilə danışmağı lazım bildik.
- “Anji”dən ayrılmağın bir qədər gözlənilməz oldu. Moskvaya dönməyinin səbəbini bilmək istərdik?
- Müqavilə müddəti başa çatmadan klubdan ayrılmışamsa, deməli, ortada nəsə məni qane etməyən səbəb var. Hansı futbolçu özünü suda balıq kimi hiss etdiyi yerdən ayrılar? Açığı, “Anji”dən getməyimin əsas səbəbi meydana az çıxmağım idi. Ötən mövsüm yetərincə oyun şansı qazanırdım. Mahaçqaladakı durumum məni qane edirdi. Ona görə də yeni mövsümün əvvəlində onların icarə təklifinə “hə” cavabı verdim. Ancaq bu dəfə mənə qarşı münasibət bir qədər dəyişdi. Ola bilsin, yeni gələn baş məşqçi özünün tanıdığı oyunçulara daha çox oynamaq şansı vermək istəyirdi. Futbolda belə hallara tez-tez rast gəlinir. Ona görə də o qədər də həvəsdən düşmürəm. Bilirəm ki, mənim ehtiyatda qalmağım zəif oynamağımdan irəli gəlmirdi.
- Hazırda “Spartak”ın düşərgəsindəsən. Necə fikirləşirsən, Massimo Karrera səni saxlayacaq, yoxsa yenidən başqa kluba icarəyə veriləcəksən?
- Böyük ehtimalla, yenidən icarəyə göndəriləcəm. Düzdü, ortada hələ konkret heç nə yoxdu. Heç bir klubla nə danışığım olub, nə də hansısa müqaviləyə imza atmışam. Ancaq görünən odu ki, “Spartak”da qalmayacam. Yaxın vaxtlarda artıq klublar təlim-məşq toplanışlarına başalayacaqlar. Ona görə də tezliklə bu məsələ ilə bağlı yekun qərar verilməlidi. 5-10 günə bütün suallara aydınlıq gələcək.
- İcarəyə veriləsi olsan, həmin klub elita təmsilçisi olacaq, yoxsa birinci divizionada da top qova bilərsən?
- İnşallah, premyer-liqa klubu olar. Ən azı ortabablardan birinin şərəfini qoruya bilərəm. Divizion barədə düşünmürəm.
- Hazırda “Neftçi”nin şərəfini qoruyan Emin Mahmudov da “Spartak”ın yetirməsidi. O bir müddət “qırmızı-ağlar”ın əsas heyətində çıxış etdikdən sonra müxtəlif klublara icarəyə verildi. Son dayanacaq isə Azərbaycan klubu oldu. Eyni aqibətlə üzləşəcəyindən çəkinmirsən?
- Emini yaxından tanıyıram. Ümid edirəm mənim karyeram daha uğurlu alınar (gülür). İndi “Spartak”da çox güclü kollektiv formalaşıb. Gəlin unutmayaq, söhbət son Rusiya çempionundan gedir. Kollektivdə yer alan oyunçuların əksəriyyəti milli üzvləridi. Ona görə də mənim kimi gənclərə heyətə düşmək bir qədər çətindi. “Spartak”ın heyətində ehtiyat oyunçular skamyasında oturub paslanmaqdansa, başqa komandada oynayıb oyun təcrübəsi qazanmaq daha məqsədəuyğundu. Futbolçu meydanda “artırır”, baş məşqçşinin yanında oturub, skamyanı isitməklə yox.
- Ümumiyyətlə, “Spartak”da sənə münasibət necədi?
- Həm rəhbərlik, həm də futbolçularla münasibətim yüksək səviyyədədi. Mən futbola kiçik yaşlarımdan “Spartak”ın akademiyasında başlamışam. Bütün yaş qruplarında oynadığımdan, demək olar, hamı məni tanıyır. Heç vaxt özümə qarşı ayrı-seçkilik görməmişəm. Əksinə, həmişə hörmətlə yanaşıblar.
- Böyük ehtimalla, fasilədən sonra başqa kluba gedəcəksən. Bu arada Azərbaycan klublarından təklif alsan, dəyərləndirə bilərsən?
- Düzünü desəm, çətin sualdı. Hələ bu haqda düşünməmişəm. Heç bilmirəm, nə cavab verim. Konkret təklif olsaydı, klubun iddiasına, şəraitinə, müqavilənin şərtlərinə baxıb fikir bildirə bilərdim. Ancaq ortada konkret heç nə olmadan danışmaq bir qədər dumanda gözdən itən adama daş atmağa bənzəyir. Bilmirsən atdığın daş həmin şəxsə dəyəcək, ya yox.
- Yəqin ki, Azərbaycan millisində baş məşçqçi dəyişikliyinin olduğundan xəbərin var.
- Əlbəttə. Mətbuatı yaxından izləyirəm və bilirəm ki, Robert Prosineçkidən sonra millini Qurban Qurbanov çalışdıracaq. Onun “Qarabağ”da gördüyü işlər haqda da məlumatlıyam. Çempionlar Liqasının qrupunda oynayan komandaya Rusiyada da böyük maraq var. Qrupdan çıxa bilməsələr də, Madrid “Atletiko”su kimi nəhənglə hər iki oyunda başabaş mübarizə apardılar.
- Yığmanın yeni çalışdırıcısı ötən ay təşkil olunan mətbuat konfransında başqa futbolçular kimi sənin də çıxışını yaxından izlədiyini söylədi. Qurban bəy səninlə əlaqə saxlayıb?
- Mətbuat konfransında səsləndirdiyi fikirlərlə tanışam. Ancaq onunla heç vaxt danışmamışam. Bir neçə ay əvvəl AFFA-nın baş katibi Elxan Məmmədov mənimlə əlaqə saxlamışdı. Müəyyən məsələlər barədə danışdıq.
- Heç şübhəsiz, əsas söhbət milliyə gəlməyinlə bağlı olub...
- Gəlin, bu məsələyə toxunmayaq. Bu iki nəfərin arasında olan söhbətdi və onun kənara çıxmasını istəmirəm. Təbii ki, söhbət əsnasında bu mövzuya da toxunduq.
- Və?
- Hələ ki bu məsələ mənim üçün bağlıdı. Açığı, indi bu haqda düşünmürəm. Gələcəkdə hansı qərar verəcəyimi zaman göstərəcək.
- Qərar verməyə sənə nə mane olur?
- Əslində heç nə. Sadəcə, tələsmək istəmirəm.
- Bəs valideynlərin bununla bağlı sənə nə deyir?
- Onlar mənim işimə qarşımırlar. Düzünü desəm, evdə, ailənin yanında olanda müəyyən söhbətlər olur. Ancaq onlar seçimi öz öhdəmə buraxıblar. Çünki bu qərar sabah karyerama təsir göstərə bilər. Belə deyək, belə ağır məsuliyyətin altına girmək istəmirlər.
- Rusiya futbol ictimaiyyəti hələ də Ramil Şeydayevi əldən verdikləri üçün özlərini bağışlamırlar. Bəlkə sənə eyni addımı atmamaq üçün müəyyən təzyiqlər olunur?
- Heç bir təzyiqdən söhbət gedə bilməz. Qərar verməkdə müstəqiləm.
- Qış tətilini Moskvada keçirdin, yoxsa xaricə yollanmışdın?
- Moskvada ailəmin yanında oldum. Artıq istirahəti başa vurub məşqlərə başlamışam.
- Niyə istirahət vaxtı Azərbaycana gəlmədin?
- Düzü, gəlmək istəyirdim. Azərbaycanda, Bakıda, eləcə də Rusiyanın əksər şəhərlərində çoxlu qohumlarımız var. Qohum sarıdan bəxtim gətirib. Harasa getsəm, qalmağa yerim var (gülür). Ancaq istirahət edə-edə müalicə aldığımdan bu istəyimi reallaşdıra bilmədim. Xeyli vaxt idi ki, kürəyimdə ağrılar var idi. Fürsətdən istifadə edib müayinə olundum, həkimlərin nəzarəti altında bərpa prosesi keçdim. Ümid edirəm ki, yaxın vaxtlarda fürsət tapıb Bakını gəzməyə gələcəm.
RƏŞAD
P.S. Günün ikinci yarısında Ayaz Quliyev bizimlə əlaqə saxlayıb, böyük ehtimalla, karyerasını Rusiya premyer-liqasının digər təmsilçisi “Rostov”da davam etdirəcəyini bildirdi.
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 14:25 Yuri Maksimovu iki mövqe narahat edir Bu gün, 14:24 "Zirə" daha bir transfer edəcək Bu gün, 14:22 "Keşlə"dən 3-cü qələbə Bu gün, 14:17 “Gilan Holdinq” “Qəbələ” stadionuna tablo alıb 19-01-2018, 20:34 Şəhriyar Karuanaya necə qalib gəlib? 19-01-2018, 20:32 Tofiq Heydərov AAAF-ın bu il üçün hədəflərini açıqladı 19-01-2018, 20:17 Ruslan Abışov ateist olduğuna görə Dreksayla danışmırmış 19-01-2018, 20:15 Fazil Mustafa yığmanın Kosovo ilə oynamasında problem görmür 19-01-2018, 20:14 Ruslar “Qarabağ”a tərif yağdırdı 19-01-2018, 20:12 Ndlovu “Qarabağ”dakından üç dəfə çox qazanacaq 19-01-2018, 19:27 Samir Əliyev yetirmələrinin “Sumqayıt” üzərində qələbəyə sevinməsini normal sayır 19-01-2018, 19:16 Samirlərin duelindən Əliyev qalib ayrıldı 19-01-2018, 19:03 Əsgər Abdullayev: “Adda hərfin dəyişməsi qorxulu deyil...” 19-01-2018, 18:57 Sloveniyada hədəf 1/4 finala yüksəlmək olacaq 19-01-2018, 18:55 Liderdən böyükhesablı qələbə 19-01-2018, 18:53 Xəzər Babazadə vahid liderdi 19-01-2018, 18:51 Həsənzadə sertifikat payladı 19-01-2018, 18:46 “Qəbələ”nin futbolçularından Bakıya gələn də var, Antalyada qalan da 19-01-2018, 18:45 Moldova millimizlə oyun üçün heyəti açıqladı 19-01-2018, 18:43 Hakimlər Maksimova qaydaları öyrətdi 19-01-2018, 18:41 “Sabah” Qvanzavı transfer etdi 19-01-2018, 18:39 Vaqif Əliyev “Simurq”lu günlər üçün darıxır 19-01-2018, 18:32 Ərtoğrul Sağlam “Traktorsazi”nin baş məşqçisi olacaq 19-01-2018, 18:28 Şeydayevlə Mədətov U-21-də 19-01-2018, 18:27 Araz yenə sözünü deyib 19-01-2018, 18:23 “Qarabağ”ın qələbəsi idman uğurudu, amma bizə torpaqları qaytarmaq lazımdı” 18-01-2018, 22:38 “Lokomotiv” Yunanıstandan əliboş dönür 18-01-2018, 22:30 Şəhriyar Karuananı udub, liderlər qrupuna yüksəldi 18-01-2018, 22:23 “Rəhbərlikdə təmsil olunanlar özləri belə yayda klubun taleyinin necə olacağını bilmirlər” 18-01-2018, 22:20 “Neftçi” Antalyaya 18 futbolçuyla uçdu 18-01-2018, 22:17 Yığma İranda turnirə qatılacaq 18-01-2018, 19:08 Şehiç “Qarabağ”dan getmək istəmir 18-01-2018, 19:07 "Qarabağ" penaltini yana vurmaq ənənəsini davam etdirdi 18-01-2018, 19:06 "Qarabağ"ın əsas devizi intizam və peşəkarlıqdı" 18-01-2018, 19:04 “Qəbələ” ilk mərhələni məğlubiyyətlə bitirdi 18-01-2018, 19:01 “Kəpəz” daha üçüylə müqavilə bağladı, növbədə braziliyalılardı 18-01-2018, 19:00 Arif Əsədov Yunis Hüseynovdan narazıdı 18-01-2018, 18:58 Mustafa Dənizli “TRT Spor”la müqavilə üzündən “Traktorsazi”yə gəlmədi 18-01-2018, 18:57 Moldova yığmamıza qarşı tam heyətlə oynamayacaq 18-01-2018, 18:55 Yarım mövsümün rəqəmli tablosu 18-01-2018, 18:53 Yığma bu gündən “Bayıl Arena”ya köçür 18-01-2018, 18:51 Ndlovu “Qarabağ”dan daha sərfəli müqavilə gözləyirmiş 18-01-2018, 18:50 U-16 Avropa çempionatında Ermənistanla qarşılaşacaq 18-01-2018, 18:49 Məkan və saat dəqiqləşdi 18-01-2018, 18:48 Ozancan “Velveyk”i seçməsinin səbəbini açıqladı 18-01-2018, 18:47 Elbrus Məmmədovun komandasının rəqibləri bəllidi 18-01-2018, 18:45 Rəşad Sadıqovlu U-21-dən uğurlu başlanğıc 18-01-2018, 18:43 Məşqçilər Komitəsinin üzvləri də Antalyaya yollanacaq 18-01-2018, 18:42 Ruslan Abışov atasının sözünə görə saqqalını qırxıb 18-01-2018, 18:37 "Keşlə"də daha bir ukraynalı 18-01-2018, 18:36 U-17 “Antalyaspor”u darmadağın etdi 17-01-2018, 18:57 Yeni vitse-prezident güləşçilərlə görüşdü 17-01-2018, 18:53 Yunis Hüseynov baxışda olan yerlilərin hamısını yola saldı 17-01-2018, 18:52 Topaz premyer-liqası 17 pillə gerilədi 17-01-2018, 18:51 Elxan Məmmədovla Qurban Qurbanov Lozannaya gedəcək 17-01-2018, 18:48 Seqoviya haqq yoluna gəlir 17-01-2018, 18:46 Ozobiç üçün ən önəmli qol “Lill”ə vurduğu topdu Bütün xəbərlər
Ən çox oxunanlar