18 dek 21:44olke

“Qarabağ” sıradan çıxdı, hər kəsin iddiası artdı

“Qarabağ” sıradan çıxdı, hər kəsin iddiası artdı
Kubokun 1/4 final oyunları ilə mövsümün ilk yarısı başa çatdı. Bu mərhələdə həm gözlənilən nəticələr oldu, həm də sensasiyalar baş verdi. Öncə onu qeyd edək ki, birinci divizion təmsilçilərindən heç biri 1/8-dən “sağ çıxa bilməmişdi”. Belə deyək, ardıcıl 4-cü mövsüm 1/4 finalda aşağı dəstə təmsilçilərindən heç biri təmsil olunmadı. Elita iştirakçılarının yarımfinala çıxmaq uğrunda kəllə-kəlləyə gəldiyi qarşılaşmalar isə yetərincə maraqlı alındı.
İki cütdə proqnozlar doğrulsa da...
Yarımfinala kimlərin adını yazdıracağını ilk oyunlardan sonra proqnozlaşdırmaq elə də çətin deyildi. Lakin bunlardan ikisi özünü doğrultdu. Belə ki, “Qəbələ” ilə “Keşlə”nin 1/4-i uğurla dəf edəcəyi gözlənilirdi. “Qırmızı-qaralar” ilk dueldə “Səbail”i minimal hesabla (1:0) məğlub etmişdi. Roman Qriqorçukun yetirmələrinin səfərdə bu üstünlüyü əldən verəcəyi inandırıcı deyildi. Düzdü, “Səbail” ara-sıra rəqiblərinə başağrı olmağı bacarır. Ancaq həm ilk oyunun nəticəsi, həm də qüvvələr nisbəti “Qəbələ”ni aşkar irəli çıxarırdı. Doğrudu, “Bayıl Arena”dakı görüşdə meydan sahibləri erkən qolla bir qədər ümidləndi. Ancaq Qriqorçukun komandasının “status-kvo”nun bərpasını yubatmaması böyük ölçüdə cütün taleyini həll etdi. Hətta qonaqlar bu oyundan inamlı qələbə (4:2) ilə ayrılmağı da bacardı. “Keşlə” də ilk görüşdə önəmli üstünlük əldə etmişdi. “Kəpəz”i Bakıda 2 cavabsız qolla məğlub edən Ramiz Məmmədovun yetirmələri yarımfinalın “qapısını aralamışdı”. Paytaxt təmsilçisinin Gəncədəki görüşdə də hesabı açan tərəf olması suallara aydınlıq gətirdi. Baxmayaraq ki, “sarı-göylər” oyunun gedişində dönüş yaradaraq hesabı öz xeyrinə dəyişə bildi. Lakin 2:1-dən sonra da Yunis Hüseynovun komandasına 2 qol lazım idi və hazırkı durumunda “Kəpəz”in bunu bacaracağı reallıqdan uzaq görünürdü. “Keşlə” isə təkcə hesabda tarazlıq yaratmağı gecikdirmədi, həm də qərb səfərindən qələbə ilə dönməyi bacardı. Bu iki cütdə favoritlər üstün oldu.
...ikisi gözlənilməz oldu
Qalan iki cütdə isə favoritlər yarımfinaldan kənarda qaldı. Düzdü, “Neftçi” ötən il məhz bu mərhələdə “Zirə”ni yolundan kənarlaşdırmışdı. Lakin onda “ağ-qaralar” səfər oyununda 3 cavabsız qolla qalib gəlib, evdəki duelə rahat çıxmışdı. Bu dəfə isə ilk matçdan sonra üstünlük “qartallar”ın tərəfindəydi. Zirədə 1:0 hesabıyla qalib gələn Ayxan Abbasovun yetirmələri cavab oyununa üstün yollanmışdı. Bəlkə də elə bu arxayınlıq qəsəbə təmsilçisinə baha başa gəldi. İlk oyundakı üstünlüyü qorumaq fikri ilə meydana çıxan “qartallar” bunun acısını çəkdi. Həddən artıq istəkli olan “Neftçi” özü üçün ən arzuolunmaz rəqib sayılan “Zirə”ni ilk hissədə vurduğu 2 qolla məğlub etdi. Abbasovun komandasının 1 qol vurmaq çabaları isə fayda vermədi və “ağ-qaralar” inamlı qələbə ilə adını yarımfinala yazdırdı. Maraqlıdı ki, həm çempionat, həm də kubok oyunlarını nəzərə alsaq, “Neftçi” qəsəbə təmsilçisini ilk dəfə öz meydanında məğlub etdi. Bu mərhələnin ən sürpriz nəticəsi isə “Sumqayıt” - “Qarabağ” duelində qeydə alındı. Kubokda son 3 mövsümün qalibinin 1/4-də mübarizəni dayandırcağını çox az adam düşünərdi. Ən maraqlı məqamlardan biri isə “kimyaçılar”ın bunu baş məşqçi Samir Abasov olmadan bacarmasıdı. Abasov “Atletiko”nun düşərgəsində təcrübədə olduğundan komandanı meydana köməkçisi Seymur Rəhimov çıxarmışdı. İlk oyunda “Qarabağ” əzmkar qələbə (2:1) qazanmışdı və əksəriyyət “köhlən atlar”ı artıq yarımfinalda görürdü. Lakin sən saydığını say... Meydanda əsl əzmkarlıq nümayiş etdirən, “Qarabağ”a, demək olar, qol vəziyyəti yaratmağa imkan verməyən sumqayıtlılar son illərin məğlubedilməzini şoka saldı. Təbii, “Sumqayıt” mübarizə, rəqibdən çəkinməmək və istək nəticəsində buna nail oldu. Ancaq “Qarabağ”dakı problemlər göz qabağında idi. Bədavi Hüseynovun zədələnməsindən sonra onsuz da müdafiədə problemlər ara-sıra nəzərə çarpırdı. Digər tərəfdən komandanın kapitanı Rəşad Sadıqov da PRO kurslarının tələbinə görə ölkə xaricindədi. Üstəgəl, Dino Ndlovu, Riçard Almeyda kimi önəmli füqurlar zədə üzündən matçı buraxırdı. Lakin “Qarabağ”ın 1/4-də “ilişməsinin” səbəbi təkcə bunlar deyildi. Qurban Qurbanov özü də oyunsonrası mətbuat konfransında futbolçuların istirahət əhval-ruhiyyəsində olması fikrinə “yox” deyə bilməyəcəyini söylədi. Deməli, sadaladıqlarımızla yanaşı, bir qədər arxayınlıq, oyuna lazımınca köklənməmək nəticəni müəyyənləşdirdi. Maraqlıdı ki, bundan öncəki iki mövsümdə “Sumqayıt”ı bu mərhələdə məhz “Qarabağ” dayandırmışdı. 3-cü cəhddə isə “kimyaçılar” əvəz çıxmağı bacardı. Özü də Sumqayıtı təmsil edən komandanın yarımfinala vəsiqə qazanması düz 25 il öncə baş vermişdi. Həmin vaxt “İnşaatçı” finala qədər irəliləyə bilmişdi.
Kubokda mübarizə qızışdı
Əslində “Qarabağ”ın kubokla vidalaşması digər 4 komandanın iştahını artırdı. Axı, “köhlən atlar”ın mübarizəni davam etdirməsi “ikinci cəbhə”nin aşkar favoritinin olması demək idi. Ancaq indi “Qəbələ” ilə yanaşı, “Neftçi” və “Sumqayıt”ın da iddiaları var. Çünki ən qorxulu rəqib artıq sıradan çıxarılıb. “Keşlə” hazırkı durumuna görə bir addım geridə qalsa da, fasilədə çox şey dəyişə bilər. Klubun üzərindən transfer qadağası qalxacaq və heyətin gücləndirilməsi kubok mübarizəsinə birbaşa təsir edəcək. Odu ki, həm “Qəbələ” ilə “Neftçi”ni, həm də “Sumqayıt”la “Keşlə”ni yarımfinalda güzəştsiz, ölüm-qalım savaşı gözləyir. Kimin həlledici oyuna vəsiqə qazanmasından asılı olmayaraq, final haqda da eyni sözləri demək olar.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 14:24 Həftənin idman proqramı Bu gün, 14:15 “Real”ın kapitanını dəstəkləyən də oldu, pisləyən də Bu gün, 14:13 BOS-un media tribunasında əsaslı yeniliklər olacaq Bu gün, 14:12 Yığma şotlandlardan "2 aldı" Bu gün, 14:11 Möhtəşəm oyuna 99 gün qaldı! Bu gün, 13:47 "Qarabağ" fərqi minimuma endirdi Bu gün, 13:46 “Səbail” Akpovetanın keçidini elan etdi Bu gün, 13:44 Çempion fərqi: 22 oyun, 22 qələbə! Bu gün, 13:43 “Gilavar”ın 1 yaşı tamam oldu Bu gün, 13:40 Murad Moldovada baxışdadı Bu gün, 13:38 “CBC Sport” niyə diviziondan uzaq gəzir? Bu gün, 13:37 “Qarabağ”a 45 dəqiqə bəs etdi Bu gün, 13:11 “Tələbələr” Bayıldakı imtahandan “kəsildi” Bu gün, 13:06 Eddidən başqa 90 dəqiqə oynayan yoxdu! Bu gün, 13:05 Uğursuzların duelində “Keşlə” sevindi Bu gün, 12:55 “Sumqayıt” “Zenit”in yetirməsi ilə anlaşdı Bu gün, 12:54 U-19 minimal hesabla yenildi Bu gün, 12:53 “Neftçi” Zirədə xal itirdi 17-02-2019, 16:02 Yığma üzvləri darmadağından danışdı 17-02-2019, 16:00 Fərid Nəbiyevə Slovakiya və Sloveniyadan təkliflər olub 17-02-2019, 15:59 “Qarabağ” Dedanı “Karpatı”ya satmağa hazırlaşır 17-02-2019, 15:58 PFL divizionun oyunlarını canlı yayınlayır 17-02-2019, 15:56 Moldova yığmasının üzvü "Neftçi"də 17-02-2019, 15:55 "Bayıl Arena"da 10 qol vurulsa da... 17-02-2019, 15:53 “Qarabağ”dan qorxmuruq, çəkinmirik” 17-02-2019, 15:52 Cavid Hüseynov “Qarabağ”la oyunda 1 xala razıdı 17-02-2019, 15:50 "Qəbələ" həvəslə hazırlaşır 17-02-2019, 15:42 Yurçeviçli millinin nağıl arzuları bəllidi 17-02-2019, 15:40 10 saatlıq tur 17-02-2019, 15:38 “Keşlə” yığmanın marağını klub marağından üstün tutub 17-02-2019, 15:37 Sürprizsiz tur 17-02-2019, 15:35 “Qaranın yerini silkələmək üçün çox çalışdım, alınmadı” 17-02-2019, 12:54 BMM “Futbol+”ə yer verməkdən çəkindi 17-02-2019, 12:53 Azərbaycanın idman ictimaiyyətinə müraciət 17-02-2019, 12:51 “Sumqayıt” “Keşlə”nin aqibətini yaşadı 17-02-2019, 12:48 Türkiyənin heyəti və yoldaşlıq görüşlərinə təyinatlar açıqlandı 17-02-2019, 12:47 Miloş Velebit kimdi? 17-02-2019, 12:45 “Yumşaq” Yurçeviç xaricdə fiasko vəd edir 17-02-2019, 12:44 Musa Qurbanlıdan poker, U-19-dan darmadağın 17-02-2019, 12:40 Sansone “Neftçi”də 600 min manat qazanacaq 17-02-2019, 12:39 Stuxlikin yeniliyinə fərqli münasibət 17-02-2019, 12:37 Klublar Komitəsinin rəhbərsiz qalması AFFA-nın ürəyincə deyil 17-02-2019, 12:36 “Səbail”də argentinalı forvard: 13 ildə 13 (?!) klub dəyişib 17-02-2019, 12:27 Qış fasiləsinin diqqəti çəkən 5 olayı 17-02-2019, 12:25 Stuxlik Xorvatiyaya gedəcək 17-02-2019, 12:23 “Red Black Army” narahatdı 17-02-2019, 12:22 Prinsipial rəqiblərin 50-ci dueli 17-02-2019, 12:18 “Çempionatda limiti ləğv etmişdilər, hamı legioner gətirib, pul “yeyirdi” 17-02-2019, 12:13 Amit Quluzadə “Çelik”də 22 gün qalıb və geri qayıdıb 14-02-2019, 23:21 “Karlsen, demək olar ki, səhv etmir” 14-02-2019, 23:18 Günay Məmmədzadə - 9 oyuna 8,5 xal toplayan çempion! 14-02-2019, 23:07 Denis “Sumqayıt”la oyuna dönüş nöqtəsi kimi baxır 14-02-2019, 23:05 Stuxlikin “islahatı” liqalarda narazılıq doğurub 14-02-2019, 23:03 U-21 martda 10 günlük toplanış keçəcək 14-02-2019, 22:54 Yığma penaltini qaçırdı və İspaniyaya uduzdu 14-02-2019, 22:51 “Avropa çempionatında iştirak etmək üçün vuruşacağıq” 14-02-2019, 22:41 Yurçeviçin təyinatına premyer-liqadan baxış Bütün xəbərlər
Ən çox oxunanlar