11 dek 18:59olke

“Keşlə” “Kəpəz”i evə əliboş göndərdi

“Keşlə” “Kəpəz”i evə əliboş göndərdi
Gəncəli azarkeşlər “İnter Arena”da qalmaqal yaratdı
Keşlə - Kəpəz (Gəncə) 2:0 (2:0)
Keşlə: 1. Orxan Sadıqlı, 3. Denis Silva (k), 4. Slavik Alxasov, 6. Samir Zərgərov (24. Fuad Bayramov, 80), 7. Mirsahib Abbasov (66. Murad Qayalı, 72), 9. Pərdis Fərcad-Azad, 22. İlkin Qırtımov, 27. Adrian Skarlatake, 33. Tərlan Quliyev, 80. Rafael Məhərrəmli (81. Elvin Cəfərquliyev, 88), 88. Məmməd Quliyev.
Ehtiyat oyunçular: 16. Şahin Zəkiyev, 39. Əlibəy Məmmədli, 40. Asif Vəliyev, 46. Əsəd Məsimov, 53. Emil Əliyev, 56. Urfan İsmayılov, 58. Sinan Akkoyun, 77. Oleq Hüseynov, 99. Ricat Qarayev.
Baş məşqçi: Ramiz Məmmədov.
Kəpəz: 1.Davud Kərimi, 18. Tural Cəlilov, 3. Dedimar Fereyra, 4. Şəhriyar Əliyev, 13.Şəhriyar Rəhimov (k), 16. Azər Məmmədov (6. Ceyhun Cavadov, 76), 5. Kərim Diniyev, 12. İlyas Səfərzadə, 7. Sergey Çernişev (11. Kamran Abdullazadə, 46), 10. Tural Rzayev, 9. İlkin Sadıqov.
Ehtiyat oyunçular: 22. Ruzi Qiyaslı, 2. Yusif Cəfərov, 19. Aydın Qasımov, 21. Novruz Məmmədov, 24. Məhəmməd Qurbanov.
Baş məşqçi: Yunis Hüseynov.
Qollar: P.Fərcad-Azad, 17 (1:0). R.Məhərrəmli, 40 (2:0).
Vərəqələr: T.Cəlilov, 39 (qeyri-idman hərəkəti). T.Quliyev, 58 (qeyri-idman hərəkəti). A.Skralatake, 62 (qeyri-idman hərəkəti). S.Alxasov, 62 (hakimin qərarına etiraz). M.Abbasov, 69 (qeyri-idman hərəkəti). F.Bayramov, 81 (qeyri-idman hərəkəti). İ.Səfərzadə, 90+2 (hakimin qərarına etiraz) – sarı.
Hakimlər: RAUF CABBAROV, Elman Musayev, Cavanşir Yusifov, Fariz Yusifov (hamısı Bakı).
Hakim-inspektor: Murad Məmmədov (Bakı).
AFFA nümayəndəsi: Rauf Hüseynli (Bakı).
10 dekabr. Bakı. İnter Arena. 1000 tamaşaçı.
Birinci hissəyə 1, ikinci hissəyə 4 dəqiqə əlavə olunub.
“Keşlə” ilə “Kəpəz” aşağı-yuxarı eyni səviyyəli rəqiblər olduğundan, kubokdakı duel bərabərsəviyyəli komandaların görüşü sayılırdı və favorit məlum deyildi. Hər ikisi ağır dönəmdən keçir. Onsuz da heyət sıxıntısı yaşayan bakılıların baş məşqçisi Ramiz Məmmədovun seçimi də təəccübləndirdi. Təcrübəli mütəxəssis Fuad Bayramovu ehtiyatda saxlamış, Elnur Abdullayevlə Sərtan Taşkının adını isə, ümumiyyətlə, qarşılaşmanın protokoluna salmamışdı. Yunis Hüseynov Dedimar Fereyradan başqa, digər legionerlərin xidmətinə ehtiyac duymadı.
Tərəflər startda orta sahəni ələ keçirmək üçün mübarizə aparırdısa, “Keşlə” oyunu cinahlara daşımaqla təşəbbüsə yiyələndi. Hesab isə 17-ci dəqiqədə açıldı. Zərgərovun sağdan yerlə ötürməsinə Rafael yetişməsə də, top Pərdisin önünə düşdü. Hücumçu 7-8 metrdən qarşısıalınmaz zərbəylə topu tora qovuşdurdu.
Qonaqların tədricən təzyiqi artıracağı gözlənilsə də, bu baş vermədi. İrəlidə İlkin Sadıqov təkbaşına mübarizə aparır, arxadan dəstək görmürdü ki, belədə qərb təmsilçisinin hücumları kəsərsiz alınırdı. Ümumiyyətlə, ilk yarıda “Kəpəz”in bir məntiqli hücumuna belə şahid olmadıq. Əksinə, “Keşlə” fasilə ərəfəsində 2-ci topu rəqib qapısından keçirdi. Bu dəfə autdan cərimə meydançasına göndərilən topu ələ keçirən Rafaelin ilk zərbəsi müdafiəçidən dönsə də, təkrar vuruşu qol üçün kifayət etdi.
Hələ heç nə itirilməmişdi: “Kəpəz”in vuracağı 1 qol cavab görüşü üçün şansları birəbeş artıracaqdı. İkinci hissənin əvvəlində fərqi azalmaq üçün əla imkan yaranmışdı. Cəlilovun cinah asmasına yüksələn Sadıqov boyundan istifadə edib hava mübarizəsini qazandı, ancaq boş qapıya düşə bilmədi. Bir dəqiqə əvvəl isə Kərimi Mirsahiblə dueldən qalib ayrılaraq, fərqin darmadağın həddinə çatmasına imkan verməmişdi. Matçın sonlarında Kərim Diniyev əla fürsətdən yararlana bilmədi. Daha doğrusu, onun yaxın məsafədən başla zərbəsini Orxan Sadıqlı dəf edə bildi. Son dəqiqələrdə artıq açıq mübarizə gedirdi ki, “Kəpəz”in tam qüvvə ilə irəli atılması bakılılara əks-hücum şansı yaradırdı. Matça əlavə olunmuş dəqiqələrdə təşkil edilən əks-hücumda Slaviklə Pərdisin qarşısında, sadəcə, bir müdafiəçi və qapıçı var idi. Ancaq Alxasovun paralel ötürməsinə komanda yoldaşı yetişə bilmədi. Bununla belə, “Keşlə” inamlı qələbə qazandı. Paytaxt təmsilçisində hər iki qələbəsini kubokda əldə edən Ramiz Məmmədovun komandası yarımfinala “Kəpəz”dən daha yaxın görünür.

Maraqlıdı...
* “Keşlə”lilər ilk qoldan sonra yan kameraya yaxınlaşaraq sevinclərini yeni körpəsi dünyaya gələn Slavik Alxasovla birgə qeyd etdilər.
* Hər iki komandanın azarkeşləri fəal idilər. Həm qonaq komandanın, həm də meydan sahibinin tərəfdarları bayraq və barabanlarla “silahlanmışdılar”. Ancaq “Keşlə”lilərin arasında bir nağaraçı da var idi ki, ifasıyla tərəfdarları daha çox əyləndirirdi.
* Gəncədə azarkeşlərin “Xəmsə” fanklubunun rəhbəri Adil Məmmədovla bağlı plakat açmasının dəfələrlə şahidi olmuşuq. Bu dəfə xərçəng xəstəliyindən əziyyət çəkən Adil dayının şəkli “İnter Arena”da açıldı. İşin maraqlı tərəfi odu ki, bu jest meydan sahibinin tərəfdarları tərəfindən edildi. Plakatda fanklub rəhbərinin şəklinin üzərinə “Adil dayı, tez sağal, tribuna səni gözləyir” yazılmışdı.
* Tələbkar gəncəli azarkeşlər oyundan sonra etirazlarını çılğın şəkildə məşqçilər korpusuna bildirdi. Yunis Hüseynov sakitcə onları dinləsə də, Vidadi Rzayev irəli yeriyib diskussiyaya girişdi. Onun gənc azarkeşi sakitləşdirmək cəhdi fayda vermədi. Azarkeşlərlə əlaqələndirici Elmar Əliyev işə qarışdı, ancaq həmin gənc ona da sərt təpki göstərdi. Belədə Elmar az-qala onunla əlbəyaxa olacaqdı. Kənar şəxslərin araya girməsiylə dava sakitləşdirildi. Əliyevin Adil Məmmədova “gəl, tərbiyəsizlərinə yiyə dur” xitabından gənc azarkeşin “Xəmsə” fanklubunun üzvü olduğu anlaşıldı.

Belə dedilər...
Ramiz Məmmədov: “Uşaqlar bacardıqlarını etdilər. Kasad heyətlə oynayırıq. Komandam bu gün yaxşı nəticə qazanmalı olduğumuzu dərk edirdi. Birinci hissədə vacib olan qolları vurduq. “Kəpəz” top saxlamağı sevən komandadı. Bu mənada futbolçuları xəbərdar etmişdik. İkinci hissədə rəqibin itiriləsi bir şeyi qalmamışdı. Fasilədən sonra “Kəpəz” bizi müdafiəyə çəkilməyə məcbur etdi. Uşaqlar da ağıllı oynayıb, qapımızı toxunulmaz saxladılar. Heyətdəki dəyişiklikləri ilk gəldiyim vaxtlar etməliydim? Biz Nostradamus deyilik. Həyatın nəbzini tutub, gedirik. Birdən-birə həmin dəyişiklikləri etmək çətindi. Uşaqlar göstərirlər ki, əsas heyətə düşməyə layiqdilər. Əvəzedici komandadan gələn uşaqlar hazır olduqlarını bizə göstərirlər. Kim oynayırsa, meydan onundu. Geriyə qayıtmaq istəmirəm. Mən nikbin insanam. İrəliyə baxmaq lazımdı. Komanda öz oyununu yavaş-yavaş tutmaq üzrədi. Futbolçulara özünəinam hissi qayıdıb. Biz məşqçi olaraq boşluqları görürük və onları aradan qaldırmağa çalışırıq. Bu gün birgə işlədiyim bütün futbolçulara təşəkkür edirəm. Hətta vaxtilə bu komandada oynamış və çalışmış futbolçulara, məşqçilərə də minnətdaram”.
Yunis Hüseynov: “Yaxşı nəticə qazanmaq istəyirdik. Amma alınmadı. Ayın 14-də Gəncədə də oynayacağıq. İnanıram ki, futbolçular cavab görüşündə yaxşı oynayacaqlar. Şanslar yenə bərabərdi. Dedimar Fereyra istisna olmaqla, digər legionerlərin heyətə salınmamasına gəlincə, Viktor Oseqeyl zədəlidi. Samba Diallo isə hazır olmadığına görə kənarda qaldı”.
MIRAĞA
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 18:25 “Araz”ın uğursuzluğu Zaur Axundovu qəzəbləndirməyib Dünən, 18:22 U-13 liqasında “Laçın”ın baş məşqçisi hakimin burnunu qırdı Dünən, 18:21 Stuxlik Xaqani Məmmədovu “kəsib”? Dünən, 18:19 Ramil Şeydayev topdaşıyan rolunda Dünən, 18:18 Malta ayağımızın altını qazdı Dünən, 18:15 Haşımov Bebeki bəyənib Dünən, 18:14 “Mahir oyundan sonra paltardəyişmə otağında ağlayırdı” Dünən, 18:11 AFFA üçün sponsorluq müqaviləsi Dünən, 18:09 "Neftçi" “parçalandı”, “ağlar” qalib gəldi Dünən, 18:08 Kvaratsxeliya konfransı açıq elan etmək hüququna malikdi Dünən, 18:07 Yığma üzvlərinin qiymətləndirməsi Dünən, 18:04 Həftənin idman proqramı Dünən, 18:03 Xal itirməyən iki komanda qaldı Dünən, 18:01 “Keşlə” divizionun liderini darmadağın etdi Dünən, 18:00 Yaxşı ki “Səbail” var… Dünən, 17:59 Dadaşovlu “Eştoril” son anda xilas oldu Dünən, 17:57 “Xəzər Lənkəran”a uduzduq… Dünən, 17:56 “Sumqayıt”da Diaçenkonu həmyerlisi əvəzləyəcək Dünən, 17:54 Samir Abasov sabiq komandasını üstələdi Dünən, 17:52 “Xilə”yə “Royal Holding” sponsorluq edir 15-10-2018, 14:02 Sabah “Futbol+”də 14-10-2018, 16:36 Firdovsi Umudov proqnoz verməkdən çəkindi 14-10-2018, 16:33 Vüqar Nadirov “Baku City”ni atıb premyer-liqaya getməyəcək 14-10-2018, 16:31 Federasiya rəsmisi legionerlərsiz nəticə qazanmağın çətin olduğunu etiraf etdi 14-10-2018, 16:30 “Sumqayıt” 8 min manat cərimələnən məşqçisiylə yolları ayırdı 14-10-2018, 16:26 Yenilmək növbəsi Maltanındı! 14-10-2018, 16:24 “Milli dəstə” tarixinin ən bahalı səfərini gerçəkləşdirib 14-10-2018, 16:22 Olsen komandasının bəxtinin gətirmədiyini düşünür 14-10-2018, 16:07 Rəşad Sadıqov Renatı maya qədər yığmaya dəvət etməyəcək 14-10-2018, 16:04 Stuxlik hakimlərdən test götürdü 14-10-2018, 16:02 Vaqif Sadıqovla Şakir Qəribov U-21-i tək qoymadı 14-10-2018, 16:00 “Araz” “Liman”a “bərk çırpıldı” 14-10-2018, 15:57 “Həmişə milliyə dəvət alıb, oynamağı düşünürdüm” 14-10-2018, 15:54 Üçgünlük səfər, hər gün üçün bir qol 14-10-2018, 15:51 Mütəxəssislər oyunu yox, nəticəni qabartdı 14-10-2018, 15:47 Kiril Petrov ilk dövrədən razıdı 12-10-2018, 22:56 Vüqar Əsgərli U-19-un çıxışını dəyərləndirdi 12-10-2018, 22:54 “Uğur” Region Kubokunda zəif heyətlə oynayıb 12-10-2018, 22:53 Atilla Türkiyədə keçirdiyi 7 mövsümü itirilmiş sayır 12-10-2018, 22:51 “Sumqayıt” Orxan Əliyevlə gücləndi 12-10-2018, 22:50 Kobaxidze bərpa dövrü keçir, Vasin isə meydana çıxmağa can atır 12-10-2018, 22:48 Çəlikəl akademiyanın məşqçiləri ilə nələri müzakirə edib? 12-10-2018, 22:27 Rusiyalı hakimlər obyektivlikdən kənara çıxmadı 12-10-2018, 22:25 Bebek 5-ci dəfə Bakıya gəlir 12-10-2018, 22:25 Maltanın baş məşqçisi və qapıçısı nikbindi 12-10-2018, 21:51 Yığma üzvlərinin qiymətləndirməsi 12-10-2018, 21:48 “Rüfəti əsas heyətdə buraxmaqla bir qədər risk etdim” 12-10-2018, 21:47 Üç azarkeş üçün üç qol 12-10-2018, 21:44 İnamlı və önəmli qələbə 12-10-2018, 21:43 Yerli mütəxəssislər Adil Mahmudovun cavabını verdi 12-10-2018, 21:41 Roberto Bordin yeni imicdə 12-10-2018, 21:40 Arif Əsədov yeni komitədə təmsil olunacaq 12-10-2018, 21:38 Qadın voleybolçularımız antirekordu təkrarladı 12-10-2018, 21:35 Faiq Qarayev məşqçi karyerasını başa vurdu 11-10-2018, 19:02 Yenə məğlubiyyət və qrupu sonuncu yerdə bitirmək ehtimalı 11-10-2018, 18:59 Reynaldo Qazaxıstanda Almeyda ilə görüşə bilmir 11-10-2018, 18:57 Sənan Qurbanov “Qəbələ”ni “tərlətdi” Bütün xəbərlər
Ən çox oxunanlar