03 dek 13:13olke

“Keşlə”nin Mirhüseyn “oyunu”

“Keşlə”nin Mirhüseyn “oyunu”
Zaur Axundov, çörəyi qulağımızın dibinə yemirik!
Noyabrın 30-da yayılan xəbərdən sonra nə premyer-liqanın 14-cü turunun oyunları yada düşür, nə də “Qarabağ”ın “Roma” ilə səfər qarşılaşması. Bütün diqqətlər bir nöqtəyə - “Keşlə”nin sabiq futbolçularına yönəlib. İndi bütün futbol ictimaiyyəti Nizami Hacıyevlə Mirhüseyn Seyidovdan danışır. Bu iki futbolçunun şübhəli oyunlara görə müvafiq orqanlar tərəfindən saxlanılması aydın səmada şimşək effekti verdi.
Elə həmin gün axşam saatlarında məlum oldu ki, futbolçular azadlıqdadı. Sadəcə, dindiriliblər, vəssalam. Halbuki klubun Müşahidə Şurasının rəhbəri Zaur Axundov Nizamiylə Mirhüseynin saxlanıldığını dilə gətirmişdi. Şübhə yoxdu ki, futbolçuların sorğu-suala cəlb olunmasının, bununla da “Keşlə”nin uğursuzluqlarında əsas günahkarlar kimi qələmə verilməsinin arxasında Axundov durub. Ramiz Məmmədovun hələ “Neftçi”ylə qarşılaşmadan sonra “danışsam, partlayış olacaq” sözünü atıb, məsələnin məğzini gizlətməsi də Zaur bəylə ikili söhbətə hesablanmışdı. Məhz baş məşqçi ilə sədrin bağlı qapılar arxasındakı görüşündən sonra Axundov əməliyyata başladı. Yəni Seyidovla Hacıyevdən şübhəli şəxs qismində izahat alınmasına nail oldu.
Dünən isə Mirhüseyn Seyidov mətbuata açıqlamasında “Neftçi”ylə oyunda qəsdən zəif oynadıqlarını dilə gətirməklə çoxlarını təəccübləndirdi. Bu addımını “Neftçi”də yetişməsi və komandanın hazırkı durumu ilə əlaqələndirdi. Və ən sonda əməlinə görə hər kəsdən üzr istədi. Maraqlıdı, deyilmi?
Kimlərinsə qurduğu planın uğurla baş tutduğunu deyə bilərik. Zaur Axundov sıradan şəxs deyil, vaxtilə Nərimanov rayon İcra Hakimiyyətində müavin vəzifəsində işləyib, çevrəsində kifayət qədər polis, orqan işçiləri var. Yəni Mirhüseyni bu şəkildə açıqlama verməyə məcbur etmək, yaxud bu yolu göstərmək çətin olmamalıdı. Futbolçuları “divara dirəməsəydilər”, “sən öl, mən ölüm”lə heç nəyə nail olmayacaqdılar. Amma milyon faiz əmin ola bilərsiz ki, burda söhbət “Neftçi”yə qarşı qəsdən zəif oynamaqdan, oyunu “verməkdən” getmir. Daxildə bizə məlum olmayan olduqca ciddi faktlar var ki, həm klub rəhbərliyi, həm də futbolçular məsələnin şişməsində maraqlı deyil. Daha doğrusu, “bombanın partlaması” AFFA rəhbərliyinə böyük zərbə olar.
İlk növbədə Azərbaycan futboluna olan-qalan inam, maraq da azalacaq. Hansısa oyun alverinin üstü açılsa, ölkə futbolu dillərdə məzə obyektinə çevriləcək. Bir başqa nöqtə söhbətin ölkə rəhbərinin qulağına çatması ehtimalıdı. Yəni futbolçular “içəri”də hər nə qədər çox saxlanılsaydı, alğı-satqı söhbətləri uzansaydı, “yuxarılar” bundan duyuq düşəcək, AFFA rəhbərlərindən hesabat tələb edəcəkdilər. Hə, əsas məsələ - UEFA. Avropanın ali futbol qurumu danışılmış oyunlara xüsusi diqqət yetirir və bu kimi əməlləri törədənləri ilk həmlədəcə məhv edir. Elə həmin olayların yaşandığı ölkənin futbol qurumunu da. Ciddi sanksiyalar tətbiq olunur, UEFA-dan ayrılan qrant və yardım pulları kəsilir. Nüfuza dəyən zərbə də öz yerində. Ona görə də lap alğı-satqı varsa belə, məsələnin qabardılmasında ilk növbədə AFFA maraqlı olmayacaqdı. Zaur Axundov kimdi? AFFA İcraiyyə Komitəsinin üzvü, assosiasiya başqanı Rövnəq Abdullayevə yaxın şəxs.
İki gün əvvəl “Keşlə”nin yaydığı bəyanatda bu iki futbolçunun çempionatın son 5-6 matçında danışılmış oyunlarda iştirakına şübhələr yarandığına görə müqavilələrinə xitam verildiyi bildirilmişdi. Lakin Mirhüseyn yalnız “Neftçi”ylə qarşılaşmanı işarə verir, Nizami isə yoxdu, qeybə çəkilib. O niyə danışmır, hara yoxa çıxıb? Niyə məhz “Neftçi”ylə oyun? Bəs digər qarşılaşmaların şübhəsi hara və niyə yoxa çıxdı? “Səbail”lə “Kəpəz”ə məğlubiyyətlərin səbəbkarı kimlər idi? Onları da Seyidov “vermişdi”? Elədisə, niyə o haqda danışmır, niyə bütün oxlar “Neftçi”ylə qarşılaşmaya yönəlib?
Sizcə, ortada başqa söhbətlər olmasa, “Neftçi”ylə görüşdə zəif oynaması Seyidova necə sübut olunardı? Və ya Mirhüseyn kimi ağıllı, işini bilən adam mətbuata o şəkildə açıqlama verib, karyerasını ayaqlar altına atardımı? Müsahibədən də hiss olunur ki, futbolçu hansısa məsələnin bağlanması üçün bu cür danışmağa razılıq verib. Çünki əsl səbəbin üzə çıxması nə futbolçuya, nə klub rəhbərliyinə, nə də AFFA-ya sərf edir. Yox, “Neftçi”ylə qarşılaşmaya “barmaq” edibsə və “Keşlə”nin bununla bağlı faktı varsa, ortaya qoysun, biz də bilək. Həmin məntiqlə, bir oyunu zəif keçirənlərin hamısı oyun “verəndi”? Adam qapısına qol vurmayıb, rəqibə “get, qol vur” ötürməsi verməyib. Belədə “Neftçi”yə qarşı zəif oynadığını ona kim və necə sübut edə bilərdi?
“Qazanın dibindəki” nədisə, maraqlı şeyə oxşayır. Bax, o “şey” gizlədilir. Amma bir gün mütləq üstü açılacaq. Zaur Axundov əmin olsun ki, çörəyi qulağımızın dibinə yemirik. Çıxıb əsl həqiqəti açıqlayana kimi Mirhüseynlə Nizami yaddaşlarda “oyun verən” kimi yox, “qurban” kimi qalacaq. Axundov böyük qüvvədi, ona “ilişənin” ağlı yoxdu. Öz aramızdı, Rauf Əliyev başını yaxşı götürüb qaçdı. AFFA-da dəstək verəni olmasaydı, kim bilir, bəlkə indi o da futboldan ömürlük uzaqlaşdırılanların sırasındaydı. “Neftçi”nin baş məşqçisi Tərlan Əhmədov də ehtiyatlı olsun. Hər an təhlükə gözlənilir...
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
20-03-2019, 13:41 AFFA xəbərləri 20-03-2019, 13:32 “Taxta oğrusu” Ayxan, papaq atıb məyus olan Aslan... 20-03-2019, 13:30 Favoritlər büdrəmədi 20-03-2019, 13:28 Eltac “sülh”lə başladı 20-03-2019, 13:27 Büdrəməyən iki komanda var 20-03-2019, 13:23 Rəşad yığmaya çağırılmayacağını hiss edibmiş 20-03-2019, 13:20 Ağasəlim Mircavadov U-19-la Krasnodardadı 20-03-2019, 13:18 Ədalət təmsilçilərimizə təyinat gəldi 20-03-2019, 13:16 Elxan Abdullayev Velebitin köməkçisi oldu 20-03-2019, 13:15 Əvvəl Rusiya, sonra İrlandiya və Rumıniya 20-03-2019, 13:13 Litva ilə üçüncü duel 20-03-2019, 13:10 Bayram axşamı qanımız qaralmasın! 20-03-2019, 13:06 Yığmanın mümkün “11-liy”i 20-03-2019, 13:04 Yurçeviç Zaqrebdə sürpriz etmək istəyir 20-03-2019, 13:02 U-21-in heyətində iki dəyişiklik 20-03-2019, 12:55 U-19-un rəqibi əvvəl qalib gəldi, sonra uduzdu 20-03-2019, 12:52 “FC Baku”dan “feyr-pley” və darmadağın 20-03-2019, 12:51 Mütəxəssislər yığmadan maksimum heç-heçə gözləyir 20-03-2019, 12:46 Bombardirlərin turu 20-03-2019, 12:45 Tərlan Əhmədov sınaq matçı planlaşdırıb 20-03-2019, 12:33 “Neftçi” yoxlama oyunu keçirməyəcək 20-03-2019, 12:30 Essyenlə bağlı soruşduq, fikirlər haçalandı 20-03-2019, 12:28 “Sabah” yoldaşlıq görüşü keçirəcək 20-03-2019, 12:27 “Sumqayıt” Əfran İsmayılovu itirdi 20-03-2019, 12:25 “Qarabağ” yarımcan heyətlə “Zirə”ni sınağa çəkəcək 20-03-2019, 12:23 Fərid “Slaviya”ya qələbə qazandırdı 19-03-2019, 15:11 Aleksey İsayev yığmadan ayrıldı 19-03-2019, 15:07 “Maksimir”də yığmaya 20 fanat dəstək verəcək 19-03-2019, 15:05 Essyen ilyarım “Səbail”ə xidmət edəcək 19-03-2019, 15:02 "Neftçi"nin legioneri Seneqalla oyuna çağırıldı 19-03-2019, 14:58 Emeqara zədəyə görə kənarda qalıb 19-03-2019, 14:56 Aqolli azarkeşlərlə bizim dildə sağollaşdı 19-03-2019, 14:55 “Sabah” Çalanı yola saldı 19-03-2019, 14:52 Kamran Ağayev “Keşlə”də yox, dostları ilə oyunda zədələnib 19-03-2019, 14:50 Boyükağa Hacıyevin ölümündən bir il ötdü 19-03-2019, 14:47 “O qədər məyusam ki, danışmağa, müsahibə verməyə həvəsim yoxdu” 19-03-2019, 14:46 Ayxan Abbasov Atillanın “qələmini qırdı” 19-03-2019, 14:44 İlk "üçlük"də yerdəyişmə oldu 19-03-2019, 14:42 Adam sabiq köməkçisini unutmayıb 19-03-2019, 14:41 Bojoviç: “Ramil son vaxtlar möhtəşəm oynayır, afərin!” 19-03-2019, 14:37 “Azərsun Holdinq” “Qarabağ”a lazım olan vəsaiti ayırır 19-03-2019, 14:35 Turun statistikası 19-03-2019, 13:08 Turun məşqçisi 19-03-2019, 13:07 Hakimlərin mühakiməsi 19-03-2019, 13:04 Üçüncü dövrənin lideri “Qarabağ”dı 19-03-2019, 13:01 Eddi və Rüfət “fərqləndi” 19-03-2019, 12:59 Turun oyunçusu 19-03-2019, 12:57 Turun sitatı 19-03-2019, 12:54 Turdan məqamlar 19-03-2019, 12:50 Lider izləyicisini xalsız qoydu, U-19 uduzdu 19-03-2019, 12:47 Layiq olmadığımız yenilgi 17-03-2019, 14:50 Marinadan tarixi addım və finala vəsiqə 17-03-2019, 14:49 “Boykotçular”ın turniri apreldə keçiriləcək 17-03-2019, 14:48 “Neftçi” debütantı üstələdi, “Yasamal” İSK “zirzəmi”dən qurtuldu 17-03-2019, 14:34 Mütəxəssislər Səlahətin “1 nömrə” olacağını düşünür 17-03-2019, 14:32 Essyenin “Səbail”dən heç bir xüsusi tələbi olmayıb 17-03-2019, 14:30 Essyenin transferi ölkə futboluna nə qazandıracaq? Bütün xəbərlər
Ən çox oxunanlar