UEFA klubları sevindirdi

2017/18 mövsümündə Avroliqada iştiraka görə klublar əldə etdiyi qazanca qovuşub. UEFA tərəfindən ayrılmış maliyyə vəsaiti AFFA-nın vasitəçiliyi ilə müvafiq qaydada premyer-liqa iştirakçılarının hesabına köçürülüb. Qitə futbol qurumu “İnter” və “Zirə”yə 440 min, “Qəbələ”yə isə 460 min avro ayırıb. Qeyd edək ki, “İnter” üçün nəzərdə tutulan vəsait klubun aylıq cari xərclərini ödəmək üçün növbəti aylarda hesabına köçürüləcək.
Bu arada UEFA-nın 19 iyul 2016-cı il tarixli 39 nömrəli məktubuna və həmin məktubun 3.1.3-cü bəndinə əsasən, kommersiya fəaliyyətindən irəli gələn əlavə gəlirlərin seçmə mərhələlərdə iştirak edən klublar arasında bölüşdürülməsi nəzərdə tutulub. Ayrılan vəsait AFFA-nın vasitəçiliyi ilə klubların hesabına köçürülüb. “Qarabağ” 75450, “Neftçi” və “Kəpəz” 33220, “Qəbələ” isə 50960 avro gəlir əldə eidb. “Kəpəz” üçün nəzərdə tutulan vəsait “İnter”də olduğu kimi, klubun aylıq cari xərclərini ödəmək üçün növbəti aylarda hesabına “yatırılacaq”.