01 okt 14:50olke

Futzal Federasiyasının rəsmi “feysbuk” səhifəsi fəaliyyətə başladı

Futzal Federasiyasının rəsmi “feysbuk” səhifəsi fəaliyyətə başladı
Mahal Məmmədov: “Oyunlardan qısa xülasə hazırlamaları üçün telekanallara müraciət edəcəyik”
Qəzetimizin dünənki sayında Futzal Federasiyasında yeni təyinat gerçəkləşdiyini, AFFA-nın əməkdaşı Mahal Məmmədovun qurumun mətbuat katibi postuna təyin olduğunu xəbər vermişdik. Həmkarımızın işinin az olmayacağı gün kimi aydındı. Çünki indiyə qədər futzalda mətbuat katibi olmayıb və bu sahədə boşluqlar kifayət qədərdi. O bu çətinliklərin öhdəsindən necə gələcək, işini necə quracaq, hansı layihələrə start verəcək?
Bu suallara aydınlıq gətirməzdən əvvəl Mahal yeni işi ilə bağlı təəssüratlarını bizimlə bölüşdü: “Ondan başlayaq ki, son 5-6 ildə millinin Avropa, eləcə də dünya çempionatının final mərhələsinin oyunları zamanı komanda ilə birgə səfərlərdə olur, qeyri-rəsmi şəkildə də olsa, mətbuatla əlaqələndirici funksiyasını yerinə yetirirdim. Təsəvvür edin, hər oyundan sonra həm öz, həm də rəqib baş məşqçinin fikirlərini AFFA-nın rəsmi saytına göndərməklə yanaşı, Bakıdan gələn sifarişləri də yerinə yetirirdim. Elə olurdu, oyundan sonra saytlar üçün 7-8 müsahibə alıb göndərirdim. Bundan başqa, futzalla bağlı Bakıda keçirilən oyunların təşkilati işlərində də yaxından iştirak edirdim. Boş vaxtım olanda isə çempionat oyunlarını izləməyə çalışırdım. Bu işləri görə-görə futzalın üzvünə çevrildim və sonda təyinat reallaşdı. Düzdü, millinin, eləcə də “Araz”ın beynəlxalq oyunları ilə bağlı AFFA-nın rəsmi saytında müntəzəm məlumatlar, oyunsonrası məşqçi fikirləri və fotoreportajlar yerləşdirilir. Amma son illərdə qazanılan uğurlara baxmayaraq, təbliğat işlərinin istənilən səviyyədə getməməsi, eləcə də mediada federasiya ilə mətbuat arasında aidiyyatı əlaqələndirici şəxsin olmaması təyinatı labüd edirdi. Buna qədər bu işləri baş katib Mahmud Sadıqov təkbaşına görürdü. Ona kömək etməyə çalışacağıq. Futzal ailəsinin üzvünə çevrilmək, əlbəttə, sevindirici haldı. Təbrik edən, eləcə də dəstəyini təklif edən hər kəsə təşəkkürümü bildirirəm”.
Yeniliklərə gəlincə, Məmmədov bu haqda bizi bilgiləndirdi: “Hələlik bütün məlumatları federasiyanın rəsmi “feysbuk” səhifəsi vasitəsi ilə bölüşəcəyik. Saytlar və TV-lərin, ayrıca, indiyə qədər futzalı gündəmdə saxlayan, mümkün qədər geniş işıqlandırmağa çalışan “Futbol+” qəzetinin bu işdə bundan sonra da bizə yardımçı olacağına inanıram. KATV-ni də bu sıraya əlavə etmək istəyirəm, Araz Əhmədovun həftədə bir dəfə yayınlanan futzalla bağlı verilişi var. Son vaxtlar Media Komitəsinin də seçdiyi istiqamətlər arasında futzala yer ayırmasını da müsbət məqam kimi qeyd edə bilərəm. Futzalın təbliği çox vacibdi. Azərbaycanda bu idman növünün zəngin ənənəsi var. Üstəlik, populyar olduğu üçün sevilir. Bu gün ölkənin dörd bir yanında qurulan süni meydançalarda elə futzal oynayırlar. Əlbəttə, bu sahədə uğurlu nəticələr ola-ola, çempionat oyunlarına media və azarkeş marağının azlığı narahatlıq doğurmaya bilməz. Bəli, azarkeş problemi böyük futbolda da var, amma futzal qapalı və məhdud məkanda keçirildiyindən, göstəriciləri bir qədər yaxşılaşdırmaq mümkündü. Bu işdə bizə kömək edəcək həmkarlarımın üzərinə yük düşür. Əlbəttə, onların fikirlərini də dinləyəcəyik, tövsiyələrini nəzərə alacağıq. Bu gün reallıq budu ki, KİV futzala az yer ayırır. Bunun səbəbini araşdıracağıq. Ancaq millinin rəsmi oyunları və “Araz”ın UEFA kuboku matçları zamanı futzal prioritet olur. Halbuki millinin bu uğuru diqqəti çempionat oyunlarına da yönəltməlidi. Çalışacağıq medianın rahat informasiya əldə etməsinə nail olaq. Səhifə vasitəsilə hər turdan əvvəl oyunların başlama saatı və keçirilmə yerini, hakim təyinatlarını açıqlayacağıq, turdan dərhal sonra isə rəsmi səhifədə nəticələri və protokolları yerləşdirəcəyik, fotoreportaja yer ayıracağıq. TV-lərin oyunlardan qısa xülasə hazırlaması üçün onlara müraciət edəcəyik. Təbii ki, mərkəzi oyunların canlı yayını nəzərdə tutulub. Bununla bağlı federasiya prezidenti Zaur Axundov “CBC Sport” rəhbərliyi ilə danışıb. İndi təqvimi elə hazırlamalıyıq ki, futzalla premyer-liqanın oyunları üst-üstə düşməsin. Bir də federasiyanın baş katibi Mahmud Sadıqov Hakimlər Komitəsinin sədri Xaqani Məmmədovdan xahiş edib ki, mərkəzi oyunlara mütləq şəkildə FİFA referilərini təyin etsin. Bu da artıq söz-söhbətin qarşısını almaq, hakim səhvlərinin az olması üçündü”.
Yeri gəlmişkən, artıq dünən federasiyanın rəsmi “feysbuk” səhifəsi fəaliyyətə başlayıb, bugünkü püşkatma mərasimi ilə bağlı xəbər yerləşdirilib. Bir sözlə, həmkarımız işə fəal girişib. Xeyirli-uğurlu olsun!
MIRAĞA
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 23:44 Azərbaycan DÇ-də üç jurnalistlə təmsil olunacaq Dünən, 23:41 PFL kubokun finalıyla bağlı “Kəpəz”ə müraciət etməyib Dünən, 23:38 PFL yığmaya görə təqvimi dəyişdi Dünən, 23:29 “Neftçi”nin bazası 2019-un sonunda hazır olacaq Dünən, 23:24 Ceyhun Sultanov da “Sumqayıt”ı “Neftçi”yə dəyişdi Dünən, 23:17 Vaqif Ömərov “Sumqayıt”a müvəqqəti prezident təyin olundu Dünən, 23:14 “Neftçi” Mujekdən də qurtuldu Dünən, 23:11 Fanklublar da Qəbələ variantına etiraz etmir Dünən, 23:02 “Darmadağınçı” qonaqlar Dünən, 22:59 İntizam Komitəsi “Qəbələ” ilə “Zirə”ni 16 min cərimələdi Dünən, 22:56 “Qəbələ” apellyasiya şikayəti verməyəcək Dünən, 22:48 Natalya Məmmədova rəqabətsizlikdən narazıdı Dünən, 22:45 Ən güclü yeniyetmə “klassiklər” müəyyənləşdi Dünən, 22:42 Ölkə çempionatı başladı Dünən, 22:39 Rauf Məmmədovdan uğursuz başlanğıc Dünən, 22:37 Cənubi Kipr mətbuatından Araza yüksək qiymət Dünən, 22:30 Meydanda huşunu itirən iranlı yenidən qayıtdı Dünən, 22:23 “Ekol” 8 dəqiqəyə çökdü Dünən, 22:18 “Traktorsazi” ərəblərlə bacarmır Dünən, 22:16 Bədavi Almaniyada müalicə alır 21-02-2018, 15:00 Şəhriyar xatirə turnirində iştirak edəcək 21-02-2018, 14:58 Milli Belarusa yollandı 21-02-2018, 14:57 Braxner diqqətini slaloma ayırıbmış... 21-02-2018, 14:56 Soydaşımızın şərəfinə Rusiyada yarış keçirilib 21-02-2018, 14:54 Yığmanın baş məşqçisi tennisin problemlərindən danışdı 21-02-2018, 14:52 “Forza Neftçi”nin Kamran Quliyevdən bir istəyi var 21-02-2018, 14:51 Ramil Şeydayevin ehtiyatda “çürüməsi” futbolumuza ziyandı 21-02-2018, 14:50 Klublar Komitəsi “Sumqayıt”ın prezidentini gözləyir 21-02-2018, 14:49 Yarımfinalçılar Qəbələ variantına etiraz etmir 21-02-2018, 14:48 PFL Gəncədən imtina etdi 21-02-2018, 14:47 AFFA-da Region Liqası klublarının nümayəndələri ilə görüş 21-02-2018, 14:45 Namiq Ələsgərov futbolçu xanımla ailə qurdu 21-02-2018, 14:43 Araz Abdullayev dirəyi nişan almaqda Messi ilə yarışa bilər 21-02-2018, 14:41 Ağabala ötən tur lideri, bu dəfə izləyicisini çökdürdü 21-02-2018, 14:40 Hallidey “Qəbələ”yə görə hələ də özünü qınayır 21-02-2018, 14:39 “Hakimlər axırda məni dəli edib, çöllərə salacaqlar” 21-02-2018, 14:38 Ruslan Qurbanov söyüş söyməsinin səbəbini açıqladı 21-02-2018, 14:31 Turun statistikası 21-02-2018, 14:29 Turun məşqçisi 21-02-2018, 14:28 HAKİMLƏRİN MÜHAKİMƏSİ 21-02-2018, 14:26 Turun oyunçusu 21-02-2018, 14:25 Turun sitatı 21-02-2018, 14:24 TURDAN MƏQAMLAR 21-02-2018, 14:03 Bakıda türkmənlər sevindi 21-02-2018, 14:02 Polina “Fənər”in qələbəsinə 24 xalla töhfə verdi 21-02-2018, 14:02 Çempionatda sürpriz lider 21-02-2018, 13:59 VİP intriqanı ölməyə qoymadı 21-02-2018, 13:58 Elçin Məmmədov yenidən iş başında 20-02-2018, 00:52 Ölkə çempionatı başladı 20-02-2018, 00:50 Titula iddialılar qalib gəldi 20-02-2018, 00:48 Rafael Ağayev sözünü Dubayda dedi 20-02-2018, 00:46 Cüdo yığmamız Avstriyada birinci oldu 20-02-2018, 00:45 Stadnik yenə yaponla bacarmadı 20-02-2018, 00:43 Məmmədova sevindi, Poznyak üzüldü 20-02-2018, 00:42 Olimpiyaçımız böyük slalomda yarışmadı 20-02-2018, 00:41 Yeniyetmələr sensasiyaya imza atdı 20-02-2018, 00:40 “Aeroflot Open”də üç şahmatçımız yarışacaq Bütün xəbərlər
Ən çox oxunanlar