09 yan 19:55olke, manset

Qardaşı Ruslan Abışovla bağlı qaranlıq məqam qoymadı

Qardaşı Ruslan Abışovla bağlı qaranlıq məqam qoymadı
Sərxan İbrahimoğlu: “Sonra deməsinlər maaşı artdı deyə “İnter”də qaldı”

Mövsümün ilk yarısı başa çatan kimi klublar qollarını çırmalayaraq transfer çalışmalarına başlayıb. Düzdü, fəallığına görə premyer-liqa iştirakçılarının hamısını tərəzinin eyni gözünə qoymaq doğru olmaz. Ancaq hər halda, tez-tez transfer xəbərləri eşidilməkdədi. Əslində klublar fasilədən yararlanıb lazım olmayanları göndərir, problemli mövqeləri gücləndirməyə çalışır. “İnter” isə yalnız bir hədəf uğrunda çarpışır: heyəti qorumaq! Məlum transfer qadağası Zaur Svanadzenin rəhbərlik etdiyi komandaya oyunçu cəlb etmək istəyini mümkünsüz edib. Ona görə də həm klub rəhbərliyi, həm də gürcüstanlı mütəxəssis, heç olmasa, mövcud “material”ın toxunulmazlığına çalışır. Lakin artıq əsas füqurlardan biri əldən çıxıb. Əvvəlcə “Neftçi”yə keçəcəyi deyilən Ağabala Ramazanovun sonda “Qarabağ”ı seçdiyini hamı bilir. Əslində “ağ-qaralar” gözünü təkcə Ağabalaya dikməmişdi. Ölkənin ən köklü klubu öz yetirməsini - Ruslan Abışovu da “İnter”dən qoparmaq istəyirdi. Ancaq bir müddət çək-çevir getsə də, “bankirlər” Ruslanı heyətdə saxlaya bildi. Hətta Abışovun maaşının artırılması müqabilində “İnter”də qalmağa razılıq verdiyi də deyilir.
Bugünlərdə Ruslanın qardaşı və meneceri Sərxan İbrahimoğlu “feysbuk”da maraqlı bir statusla diqqəti çəkib. O, futbolçunun “bankirlər”də qalmasını belə izah edib: “Ruslan o tərbiyəni almayıb ki, çıxıb “İnter”ə desin, mən burda oynamıram, buraxın gedim. Ruslan bir şərtlə “Neftçi”yə keçə bilər(di): klubuna xeyir (maddi) verib, halallıq alıb gedər. Buna görə də hər şeyi iki klubun rəsmilərinin öhdəsinə buraxmışıq. Buna oxşar hadisə avqustda da olmuşdu. O vaxt “Kayserispor”a rahat “yox” demək mümkün idisə, “Neftçi”yə bunu demək sevdiyin qadına “səni istəmirəm” demək kimidi”.
Təbii, Sərxan bəyin statusu müzakirələrə səbəb olub. Dünən onunla əlaqə saxlayıb, öncə Ruslanla bağlı “İnter”lə “Neftçi” arasında gedən danışıqları aydınlaşdırmasını istədik: “Məndən soruşurlar ki, guya Ruslan deyib “buraxın məni, oynamaq istəmirəm, məşqə çıxmıram”. Belə düşünənlərə, deyənlərə cavab olaraq həmin statusu yazdım. Bütün prosesin içində olmuşam. Ruslanın heç nədən xəbəri yoxdu, mən olmuşam, hər şeyi mən danışmışam. Ona görə qeyd etdim ki, Ruslan o tərbiyənin yiyəsi deyil ki, elə söz desin, elə hərəkət eləsin. Ömründə etməz. Ruslan hansı komandada oynayıbsa, geydiyi formanın haqqını artıqlaması ilə verib. Bunu “vikipediya”sına, statistikaya baxıb da görmək olar. Mənim acığıma gəldi ki, çayxanada oturub belə söz-söhbət çıxarırlar. Bu da xoşuma gəlmədi. “Neftçi”dən təklif gəldiyi ilk gündən Ruslan hər şeyi “İnter” rəhbərliyinin öhdəsinə buraxdı. Dedi ki, razılıq versəz, hallalıq versəz, açığı, “Neftçi” yeganə komandadı ki, həmişə orda oynamaq istəmişəm. İstər birinci, istərsə də axırıncı yerdə olsun. İndiki halda isə “İnter”də hər şey məni qane edir. Klubuma maddi xeyir verəcəyəmsə və “İnter” də halallıq verəcəyi halda, o zaman can-başla “Neftçi”də oynayaram. “İnter” rəhbərliyi isə Ruslanın qalmasını israrla istədi. Yəni bildirdilər ki, bir vacib oyunçu kimi müqavilə müddətinin sonuna qədər “İnter”də qalmalısan, komandaya kömək etməlisən. Söhbət belə oldu. Ruslan da başını aşağı saldı, dedi heç bir problem yoxdu, can-başla məşqlərini davam etdirməyə başladı. Ona görə də mən bütün bunlara aydınlıq gətirmək istədim ki, məsələ belə olub. “Neftçi” rəsmilərinə də bildirildi ki, Ruslanın müqaviləsi olmasaydı və ya anlaşmasının müddəti bitsəydi, “Neftçi”də oynamağı cani-könüldən istəyərdi. Hətta Ruslana belə bir sual verildi ki, yayda müqavilənin müddəti bitəndən sonra “Neftçi”yə qayıtmağı düşünürsənsə və bu komanda birinci diviziona düşərsə, onda necə olacaq? Ruslan isə “Neftçi” hətta həvəskarlar liqasına düşsə belə, bu komandada hər zaman oynamağa hazıram” dedi. Bütün bu məqamlara aydınlıq gətirmək üçün o statusu yazdım. “Neftçi” rəhbərliyinə bildirildi ki, “İnter” rəsmilərinin razılığını alın, halallıq versinlər, Ruslan oynamağa hazırdı. Əks halda mövsümün sonuna kimi “İnter”in uğurları üçün əlindən gələni edəcək. Bunda heç bir problem yoxdu. Məsələ məhz belədi”.
Futbolçunun qardaşı Ruslanın maaşının artırılması müqabilində “İnter”də qalmağa razılıq verməsi variantını isə təkzib etdi: “Bütün prosesin şahidi “İnter”in seleksiyaçısı, meneceri, baş məşqçinin köməkçisi və keçmiş futbolçu Zaur İsmayılovdu. Bütün danışıqlar onun yanında olub. Ondan da məsələni dəqiqləşdirə, təsdiq ala bilərsiz. Ruslanın müqaviləsində belə bir bənd var ki, 6 aydan sonra maaşında artım olsun. Hətta bizə deyəndə ki, Ruslan qalsın, yaya kimi komandaya kömək eləsin, maaşını da qaldırırıq, mən bildirdim ki, maaş artımına birmənalı şəkildə ehtiyac yoxdu. Ruslan mənə belə demişdi, mən də klub prezidentinə söylədim. Maaş artımından söhbət belə gedə bilməzdi. Ona görə ki, ortada elə də böyük məbləğ yox idi. Bunu nəzərə aldıq ki, sonra deməsinlər maaşı artdığina görə Ruslan “İnter”də qaldı. Düşündük ki, maaş artımına ehtiyac yoxdu. Çünki cüzi məbləğə görə lazım deyil kimsə düşünsün ki, maaşını qaldırdıqlarına görə o dəqiqə “İnter”də qalmağa razılıq verdi. Şahid Zaur İsmayılovdu. Həm də onu nəzərə aldıq ki, “İnter”də vəziyyət sabit olsa da, ideal, super deyil. Bütün bunlara, hansısa əlavə söz-söhbətin yaranmamasına görə maaşın artırılmasına etiraz etdim. Bildirdik ki, buna ehtiyac yoxdu”.
Sərxan bəyin statusundakı son cümlə daha çox müzakirələrə səbəb olub. Hər kəs bu fikirdədi ki, Ruslan “Neftçi”yə bu qədər bağlıdısa, niyə vaxtilə bu komandanı əzəli rəqibi “Xəzər Lənkəran”a dəyişdi? Xatıradaq ki, müdafiəçinin 2012-ci ildə “ağ-qaralar”ı cənub təmsilçisinə dəyişməsi ölkədə böyük əks-səda doğurdu.
(yazı tam halda qəzetin çap variantında)
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 17:32 “Federasiyanı şahmatın inkişafı yox, öz piarı maraqlandırır” Dünən, 17:31 Rusiya yığması Sumqayıta gəlir Dünən, 16:24 Oqtay Abdullayev Nazim Süleymanovu ittiham etdi Dünən, 16:23 “Qəbələ” azarkeşləri üçün xüsusi tədbir hazırlayıb Dünən, 16:22 Mirbağır İsayev “Neftçi”dən ayrıldı Dünən, 16:20 Əliyar Ağayev Fransaya gedəcək Dünən, 16:19 Mirabdulla Abbasov "Neftçi"dən ayrılacaq? Dünən, 16:18 Ruslan Qurbanov "Visla"ya keçə bilər Dünən, 15:59 Tərlan Əhmədov Rəşad Sadiqovu futbola qaytarır, Raili istəyir Dünən, 15:56 “Arsenal”ın Mxitaryanla bağlı qərarı Bakıdakı azarkeşlərinin fikirlərini haçalayıb Dünən, 15:56 Haqq davamız davam edir Dünən, 15:53 Agentlər fasilə dönəmini dəyərləndirdi Dünən, 15:51 “Sumqayıt”dan ikisi getdi, ikisi yeni müqavilə imzaladı Dünən, 15:50 Gerye “Qarabağ”a “qiymət oxuyur” Dünən, 15:20 “Xəzər Cənub”un prezidentindən səs-küylü müsahibə Dünən, 15:18 “Şüvəlan” Heydər Əliyev kubokunun qalibi oldu Dünən, 15:17 “Ekol” kubokun sahibi oldu Dünən, 15:15 Paşayev “bürünc” qazandı, Emil ən yaxşılaran biri oldu Dünən, 15:14 “Sabah” gələcəyin futbolçularını seçəcək Dünən, 15:12 Agenti Petrovu “Dinamo” səviyyəsində görür Dünən, 15:11 AFFA UEFA-ya müraciət etdi, biletlər geri qaytarıldı 24-05-2019, 17:14 Gülağa Cabbarov Stuxlikə məktub yazdı 24-05-2019, 17:13 Riad Rəfiyev əvvəlcə sponsorla, sonra baş məşqçi ilə görüşəcək 24-05-2019, 17:11 “Qəbələ”də qeyri-müəyyənlik davam edir 24-05-2019, 17:09 Renat Dadaşov U-21-dən imtina etməyib 24-05-2019, 17:07 Qara Qarayev daha iki il “Qarabağ”da 24-05-2019, 17:06 Azərbaycanlı futbolçular Mxitaryanı “qorxaq” adlandırdı 24-05-2019, 17:04 Avroliqanın kuboku Cocuq Mərcanlıda 24-05-2019, 15:28 Yığma 17 nəfərlə hazırlaşır 24-05-2019, 15:25 Yurçeviç “çərçivə”ni Səlahət Ağayevə tapşıracaq 24-05-2019, 15:22 "Ayntraxt"ın azarkeşləri azərbaycanlı cocuqları sevindirdilər 24-05-2019, 15:17 UEFA İcraiyyə Komitəsi Bakıda yığışacaq 24-05-2019, 15:14 Çempion üç günə iki qələbə qazandı 24-05-2019, 15:12 “Araz”ın ÇL-dəki rəqibləri nə vaxt məlum olacaq? 24-05-2019, 15:10 Joze Alesio limitin tərəfdarıdı 24-05-2019, 15:08 Hər iki finalçı cəzalandırıldı 24-05-2019, 14:03 “Dəyişikliklər vacibdi, amma belə yox” 24-05-2019, 14:01 “Keşlə” Salahlı ilə anlaşdı, hədəfdə Əfrandı 24-05-2019, 13:59 U-21 xorvatlarla “sülh bağladı” 24-05-2019, 13:54 Səfir jurnalistlər önünə çıxacaq 24-05-2019, 13:53 Nə tez ayıldın, Özil?! 24-05-2019, 13:51 Naxçıvan turniri: xəbəri kimdən alaq? 24-05-2019, 13:47 Kamal Bayramov “Səbail”də 24-05-2019, 13:44 Emil Balayevli "Tobol"dan önəmli qələbə 24-05-2019, 13:40 “Neftçi”nin Mirabdullanı satmaq fikri yoxdu 24-05-2019, 13:25 Ayxan Abbasov Riad Rəfiyevlə son görüşü gözləyir 24-05-2019, 13:20 AZAL “Qəbələ” və “Sumqayıt”ın futbolçularına zülm etdi 24-05-2019, 13:18 “Topaz” mayın 28-də festivala başlayır 24-05-2019, 11:21 Futbolumuzdakı ingilislər həmyerlilərini Bakıya səsləyir 23-05-2019, 20:32 Finalın meydanda görünməyən tərəfləri 23-05-2019, 20:21 Naxçıvanda üç gün 23-05-2019, 20:19 Premyer-liqanın ən yaxşısı Dani Kintanadı! 23-05-2019, 20:16 “Zirə”nin kapitanlarına qapını göstərirlər 23-05-2019, 20:13 AFFA “Xəzər Cənub”a cəza yağdırdı 23-05-2019, 20:11 "Ekol" “Neftçi”ni asanlıqla üstələdi 23-05-2019, 20:03 Xətai Bağırov Taylandda oteldə qalır 23-05-2019, 19:24 Davud Kərimi 13 futbolçunun göndərilməsini normal sayır Bütün xəbərlər
Ən çox oxunanlar