10 sen 17:35olke

Əsri yarılayan Vidadi Rzayev təyyarədən qorxurmuş...

Əsri yarılayan Vidadi Rzayev təyyarədən qorxurmuş...
“Arzu edirəm ki, oğlan nəvəm olsun və ona futbolun sirlərini öyrətməyi Allah mənə qismət etsin”
Əslində onunla sentyabrın 4-də, doğum günündə görüşüb söhbətləşməliydik. Ancaq həmin vaxt ailəsi ilə birgə Türkiyədə olduğundan görüşümüz baş tutmadı. Srağagün gecə saatlarında vətənə qayıtdığından söhbətimiz dünənə təsadüf etdi. Yəqin ki, söhbətin kimdən getdiyini başa düşdüz. Ötən sayımızda Azərbaycan futbolunun ən istedadlı yetirmələrindən biri, texnikalı, ağıllı oyunu, vurduğu qollar ilə eçə-neçə nəslin sevimlisinə çevrilmiş Vidadi Rzayevin 50 yaşını qeyd etdiyini xəbər vermişdik. Millinin gürcülərlə ilk yoldaşlıq oyununda adını tabloya yazdıran 3 futbolçudan biri, yığmaya rəsmi matçlarda qələbə gətirən yeganə qolun müəllifi, “Birlik kuboku”nda “Pünik”in qapısının torunu silkələyən, yaddaşlarda daha “fantastik Vidoş” kimi qalan Rzayevlə söhbətdə yarım əsrlik həyat kitabını vərəqləyib, gələcəklə bağlı arzularını öyrəndik.
- Öncə sizi yubileyiniz münasibəti ilə təbrik edirik. Deyirlər ki, 50 yaş cavanlığın qocalığı, qocalığın isə cavanlığıdı. Siz necə düşünürsüz?
- Köhnə kişilər deyiblərsə, deməli, elədi. O vaxtkı ağsaqqallar hər saat boş-boşuna saqqal tərpədib söz deməzdilər (gülür). 50-ni yeni tamamladığımdan hələ bu haqda fikir bildirə bilmərəm. Gəlin, Allah izn versə, bir-iki il də səbr edək. Onda bu sualınıza dəqiq cavab verərəm. Belə götürəndə heç vaxt ad günü keçirməyi sevməmişəm. Çünki yaşın üstünə yaş gəlir, insan daha bir il qocalır.
- Yubileyinizi harda və necə keçirdiz?
- Ailəmlə birgə Türkiyəyə getmişdim. Yubiley deyəndə ki... Hamımız bir yerdə oturub Allah verəndən bir tikə yedik.
- Futbol ənənəsi olmayan Göy-Göldə (Xanlar) futbolla məşğul olmağa başlayanda, fikirləşirdiz ki, nə vaxtsa ölkənin adlı-sanlı futbolçularından biri olacaqsız?
- Mənim futbola gəlişim təsadüfən olub. İndiki kimi yadımdadı, ikinci sinifdə oxuyurdum. Atamın dayısı oğlu və idman müəllimizin oğlu dəhşətli dərəcədə futbol fanatı idi. Bir gün “Neftçi” Bakıda “Ararat”a 0:1 hesabı ilə uduzmuşdu. Sonradan bildim ki, hətta həmin məğlubiyyətə görə azarkeşlər bazanın qarşısında maşınları yandırıb, futbolçuların üzr istəməsini tələb ediblərmiş. “Neftçi”nin uduzması atamın qohumu ilə müəlimimin oğluna necə təsir etmişdisə, məni əlimdən tutub 1 saylı məktəbin stadionuna apardılar və dedilər ki, mütələq futbolçu olmalısan. Əvvəlcə sağ ayağımla qapıya zərbə vurdum. Solla vuranda isə ayağım boşa çıxdı və yıxılaraq qarnımı cızdım. Ağlaya-ağlaya onların əlindən çıxıb evimizə qaçdım. Həmin vaxt evdəkilər məni qarmona qoymuşdular, musiqiçi olmağımı istəyirdilər. Ancaq sonaradan futbola elə bağlandım ki, evdən “qarmona gedirəm” adı ilə çıxıb, Tariyel müəllimin kilsədə təşkil etdiyi bölmədə məşq edirdim. İndi həmin məkan muzey kimi fəaliyyət göstərir. Və beləcə özüm də hiss etmədən həyatım futbola bağlandı. Qarmondan isə həmişəlik ayrıldıq.
- Ardınca Gəncə, sonra isə Bakı, hamının arzuladığı “Neftçi”.
- Gəncədə az oynadım. Təxminən 3-4 aydan sonra məni “Neftçi”yə dəvət etdilər. Bu komandada top qovmaq o vaxt istənilən gənc üçün ən böyük şərəf idi. Birvaxtlar adını eşitdiyin usta futbolçuların yanında olmaq, onlarla birgə məşq etmək – təsəvvür edin, bu nə deməkdi?
- Azərbaycan klublarında oynadığınız illəri bir çoxları yaxşı xatırlayır. Güclü futbolçu olduğunuza görə çempionluğa oynayan komandaların hamısının şərəfini qorumusuz. Ancaq nədənsə uzunmüddətli legioner həyataı yaşamamısız. Türkiyə, Rusiya və İran səfərləriniz qısa olub.
- Bəlkə də bu mənim səhvim olub. Ancaq Azərbaycandan kənarda çox qala bilmirdim. Daha doğrusu, bunu şərtləndirən səbəb var idi.
- Sirr deyilsə, nə idi o səbəb?
- Mən təyyarəyə ilə səfərə çıxmaqdan qorxurdum. Türkiyədə, Rusiyada şəhərlərarası məsafə uzaq olduğundan komandalar əsasən səfərə təyyarə ilə yollanırdı. Bu üzdən hər dəfə o dünyanı görüb-gəlirdim. Axırda bu iztiraba dözmədim və özümə söz verdim ki, karyeramı ancaq Azərbaycanda davam etdirəcəm. Ötən əsrin 90-cı illərində mənə bir çox ölkələrdən təklif gəlirdi. Hətta ABŞ-da MLS liqası yeni yaranan vaxt komandalardan biri məni heyətində görmək istəyirdi.
- “Birlik kuboku”nda Yuri Syominin barəndə dediklərini xatırlayırsan?
- Bəli. Həmin vaxt mənim 37 yaşım var idi. Syomin oyunumuzu canlı izləyib “Lokomotiv”in skautlarına məni nişan verərək, “o gənclə maraqlanın və onu “Lokomotiv”ə gətirin” göstərişi verib. Onunla yanaşı oturan rəhmətlik Ələkbər Məmmədov isə “Yura, o gənc deyil, Vidoşdu, sən ki onu çoxdan tanıyırsan” söyləyib. Syomin də ruslara xas söyüş işlədərək, “o hələ də oynayır? Özü də bu səviyyədə” deyib təəccübünü gizlətməmişdi.
- Futbol oynadığınız dönəmlərdə sizinlə bağlı müxtəlif söz-söhbət dolaşırdı. Sizin hansısa futbolçu və ya məşqçi ilə bağlı səsləndirdiyiniz fikirlər, yaşıl meydanlarda başınıza gələnlər az qala lətifəyə çevrilmişdi. İndi həmin hadisələrədn birini yada sala bilərsiz?
- Açığı, o qədər yaddaqalan hadisələr olub ki, heç bilmirəm, hansını danışım. Bir dəfə yığma Türkiyəyə uduzmuşdu. İqor Ponomaryov da məğlubiyyətə görə ən çox məni günahlandırırdı. Bununla bağlı mətbuata da açıqlama vermişdi. Həmin ərəfədə evimdə təmir işləri gedirdi. Ustalar dəmirdən olan dam örtüyünü vururdular. Onların yanına yaxınlaşanda necə oldusa, həmin dəmirlərdən biri sürüşüb əlimin üstünə düşdü və barmağımı kəsdi. Təsəvvür edin, barmağım az qala qopub yerə düşəcəkdi, qan dayanmadan axır və bu zaman telefonuma zəng gəlir və dəstəyin o başından sizin qəzetyin əməkdaşlarından biri “Vidadi, Ponomaryov sənin barəndə belə fikirlər sələndirib. Sənin buna münasibətini bilmək istərdik” deyib məndən cavab gözləyir. Ağrıdan başımı itirmişəm, bilmirəm barmağımın halına yanım, yoxsa həmkarınıza cavab verim. O da dayanmadan elə hey “səndən cavab gözləyirəm” deyib əl çəkmir. Başım döndü, Ponomaryovu AFFA-ya, AFFA-nı Fuad Musayevə qatıb telefonu söndürdüm. Həmin açıqlamaya görə, daha doğrusu, xoşagəlməz sözlərə görə başım ağrıdı, xeyli müddət futboldan kənarda qaldım.
- Sizinlə çiyin-çiyinə oynayan həmyaşıdlarınızın çoxu bu gün Bakıda yaşasa da, siz doğma rayondan kənara çıxmadız. Niyə yaşamaq üçün Bakını yox, Göy-Gölü seçdiz?
- Vallah, səbəbini bilmirəm. Bakı məni çəkmədi, ora uyğunlaşa bilmədim. Şəhər mühitinə alışmadım. Elə uşaqlar da orda qalmadılar. Qızlarımdan biri bu gün orta məktəbdə müəllimə işləyir. O biri də ali təhsillidi.
- Heç olub ki, Vidadi Rzayevə görə ali məktəbdə qızlarınıza güzəşt etsinlər?
- Heç vaxt. Onlar öz savadlarına görə qiymət alıblar. Onlar oxuyan vaxt bir dəfə də olsun, ali məktəbin qapısını açıb içəri girməmişəm. Düzdü, arada aparıb-gətirirdim. Bundan o yanası olmayıb.
- Sizi təbiət vurğunu, mahir ovçu kimi tanıyırıq. Adətən, belə incə ruhlu insanların hərdən əlinə qələm alıb şeir yazmaqları da olur. Siz heç təbiət gözəlliyini vəsf edən şeir yazımısız?
- Təbiət yox, ancaq futbola aid yazmışam. Səhv etmirəmsə, orta məktəbin 8-ci və ya 9-cu sinifində oxuyurdum. Futbolu o qədər sevirdim ki, bir dəfə bədahətən şeir yazdım. 5 bənddən ibarət həmin şeiri indi unutmuşam. Ancaq son misralarının təxmini məzmunu belə idi ki, mən öləndə, məni meydanın mərkəzində basdırarsız (bu yerdə yubilyar bunları yazmamağımı xahiş edir. Ancaq Rzayevin şairlik qabiliyyətinin olmasını onu sevənlərdən gizlətməməyi lazım bildim. Yəqin ki, ov yoldaşım buna görə məni bağışlayar).
- Hər bir insanın gələcəklə bağlı arzuları var. Əsri yarılayan Vidadi qarşıdakı illərlə bağlı nə xəyallar qurur?
- İnsanı yaşadan arzudu, istəkdi. Geridə qalan 50 ildə ağlı-qaralı ömür yaşamışıq. Şükür Allaha ki, ağ zolaq daha çox olub. Qara da olmasa, həyat monoton, darıxdırıcı təsir bağışlayar. Çox istərdim ki, futbolçu kimi qazandığım uğurlardan məşqçi kimi də əldə edim. Bundan başqa, arzulayıram ki, oğlan nəvəm olsun və ona futbolun sirlərini öyrətməyi Allah mənə qismət etsin. Fürsətdən istifadə edib sizə, məni yaddan çıxarmayan bütün mətbu orqan və telekanllara təşəkkür edirəm. Mən heç vaxt özüm barədə danışmağı, bəziləri kimi “bunu etmişəm, belə olmuşam” deməyi xoşlamamışam. Çətin ki, bundan sonra da xasiyyətimi dəyişim. Sizlər isə hər şeyi görür, qələmə alır, arxiv yığır və vaxtı çatanda onu ictimaiyyətə təqdim edirsiz. Məni təbrik edənlərə də ayrıca “çox sağ ol” deyirəm.
RƏŞAD
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 20:43 “CBC Sport” Olimpiada ilə bağlı film təqdim edəcək Bu gün, 20:34 “Qəbələ”dən daha bir statistika Bu gün, 20:23 Barselona qəhrəmanı kövrəldi... Bu gün, 20:20 Saxtakar dünya çempionu... Bu gün, 20:18 Yığma üzvü karantindən evə buraxıldı Bu gün, 20:14 Robbenin xanımı koronavirusdan qurtuldu Bu gün, 20:08 AÇ-nin ev sahibləri dəyişəcəkmi? Bu gün, 20:04 Klopp Maneni ilk görüşdə kimə bənzədib? Bu gün, 12:27 Karantin Ruslanın “başına oyun açıb” Bu gün, 12:11 AİJF Baş nazirə müraciət etdi Bu gün, 12:06 “9 aydan sonra doğuş sayında inanılmaz artım yaşansa, təəccüblənmərəm” Dünən, 21:12 Teymur Rəcəbov 100 min dollar ziyana düşüb Dünən, 21:09 Fərid Qayıbov payızı nişan verdi Dünən, 20:59 Yaşar Vahabzadəni bu gün hamıdan tez nəvəsi təbrik edib Dünən, 16:03 Mourinyo və oyunçular parkda məşq etdi Dünən, 15:59 Terim koronavirusdan qurtuldu! 7-04-2020, 22:15 Belarus çempionatında futbolçular nə qədər qazanır? 7-04-2020, 21:54 Koronavirus Qvardiolanın anasını öldürdü 7-04-2020, 21:50 Rusiya və Qətər mundialı pulla alıb? 7-04-2020, 21:40 “Düzdü, stadiondakı effekti vermir, ancaq özümü yora bilirəm” 7-04-2020, 21:28 “Qarabağ” boş dayanmır 7-04-2020, 21:19 “Doğulduğum Təbrizdə də vəziyyət ürəkaçan deyil” 7-04-2020, 21:07 Kimdi günahkar? 7-04-2020, 20:51 Evdə qal, yemək bişir! 7-04-2020, 15:17 Arif Rəhimov dəqiqliyin tərəfdarıdı 7-04-2020, 15:11 Klublarda qeyri-müəyyənlik davam edir 7-04-2020, 15:07 Azarkeş qrupları imkansızları sevindirməkdə davam edir 7-04-2020, 15:02 “Zaqatala”dan örnək addım 6-04-2020, 17:24 AGİN yığmalar üçün toplanış təşkil etməyi düşünür 6-04-2020, 17:14 Obradoviçlə Velebit gedib, Lippert Bakıdadı 6-04-2020, 16:53 FİFA yaş limitini artırmağı zəruri sayır 6-04-2020, 16:43 UEFA: milli çempionatlar sona çatdırılmalıdı! 6-04-2020, 16:40 “Barselona”ya qayıdıb yeni səhifə açmaq istəyirəm” 6-04-2020, 16:30 Karius FIFA-ya şikayət etdi 6-04-2020, 16:25 “Heç kim hadisələrin necə inkişaf edəcəyini bilmir” 6-04-2020, 16:20 Tramp da videokonfrans keçirdi 6-04-2020, 16:13 Xabib – Toni dueli 5-ci cəhddə də baş tutmadı 6-04-2020, 16:09 Türkiyəyə futbol nə vaxt “qayıdacaq”? 6-04-2020, 14:49 "Qəbələ" tarixindəki 78 penaltidən 61-ni qola çevirib 6-04-2020, 14:46 "Qəbələ": 546 oyun, 41 kapitan 5-04-2020, 11:22 Fonda daha hansı klub pul köçürəcək? 5-04-2020, 11:01 Koronavirusun öyrətdiyi ...onlayn məşqlər 3-04-2020, 21:40 “Ağsu Siti” də kampaniyaya qoşuldu 3-04-2020, 21:36 Bir daha Çingiz İsmayılova ayrılan yardım haqda 3-04-2020, 21:30 Riad Rəfiyev “asan yol” arzulamır 3-04-2020, 21:21 “Sumqayıt” 40 həmvətənimizi himayəyə götürdü 3-04-2020, 20:55 Avanürist ideya: yarımfinal bir oyundan ibarət olsun! 3-04-2020, 20:35 “Old Wolf”u üç futbolçu təbrik edib 3-04-2020, 20:32 Elvin Bakıdadı, Fərid Çexiyada məşq edir 1-04-2020, 19:25 Altay Əliyev və övladları Prezidentin çağırışına qoşuldu 1-04-2020, 19:09 "Sabah"dan sabahımız üçün jest 30-03-2020, 13:43 "Neftçi" ikinci doğma evim, Azərbaycan ikinci vətənimdi" 30-03-2020, 13:28 “Keşlə” maaşları tam ödəyəcək 30-03-2020, 13:01 Qurban Qurbanov 20 min, Elxan Məmmədov 4 min manat, Kamran Ağayev isə... 29-03-2020, 19:19 AFFA UEFA ilə məsləhətləşmələr aparır 29-03-2020, 19:18 Ağarza Rzayev dünyasını dəyişdi 29-03-2020, 19:08 Çingiz İsmayılov AFFA-nın yardımından imtina edib Bütün xəbərlər
Ən çox oxunanlar