08 sen 16:41olke

Əvəzedicilərin çalışdırıcıları futbolçu qıtlığından gileylənir

Əvəzedicilərin çalışdırıcıları futbolçu qıtlığından gileylənir
Elmar Baxşiyev: “Bu qədər adamın “milliləşdirilməsinin” tərəfdarı deyiləm”
21 yaşadək futbolçular arasında AÇ-2019-un seçmə mərhələsində mübarizə aparan millimiz ardıcıl iki görüşdə məğlub oldu. 5-ci qrupda çıxış edən komandamız əvvəlcə səfərdə İsrailə 1:3, ardınca isə evdə İrlandiyaya eyni hesabla yenildi. Təbii, yığma hər iki qarşılaşmada rəqiblərindən aşkar zəif oyun sərgilədi. Məğlubiyyətlərə görə ən çox qınanılan isə baş məşqçi Yaşar Vahabzadədi. Onu daha çox yığmadanın formasında meydana çıxan “milliləşdirmiş” oyunçulara görə tənqid edirlər. Futbol ictimaiyyəti bu qənaətdədi ki, kənardan futbolçu gətirib uduzmaqdansa, elə özümüzkülər oynayıb, məğlub olsunlar. Hazırda komandanın tərkibində dörd “milliləşdirilmiş” futbolçu var. Bunlar qapıçı Mustafa Kamal Özhitay, sol cinah yarımmüdafiəçisi Onur Albayrak, mərkəz müdafiəçisi Sərkan Baloğlu və hücumçu Ozancan Kökçüdü.
Yaşar Vahabzadə həmişə açıqlamalarında yığmada futbolçu çatışmazlığından şikayətlənib. Görəsən, güclü əvəzedici heyətə malik klublarımızın heyətində U-21-də yuxarıda qeyd etdiyimiz mövqelər üzrə futbolçular varmı? Bununla maraqlanmaq üçün bir neçə klubun əvəzedici komandasının baş məşqçiləri ilə əlaqə saxladıq.
Aftandil Hacıyev, “Qarabağ”: “Millilərin məşqçilər korpusu ilə daimi əlaqədəyik. Onlar gəlib oyunlarımıza baxırlar. Yaşar Vahabzadənin seleksiya işinə bələdəm. O hər zaman ən yaxşıları seçir. Bizdən U-21-in heyətinə üç futbolçu cəlb olunub. Düşünürəm ki, onlar heyətdən kənarda qalacaq oyunçular deyillər. Yaşar müəllimin açıqlamalarını oxumuşam. Həqiqətən də çox doğru vurğulayıb ki, gənc futbolçular az-az üzə çıxır. Nədənsə bu problem mövcuddu. Vahabzadə komandamızda forma geyən futbolçuların hamısını tanıyır. Siyahı həmişə onun qabağındadı. Biz özümüz də kömək edirik. Düşünürəm ki, futbolçu çatışmazlığı ilə bağlı onun iradı və narahatlığı doğrudu. Adını çəkdiyiniz mövqelərə uyğun hansısa futbolçu yalnız “Qarabağ”da yox, başqa klublarda da oynasaydı, milliyə çağırılardı. Düşünürəm ki, bəlkə də bizim heyətdən kimlərsə yenə U-21-in növbəti toplanışlarına dəvət alacaq”.
Hüseynqulu Quliyev, “Zirə”: “Bizdən Yusif Nəbiyev U-21-in heyətinə cəlb olunub. Baş məşqçi Yaşar Vahabzadə öz seçimini edir. O ən yaxşı formada olanları yığmaya çağırır. Hər bir baş məşqçinin fikrinə hörmətlə yanaşmaq lazımdı. Mən cəmi iki aydı “Zirə”nin əvəzedicilərdən ibarət komandasını çalışdırıram. Hamımız istəyirik ki, həm əsas komandamız, həm də milli üçün futbolçu yetişdirək. Bütün problemləri görürük. Həqiqətən də ölkədə gənc futbolçuların yetişməsi problemi var. Millinin baş məşqçisi də bunu görür. İstərdik ki, “Zirə”dən bir neçə oyunçu yığmaya cəlb olunsun. Hər bir məşqçi üçün bu qürurverici olar. Yığmanın baş məşqçilərinə kömək etməliyik. Bu yolda əlimizdən gələni edəcəyik”.
Elmar Baxşiyev, “Qəbələ”: “Əslində bu sual millinin baş məşqçisinə verilməlidi. Bəli, gənc futbolçular gec-gec üzə çıxır. Onların yetişmələrində problem var. “Qəbələ”dən bir neçə oyunçu milliyə cəlb olunub. Biz də istəyərik ki, onların sayı artsın. Rəqabət nə qədər yüksək olarsa, heyət o qədər güclü olar. Amma “oyunçu yoxdu” deyib oturmaq olmaz. Futbolçulara dəstək olmaq, onların inkişafı üçün çalışmaq lazımdı. Hər şeyi oyunçuların üstünə atmaq da doğru deyil. Mən özüm də İrlandiya ilə oyuna baxdım. Bu qədər adamın “milliləşdirilməsinin” tərəfdarı deyiləm. Yığmada yerlilər oynamalıdı. Çalışmaq lazımdı ki, həmin yerlilər üzə çıxsın, özlərini sübut eləsinlər”.
Azər Məmmədov, “Kəpəz”: “Bilirsiz, bu bir az çətin sualdı. Şəxsən biz son illər əsas komandaya üç futbolçu vermişik. Bunlar 1996-1997 təvəllüdlü uşaqlardı. Həmin futbolçular millidə oynamağa qadirdi. Mən sizə reallığı danışacam. U-21-in məşqçilər korpusu “Kəpəz”in əsas heyətinə diqqət edir. Yəni əsas komandadan oyunçu cəlb etmək istəyirlər. İndiyə kimi Yaşar Vahabzadə bir-iki dəfə bizimlə əlaqə saxlayıb, əvəzedici heyətdə işlərin necə getdiyini soruşub. Bizim strategiyamız fərqlidi. İndi mənim baş məşqçi olduğum kollektiv əsasən 1996, 1999 və 2000 təvəllüdlü uşaqlardan təşkil olunub. Həmin futbolçuların da U-21-in heyətində oynaya biləcək gücdə olduğunu düşünmürəm. Çox istərdim ki, yığmada bizim komandadan da futbolçular oynasın”.
ŞƏFİ ŞƏFİYEV
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 11:13 Yayın ilk keçidi Amin Seydiyev oldu Bu gün, 10:56 Agentlər Aminin ölkə xaricinə yollanacağını düşünürlər Bu gün, 10:47 EFA, “Fireland Football Club”, “Dortmund Bakı”, yox bir qaşqaldaq… Bu gün, 10:28 Koronavirus olmasaydı... Bu gün, 10:25 “Futbolu qaldırsa, veteranlar qaldıracaq” Dünən, 11:14 Əməkdar məşqçi ölüm-qalım mübarizəsi aparır Dünən, 11:02 “Qəbələ”nin elitada ilk qolunun müəllifi dükan işlədirmiş Dünən, 10:58 AFFA-da qanvermə aksiyası Dünən, 10:57 Bakı UEFA-ya təminat verib Dünən, 10:54 “Ximki”: elita əvəzinə 2-ci dəstəyə 22-05-2020, 16:41 “Stəkan bir yana, əl altında olan hər şey paltardəyişmə otağında uçurdu!” 22-05-2020, 16:32 “Neftçi” bilərəkdən “Bəhramov”a sürgün edildi” 22-05-2020, 11:33 Kurtinaytis 300 nəfər qonaq üçün qəsr icarəyə götürüb 22-05-2020, 11:30 Kamran “Ximki”nin ən məhsuldar futbolçusudu 22-05-2020, 11:29 “Qarabağ”ın həkimi fikir bildirməkdə çətinlik çəkir 22-05-2020, 11:26 Yaşar Vahabzadə “Kəpəz”in futbolçularına kökəlməməyi tapşırıb 22-05-2020, 11:23 Mehman Allahverdiyev cəzalı ola-ola meydana çıxıb 22-05-2020, 11:21 Elxan müəllim, bəs qərar açıqlanacaqdı? 22-05-2020, 11:17 PFL növbəti videkonfransa qatıldı 22-05-2020, 11:16 “Kəpəz”lə “Turan Tovuz” istənilən qərara razı olacaq 22-05-2020, 11:13 “Xaqani Məmmədovun sanki sumqayıtlı hakimlərə qarşı allergiyası var idi” 20-05-2020, 11:30 AFFA divizionda və liqalarda mövsümü erkən bitirir 20-05-2020, 11:27 “Sumqayıt”da 55 nəfər testdən keçdi, “Qəbələ” isə gözləyir 20-05-2020, 11:25 Rövşən Hüseynli birbaşa pley-offa keçməyi təklif etdi 20-05-2020, 11:24 Futzal çempionatında durum futboldakından fərqlidi 20-05-2020, 11:20 Jurnalistlər yerli məşqçinin tərəfdarıdı 20-05-2020, 11:18 Nazarovun qol sevinci yadda qaldı 20-05-2020, 11:17 Millət vəkillləri çempionatın bərpasını istəyir 20-05-2020, 11:14 İsmayıllı Olimpiya İdman Kompleksindən məhkəməyə şikayət olundu 20-05-2020, 11:12 “Futbolla vidalaşandan sonra yəqin ki fermada yaşayacam” 20-05-2020, 11:10 UEFA təxirə saldı, PFL-in rəisi maraqlı şərh yazdı 20-05-2020, 11:09 Brifinqdə yenə futbol unudulmadı 20-05-2020, 11:05 Ploeştidə meydandan qovulan Ramin Nəsibov imiş… 18-05-2020, 14:27 Şahin Diniyev yığmanın baş məşqçisiz qalmasını məqsədəuyğun sayır 18-05-2020, 14:26 Ramin Musayev müalicə aldığına görə videokonfransa qatılmayıb 18-05-2020, 14:13 Yığma üzvlərinin maaşı aprelin sonunda ödənilib 18-05-2020, 14:10 “Qurban Qurbanova “deputatsan, toxunulmazlığın var, futbolçunu itələyərlər də” dedim” 18-05-2020, 14:07 Futzal niyə yada düşmədi? 18-05-2020, 14:05 Şensoy Konkovu təbrik etməyəcək 18-05-2020, 13:59 “Avrokuboklara gedəcək klublar indidən hazırlaşmalı, məşq etməlidilər” 18-05-2020, 13:57 Futbolçular yeniliyi müsbət qarşıladılar 18-05-2020, 13:53 Mətbuat Şehiçi “yoluxdurdu” 18-05-2020, 13:37 “Azərbaycandakı iqlim qazon saxlamaq üçün əlverişli deyil” 18-05-2020, 13:32 Futbolla bağlı qadağa bu həftə götürüləcək 17-05-2020, 11:28 Türk şahmatçı Mahir Məmmədovun FIDE-də çalışmasını düzgün saymır 17-05-2020, 11:26 Karlsen bizimkiləri “görmür” 17-05-2020, 11:20 Beş əvəzləmənin müsbət və mənfi tərəfləri 17-05-2020, 11:17 Klublar Komitəsinin iclasında daha çox təqvim müzakirə olunub 17-05-2020, 11:13 Skarlatake “Sumqayıt”la əlavə oyun istəyir 17-05-2020, 11:10 “Ağsu Siti” yeni arenaya köçür 16-05-2020, 10:56 Hər şey hazırdı, başlaya bilərik! 16-05-2020, 10:31 “Qəbələ”nin 195 iddialısı 16-05-2020, 10:27 “Neftçi” liderdi, baş məşqçinin oğlu bombardir 16-05-2020, 10:23 Namaşko “Keşlə”dən yeni müqavilə gözləyir 16-05-2020, 10:19 Baba yaşında ...ata olacaq 16-05-2020, 10:15 Elnur Əşrəfoğlu: “İndi həmin şərhimə qulaq asanda gülməyim gəlir” 16-05-2020, 10:09 Türklərə qarşı oynayan yığmanı Ələkbər Cəfərov çalışdırıb Bütün xəbərlər
Ən çox oxunanlar