23 avq 23:29olke

Müjdə: Elxan Abdullayev “Neftçi”dən getdi

Müjdə: Elxan Abdullayev “Neftçi”dən getdi
11 ayda 18 transfer, bir o qədər də məğlubiyyət…
Və o an yetişdi. “Neftçi” azarkeşlərinin, futbol ictimaiyyətinin aylardı istefaya səslədiyi Elxan Abdullayev, nəhayət, öz xoşu ilə komandadan ayrıldı. Dünən günortaya yaxın klub saytı bu haqda məlumat yaydı. Ardıcıl iki məğlubiyyətdən sonra işdən ayrılmaq fikrinə düşən mütəxəssis istefa ərizəsini klub rəhbərliyinə təqdim edincə, “yuxarılar” Abdullayevin müraciətini qəbul edib.
Səbəbkar klub saytına verdiyi açıqlamada son söz kimi bunları deyib: "Hər şeydən əvvəl "Neftçi” PFK-nın rəhbərliyinə mənə inandığı və şans verdiyi üçün minnətdarlığımı bildirirəm. 3 illik müqaviləmin qüvvədə olmasına rəğmən, komandanın ilk iki turda göstərdiyi nəticələrin məsuliyyətini üzərimə götürərək istefa verdim. Bu qərar heç də asan başa gəlmədi və hər hansı bir kənar təzyiqlə bağlı deyil. Mübariz bir insan kimi indiyədək hansısa təzyiq və tənqidlərdən çəkinməmişəm. Sadəcə, son nəticələri "Neftçi”nin böyük tarixinə yaraşdırmadım. Hər şeydən maksimum əldə etməyə çalışan bir insanam və bu çətin vəziyyətdən çıxış yolunu getməkdə gördüm. Ümid edirəm ki, qərarım "Neftçi”yə yalnız xeyir verər. Klubda çalışdığım müddətdə mənə inanan və dəstək olan hər kəsə, hər bir azarkeşə təşəkkür borcluyam! Çox sağ olun!”.
Elxan bəyin dediklərindən də göründüyü kimi, klubdan ayrılmağı özü istəyib. Yəni vəziyyətin bu həddə çatmasına onu heç kim məcbur etməyib. Hər halda, özü belə deyir. Bu isə o deməkdi ki, sabiq çalışdırıcı 3 illik müqaviləsinin olmasına baxmayaraq, “Neftçi” ilə təzminat davası etməyəcək. Adam özü getmək istədiyini deyirsə və yekunda tərəflər qarşılıqlı razılığa gəlib əl sıxırsa, təzminatdan söhbət gedə bilməz. Bir də ki, yerli məşqçilər nə vaxtdan təzminat davası edib? Qardaşyana müqavilə bağlayırlar, elə o cür də sağollaşırlar.
Əslində Abdullayev indi yox, üç ay əvvəl getməliydi. “Neftçi” ölkə kubokuyla vidalaşanda, çempionatı mükafatsız başa vuranda, avrokuboklardan kənarda qalanda. Yəni apreldə “Zirə”ylə oyundakı yanlış əvəzetməyə görə İqor Getmanla Aleksandr Deriberin göndəriləndə, baş məşqçi də onlarla birgə yola salınmalıydı. Lakin futboldan başı çıxmayan təsisçilər ictimaiyyətin tələbinə zidd qərar verərək, özləri təyin etdiyi baş məşqçini postunda saxladı. Yüksək səviyyəli təlim-məşq toplanışı təşkil olundu, bir neçə milli üzvü və legionerlər alındı. Ancaq bu da Abdullayevin uğurlu olmasına bəs etmədi. Çünki baş məşqçi kimi “Neftçi”yə fayda verməyəcəyini bir ilə yaxındı yazırdıq, deyirdik, qabardırdıq. İyulda “ağ-qaralar” yoldaşlıq görüşündə “Kəpəz”ə məğlub olanda, “Binə”ni güc-bəla ilə udanda bu komandanın çempionatda ciddi mənada heç nə ilə yadda qalmayacağını bildirmişdik. Baş məşqçi isə “çempionatda fərqli “Neftçi” görəcəksiz, təki “Kəpəz”ə belə oyunlarda uduzaq” deməklə bir növ vaxt qazanırdı. “Səbail”ə yenilgi Elxan Abdullayevin həm məşqçi kimi lazımi bacarığa malik olmadığını göstərdi, həm də ona daha 3 il güvənmək eşqinə düşənlərin futbol savadsızlığını ortaya qoydu.
Maraq üçün qeyd edək ki, uzun illər millidə köməkçi-məşqçi kimi çalışmış mütəxəssis “Neftçi”yə ötən ilin sentyabrında gəlmişdi. “Neftçi”nin “Qəbələ”yə 0:8 hesablı yenilgisini qəbul etməyən klub rəhbərliyi Vəli Qasımovu göndərib postu Abdullayevə tapşırmışdı. Geridə qalan 11 ayda “ağ-qaralar” bu məşqçinin rəhbərliyi altında 31 oyuna (26-sı çempionat, 5-i ölkə kuboku) çıxıb. Bu qədər oyunda komandanın qazandığı qələbə sayı 10 olub. Məğlubiyyətlətin sayı isə 18-di. Bakılılar cəmi 3 dəfə meydanı heç-heçəylə tərk edib. Vurulan qolların sayı 29-dusa, buraxılan topların sayı 38-ə bərabərdi. Bir sözlə, Elxan Abdullayev “Neftçi” adını tarixininə ən faciəvi nəticəyə imza atan məşqçilərdən biri kimi yazdırdı. Onun dönəmində, yəni geridə qalan 11 ay ərzində “Neftçi”yə 18 yeni futbolçunun (11-i legioner) cəlb olunduğunu da maraq üçün diqqətinizə çatdıraq: Mahir Şükürov, Jonas Pesalli, Boban Baykoviç, İqnasio Errera, Zdenek Folprext, Pavel Dreksa, Georgi Navalovski, Kiril Petrov, Hüqo Barqas, Daniel Seqoviya, Ruslan Abışov, Namiq Ələsgərov, Səlahət Ağayev, Rəşad Əzizli, Məhəmməd Mirzəbəyov, Elnur Cəfərov, Derlis Meza Kolli, Mateo Mujek.
Saytdakı istefa xəbərindən bir neçə saat sonra komandanı avqustun 25-də “Kəpəz”lə oyuna çıxaracaq məşqçinin adına aydınlıq gəldi. Həmin şəxs cari mövsümdə əvəzedicilərə rəhbərlik edən və 2 oyundan 6 xalla ayrılan komandanın baş məşqçisi Elşad Əhmədov olacaq. Elşad bəyə əsas komandanın məşqçilər korpusu yardım edəcək. Həmin vaxta qədər isə yeni baş məşqçinin adına aydınlıq gəlməlidi. Çox güman, ya Tərlan Əhmədov olacaq, ya Kaxaber Tsxadadze, ya da Yaşar Vahabzadə. Hər halda, bu gün üçün real namizədlər bu üç mütəxəssisdi. Ancaq Ağasəlim Mircavadovu da unutmaq olmaz.
HƏBİB
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Dünən, 13:43 "Neftçi" ikinci doğma evim, Azərbaycan ikinci vətənimdi" Dünən, 13:28 “Keşlə” maaşları tam ödəyəcək Dünən, 13:01 Qurban Qurbanov 20 min, Elxan Məmmədov 4 min manat, Kamran Ağayev isə... 29-03-2020, 19:19 AFFA UEFA ilə məsləhətləşmələr aparır 29-03-2020, 19:18 Ağarza Rzayev dünyasını dəyişdi 29-03-2020, 19:08 Çingiz İsmayılov AFFA-nın yardımından imtina edib 29-03-2020, 19:01 “Avropaya yollanmaq üçün Mirançuk daha yaxşı oynamalıdı” 29-03-2020, 18:54 Faiq Qarayev də dəstək kampaniyasına qoşuldu 29-03-2020, 18:50 Uayt döyüş üçün yer tapıb, amma açıqlamır 29-03-2020, 18:46 BOK və yaponiyalılar təzyiqə dözmədi 29-03-2020, 18:43 Azərbaycan Avstraliyanın taleyini yaşamaq istəmədi 26-03-2020, 15:37 “Süleymanovun yerinə gələn məşqçi məni ilk gündən ofsayda saldı” 26-03-2020, 15:33 Yubilyarlara Elxan Məmmədovun göstərişi ilə hədiyyə verilib 26-03-2020, 14:47 Ölkəmizdəki əcnəbilərin yaxınları koronavirusa yoluxmayıb 26-03-2020, 14:46 AFFA və PFL əməkdaşları da istirahətə çəkilib 26-03-2020, 14:45 Ağır Atletika Federasiyasından Novruz “hədiyyəsi” 26-03-2020, 14:33 “Zaqatala”nın hədəfi çempionluqdu 26-03-2020, 14:29 “Komanda hələ ki heç nəyə qadir deyil” 26-03-2020, 14:21 “Neftçi”dən “33 ən yaxşı” sırasına düşən sonuncu ad… 22-03-2020, 19:27 PFL açıqladı: azı bir ay futbol olmayacaq 22-03-2020, 19:24 “Mehdi Hüseynzadə”də 9600 oturacaq quraşdırılacaq 22-03-2020, 19:22 FIDE Rusiya qanunlarına da məhəl qoymur 22-03-2020, 19:18 “Sumqayıt”ın ofisindən oğurluq edən saxlanıldı 22-03-2020, 19:15 Tural Rzayev zədəyə görə “Merani”dən ayrıldı 22-03-2020, 19:09 Elçin Dərgahquliyev məsuliyyəti üzərinə götürdü 22-03-2020, 19:06 “Qadın futbolçular kişilər kimi çox qazansalar, daha məsuliyyətli və çalışqan olarlar” 22-03-2020, 18:59 Novruz Əzimov doğum günündə işdən azad olunub 22-03-2020, 18:46 “Neftçi” 1937-ci ilin martında yox, yanvarında yaranıb 18-03-2020, 16:29 AFFA liqalarda fasiləni aprelin 14-nə kimi uzadıb 18-03-2020, 16:28 “Bu gün hamımız koronavirusun əsiriyik” 18-03-2020, 16:27 Premyer-liqa məşqçiləri çempionatdakı fasiləni normal qarşılayırlar 18-03-2020, 16:24 Asim Xudiyev ABŞ təəssüratını bölüşdü 18-03-2020, 16:22 “Səbail” hollandı vətəninə yola saldı 13-03-2020, 12:15 Azər Mirzəyev Teymurun yaxşı fürsəti qaçırdığını düşünür 13-03-2020, 12:13 “Bizim dostlarımız qapı dirəkləridi” 13-03-2020, 12:11 Riçard Almeyda “Qarabağ”la Bakı üçün darıxır 13-03-2020, 12:07 Region Liqası nəzərdə tutulan vaxtda bitəcək 13-03-2020, 12:02 “Premier Quba”nın məsələsinə gələn həftə baxılacaq 13-03-2020, 11:59 Riad Rəfiyev Ayxan Abbasova dəstək oldu 13-03-2020, 11:56 Teymurun əziz canı = Azərbaycanın itirilən şansı 13-03-2020, 11:53 4-cü oyun, 4-cü məğlubiyyət! 12-03-2020, 10:45 Məğlubedilməzlər də məğlub olurlar… 12-03-2020, 10:43 “Bu gün əsas rəqibimiz arxayınlıq və özümüzük” 12-03-2020, 10:40 AFFA-dan “Xəzər Lənkəran”a cavab gəldi 11-03-2020, 11:44 Samir Abasov gənc mütəxəssislərin müdafiəsinə qalxdı 11-03-2020, 11:37 Emil Babayandan isti münasibət görüb 11-03-2020, 11:34 “Xəzər Lənkəran”ın U-17 komandası fəaliyyətini dayandıracaq 11-03-2020, 11:31 Rus agenti və "Bude-Qlimt” rəhbərliyini qınadılar 11-03-2020, 11:29 “Vaxtında düzgün addımlar atsaydım, maddi xərclərimizi azalda bilərdim” 11-03-2020, 11:24 “Premier Quba”nın taleyi necə olacaq? 11-03-2020, 11:19 Rüstəm Rəhimov hakimliyin səviyyəsindən narazıdı 6-03-2020, 12:05 Emil Balayev: Kostanaydan Zirəyə... 6-03-2020, 12:04 Sabiq qapıçılar Emilə haqq qazandırdılar 6-03-2020, 12:01 Bakıya gələnlərin hər biri yoxlanılacaq 6-03-2020, 11:59 Millətlər Liqasında rəqiblərimiz müəyyənləşdi 6-03-2020, 11:55 AFFA oyunları təxirə saldı, klublar məşqləri ləğv etdi 6-03-2020, 11:53 Stuxlikin yersiz inadı klubların “başında çatlayır” Bütün xəbərlər
Ən çox oxunanlar