13 avq 16:09olke

“Tofiq Bəhramov”da pley-offa ciddi hazırlıq gedir

“Tofiq Bəhramov”da pley-offa ciddi hazırlıq gedir
İzzət Mahmudov: “Oyun günü bütün kafe və restoranlar bağlı olacaq”
Ölkədə futbolla maraqlanan hər kəs avqustun 15-ni səbirsizliklə gözləyir. Çünki həmin gün indiyədək heç bir arenamızda yaşanmayan hadisə baş verəcək. Söhbət Çempionlar Liqasının pley-off oyunundan gedir. Toqif Bəhramov adına Respublika stadionunda o möhtəşəm himn səslənəcək, mərkəzi arena ilk dəfə belə qarşılaşmaya “qucaq açacaq”. ÇL-in pley-offuna vəsiqə qazanmaqla neçə illər davam edən sindromu qıran “Qarabağ” daha bir ilki gerçəkləşdirməyə iddialıdı. Qitənin ən nüfuzlu klub turnirinin qrupunda iştirakı hədəfləyən “köhlən atlar” bunun üçün ilk addımı Bakıdakı görüşdə atmalıdı. Ancaq “Kopenhagen”in də “Tofiq Bəhramov”da asanlıqla təslim olacağını söyləmək düzgün olmaz. Cütün favoriti olan danimarkalılar Bakıya elə-belə gəlməyəcək. Azarkeşləri olduqca gərgin, maraqlı, barışmaz mübarizə gözləyir. Bir sözlə, mərkəzi arenanın avqustun 15-də lərzəyə gələcəyini söyləmək yerinə düşər. Özü də arenada bir sıra yeniliklərin, alışmadığımız məqamların şahidi olacağıq. Elə bu yöndə gedən işlərin hansı durumda olduğunu öyrənmək üçün dünən səhər “Tofiq Bəhramov”un yolunu tutdum.
Öncə bilet məsələsindən başlayaq. Stadionun kassaları bağlı olsa da, biletlərin qiymətini və hansı sektorlara olduğunu göstərən tablo artıq vurulmuşdu. Satış isə bu gündən həyata keçiriləcək. Hərçənd bunu daha tez etmək olardı. Hər halda, oyun gününü də nəzərə alsaq, azarkeşlərin ixtiyarında bilet almaq üçün 4 gün var. Futbolsevərlər bu gün saat 10.00-dan etibarən biletləri Respublika stadionun kassalarından əldə edə bilər. Qiymətlər 1-10 manat arası dəyişir, VİP sektoruna isə 50 manatdı. Belə ki, biletlər 1-5 və 24-27-ci sektorlara 1 manat, 6-8 və 21-23-cü sektorlara 2 manat, 9, 10 və 19, 20-ci sektorlara 3 manat, 11, 12 və 17, 18-ci sektorlara 5 manat, 13-16 və 29-38-ci sektorlara 10 manatdı.
Stadiona daxil olanda artıq hazırlıq işlərinin getdiyinin şahidi olduq. Bir neçə iri yük maşını da arenanın ərazisindəydi. Bundan başqa, meydanın kənarındakı reklam lövhələri də artıq yığışdırılıb. Qazon isə yaxşı vəziyyətdədi. Orda olduğumuz vaxtda ot biçilirdi. Həmçinin işçilərdən biri qaçış zolağını yuyurdu. Bundan başqa, “qol-layn” texnologiyası ilə məşğul olan şirkətin nümayəndələri də öz işində idi.
Qeyd edək ki, bütün görülən işlərə nəzarəti “Qarabağ”ın akademiyasının əlaqələndiricisi İzzət Mahmudov həyata keçirir. Onunla görülən işlərlə bağlı danışdıq. Klub nümayəndəsi ilə söhbətləşərkən bir sıra yeni informasiyalar əldə etdik: “İşlər qrafikə uyğun davam etdirilir. Sağ olsun, başqa qurumlar da köməyini bizdən əsirgəmir. Həm Rabitə, həm də Gənclər və İdman Nazirliyi də qayğı göstərir. Hansısa işin tezləşdirilməsində bizi nəzərə alırlar. Yəni protokol üzrə mümkün ləngimə yaşanmır, bu kimi məsələlərdə kömiyimizə çatırlar. Buna görə də onlara minnətdarıq. Bilirsiz ki, stadionun kənarındakı reklam lövhələri sökülüb, yığışdırılıb. Onların yerinə yenilər quraşdırılacaq. Bu gün daha bir maşın avadanlıq gəlməlidi. Şənbə günü səhər saat 9-dan etibarən onların quraşdırılmasına başlayacağıq. Yəqin ki, həmin gün axşama kimi işlər yekunlaşacaq. Ən pis halda, bazar günü səhər başa çatacaq. Çünki bazar ertəsi Respublika stadionunda rəqib komandanın məşqi var, baş məşqçinin mətbuat konfransı keçiriləcək. Buna görə o vaxta kimi hazır olmalıdı. Bütün lövhələr yığışdırılıb və sırf Çempionlar Liqasının reklamı olacaq. Nə “Azərsun”un, nə də “Qarabağ”ın reklamları olacaq. Düzdü, indi komandaların meydana daxil olduğu yerdə klubla bağlı bəzi lövhələr var. Ancaq onları da bu gün və sabah götürəcəyik, heç biri olmayacaq. Avropada necədisə, bizdə də elə olacaq. Stadionun kənarında yalnız ÇL-in reklam lövhələri yer alacaq. Bildiyiniz kimi, oyundan öncə qitənin ən nüfuzlu klub turnirinin himni də çalınacaq”.
Məlum olduğu kimi, bu oyunda ölkəmizdə bir ilk gerçəkləşəcək. Belə ki, “Qarabağ” – “Kopenhagen” matçında “qol-layn” texnologiyasından da istifadə ediləcək. Yuxarıda şirkət işçilərinin artıq bu sistemin quraşdırılması yönündə müəyyən işlər gördüyünü qeyd etdik. Mahmudov həmin məsələyə də toxundu: “Bu texnologiyanın quraşdırılmasına 3 gün öncədən başlayıblar. Mütəxəssislər burdadı. Bəziləri İtaliyadan, bəziləri isə Almaniyadan gəlib. Onlar hamısı həmin şirkətin işçiləridi, əməkdaşlarıdı. Demək olar, bu gün, uzağı sabaha yekunlaşdıracaqlar. O ki qaldı stadionda bu sistemin quraşdırılmasının çətin olması ilə bağlı deyilənlərə, bunlar absurddu. Heç bir problem yoxdu. Belə deyim, onların işi “su kimi gedir”. Hər hansı maneə, çətinlik görmədik. Nə tələb etdilər, nə istədilərsə, anında yerinə yetiririk”.
İzzət bəy tamaşaçıların nəzərə alındığını da qeyd etdi: “Stadion ərazisindəki bütün kafe və restoranlar bağlı olacaq. Üzərində olan reklamların da üstü qapanacaq. O ki qaldı azarkeşlərin qida və su ehtiyaclarının ödənilməsinə, bu məsələ də nəzərə alınıb. Bir neçə səyyar satış məntəqəsi fəaliyyət göstərəcək. Ancaq həmin “vaqon”ların da üzərində reklamlar bağlanacaq. Alkoqollu içkilərə də icazə verilməyəcək. Həmçinin sular da şüşə ilə satılmayacaq. Bir dəfə istifadə olunan plasmas stəkanlara süzülərək tamaşaçılara veriləcək. Ötən oyunda gördünüz ki, stadiona su şüşəsi atdılar. Buna görə “Qarabağ”a cəza da gəldi. Belə olayların qarşısının alınması üçün həmin addım atılıb. Avropada da belədi. Stadion ərazisində fəaliyyət göstərən kafe və restoran sahibləri heç bir narazılıq etmir. Hamı bizi başa düşür. Onsuz da həmin obyektlər gecə-gündüz işləyirlər. Belə bir oyuna görə hər kəs durumu anlayışla qarşlayır. Onlar da yaxşı anlayır ki, bu Azərbaycan tarixində bir ilkdi. Əksinə, belə oyunun bir parçası olmaq qürurvericidi”.
Stadion ərazisində bir PPX-nin (Post Patrul Xidməti) olduğunu da gördük. Olmaya, klub indidən polis nəzarətinə ehtiyacın olduğunu düşünür? Mahmudovu dinləyək: “Hələ ki biz polis dəvət etməmişik. Ancaq asayiş keşikçilərini görmənizdə qeyri-adi bir şey yoxdu. Bura strateji obyekt sayıldığından arabir baş çəkirlər. Çox güman, bilet satışına görə sabahdan polislər müntəzəm ərazidə olacaqlar. Bütün başqa maşınlar götürüləcək. Ot örtüyündə də, gördüyünüz kimi, heç bir problem yoxdu. Dünən “Kopenhagen”in də nümayəndələri gəlmişdi. Qazonu təriflədilər, stadion da xoşlarına gəldi. Ümumilikdə heç bir problem yoxdu. Hər kəsi bu arenada çox maraqlı və gərgin oyun gözləyir”.
FARİZ
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 19:25 Altay Əliyev və övladları Prezidentin çağırışına qoşuldu Bu gün, 19:09 "Sabah"dan sabahımız üçün jest 30-03-2020, 13:43 "Neftçi" ikinci doğma evim, Azərbaycan ikinci vətənimdi" 30-03-2020, 13:28 “Keşlə” maaşları tam ödəyəcək 30-03-2020, 13:01 Qurban Qurbanov 20 min, Elxan Məmmədov 4 min manat, Kamran Ağayev isə... 29-03-2020, 19:19 AFFA UEFA ilə məsləhətləşmələr aparır 29-03-2020, 19:18 Ağarza Rzayev dünyasını dəyişdi 29-03-2020, 19:08 Çingiz İsmayılov AFFA-nın yardımından imtina edib 29-03-2020, 19:01 “Avropaya yollanmaq üçün Mirançuk daha yaxşı oynamalıdı” 29-03-2020, 18:54 Faiq Qarayev də dəstək kampaniyasına qoşuldu 29-03-2020, 18:50 Uayt döyüş üçün yer tapıb, amma açıqlamır 29-03-2020, 18:46 BOK və yaponiyalılar təzyiqə dözmədi 29-03-2020, 18:43 Azərbaycan Avstraliyanın taleyini yaşamaq istəmədi 26-03-2020, 15:37 “Süleymanovun yerinə gələn məşqçi məni ilk gündən ofsayda saldı” 26-03-2020, 15:33 Yubilyarlara Elxan Məmmədovun göstərişi ilə hədiyyə verilib 26-03-2020, 14:47 Ölkəmizdəki əcnəbilərin yaxınları koronavirusa yoluxmayıb 26-03-2020, 14:46 AFFA və PFL əməkdaşları da istirahətə çəkilib 26-03-2020, 14:45 Ağır Atletika Federasiyasından Novruz “hədiyyəsi” 26-03-2020, 14:33 “Zaqatala”nın hədəfi çempionluqdu 26-03-2020, 14:29 “Komanda hələ ki heç nəyə qadir deyil” 26-03-2020, 14:21 “Neftçi”dən “33 ən yaxşı” sırasına düşən sonuncu ad… 22-03-2020, 19:27 PFL açıqladı: azı bir ay futbol olmayacaq 22-03-2020, 19:24 “Mehdi Hüseynzadə”də 9600 oturacaq quraşdırılacaq 22-03-2020, 19:22 FIDE Rusiya qanunlarına da məhəl qoymur 22-03-2020, 19:18 “Sumqayıt”ın ofisindən oğurluq edən saxlanıldı 22-03-2020, 19:15 Tural Rzayev zədəyə görə “Merani”dən ayrıldı 22-03-2020, 19:09 Elçin Dərgahquliyev məsuliyyəti üzərinə götürdü 22-03-2020, 19:06 “Qadın futbolçular kişilər kimi çox qazansalar, daha məsuliyyətli və çalışqan olarlar” 22-03-2020, 18:59 Novruz Əzimov doğum günündə işdən azad olunub 22-03-2020, 18:46 “Neftçi” 1937-ci ilin martında yox, yanvarında yaranıb 18-03-2020, 16:29 AFFA liqalarda fasiləni aprelin 14-nə kimi uzadıb 18-03-2020, 16:28 “Bu gün hamımız koronavirusun əsiriyik” 18-03-2020, 16:27 Premyer-liqa məşqçiləri çempionatdakı fasiləni normal qarşılayırlar 18-03-2020, 16:24 Asim Xudiyev ABŞ təəssüratını bölüşdü 18-03-2020, 16:22 “Səbail” hollandı vətəninə yola saldı 13-03-2020, 12:15 Azər Mirzəyev Teymurun yaxşı fürsəti qaçırdığını düşünür 13-03-2020, 12:13 “Bizim dostlarımız qapı dirəkləridi” 13-03-2020, 12:11 Riçard Almeyda “Qarabağ”la Bakı üçün darıxır 13-03-2020, 12:07 Region Liqası nəzərdə tutulan vaxtda bitəcək 13-03-2020, 12:02 “Premier Quba”nın məsələsinə gələn həftə baxılacaq 13-03-2020, 11:59 Riad Rəfiyev Ayxan Abbasova dəstək oldu 13-03-2020, 11:56 Teymurun əziz canı = Azərbaycanın itirilən şansı 13-03-2020, 11:53 4-cü oyun, 4-cü məğlubiyyət! 12-03-2020, 10:45 Məğlubedilməzlər də məğlub olurlar… 12-03-2020, 10:43 “Bu gün əsas rəqibimiz arxayınlıq və özümüzük” 12-03-2020, 10:40 AFFA-dan “Xəzər Lənkəran”a cavab gəldi 11-03-2020, 11:44 Samir Abasov gənc mütəxəssislərin müdafiəsinə qalxdı 11-03-2020, 11:37 Emil Babayandan isti münasibət görüb 11-03-2020, 11:34 “Xəzər Lənkəran”ın U-17 komandası fəaliyyətini dayandıracaq 11-03-2020, 11:31 Rus agenti və "Bude-Qlimt” rəhbərliyini qınadılar 11-03-2020, 11:29 “Vaxtında düzgün addımlar atsaydım, maddi xərclərimizi azalda bilərdim” 11-03-2020, 11:24 “Premier Quba”nın taleyi necə olacaq? 11-03-2020, 11:19 Rüstəm Rəhimov hakimliyin səviyyəsindən narazıdı 6-03-2020, 12:05 Emil Balayev: Kostanaydan Zirəyə... 6-03-2020, 12:04 Sabiq qapıçılar Emilə haqq qazandırdılar 6-03-2020, 12:01 Bakıya gələnlərin hər biri yoxlanılacaq 6-03-2020, 11:59 Millətlər Liqasında rəqiblərimiz müəyyənləşdi Bütün xəbərlər
Ən çox oxunanlar