04 yan 12:46olke

Yalnız “Bakı” və “Xəzər Lənkəran”ın muzeyi var

Yalnız “Bakı” və “Xəzər Lənkəran”ın muzeyi var
“Kəpəz”in qazandığı kubokların harda olduğu məlum deyil

“Neftçi” ilə bağlı daha bir anormal durum bugünlərdə idman mətbuatının gündəmini zəbt etdi. Söhbət ölkənin ən köklü klubunun qazandığı kubokların pərən-pərən düşməsindən gedir. Sən demə, Sadıq Sadıqovun dövründə qazanılan kuboklar hazırda “ağ-qaralar”ın muzeyində yox, “Neftçi” İdman Klubu İctimai Birliyinin inzibati binasındadı. Əslində ötən sayımızda bu məsələyə hərtərəfli toxunmuşduq. Elə araşdırmalarımız zamanı məlum olmuşdu ki, üzümüzə gələn il 80 yaşını qeyd edəcək “Neftçi”nin heç muzeyi də yoxdu. Halbuki paytaxt təmsilçisi müstəqillik əldə olunandan bəri nə az, nə çox – düz 18 müxtəlif kubok qazanıb. Belə ki, “ağ-qaralar” bu müddətdə 8 dəfə çempion olub, 6 dəfə ölkə kubokunu, 2 dəfə superkuboku, bir dəfə olmaqla “Birlik Kuboku” və “CBC Sport Kuboku”nu əldə edib. Təəssüf ki, 80 yaşlı “Neftçi”də bütün bu kubokların saxlanılması üçün bir muzey yaradılmayıb. Ölkənin ən köklü klubunun bu durumu əslində futbolumuzun hansı vəziyyətdə olmasını göstərir. Doğrudanmı bir muzey yaratmaq bu qədər çətindi? Təsəvvür edin ki, sabah hansısa bir əcnəbi qonaq ölkəmizə təşrif buyurdu və ən köklü klubumuzun muzeyinə baş çəkmək istədi. Ona nə cavab verəcəyik? “Bağışlayın, muzey olmadığı üçün kuboklar hərəsi bir yandadı” desək, həmin qonaq o klub haqda nə fikirləşər?
Maraqlıdı, o biri klublarımızda vəziyyət necədi? Onların muzeyi varmı? Özü də nəzərə alaq ki, muzeydə təkcə əsas komandanın qazandıqları yox, aşağı yaş qruplarının da əldə etdiyi kuboklar saxlanılır. Bundan başqa, formalar, kluba məxsus atributlar, klub tarixində önəmli rol oynayan futbolçu, baş məşqçi və ya funksionerdən hansısa bir xatirə də yer almalıdı. Görəsən, buna riayət edənlərin sayı nə qədərdi?
Hüseyn Cəbrayıloğlu (Xəzər Lənkəran): “Hər kəs bilir ki, ilk klub muzeyini “Xəzər Lənkəran” yaradıb. Bir xatırlatma edim. Hətta Çingiz Abdullayev muzeyi ziyarət edəndə dedi ki, 80 illik klubun – yəni “Neftçi”nin muzeyi yoxdu, sizə halaldı. Bizim muzeydə qazanılan kuboklar, komandanı çalışdırmış baş məşqçilərin şəkilləri, ən çox forma geyən futbolçuların köynəyi, ən bahalı futbolçunun – Oktay Dərəlioğlunun forması, ölkə başçısının stadionun açılışında ştirakını əks etdirən şəkillər, arenanın maketi və başqa aksesuarlar qorunub, saxlanılır. Muzeyə tez-tez ali məktəblərin tələbələri gəlir”.
Yaşar Seyidov (Bakı): “Özünüz də dəfələrlə bazamıza gəlmisiz. “Bakı”nın muzeyi var. Orda təkcə əsas komandanın yox, aşağı yaş qruplarının da qazandığı kuboklar saxlanılır. O vaxt muzeyi yaradanda fikirləşdik ki, elə yerdə edək ki, mediaya da açıq olsun. Yəni jurnalistlər sərbəst şəkildə baxa bilsinlər. Əməkdaşlıq etdiyimiz klublara – “Atletiko” və “Lans”a məxsus atributlar da var. Muzey ictimaiyyət üçündü. Ona görə də bunlar hamısı şəffaf, görülən işlər ictimaiyyətə, mediaya açıq olamlıdı. Mətbuatın 4-cü hakimiyyət olduğunu hər kəs bilir. Kimsə gedəndə qazandığı kuboku aparıb? Xeyr, bizdə belə şey olmayıb. Bilirsiz ki, ölkə kuboku keçicidi. O vaxt təklif etmişdim ki, bunun surətini çıxaraq, klubda qalsın. Sizin qəzetiniz vasitəsilə çox hörmətli Ramin müəllimdən (PFL-in prezidenti Ramin Musayevi nəzərdə tutur – F.) xahiş edərdim ki, kuboku təqdim edərkən, surəti verilsin onu qazanan komandaya. Ramin müəllim də böyük işlər görür, ölkə çempionatının təşkilatçısı kimi xoş sözlərə layiqdi, dostumuzdu”.
Nurlan İbrahimov (Qarabağ): “Bizim yəqin ki, Suraxanıdakı bazamızda olmusuz. Binaya girən kimi sağda və solda muzey kimi iki guşəmiz var. Solda avrokuboklarda qarşılaşdığımız rəqiblərdən xatirə qalan aksesuarlar yer alıb. Sağda isə klubun son 15-16 ildə qazandığı bütün kuboklar var. Daha öncə bir kubok olub – 1993-cü ildə qazanılan çempionluq. Düzü, ondan xəbərim yoxdu”.
Azad Mustafayev (Kəpəz): “Bizim klubun da muzeyi yoxdu. Bazamızın hansı səviyyədə olduğunu bilirsiz. Fikrimiz odu ki, muzeyimiz olanda qazandığımız kubokları, medalları ora yığaq. İnşallah, gələcəkdə klubun bazası təmir olunsa – hansı ki, biz buna ümid edirik, mütləq muzeyimiz olacaq. Dağınıq şəkildə olan kubokları bir yerə yığacağıq. Vallah, kubokların harda olduğunu deyə bilmərəm. Yəqin ki, əvvəlki rəhbərliyin dövründə qazanılanlar onların özlərində olar. Faktiki, hazırda bazada kubok yoxdu. Ancaq yenə də rəhbərlikdən maraqlanmaq lazımdı. Muzeyimiz olsa, məncə, əvvəlki rəhbərliklər kuboku gətirib verərlər, evlərində saxlamazlar. Çünki qazanılan titul kiminsə yox, Gəncənin, “Kəpəz”in adı ilə əldə olunub. Bir misal da çəkə bilərəm. O vaxt “Turan”ın “Tatan” ləqəbli Tahir Yusifov adlı prezidenti vardı, o gedəndə böyük bir kişilik etmişdi, klubun iki böyük avtobusu vardı – onları, ümumiyyətlə, hər şeyi qoyub getmişdi. Yəqin bizim də muzeyimiz olanda kimin evində klub adına nə qəniməti varsa, gətirib verəcək. Kuboklar məhz muzeyimiz olmadığından dağınıq haldadı. Muzey olsaydı, hamısı indi orda idi”.
Səbuhi Məmmədov (İnter): “Təəssüf ki, bizim də muzeyimiz yoxdu. Düzdü, bazada otaqlar var. Lakin hamının görməsi üçün münasib bir yer olmalıdı. Əslində planımızda var ki, müvafiq yerdə belə bir muzey yaradılsın və klubun əldə etdiyi kuboklar orda nümayiş olunsun. “İnter Arena”da bir sıra yenilənmə işləri gedir. Odu ki, muzey üçün də müvafiq bir yer fikirləşirik. Müəyyən ideyalar var. Elə yerdə olmalıdı ki, ictimaiyyət üçün əlçatan olsun. Bu baxımdan bir optimal yer düşünürük. Qazanılan kubokların hamısını bir otaqda saxlayırıq. Lakin muzey kimi həmin otaqdan yararlanmaq mümkün deyil. Bizdə nə qazanılıbsa - əsas komandanın və digər yaş qruplarının qazandığı kubokları həmin otaqda saxlayırıq”.
Zaur Əzizov (Qəbələ): “Sözsüz ki, hər bir şey saxlanılır. Stadion tam tikiləndə, muzey də nəzərdə tutulub. Lakin arenanın tikintisi başa çatmadığı üçün hələ ki muzeyimiz yoxdu. Ancaq əldə olunan bütün kuboklar bazada saxlanılır”.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 15:46 “Bakı”nın bazasına nəzarət Vaqif Heydərliyə tapşırılıb Dünən, 15:42 Ölkə kubokunda yenilik olacaq Dünən, 15:34 Adalılarla görüşdə xeyrimizə olan məqamlar Dünən, 15:26 Farer adaları erkən və itki ilə gəldi Dünən, 15:22 Foqts Rüfəti təriflədi Dünən, 15:21 Orxan Sadıqlı: “Kim edibsə, Allah bəlasını versin” Dünən, 15:19 Nə Maksimov, nə də Çixradze: “Sumqayıt” Ayxan Abbasova tapşırıldı Dünən, 15:17 Media nümayəndələri üçün “İntellektual kubok” keçiriləcək Dünən, 15:12 U-19 ilk oyunda darmadağın oldu Dünən, 15:09 “Zirə” apellyasiya şikayəti verəcək Dünən, 15:02 U-19: Gürcüstandan sonra şərikli lider Dünən, 15:00 Bakı İdman Sarayında dramatik sonluq Dünən, 14:58 Dedov hücum haqda düşünür Dünən, 14:57 Stuxlik “Zenit”in oyununda Dünən, 14:55 “Sabah” MOİK-i sınağa çəkəcək Dünən, 14:54 UEFA “Vorskla”nın işinə dekabrın 13-də baxacaq Dünən, 14:52 “Qəbələ” rəsmiləri UEFA-nın tədbirinə qatıldı 13-11-2018, 18:49 Azər Mirzəyev məktubla “Futbol+”ə müraciət etdi 13-11-2018, 18:48 Namiq Əliyev DÇ-də fərqlənənləri mükafatlandırdı 13-11-2018, 18:46 Qurban Qurbanovdan ideal seçim 13-11-2018, 18:45 Nazim Süleymanov getdi, yerinə iki yerli, iki əcnəbi namizəd var 13-11-2018, 18:43 İddialıların duelində qalib müəyyənləşmədi 13-11-2018, 18:41 Sabah kubokun püşkü atılacaq 13-11-2018, 18:37 “Lex” Qriqorçukla maraqlanır 13-11-2018, 18:36 Tovuz futbolunun 100 illiyi ilə bağlı kitab nəşr olundu 13-11-2018, 18:29 Rəşad Sadıqov “Beşiktaş”ın futbolçularını U-21-ə cəlb etdi 13-11-2018, 18:27 Riçard “Qarabağ”a qayıtmaq haqda düşünmür 13-11-2018, 18:25 “İmarət”in uşaqları pirotexniki vasitələri Kiyevdən 160 manata alıb 13-11-2018, 18:21 Qonaqlar özünü ev sahibi kimi apardı, bombardir dəyişdi 13-11-2018, 18:19 Turun oyunçusu 13-11-2018, 18:19 Turun sitatı 13-11-2018, 18:18 Turdan məqamlar 13-11-2018, 18:16 “Rəvan”ın rəqibi oyuna gəlmədi, “pərdə enmədi” 13-11-2018, 18:14 Lider başlayacaq, çempion bitirəcək 13-11-2018, 18:13 Vüqar bombardir oldu, komandası elitaya yüksəldi 13-11-2018, 18:11 Yığma AÇ-də mübarizəyə başlayır 11-11-2018, 15:01 Qurban Qurbanov yeni ofisin faydasından danışıb 11-11-2018, 14:59 Ölkə kuboku biabırçı vəziyyətə salınıb 11-11-2018, 14:40 Elnar Kərimov Türkiyədən qayıdıb “od püskürdü” 11-11-2018, 14:37 Yığma “Keşlə”ni darmadağın etdi 11-11-2018, 14:35 “Qarabağ”dan ilk qələbə və bayram hədiyyəsi 11-11-2018, 14:27 “Yadımdadı, konyak içməkdən ayıq vaxtımız olmadı” 11-11-2018, 14:15 Həyati əhəmiyyətli oyuna 8 gün qalarkən... 11-11-2018, 14:05 Asif Məmmədov Olimpiada ilə bağlı proqnoz verməkdən çəkindi 11-11-2018, 13:44 U-21-in rəqibi heyəti açıqladı 11-11-2018, 13:33 “Bizdə heç vaxt maliyyə ilə bağlı problem olmayıb” 8-11-2018, 22:24 “Məni öz içimdən vurdular” 8-11-2018, 22:20 PFL daha jurnalistləri Qəbələyə aparmayacaq 8-11-2018, 22:19 Kosovonun qapıçısı tarixi şans yaxaladıqlarını düşünür 8-11-2018, 21:34 Qalmaqallı “böyük oyun”dan 7 il ötdü 8-11-2018, 21:31 Poltava döyüşü 8-11-2018, 21:29 Çətin eniş, problem yaradan polkovnik, “Qa-ra-bağ” qışqıran tələbələr... 8-11-2018, 21:26 Qurbanov “Vorskla”nın qrupdan çıxmaq şanslarından danışdı 8-11-2018, 21:24 Gəncə futbolu şanlı tarixiylə ayaqlaşa bilmir 8-11-2018, 21:22 Bir oyun təxirə salındı 8-11-2018, 21:21 Ozancanın üzülməsinə Dəniz sevindi 8-11-2018, 21:19 Hakimlərə hücum çəkən futbolçuya 5 oyunluq cəza Bütün xəbərlər
Ən çox oxunanlar