09 avq 14:44olke

Çimərlik futbolu yığmamız sabah vətəni tərk edir

Çimərlik futbolu yığmamız sabah vətəni tərk edir
İlham Əzizzadə: “Əsas məqsəd A divizionunda qalmaqdı”
Çimərlik futbolu yığmamız avqustun 9-dan 14-dək Macarıstanın Siofok şəhərində Avropa çempionatının ilk, 23-dən 28-nə kimi isə Almaniyanın Varnemunde şəhərində ikinci seçmə mərhələdə iştirak edəcək. Artıq millinin heyəti də açıqlanıb: Vaqif Şirinbəyov, Elçin Qasımov, Renat Sultanov, Elvin Quliyev, Amid Nəzərov, Orxan Məmmədov, Asif Zeynalov, Ramil Əliyev, Sabir Allahquliyev, Əbdül Əliyev, Hikmət Bağırov, Comərd Baxşəliyev.
İlham Əzizzadənin komandası ilk oyunu avqustun 11-də Bakı vaxtı ilə saat 19.00-da Portuqaliyaya qarşı keçirəcək. Ertəsi Belarusla 17.45-də üz-üzə gələcək milli ilk mərhələdəki son oyunu avqustun 13-də keçirəcək. Yığma həmin gün saat 16.30-da Polşa ilə münasibətləri aydınlaşdıracaq.
Daha sonra vətənə qayıdacaq komanda məqşləri Bakıda davam etdirəcək, ardınca Almaniyaya üz tutacaq. Milli Varnemunde şəhərində ilk oyununu avqustun 25-də yerli komandaya qarşı keçirəcək. Bu qarşılaşma 18.00-da başalayacaq. Növbəti gün İtaliya ilə 19.15-də üz-üzə gələcək yığma ayın 27-də saat 15.30-da Ukrayna ilə münasibələrinə aydınlıq gətirəcək. Qeyd edək ki, təmsilçimiz A divizionunda mübarizə aparır.
Səfər ərəfəsində komandanın baş məşqçisi ilə danışmağı lazım bildik. Əzizzadə öncə təxminən bir ay davam edən toplanış haqda fikirlərini dilə gətirdi, heyətlə bağlı bəzi informasiyalar verdi: “Bildiyiniz kimi, iyulun 8-dən hazırlığa başlamışıq. İlk bərpa məşqini AFFA-da etdik. İki gün yüngül hazırlıqdan sonra quma keçdik. Əslində iyulun sonunda komandaya istirahət vermək istəyirdik. Lakin çempionat oyunları keçirildiyinə görə plan bir qədər fərqli quruldu. Bildiyiniz kimi, 4 komanda - “Neftçi”, “Sumqayıt”, “Səbail” və “Zirə”nin qatıldığı və iki dövrədən ibarət olan birincilik reallaşdı. Yarış 3 həftə davam etdi. Yığma üzvlərini 4 yerə böldük. Hər həftə cümə və şənbə günləri 4 oyun keçirildi. İki qarşılaşma cümə, ikisi də şənbə günü baş tutdu. Hər komanda həftədə iki oyun keçirdi. Çempionat 3 həftəyə sığdı. Ona görə də yalnız bazar günləri dincələ bildik. Çünki həftənin ilk 4 günü məşq edirdik, sonrakı iki gündə isə qeyd etdiyim kimi oyunlar olurdu. Yığma üzvlərini bu komandalar arasında bölmüşdük. Hər iştirakçıya 1 qapıçı və 3 oyunçu vermişdik. Düzü, qapıçımız 3 nəfər olduğundan bir komandaya qapıçı verə bilmədik. Elə böldük ki, son günə qədər kimin çempion olacağı bilinmirdi. Çox maraqlı bir yarış oldu. Komandalar yığma üzvlərindən başqa oyunçular da dəvət etmişdilər. Srağagün (söhbət dünən olub – F.) oyunlar bitdi, “CBC Sport”da da iki qarşılaşma canlı yayınlandı. Sonda mükafatlandırma mərasiminin olduğunu, həm ilk 3 yeri tutan komandaların, həm də fərdi nominasiyalar üzrə fərqlənən oyunçuların təltif olunduğunu bilirsiz. Bu çempionatın təşkili AFFA-nın təşəbbüsü idi. Yarışın gerçəkləşməsi üçün assosiasiya hər kluba 5 min manat pul vermişdi. Çempionat bitdi, dünən bərpa məşqi keçdik. Bu gün komandaya istirahət verdik ki, tam özlərinə gəlsinlər. Sabah axşam məşq edirik, çərşənbə günü saat 10.30-da isə vətəni tərk edirik. Artıq heyət açıqlanıb, 12 nəfərlik komanda ilə gedirik. Heyətdə 2 qapıçı, 10 oyunçu var. Yarış ərəfəsində sonuncu məşqimiz avqustun 10-da baş tutacaq. Həmin məşqdən sonra ilk 3 oyun üçün sifariş ərizəsinə daxil ediləcək 10 nəfərin adı bəlli olacaq. Bəzi yüngül zədəlilər var ki, komandanın həkimi hazırda bu işlə məşğuldu, starta kimi bütün futzalçıların tam hazır olmasına çalışır”.
İlham bəy qarşıdakı yarışla bağlı düşüncələrini də bölüşdü: “Macarıstandakı rəqiblərimiz Portuqaliya, Belarus və Polşadı. İlk oyunumuz portəgizlərə qarşıdı. Yəqin ki, bu komanda haqda müəyyən məlumatınız var. Hazırda dünya reytinqində yüksək yerlərdən birini tutur. Belarus da yaxşı komandadı. Artıq 5-6 ildi A diovizionunda çıxış edir. Polşa da bir neçə ildi məhz bu mərhələdə mübarizə aparır. Bundan başqa, daha üç rəqiblə Almaniyada oynayacağıq. Meydan sahibləri ilə yanaşı, İtaliya və Ukrayna ilə qarşılaşacağıq. Biz vaxtilə Almaniyanı məğlub etmişik. Ancaq neçə ildi ki, onlar da A divizionundadılar. Lakin bu o demək deyil ki, bu komandalar məğlubedilməzdi. Əksinə, biz bütün matçlara qələbə üçün çıxacağıq. Düzü, turnirdə vəziyyət elə alındı ki, Yunanıstan keçirdiyi bütün oyunlarda uduzub. Xalları yoxdu. Bizə A seriyasında qalmaq üçün bir qələbə də bəs edir. Ancaq şəxsən özüm istərdim ki, heç olmasa, iki oyunda qalib gələk. Rəqiblərdən üçünü məğlub etsək, final mərhələsinə də gedə bilərik. Ona görə də tam gücümüzlə oynamağa çalışacağıq. Ancaq əsas məqsəd A divizionunda qalmaqdı. Çünki bu səviyyə çimərlik futbolunun elit mərhələsi sayılır. Burda güclü komandalar mübarizə aparır. A divizionunda möhkəmlənib qalmaq lazımdı ki, komandanı daha da komplektləşdirəsən, oyun təcrübəsini artırıb, final mərhələsində mübarizə aparasan. Burda müntəzəm çıxış edən komanda güclü rəqiblərlə oyunlarda bərkiyir, güclənir, daha yaxşı nəticələr verir. Qarşılaşmalar hər biri 12 dəqiqədən ibarət üç hissəlidi. Matçın əsas vaxtında qalib gələnə 3 xal verilir. Əsas vaxtda qalib müəyyənləşməsə, 3 dəqiqəlik əlavə vaxt oynanılır. Bu müddətdə qələbə qazanan tərəf 2 xal qazanır. Oyun penaltilərə gedərsə, orda üstün olan komandaya 1 xal verilir. Hətta 1 xalımız olsa belə, A divizionunda qalacağıq. Çünki yunanlar yarışı xalsız bitirib. Lakin biz komandaya motivasiya verəndə, qələbə üçün oynayacağımızı aşılamışıq. Nə qədər gücümüz və ya təcrübəmiz çatacaq – bu artıq zamanla görünəcək. Hər bir qarşılaşmada var gücümüzü qoyacağıq. Ən azı 2 qələbə qazanmaq istəyirik. İki mərhələnin nəticəsinə görə ilk “8-liy”ə düşən komandalar İtaliyada təşkil olunacaq final mərhələsində mübarizə aparacaq. Qalan 9-11-ci yerlər A divizionunda yerini qorumuş sayılırsa, sonuncu yeri tutan B divizionunun komandaları ilə yenidən “A”-ya yüksəlmək uğrunda oynayır. Təbii, “8-liy”ə düşmək bizim üçün böyük uğur olardı. Ötən il 9 xal toplayan komanda final mərhələsinə yollanıb. Ancaq dediyim kimi, ilk ildə bu çətindi. Bu il məqsəd A divizionunda qalmaqdı. Artıq gələn il üçün hədəf böyüyə bilər. Çünki komanda təcrübə qazanmış olacaq. Hər halda, qələbəyə köklənmişik. Ölkəmizi layiqincə təmsil etməyə çalışacağıq. Həm də aprel ayından məşq edirik. Çəkdiyimiz əziyyətin bəhrəsini görmək istəyirik”.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 17:14 Gülağa Cabbarov Stuxlikə məktub yazdı Dünən, 17:13 Riad Rəfiyev əvvəlcə sponsorla, sonra baş məşqçi ilə görüşəcək Dünən, 17:11 “Qəbələ”də qeyri-müəyyənlik davam edir Dünən, 17:09 Renat Dadaşov U-21-dən imtina etməyib Dünən, 17:07 Qara Qarayev daha iki il “Qarabağ”da Dünən, 17:06 Azərbaycanlı futbolçular Mxitaryanı “qorxaq” adlandırdı Dünən, 17:04 Avroliqanın kuboku Cocuq Mərcanlıda Dünən, 15:28 Yığma 17 nəfərlə hazırlaşır Dünən, 15:25 Yurçeviç “çərçivə”ni Səlahət Ağayevə tapşıracaq Dünən, 15:22 "Ayntraxt"ın azarkeşləri azərbaycanlı cocuqları sevindirdilər Dünən, 15:17 UEFA İcraiyyə Komitəsi Bakıda yığışacaq Dünən, 15:14 Çempion üç günə iki qələbə qazandı Dünən, 15:12 “Araz”ın ÇL-dəki rəqibləri nə vaxt məlum olacaq? Dünən, 15:10 Joze Alesio limitin tərəfdarıdı Dünən, 15:08 Hər iki finalçı cəzalandırıldı Dünən, 14:03 “Dəyişikliklər vacibdi, amma belə yox” Dünən, 14:01 “Keşlə” Salahlı ilə anlaşdı, hədəfdə Əfrandı Dünən, 13:59 U-21 xorvatlarla “sülh bağladı” Dünən, 13:54 Səfir jurnalistlər önünə çıxacaq Dünən, 13:53 Nə tez ayıldın, Özil?! Dünən, 13:51 Naxçıvan turniri: xəbəri kimdən alaq? Dünən, 13:47 Kamal Bayramov “Səbail”də Dünən, 13:44 Emil Balayevli "Tobol"dan önəmli qələbə Dünən, 13:40 “Neftçi”nin Mirabdullanı satmaq fikri yoxdu Dünən, 13:25 Ayxan Abbasov Riad Rəfiyevlə son görüşü gözləyir Dünən, 13:20 AZAL “Qəbələ” və “Sumqayıt”ın futbolçularına zülm etdi Dünən, 13:18 “Topaz” mayın 28-də festivala başlayır Dünən, 11:21 Futbolumuzdakı ingilislər həmyerlilərini Bakıya səsləyir 23-05-2019, 20:32 Finalın meydanda görünməyən tərəfləri 23-05-2019, 20:21 Naxçıvanda üç gün 23-05-2019, 20:19 Premyer-liqanın ən yaxşısı Dani Kintanadı! 23-05-2019, 20:16 “Zirə”nin kapitanlarına qapını göstərirlər 23-05-2019, 20:13 AFFA “Xəzər Cənub”a cəza yağdırdı 23-05-2019, 20:11 "Ekol" “Neftçi”ni asanlıqla üstələdi 23-05-2019, 20:03 Xətai Bağırov Taylandda oteldə qalır 23-05-2019, 19:24 Davud Kərimi 13 futbolçunun göndərilməsini normal sayır 23-05-2019, 19:19 Renat Dadaşov Portuqaliyada medal qazandı 23-05-2019, 19:17 Azərbaycan səfirindən sərt sual 23-05-2019, 19:15 Gürcü Azərbaycanı bəyənmir... 23-05-2019, 19:13 “Qarabağ”ın 16 mümkün rəqibindən 13-ü bəllidi 23-05-2019, 19:11 Rəhimin “Sabah”, Əliyarın “Qarabağ” “sevgisi” 23-05-2019, 19:04 Bakıda əfsanələrin paradı 21-05-2019, 15:14 Həftənin idman proqramı 21-05-2019, 15:08 Medianın finala biganəliyinin arxasında nə dayanır? 21-05-2019, 15:05 “Çelsi” fanklubunun Bakıdakı üzvləri hava limanına getməyəcək 21-05-2019, 15:03 Ayxan Abbasov “Sumqayıt”dan gedir 21-05-2019, 15:01 Rauf Əliyev: “Top qəbul etmək, düzgün ötürmək vermək çətin idi” 21-05-2019, 14:54 Cavid Hüseynov rəhbərliklə görüşəcək 21-05-2019, 14:52 İnqilab Məmmədov protokolda çoxlu səhv buraxdı 21-05-2019, 14:50 "Qəbələ": final lənətinə son və ilk titul! 21-05-2019, 14:46 "Səbail" bir ucdan yola salır 21-05-2019, 14:40 Alla Həsənova çempion oldu 21-05-2019, 14:38 Fərid Kərimzadə yersiz xal itkilərini səbəb göstərdi 21-05-2019, 14:35 Elçin Səmədli UEFA-da Murad Məmmədovu əvəzlədi 21-05-2019, 14:32 “Xəzər Cənub” dağıldı! 21-05-2019, 14:28 “Baku Fire” yüksək liqaya iddialıdı 21-05-2019, 14:27 ADBTİA “gümüş”ü “Standard”dan “oğurladı” Bütün xəbərlər
Ən çox oxunanlar