27 iy 21:18olke

“Milli Dəstə” “Qəbələ” və “Qarabağ”ı səfərdə dəstəkləməyəcək

“Milli Dəstə” “Qəbələ” və “Qarabağ”ı səfərdə dəstəkləməyəcək
Şamil Mustafayev: “Razılaşmışıq ki, maliyyə və vaxt baxımından daha sərfəli oyunlara gedək”

Avrokuboklarda çıxış edən komandalarımıza səfər matçlarında ən çox dəstək verən, təbii ki, “Milli Dəstə” azarkeş qrupudu. Adı çəkilən azarkeş qrupu istər millinin, istərsə də klubların oyunlarına gedib, sona qədər azarkeşlik edib. Özü də bütün xərcləri özləri qarşılamaqla, uzun yol qət etməklə. Sözün əsl mənasında Avropa arenalarında Azərbaycan azarkeşi adından söz etdiriblər. Elə matçlar olub ki, sayları az olmasına baxmayaraq, 90 dəqiqə komandalarımızı irəli səsləyiblər. Əsasən Almaniya və Hollandiyada qərarlaşan azarkeş qrupunun üzvlərinin uzaq ölkələrə gedişi, adətən, çətin olur. Məsələ yolun uzunluğunda yox, maliyyədədi. Yəni təyyarə biletlərinin bahalığı azarkeşlərin oyunlara getməsinə mane olur.
Yəqin hamı istərdi ki, “Milli Dəstə” avrokuboklarda mübarizəni davam etdirən həm “Qarabağ”ın, həm də “Qəbələ”nin oyunlarında tribunada yerini tutsun. Bu gün “Qəbələ” Yunanıstanda “Panatinaikos”la üz-üzə gələcək. Təbii ki, yunan azarkeşlərin çılğınlığı haqda məlumatı olmayan azdı. Lakin onların arasında az sayda da olsa, azərbaycanlının yer alması, bayrağımızın tribunada dalğalanması Roman Qriqorçukun komandası üçün hava-su kimi vacibdi. Üstəlik, “Qarabağ”ın “Şerif”lə səfər oyunu haqda da bunu söyləmək olar. Moldovalı azarkeşlərin doğma meydanda anşlaq yaradacağı şübhə doğurmur.
Bəs görəsən, bu iki qarşılaşmada “Milli Dəstə”nin üzvləri iştirak edəcəkmi? Sualı azarkeş qrupunun rəhbəri Şamil Mustafayevə ünvanladıq. Onun cavabı isə belə oldu: “Təəssüf ki, “Panatinaikos” – “Qəbələ” matçında içtirak edə bilməyəcəyik. Biz bu haqda kluba da məlumat vermişik. Səbəb isə çox sadədi. Şəxsi işlərimiz var. Bilirsiz ki, bizim uşaqların çoxu Avropada təhsil alan tələbələrdi. Onların hər zaman vaxtı olmur. İndi yaydı, çoxlarının semestr imtahanları var. Məsələn, mən diplom işimi müdafiə etməliyəm. Bu üzdən hazırda nəfəs almağa belə vaxtım yoxdu. Digər uşaqların da həyatlarında önəmli, vacib işlər baş verir. Biz onlara deyə bilmərik ki, işini sonraya saxla, oyuna gedək. Bu il “Milli Dəstə”də bir az geriləmə hiss olundu. Düzdü, bəzi oyunlara getdik. Amma əvvəlki qədər fəal ola bilmirik. “Qəbələ” mərkəzi və qərbi Avropa ölkəsinin klubu ilə qarşılaşsaydı, bəlkə də gedərdik. Özünüz görmüsüz ki, qitənin qeyd etdiyim hissəsində baş tutan oyunların, demək olar, hamısında iştirak etmişik. Yunanıstan cənubda yerləşir. Məsafə çox uzaqdı. Uzaq olanda bilet tapmaq da çətin olur, vaxt tapmaq da. Bu üzdən ötən il də “Qarabağ” və “Qəbələ”nin Yunanıstandakı oyunlarını tribunadan izləyə bilmədik”. Mustafayev deyir ki, maliyyə məsələsi səfərlər zamanı əsas rol oynayır: “Təbii ki, əsas məsələ həm də puldu. Maliyyə olmadan səfərə yollanmaq olmur ki. Avropa çox bahalı yerdi. Maliyyə olsa, bir günün içində gedib-gələ bilərik. Amma indiki halda bunu etmək müşkül məsələdi. Bir sutkada gediş-qayıdış üçün təyyarə biletləri çox bahadı. Ona görə də azarkeş qrupunda müzakirələr aparanda razılaşmışıq ki, maliyyə və vaxt baxımından daha sərfəli oyunlara gedək. Biz hamısında iştirak etmək istəyirik. Lakin reallığı da nəzərdən qaçırmaq lazım deyil”.
Şamilin sözlərinə görə, Yunanıstanda yaşayan tanışları da yoxdu: “Ümumiyyətlə, biletlə bağlı kimsə bizə müraciət edəndə vasitəçilik etməyə çalışırıq. Məsələn, “Yagelloniya” – “Qəbələ” qarşılaşması üçün Polşada təhsil alan tələbələr bizə müraciət etdi. Biz də klubla danışdıq və onlar üçün 20 bilet götürə bildik. Bunu həll etmək asandı. Beləcə “Qəbələ” dəstəksiz qalmadı. Uşaqlar sağ olsunlar, sona kimi komandaya azarkeşlik etdilər. Üstəlik, bizə də vasitəçiliyə görə minnətdarlıqlarını bildirdilər. Təəssüf ki, Yunanıstanda təhsil alan və ya yaşayan həmvətənlərimizdən heç kim bizimlə əlaqə saxlamayıb. Hətta “feysbuk” səhifəmiz vasitəsilə də müraciət etdik. Amma səs-soraq yoxdu. Orda azərbaycanlılar az yaşayır. Olsa-olsa, istirahətə gedənlərdi”.
Azarkeş qrupunun rəhbəri “Şerif” – “Qarabağ” matçında da iştirak etməyəcəklərini dilə gətirdi: “Moldova lap uzaqdı. Hətta Yunanıstandan da. Matça gedib-gəlmək üçün ən azı 4 gün vaxt lazımdı. Üstəlik, minimum 300 avro pul. Bir daha qeyd edim ki, maliyyədən öncə vaxt önəmlidi. Avropaya gəlməkdə prioritetim diplom işidi. Çünki tələbəyəm. Digər dostlarım Vüsal və Orxan da işlə bağlı məşğuldular, icazə ala bilmirlər. Tiraspoldakı oyuna gedə bilməsək də, ümid edirik ki, “Qarabağ” pley-offa yüksələr. Orda da Qərbi Avropa təmsilçiləri ilə düşsələr, mütləq bir səfər planlaşdırmağa çalışacağıq. Moldovada Azərbaycan Cəmiyyəti var. Hansı ki, xeyli həmyerlimiz orda çalışır. Ötən mövsüm “Kəpəz” Avroliqada “Daçiya” ilə oynayırdı. Həmin matç zamanı da Moldovada yaşayan azərbaycanlıları dəvət etmişdik. Sağ olsunlar, gəlib dəstək vermişdilər. Bu dəfə də onlarla əlaqə saxlayacağıq və matça getmələri ilə maraqlanacağıq. Ehtiyac olarsa, klubla danışıb biletlə təmin edəcəyik. Çox güman, “Qarabağ”ın oyunu ilə maraqlananlar, bu qarşılaşmanı tribunadan izləmək istəyənlər olacaq. Moldovada azərbaycanlılar çoxdu”.
ŞƏFİ ŞƏFİYEV
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 18:04 “Canlı ensiklopediya” 65-i geridə qoydu Dünən, 17:57 Boris Xetaqurov da bizi təbrik etdi Dünən, 17:54 Tarixi sayı “Qarabağ”ın bütün heyətinə imzalatdıran oxucu Dünən, 17:32 “Futbol+”in işi klubların gözündə Dünən, 17:30 Klubların əksəri aşağı yaş qruplarına buts paylaya bilmir Dünən, 17:28 MOİK rəhbərliyi Ramil Əliyevi saxladı Dünən, 17:27 Cərimələr 20 mini ötdü Dünən, 17:26 Tərlan Əhmədovdan örnək addım Dünən, 17:24 “Atletiko”nun prezidenti Hafiz Məmmədovun qonağı oldu Dünən, 17:20 Gənclər “Atletiko”ya müqavimət göstərə bilmədi Dünən, 17:18 “Qarabağ” “Koroğlu”nun ətrafını bayram yerinə çevirdi Dünən, 17:16 İlk qol, ilk xal, bəs sonra… Dünən, 17:14 Anar Salmanovdan idarəçiliyə qiymət: biabırçılıq! Dünən, 17:11 Zabit Səmədov tanınmış döyüşçünü Bakıya gətirmək istəyir Dünən, 17:09 Prosineçki yenə ləngidi Dünən, 17:07 Superliqa oyunları ölkəmizdə yayınlanmayacaq Dünən, 17:05 Futzalçılar Alesioda günah görmür Dünən, 17:03 Maşallah Əhmədovdan 300 min manat tələb olunur Dünən, 17:01 Yığmanın sabiq çalışdırıcısından şok açıqlama Dünən, 16:58 Reaksiyalar Dünən, 16:55 Qurbanov fransız hakimin qərarı ilə razılaşmır 17-10-2017, 16:51 Təmkin yenə “Kəpəz”in başına oyun açdı 17-10-2017, 16:50 “Qəbələ” ikinci dövrəyə də darmadağınla start verdi 17-10-2017, 16:48 “Arada düşünürəm ki, bu qəzet olmasa, mən necə yaşaya bilərəm” 17-10-2017, 16:44 20 ildə “Futbol+”in bütün saylarını yığan oxucu 17-10-2017, 16:31 Fərhad “Qəbələ”liləri vaxtı uzatmaqda qınadı 17-10-2017, 16:29 Cavid Hüseynov da Prosineçkinin qalmasını istəyir 17-10-2017, 16:26 “Sabah”dan darmadağın 17-10-2017, 14:51 Mahir Mədətovun əmisinə xəsarət yetirdilər 17-10-2017, 14:50 Birinci divizionda ilk istefa 17-10-2017, 14:49 “Neftçi” “Səbail”in borcunu artıqlaması ilə qaytardı 17-10-2017, 14:47 Abasov yetirmələrini təriflədi 17-10-2017, 14:44 Qriqorçukun “avtobus taktikası” özünü doğrultdu 17-10-2017, 14:42 “Araz” mübarizəni dayandırdı... 17-10-2017, 14:40 Rahid Əmirquliyevin təftişi: iki halın heç birində oxumadı 17-10-2017, 14:38 “Qarabağ” “Atletiko”nu məğlub etsə, azarkeşlər pulsuz taksidən yararlanacaq 17-10-2017, 14:37 Prosineçki Sloveniya variantını təsdiqlədi 17-10-2017, 14:34 Antalyada ikiqat uğur 17-10-2017, 14:31 Ölkə çempionunu Danimarkada “döydülər” 17-10-2017, 14:30 Yığma üzvü Rusiyada kapitan oldu 17-10-2017, 14:28 İlk “üçlük”lə başqaları arasında uçurum dərinləşir 15-10-2017, 14:34 Errera və Barqasla anlaşma yeniləndi 15-10-2017, 14:32 Cavadovlar qız gözləyəndə Vaqif doğulub 15-10-2017, 14:28 “Qarabağ” sonda sevindi 15-10-2017, 14:26 “Azəryol” heyətini açıqladı 15-10-2017, 14:23 Zaur Paşayev “Kutaisi”dən ayrılıb 15-10-2017, 14:15 “Zirə”lilər “Xəmsə”nin rəhbərinə yardım etdi 15-10-2017, 14:10 Yığma üzvləri Prosineçkinin qalmasının tərəfdarıdı 15-10-2017, 14:08 Ukrayna da U-17-ni darmadağın etdi 15-10-2017, 14:05 Təbriz Həsənov məsuliyyəti üzərinə götürdü 15-10-2017, 14:03 “İsgəndər Cavadov Bakı Futbol Akademiyası”nın təqdimatı gecikir 15-10-2017, 14:02 “Traktorsazi” liderə uduzmadı 15-10-2017, 12:49 Azər Məmmədovun “Futbol+”ə açıqlaması klubu silkələdi 15-10-2017, 12:47 Bultuis qalmaqallı müsahibəyə görə sorğu-sual olundu 15-10-2017, 12:46 Hakimliyimizin biabırçı mənzərəsi... 15-10-2017, 12:44 Yığmalar rəsmi oyunlara çıxır, AFFA-nın saytı “yatır” 15-10-2017, 12:42 Reqbi Federasiyası acınacaqlı durumdadı Bütün xəbərlər
Ən çox oxunanlar