12 iy 19:15olke

“Astra”nın problemləri saymaqla qurtarmır

“Astra”nın problemləri saymaqla qurtarmır
Rumıniyada yaşayanlar “Zirə”nin “gözünü açdı”

Avroliqanın 2-ci təsnifat mərhələsində “Zirə” Rumıniya təmsilçisi “Astra” ilə qarşılaşacaq. Hələ “Differdanj”la oyunlardan öncə rəqibin Curcu təmsilçisi olduğunu eşidib-bilənlərin çoxu ağlaşma qurub, başını tuturdu ki, “Astra” keçilməz rəqibdi, vay təmsilçimizin halına. Lakin zaman keçdikcə, daha doğrusu, “Differdanj” səddi aşılandan sonra bir çox suallara aydınlıq gəldi. Məlum oldu ki, Rumıniya klubunun indiki durumu acınacaqlıdı. Baş məşqçi və aparıcı futbolçular komandanı tərk edib, onların əvəzinə yenilər cəlb olunub. Bu isə “Astra”nın yenidən qurulması deməkdi. Yəni bunlar ümumi gördüklərimizdi. Rəqib haqda daha dolğun məlumatları isə Rumıniyada yaşayan şəxslərdən almaq mümkündü. Hansı ki, “Astra”da yaşananlardan xəbərdardılar, baş verən prosesləri bilirlər. Odu ki, bir neçəsi ilə əlaqə saxladıq.
Adrian Pits, “Xəzər Lənkəran”ın sabiq futbolçusu: “Astra”da çıxış etməsəm də, bir neçə dəfə bu komandaya qarşı oynamışam. Etiraf edim ki, zəngin tarixə malik klubdu, neçə-neçə tanınmış futbolçular yetişdirib, ya da heyətində çıxış edib. Demək olar, hər il rəqibləri özləriylə ayaqlaşmaya məcbur ediblər. Bundan öncəki mövsümdə çempion olmuş komandadı, 3-4 il əvvəl ölkə kubokunu qazanmışdılar. Lakin bu gün həmin heyətdən əsər-əlamət yoxdu. Müxtəlif vaxtlarda “Astra”nı çalışdırmış Marius Şumuditsa “Kayserispor”a yollandı. Onun gedişindən sonra bir neçə aparıcı oyunçu da komandanı tərk etdi. Adları sadalamaqla qurtarmaz. Məsələn, maliyyə imkanları yüksək olan “Styaua” Rumıniya yığmasına cəlb olunmuş Konstantin Budesku ilə son mövsümdə “Astra”nın “ürəyi” olmuş Felipe Teyşeyranı heyətinə qatdı. Hazırda yığmaya cəlb olunan Kristian Sapunaru ilə Silviu Lunq isə Şumuditsanın yanına – “Kayserispor”a yollandı. Gedənlərin sayı çoxdu, adını çəkdiklərim ən üzdə olanlardı. Deməyim odu ki, futbolçuların adları baxımından komanda zəiflədi. İndi bir neçəsini gətiriblər, aralarında vaxtilə “Liverpul“da oynamış hücumçu (Antoni Le Tallek – H.) da var. İndiki baş məşqçi İordanesku cavan olsa da, bacarıqlıdı. Qısa müddətdə istədiyi komandanı formalaşdırmalıdı. Amma bu, 15-20 günün işi deyil. Ona görə də “Zirə”ylə oyunlarda xətlərarası əlaqə və anlaşma baxımından çətinlik çəkəcəklərini düşünürəm. Mən sizə gördüklərim və bildiklərim haqda ümumi məlumat verdim. Bu o demək deyil ki, “Astra”nı aşağılayıram, yaxud “Zirə”nin mərhələ adlayacağına əminəm. Necə olacağını sizin kimi, mən də səbirsizliklə gözləyirəm”.
Abbas Zahidi, Rumıniyada yaşayan həmyerlimiz: “Astra”nın bugünkü durumu olduqca acınacaqlıdı. Təsəvvür edin, aşağı dəstədən elitaya iki komanda yüksəlib və hər iki komandanın maliyyə durumu “Astra”dakından qat-qat yaxşıdı. Vaxtilə çempion olan, Avroliqanın qrup mərhələsində çıxış edib, 1/32 finala yüksələn heyətin 70-80 faizi dağıldı. Həmin uğurlara imza atan əsas oyunçulardan 4-5 nəfər qalıb. Teyşeyra “Astra”nın yarısı idi. “Qarabağ”da Riçard Almeyda kimi. Məsələn, Sapunaru onlar üçün həddən artıq vacib fiqur idi. Müdafiənin dirəyi sayılırdı. “Qarabağ”da və millidəki Rəşad Sadıqov kimi. Qapıçıları hazırda Rumıniya yığmasına cəlb olunur və uzun illər idi “Astra”nın formasını geyirdi. O da yaxşı maliyyə təklifinə görə “Kayserispor”a getdi. Gedənlərin əvəzinə 4-5 nəfər cəlb ediblər. Ən çox da Le Tallekin adı qeyd olunur. Nə qədər güclü futbolçular olsalar belə, komandaya uyğunlaşmayıblar. Baş məşqçi də yenidi, futbolçuların əksəri də. Bu dəqiqə “Astra”nın ən böyük problemi komandanın yenidən qurulmasıdı. Yoldaşlıq oyunlarındakı nəticələri də qənaətbəxş deyil. Güclü rəqiblərə “diş göstərə” bilmirlər. Baş məşqçiləri hansısa sınaq matçından sonra açıqlamasında qeyd etmişdi ki, belə getsə, elitada qalmaq uğrunda mübarizə aparacağıq. Ümidsiz olduğu göz qabağındadı. Bu sözləri deməklə sabah üçün özünü “sığortalayır”. İstər-istəməz çətinliklərin fərqindədi. Daxildəki ab-hava da ürəkaçan deyil. Bukmeker kontorları ilə sövdələşmə məsələsi xeyli vaxtdı müzakirə olunur, futbol ictimaiyyəti “Astra”dan şübhələnir. Bu da istər-istəməz kollektivə təsir edir. Borcları çoxdu, yeni futbolçulara da lazım olan pulu verə bilmirlər. “Astra” vaxtilə Araz Abdullayevi heyətinə qatmaq istəyirdi. Lakin borc səbəbindən istəklərinə çata bilmədilər. UEFA icazə verməmişdi... Bunlar “Astra”nın hər kəs tərəfindən görünən tərəfidi. Yəni çətinlikləri həddən artıq çoxdu. “Qarabağ”, yaxud “Qəbələ” kimi təmsilçilərimizlə qarşılaşsaydılar, asanlıqla bizimkilərin mərhələ adlayacağını iddia etmək olardı. Amma “Zirə” məsələsində tərəddüd edirəm. “Astra” güclü deyil, amma “Zirə”ni də lazımi səviyyədə görmürəm. “Differdanj”la matçlarda müdafiə xəttindəki səhvlərin sayı-hesabı yox idi. Sadəcə, rəqib Lüksemburq təmsilçisiydi deyə, qol vəziyyətlərini boşa vermək normal görünürdü. O cür səhvləri “Astra” ilə oyunlarda buraxsalar, rumınlar bağışlamayacaq. Hər nə qədər yenilənmiş heyət olsa da, qol imkanlarını boşa verəcək dərəcədə zəif deyillər. Fərdi ustalıq qabiliyyəti yüksək olan oyunçulara sahibdilər. “Zirə” üstünlüklərindən istifadə etməlidi. Birincisi, Avroliqada oyun təcrübəsinə sahibdilər. Yəni iki çətin matçdan sonra baş məşqçi problemləri görüb, yetirmələrinin diqqətinə çatdırıb. “Astra” isə ancaq yoldaşlıq görüşləri ilə kifayətlənib. Digər məqam rumınların “Zirə”yə yuxarıdan aşağı baxmasıdı. Onlar elə düşünür ki, indiki vəziyyətdə də bizimkiləri asanlıqla məğlub edəcəklər. “Zirə”yə uğurlar arzulamaqdan başqa çarəmiz yoxdu... “Astra” bizim “İnter” kimidi. “Sürünə-sürünə”, “ağlaya-ağlaya” irəli gedirlər. İndiki planları da budu”.
HƏBİB
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Dünən, 13:43 "Neftçi" ikinci doğma evim, Azərbaycan ikinci vətənimdi" Dünən, 13:28 “Keşlə” maaşları tam ödəyəcək Dünən, 13:01 Qurban Qurbanov 20 min, Elxan Məmmədov 4 min manat, Kamran Ağayev isə... 29-03-2020, 19:19 AFFA UEFA ilə məsləhətləşmələr aparır 29-03-2020, 19:18 Ağarza Rzayev dünyasını dəyişdi 29-03-2020, 19:08 Çingiz İsmayılov AFFA-nın yardımından imtina edib 29-03-2020, 19:01 “Avropaya yollanmaq üçün Mirançuk daha yaxşı oynamalıdı” 29-03-2020, 18:54 Faiq Qarayev də dəstək kampaniyasına qoşuldu 29-03-2020, 18:50 Uayt döyüş üçün yer tapıb, amma açıqlamır 29-03-2020, 18:46 BOK və yaponiyalılar təzyiqə dözmədi 29-03-2020, 18:43 Azərbaycan Avstraliyanın taleyini yaşamaq istəmədi 26-03-2020, 15:37 “Süleymanovun yerinə gələn məşqçi məni ilk gündən ofsayda saldı” 26-03-2020, 15:33 Yubilyarlara Elxan Məmmədovun göstərişi ilə hədiyyə verilib 26-03-2020, 14:47 Ölkəmizdəki əcnəbilərin yaxınları koronavirusa yoluxmayıb 26-03-2020, 14:46 AFFA və PFL əməkdaşları da istirahətə çəkilib 26-03-2020, 14:45 Ağır Atletika Federasiyasından Novruz “hədiyyəsi” 26-03-2020, 14:33 “Zaqatala”nın hədəfi çempionluqdu 26-03-2020, 14:29 “Komanda hələ ki heç nəyə qadir deyil” 26-03-2020, 14:21 “Neftçi”dən “33 ən yaxşı” sırasına düşən sonuncu ad… 22-03-2020, 19:27 PFL açıqladı: azı bir ay futbol olmayacaq 22-03-2020, 19:24 “Mehdi Hüseynzadə”də 9600 oturacaq quraşdırılacaq 22-03-2020, 19:22 FIDE Rusiya qanunlarına da məhəl qoymur 22-03-2020, 19:18 “Sumqayıt”ın ofisindən oğurluq edən saxlanıldı 22-03-2020, 19:15 Tural Rzayev zədəyə görə “Merani”dən ayrıldı 22-03-2020, 19:09 Elçin Dərgahquliyev məsuliyyəti üzərinə götürdü 22-03-2020, 19:06 “Qadın futbolçular kişilər kimi çox qazansalar, daha məsuliyyətli və çalışqan olarlar” 22-03-2020, 18:59 Novruz Əzimov doğum günündə işdən azad olunub 22-03-2020, 18:46 “Neftçi” 1937-ci ilin martında yox, yanvarında yaranıb 18-03-2020, 16:29 AFFA liqalarda fasiləni aprelin 14-nə kimi uzadıb 18-03-2020, 16:28 “Bu gün hamımız koronavirusun əsiriyik” 18-03-2020, 16:27 Premyer-liqa məşqçiləri çempionatdakı fasiləni normal qarşılayırlar 18-03-2020, 16:24 Asim Xudiyev ABŞ təəssüratını bölüşdü 18-03-2020, 16:22 “Səbail” hollandı vətəninə yola saldı 13-03-2020, 12:15 Azər Mirzəyev Teymurun yaxşı fürsəti qaçırdığını düşünür 13-03-2020, 12:13 “Bizim dostlarımız qapı dirəkləridi” 13-03-2020, 12:11 Riçard Almeyda “Qarabağ”la Bakı üçün darıxır 13-03-2020, 12:07 Region Liqası nəzərdə tutulan vaxtda bitəcək 13-03-2020, 12:02 “Premier Quba”nın məsələsinə gələn həftə baxılacaq 13-03-2020, 11:59 Riad Rəfiyev Ayxan Abbasova dəstək oldu 13-03-2020, 11:56 Teymurun əziz canı = Azərbaycanın itirilən şansı 13-03-2020, 11:53 4-cü oyun, 4-cü məğlubiyyət! 12-03-2020, 10:45 Məğlubedilməzlər də məğlub olurlar… 12-03-2020, 10:43 “Bu gün əsas rəqibimiz arxayınlıq və özümüzük” 12-03-2020, 10:40 AFFA-dan “Xəzər Lənkəran”a cavab gəldi 11-03-2020, 11:44 Samir Abasov gənc mütəxəssislərin müdafiəsinə qalxdı 11-03-2020, 11:37 Emil Babayandan isti münasibət görüb 11-03-2020, 11:34 “Xəzər Lənkəran”ın U-17 komandası fəaliyyətini dayandıracaq 11-03-2020, 11:31 Rus agenti və "Bude-Qlimt” rəhbərliyini qınadılar 11-03-2020, 11:29 “Vaxtında düzgün addımlar atsaydım, maddi xərclərimizi azalda bilərdim” 11-03-2020, 11:24 “Premier Quba”nın taleyi necə olacaq? 11-03-2020, 11:19 Rüstəm Rəhimov hakimliyin səviyyəsindən narazıdı 6-03-2020, 12:05 Emil Balayev: Kostanaydan Zirəyə... 6-03-2020, 12:04 Sabiq qapıçılar Emilə haqq qazandırdılar 6-03-2020, 12:01 Bakıya gələnlərin hər biri yoxlanılacaq 6-03-2020, 11:59 Millətlər Liqasında rəqiblərimiz müəyyənləşdi 6-03-2020, 11:55 AFFA oyunları təxirə saldı, klublar məşqləri ləğv etdi 6-03-2020, 11:53 Stuxlikin yersiz inadı klubların “başında çatlayır” Bütün xəbərlər
Ən çox oxunanlar