20 in 00:13olke

Bu gün Nyonda rəqiblərimiz bilinəcək

Bu gün Nyonda rəqiblərimiz bilinəcək
Nəhayət, intizarla gözlədiyimiz tarix yetişdi. Belə ki, bu gün saat 14.00-dan etibarən gözlər Nyona dikiləcək. İsveçrədə 2017/18 avrokubok mövsümünün püşkü atılacaq və beləliklə, Çempionlar Liqasında və Avropa Liqasında təmsil olunacaq klublarımız – “Qarabağ”, “Qəbələ”, “İnter” və “Zirə” rəqiblərini tanıyacaq.
Bəribaşdan 4 klubdan üçünün tədbirə öz nümayəndəsini göndərdiyini qeyd edək. Yalnız “İnter” artıq xərcə düşməyə ehtiyac duymayıb. Adını da qoyublar ki “rəhbərlik yeni olduğundan təşkilati işlər çoxdu”. “Qarabağ” ənənəvi olaraq, baş menecer Asif Əsgərovun timsalında təmsil olunur. Son anda Avropa Liqasının ilk təsnifat mərhələsindən azad olacağı bilinən “Qəbələ” püşkatmaya baş menecer Zaur Əzizovu göndərib. Birillik fasilədən sonra yenidən avrokuboklarda yarışmaq hüququ qazanan “İnter”i də püşkatmada “qırmızı-qaralar”ın baş meneceri təmsil edəcək. Nəhayət, avrokuboklarda debüt edəcək “Zirə”dən İsveçrəyə klub prezidenti vəzifəsini icra edən Natiq İsmayılov ezam olunub.

Avropa Liqası
Avropa Liqasında 1-ci təsnifat mərhələsindən mübarizəyə qoşulacaq “İnter”lə “Zirə”nin bütün potensial rəqiblərinin siyahısı məlumdu. Ümumilikdə Avroliqanın ilkin təsnifat mərhələsində 100 komanda mübarizə aparacaq. Püşkatma ərəfəsində onlar artıq səbətlərə də bölünüblər. Azərbaycanın hər iki klubu “səpələnmişlər” səbətində yer alıb. Bu isə klublarımızın “səpələnməmişlər” səbətində yer alan zəif komandalarla düşəcəyi anlamına gəlir.
1-ci təsnifat mərhələsi
Səpələnmişlər: “Makkabi” (Təl-Əviv, İsrail), "Midtyullann" (Danimarka), “Dinamo” (Belarus), "Lex" (Polşa), HJK (Finlandiya), AİK (İsveç), “Voyvodina” (Serbiya), “Videoton” (Macarıstan), AEL (Cənubi Kipr), “Şaxtyor” (Belarus), “Slovan” (Slovakiya), “Srvena Zvezda” (Serbiya), “Trençin” (Slovakiya), “Şkenderbü” (Albaniya), "Reyndorf" (Avstriya), “Sent Conston” (Şotlandiya), AEK (Cənubi Kipr), “İNTER” (AZƏRBAYCAN), “Beytar” (İsrail), “Ventspils” (Latviya), “Odd” (Norveç), “Kayrat” (Qazaxıstan), “Osiyek” (Xorvatiya), “Sarayevo” (Bosniya və Hersoqovina), “KR Reykyavik” (İslandiya), “Norçöpinq” (İsveç), “Milsami” (Moldova), “Lyünqbü” (Danimarka), “Nımme Kalyu” (Estoniya), “Jelezniçar” (Bosniya və Hersoqovina), “Botev” (Bolqarıstan), “Olimpiya” (Sloveniya), “Valletta” (Malta), “Vaduts” (Lixtenşteyn), "Yagelloniya" (Polşa), “Levski” (Bolqarıstan), ÇSKA (Bolqarıstan), “Styarnan” (İslandiya), “Hauqesunn” (Norveç), “Domjale” (Sloveniya), “Ordabası” (Qazaxıstan), “Levadiya” (Estoniya), “Ferentsvaroş” (Macarıstan), “Kruzeyders” (Şimali İrlandiya), “Rabotniçki” (Makedoniya), “Reyncers” (Şotlandiya), “Şirak” (Ermənistan), “Daçiya” (Moldova), “Mladost” (Monteneqro), “ZİRƏ” (AZƏRBAYCAN).
Səpələnməmişlər: “İrtış” (Qazaxıstan), “Şiroki Briyeq” (Bosniya və Hersoqovina), “Fola” (Lüksemburq), “Differdanj” (Lüksemburq), “Şkendiya” (Makedoniya), “Qoritsa” (Sloveniya), “Sutyeska” (Monteneqro), “Pünik” (Ermənistan), “Partizani” (Albaniya), “Mladost” (Serbiya), “Şemrok Rovers” (İrlandiya), “Flora” (Estoniya), “Çixura” (Gürcüstan), “Linkoln” (Cəbəllütariq), “Yelqava” (Latviya), SJK (Finlandiya), “Kork Siti” (İrlandiya), “Zeta” (Monteneqro), B-36 Torshavn (Farer adaları), “Rujomberok” (Slovakiya), “Derri Siti” (İrlandiya), “Liepaya” (Latviya), “Zarya” (Moldova), VPS (Finlandiya), “Valyur” (İslandiya), “Vaşaş” (Macarıstan), “Tirana” (Albaniya), “Atlantas” (Litva), “Suduva” (Litva), “Qandzasar” (Ermənistan), “Torpedo” (Gürcüstan), “Trakay” (Litva), “Tre Penne” (San Marino), “Bala Taun” (Uels), “Dinamo” (Batumi, Gürcüstan), “Runavik” (Farer adaları), “Baltsan Yuts” (Malta), “Konna Kvey” (Uels), “Banqor Siti” (Uels), “UE Santa Koloma” (Andorra), “Proqres” (Lüksemburq), “Pelister” (Makedoniya), “Folqore/Falçano” (San Marino), “Floriana” (Malta), “Kolreyn” (Şimali İrlandiya), “Ballimena Yunayted” (Şimali İrlandiya), “Sent Xuliya” (Andorra), “Kİ Klaksvik” (Farer adaları), “Sent Cozef” (Cəbəllütariq), “Priştina” (Kosovo).
Başa çatan mövsümdə premyer-liqanın ikincisi olan “Qəbələ” 2-ci təsnifat mərhələsindən mübarizəyə başlayacaq. Bu isə yenilikdi. Normal yanaşsaq, hansısa komanda ilk mərhələdən azad olmasına sevinməlidi. Ancaq bu durum Roman Qriqorçuku narazı salıb. Səbəb isə aydındı: ukraynalı mütəxəssis startda zəiflərlə qarşılaşıb “qızışmaq” və tədricən sürət yığmaq istəyir. Axı son iki tsikldə “Qəbələ” məhz Avroliqaya ilkin mərhələdən başlayıb və qrupa düşüb.
Əyalət təmsilçisi 2-ci təsnifat mərhələsindən yarışa qoşulacaq 16 komandadan biridi. “16-lıq”da isə aşağıdakı komandalar yer alır: “Qalatasaray” (Türkiyə), “Astra” (Rumıniya), “Hayduk” (Xorvatiya), “Apollon” ( Cənubi Kipr), “Mlada Boleslav” (Çexiya), “Lütsern” (İsveçrə), “Brondbü” (Danimarka), “QƏBƏLƏ” (AZƏRBAYCAN), “Aberdin” (Şotlandiya), “Utrext” (Hollandiya), “Şturm” (Avstriya), “Panionios” (Yunanıstan), “Bney Yehuda” (İsrail), “Dinamo” (Brest, Belarus), “Ostersun” (İsveç), “Brann” (Norveç).

Çempionlar Liqası
Ölkəmizi ardıcıl dördüncü mövsüm Çempionlar Liqasında təmsil edəcək “Qarabağ” da 2-ci təsnifat mərhələsindən mübarizəyə qoşulacaq. Bu mərhələdə 34 komanda iştirak edəcək. Püşkdə 29 komanda və 1-ci təsnifat mərhələsinin 5 cütü hərəsində 17 iştirakçı olmaqla, iki səbətə bölünəcək. “Səpələnmişlər” sırasında yer alacaq “Qarabağ” 12 klub və ya 4 cütlükdən biri ilə görüşəcək.
1-ci təsnifat mərhələsi
Səpələnmişlər: “Nyu Seynts” (Uels), “Linfild” (Şimali İrlandiya), “Vikinqur” (Farer adaları), “Hibernians” (Malta), “FK Santa Koloma” (Andorra).
Səpələnməmişlər: “Alaşkert” (Ermənistan),“Fiorita” (San Marino),“Europa” (Cəbəllütariq), “İnfonet” (Estoniya),
“Trepça” (Kosovo).
2-ci təsnifat mərhələsi
Səpələnmişlər: “Seltik” (Şotlandiya), “Zaltsburq” (Avstriya), “Kopenhagen” (Danimarka), “Ludoqorets” (Bolqarıstan), BATE (Belarus), “Legiya” (Polşa), APOEL (Cənubi Kipr), “Maribor” (Sloveniya), “QARABAĞ” (AZƏRBAYCAN), “Malmö” (İsveç), “Astana” (Qazaxıstan), “Partizan” (Serbiya), “Riyeka” (Xorvatiya),“Rusenborq” (Norveç), “Şerif” (Moldova), “Hapoel” (Beer Şeva, İsrail).
Səpələnməmişlər: “Hafnarfyordur” (İslandiya), “Jilina” (Slovakiya), “Jalgiris” (Litva),“Dandolk” (İrlandiya), “Vardar” (Makedoniya), “F-91 Düdelanj” (Lüksemburq), “Kukesi” (Albaniya), “Zrinski” (Bosniya və Hersoqovina), “Buduçnost” (Monteneqro), “Honved” (Macarıstan),
“Maryehamn” (Finlandiya), “Spartak” (Latviya), “Samtredia” (Gürcüstan).
MİRAĞA

Avrokubok mövsümü nə vəd edir?
Püşkün nəticəsindən asılı olaraq, növbəti avrokubok mövsümü ilə bağlı hədəflərə aydınlıq gələcək. Təbii, əsas məqsəd ən azı ötənilki nəticəni təkrarlamaqdı. Yəni yenə də iki klubumuzun qrupda mübarizəsini izləmək həvəsindəyik. Daha artığını bacarsalar, lap yaxşı. Çünki belə olan halda əmsal baxımından da irəli düşəcəyik.
Qeyd edək ki, təmsilçilərimiz ötən tsikldə 4,250 əmsal toplamışdı və beləliklə, ölkənin ümumi qazancı 14,750-yə bərabər olmuşdu. Bu rəqəm UEFA-nın əmsallar cədvəlində 23-cü yerə yüksəlməyimizə imkan vermişdi. Məlum olduğu kimi, UEFA-nın reytinq hesablaması son 5 mövsümün nəticələrini özündə əks etdirir. Ümumiyyətlə, sıralamada üçüncü “10-luq”da sıxlıq diqqəti çəkir. Üst mərtəbədəki qonşumuz Bolqarıstandı. Bu ölkənin 15,125 əmsalı var. İndiki məqamda irəliləyəcəyimiz xeyli realdı. Uğurlu start sayəsində 0,375 əmsallıq geriliyi aradan qaldırmaq mümkündü. Ancaq 24-cü olan Şotlandiya da uzaqda deyil. Belə ki, britaniyalılar cəmi 0.125 əmsal geridədi. Yəni bir heç-heçəylə önə keçə bilərlər. Tsikllik hədəfdən danışdıqda, ikinci “10-luğ”a düşməyimiz də real görünür. Avrokuboklara 20-ci pillədə başlayacaq İsrailin əmsalı 16.125-ə bərabərdi. Ən pis halda növbəti tsiklin startında onlardan öndə ola bilərik. Belə ki, növbəti futbol ilində israillilərin hesabından 5.750, bizimkindən isə 2.250 əmsal çıxılacaq.
üçüncü “10-luq”
1 2 3 4 5 6 7
...21. Belarus 1.750 5.500 5.125 3.000 15.375
22. Bolqarıstan 5.625 4.250 1.000 4.250 15.125
23. AZƏRBAYCAN 2.500 3.625 4.375 4.250 14.750
24. Şotlandiya 3.250 4.000 3.000 4.375 14.625
25. İsveç 3.200 3.900 4.750 2.750 14.600
26. Cənubi Kipr 2.750 3.300 3.000 5.500 14.550
27. Qazaxıstan 3.125 3.375 4.625 2.750 13.875
28. Norveç 3.250 5.750 1.375 2.250 12.625
29. Serbiya 2.500 2.750 4.250 2.875 12.325
30. Sloveniya 2.625 4.000 1.000 2.250 9.875
1 - yer, 2 - ölkə, 3 - 2013/14, 4 - 2014/15, 5 - 2015/16, 6 - 2016/17, 7 - cəmi.
MİRAĞA
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 15:05 Kaprara özünü də batırdı, yığmamızı da... Dünən, 15:03 Mirabdulla Abbasovun məsələsi məhkəməyə qədər gedə bilər Dünən, 15:00 Stiven Jozef-Monroz da “Neftçi”li oldu Dünən, 14:57 Samir Əliyev 0:4-ə görə özünü suçladı Dünən, 14:56 Əliyarı finala layiq görmədilər Dünən, 14:20 Qurban Qurbanov Yurçeviçə cavab vermək istəmədi Dünən, 14:16 “Qarabağ” “Səbail”i məğlub etdi Dünən, 14:12 Mahirdən şübhəli mesaj Dünən, 14:07 U-21-lə bağlı süjet “tufan qopardı” Dünən, 14:05 “Qəbələ” Ukrayna təmsilçisi ilə qarşılaşacaq Dünən, 14:04 “Zirə”dən ayrılanlar “Qəbələ” ilə anlaşdı Dünən, 14:00 Emildən növbəti “quru” oyun Dünən, 13:58 Veteranlar arasında çempionat bərpa olunacaq Dünən, 13:57 Baş katib Nazim Süleymanova qərargah və pul söz verdi Dünən, 13:55 Fərid Nəbiyev vətənə qayıtmaq istəmir Dünən, 13:52 “Səbail” bu gün Bolqarıstana köçür Dünən, 13:51 “Keşlə” sabah toplanışa başlayır Dünən, 13:44 “Qara bazar” sakitləşib, amma Azərbaycanın pulu yenə xaricə axır Dünən, 13:39 Həftənin idman proqramı 18-06-2019, 16:04 11 ildə xərclənən milyonların siyahısı... 17-06-2019, 21:43 “Sabah”ın Türkiyə planında dəyişiklik oldu 17-06-2019, 21:42 Xətai Bağırov Taylanddan qayıdır 17-06-2019, 21:42 Əliyar Fransada daha bir oyun idarə etdi 17-06-2019, 21:32 Bölməyə aparılam azarkeşlər məhkəməyə müraciət edə bilərlər 17-06-2019, 21:31 Ruslan Abışov “Neftçi”dən ayrılmasının səbəbini gizlətmədi 17-06-2019, 21:29 Rauf Əliyev “Neftçi”dəki rəqabətdən çəkinmir 17-06-2019, 21:27 "Səbail" makedoniyalı qapıçı ilə anlaşdı 17-06-2019, 21:26 "Neftçi" gözlənilən transferi gerçəkləşdirdi 17-06-2019, 21:24 “Qarabağ”ın veteranı klub rəhbərliyindən gileyləndi 17-06-2019, 21:23 “Əvəzimə əcnəbi müdafiəçi alınmayacaq, çünki komandada üç yerli müdafiəçi var” 17-06-2019, 20:06 Süni gündəm: “Qarabağ”ın futbolçuları hədəf göstərilir 17-06-2019, 20:04 Əfran İsmayılov yığmada lider çatışmazlığını qabartdı 17-06-2019, 20:03 U-21-in üzvü “Zirə”də 17-06-2019, 20:02 “Real”ın yeni transferinin zirvəyə yolu “Qəbələ Cup”dan keçib 17-06-2019, 20:01 Transfer dosyesi 17-06-2019, 20:00 Futbolçular xaricə gedə bilməməyin günahını agentlərdə görürülər 17-06-2019, 19:58 Gerye “köhlən atlar”la razılığa gəldi 17-06-2019, 19:57 Arif Əsədov üzr istədi və vaxt azlığını əsas gətirdi 17-06-2019, 19:55 Aleksey İsayev Avropaya yollanır 17-06-2019, 19:20 “Xəzər qasırğası” 75 yaşında! 17-06-2019, 18:53 Azad Cabbarov yenə sədr seçildi 17-06-2019, 18:49 Rıbka da azarkeşsizlikdən gileylənir 17-06-2019, 18:47 “Bu təcrübə Bakıya AÇ-2020-də зox kцmək edəcək” 17-06-2019, 18:36 “Energetik” can üstədi... 14-06-2019, 22:42 Nazim Süleymanov bu dəfə Masallıya üz tutdu 14-06-2019, 22:32 AFFA ilə sövdələşənlər “Futbol+”i hədəf seçdilər 14-06-2019, 22:31 "Ronaldinyo akademiyası"nın layihəsi qüvvədədi 14-06-2019, 22:30 “Neftçi" Sansone ilə vidalaşdı 14-06-2019, 22:28 Skarlatake daha bir il "Zirə"də 14-06-2019, 22:27 Bu dəfə 5 qapaz... 14-06-2019, 22:17 Yurçeviç xəcalət çəkdiyini bildirib, üzr istədi 14-06-2019, 22:15 Yığma üzvlərinin qiymətləndirməsi 14-06-2019, 22:13 “Bakcell Arena”da azarkeşlər “istefa” tələb etdilər 14-06-2019, 22:11 Yığmanın və AFFA-nın “altını üstünə çevirdilər” 14-06-2019, 22:09 “Qəbələ” birinci divizionun bombardiri ilə anlaşdı 14-06-2019, 22:07 Futbol ictimaiyyəti çıxış yolu göstərdi 14-06-2019, 22:05 Məşqçilər Komitəsinin üzvləri dilə gəldilər Bütün xəbərlər
Ən çox oxunanlar