07 in 18:45olke

Legionerlərimiz 2016/17 mövsümündə

Legionerlərimiz 2016/17 mövsümündə
Şeydayev xoşbəxtliyi “Jilina”da tapdı

Ölkəmizdə mövsüm bir aydan artıqdı başa çatıb. Əslində "futbol ili"nin erkən yekunlaşması səbəbsiz deyildi. Mayda ölkəmizdə İslam Həmrəyliyi Oyunları keçirildiyindən daxili yarışların finişi tezləşdirildi. Ancaq Avropada ənənəvi olaraq çempionatlar əsasən mayın sonunda başa çatdı. Bəzi ölkələrdə isə marafon iyunun əvvəlinə qədər uzandı. Bu üzdən legionerlərimizin çıxışını dəyərləndirmək üçün ən münasib vaxtı seçdik. Hazırda isə onların 2016/17 mövsümündə necə yadda qaldığına nəzər salmaq məqamıdı.

Kamran Ağayev
Bir neçə il öncə, klubların pula pul demədiyi vaxtlarda futbolçularımızın legioner həyatı yaşamamasının əsas səbəblərindən biri kimi məhz bu amili göstərirdik. Evinin içində 10 minlər "qatlayan" birinin sərhədləri aşmaq fikrinə düşməməsi müəyyən mənada anlaşılan idi. Belə deyək, klubların dəyərindən artıq pul verməsi bizimkilərin inkişaf haqda düşünməsinə əngəl olurdu. Ancaq maliyyə böhranı futbolumuzu ağuşuna alandan sonra qiymətlər aşağı düşdü, kimsə haqq etdiyindən artığını almadı. Sevindik ki, nəhayət, bizimkilər də xaricə üz tutacaq, soraqları Avropanın müxtəlif çempionatlarından gələcək. İnsaf naminə, mövsümün əvvəlində legioner həyatı yaşamaq istəyənlərin, xaricə üz tutanların sayı artdı. Bunlardan biri də Kamran Ağayev idi. "Xəzər Lənkəran"dan ayrılandan klubları əlcək kimi dəyişən yığmanın əsas qapıçısının karyerasındakı bu yenilik hamını sevindirdi. Dəfələrlə onun heç olmasa, Avropanın ortabab çempionatlarına üz tutmasının vaxtı çatdığını qeyd edirdik. Sentyabrda “Boavişta” (Portuqaliya) ilə anlaşan qapıçı müəyyən mənada üzümüzü güldürməyə başladı. Baş məşqçinin ona güvənməsi azərbaycanlı futbolsevərləri də sevindirirdi. “Portu” ilə oyunda debüt edən Ağayev ümumilikdə 12 çempionat oyununda meydanda oldu, bu oyunlarda qapısında 14 qol gördü. Kubokda isə yalnız bir görüşdə 120 dəqiqə “çərçivə”ni qorusa da, komandası məğlub olub (1:2) mübarizəni dayandırdı. Bəzi qarşılaşmalarda ciddi səhvlərə yol verməsinə baxmayaraq, çalışdırıcının ona güvəni azalmırdı. Ancaq yenə da fasilə ərəfəsində Kamranın geri qayıtması ilə bağlı söz-söhbət yayıldı. Əvvəlcə peşəkarlıqdan nə qədər uzaq olsa da, darıxdığını deyən, daha sonra “Neftçi”yə gələcəyi ortaya çıxan qapıçının yanvarın 14-də “qələmi qırıldı”. “Benfika” ilə görüşdə (3:3) qapısında gördüyü qollar bir yana, oyundan sonra dava salması və lazımsız yerə “qırmızı” alması onu baş məqşçinin gözündən saldı. Beləcə artıq ona etimad göstərilmədi və məhz həmin vaxtdan sonra heyət üzü görmədi. Kamran mövsümün sonunu da gözləmədən vətənə döndü. Düzdü, Almaniya ilə martdakı seçmə mərhələ oyununda (1:4) Robert Prosineçki məhz ona güvəndi. Ancaq həmin qarşılaşmada iki qolda müəyyən səhvə yol verən qapıçının durumu heç ürəkaçan deyil.

Emin Mahmudov
Bir halda ki “Boavişta”nın adını çəkdik, burda top qovan daha bir futbolçumuzun mövsüm ərzində necə yadda qaldığını yada salaq. Söhbət ötən yay AFFA-nın yığmada oynamağa razı saldığı Mahmudovdan gedir. Əslində qurum Emin üçün bir neçə il öncədən hərəkətə keçmişdi, ancaq futbolçu məhz ötən yay bizimkilərin təklifinə “hə” dedi. Ancaq 25 yaşlı yarımmüdafiəçinin “Boavişta” karyerası uğurlu alınmadı. Təsəvvür edin, mövsümün əvvəlində anlaşdığı komandada ilk oyununa noyabrın 26-da çıxdı. Ümumilikdə Portuqaliya çempionatında 12 oyunda meydanda oldu ki, bu da cəmi 351 dəqiqə edir. Təbii, əksər qarşılaşmalarda sonradan meydana çıxıb, yalnız 3 görüşdə start “11-liy”ində yer alıb. Hesabında 1 qol var. Kubokda isə şans qazanmadı. Prosineçki San Marino ilə matçda (1:0) ona 12 dəqiqə oynamaq imkanı yaratdısa, Şimali İrlandiya ilə oyunda 70 dəqiqə meydanda oldu. Lakin heyətə düşməkdə çətinlik çəkən yığma üzvünün klubunda bu cür davam etməsi heç kimin ürəyincə deyil.

Ramil Şeydayev
AFFA-nın uzun çək-çevirdən sonra yığmada oynamağa razı saldığı futbolçulardan biri də Şeydayev idi. Əslində Ramildən gözləntilər daha çox idi. Rusiyanın aşağı yaş qrupları üzrə yığmalarının şərəfini qoruyan 21 yaşlı hücumçunun millinin gücünə güc qatacağını gözləyirdik. Elə Prosineçkinin də ona seçmə mərhələnin geridə qalan 5 görüşünün hamısında şans verməsi buna işarədi. Qol hesabını aça bilməsə də, insaf naminə, hər oyundan sonra futbolçuların çıxışını dəyərləndirərkən, Ramil üçün “normal” ifadəsini işlədə bilirik. Ancaq klub karyerası baxımından mövsüm Ramil üçün təzadlı keçdi. Belə ki, yayda “Trabzonspor”la anlaşan Şeydayev heç cür baş məqşçi Ərsun Yanalın sevgisini qazana bilmədi. Xatırladaq ki, onu Türkiyə klubuna AFFA-nın “bağışladığı”, maaşını məhz assosiasiyanın ödədiyi haqda informasiyalar da gündəmə gəlmişdi. Hərçənd federasiya deyilənləri qətiyyətlə təkzib etdi. Ancaq qaradənizlilərin heyətində şans qazanması müəyyən şübhələr yaradırdı. Özü də “bordo-mavililər”in uğursuz çıxışına və komandadakı hücumçuların aşağı forma sərgilməsinə baxmayaraq, Yanal inadından dönmürdü. Superliqada dekabrda debüt edən Şeydayev cəmi 10 dəqiqə oynadı. Kubokda isə 2 oyunda 76 dəqiqə şans qazanan yığmanın forvardı 1 dəfə fərqlənə də bildi. Ancaq qışda “Jilina”ya icarə əsasında keçməsi düzgün seçim idi. Bu klubun əsas komandasında 12 oyunda meydana çıxdı, 651 dəqiqə oynadı, 5 qola imza atdı. “Jilina”nın 2-ci komandasında isə 2 matçda forma geydi, 2 qol vurdu. Kubokda 1 görüşdə 44 dəqiqə oynadı. Mövsümün sonunda “Jilina” ilə Slovakiya çempionluğunu bayram etdi.

Dmitri Nazarov
Yığmanın daha bir əsas heyət üzvü üçün mövsüm pis keçmədi. Öncə onu qeyd edək ki, Prosineçki Nazarova seçmə mərhələ görüşlərinin hamısında şans verib. Bunlardan üçündə 90 dəqiqə oynayan Dmitri ən az Şimali İrlandiya ilə matçda meydanda olub (20 dəqiqə). Xüsusən Almaniya ilə martdakı görüşdə baxımlı qol vurması klubunda, eyni zamanda “Ertsgebirge” azarkeşləri tərəfindən böyük coşquyla qarşılandı. Təbii, 2-ci bundesliqada çıxış edən futbolçunun ölkənin əsas komandasına – son dünya çempionlarına qol vurmasına etinasız yanaşmamışdılar. Həmin matçdan sonra təkcə təmtəraqlı qarşılanma ilə iş bitmədi, imza mərasimi də baş tutdu. Çempionatda 28 oyunda meydana çıxan Nazarov 1763 dəqiqə mübarizə aparıb, hesabında 9 qol var. Kubokda isə 1 görüşdə 120 dəqiqə oynayıb.

Dəniz Yılmaz
Mövsümün əvvəlində Dəniz Yılmazın yığmamızı seçdiyi məlum oldu. O uzun müddət Türkiyə yığmasından dəvət gözləsə də, arzusu reallaşmadı. Açıqlamasında bildirmişdi ki, Azərbaycan tərəfi Dənizi 3 il gözləyib. Öz ölkəsinin əsas komandasına çağırılmayacağını qətiləşdirən Yılmaz AFFA-nın təklifini qəbul etdi. “Bursaspor”un üzvü son mövsüm çempionatda 19 oyunda meydanda oldu ki, bu da 1583 dəqiqə edir. Hesabında 4 qol olan forvard 1 dəfə qırmızı vərəqə ilə cəzalanıb. Kubokda isə 2 oyunun hər ikisini əvələnmədən keçirib, bir dəfə rəqib qapısına yol tapıb. Əslində mövsüm Dəniz üçün yaxşı yekunlaşmadı. Belə ki, çempionatın bitməsinə təxminən 1 ay qalmış klubunda problem yaşadı. “Bursaspor”dan pulunu ala bilməyən yığma üzvü “timsahlar”ı FİFA-ya şikayətlə hədələmişdi. Buna görə komandadan uzaqlaşdırılan Yılmaz transferə çıxarıldı. Ancaq klubu sonda onun borcunu ödədi. Yılmaz DÇ-nin seçmə mərhələsinin iki oyununda – Şimali İrlandiya və Almaniya ilə matçlarda şans qazanıb. Maraqlıdı ki, Prosineçki ona bu dəfə dəvət göndərməyib. Bəlkə də xorvat çalışdırıcı Dənizin klubunda yaşadıqlarını nəzərə alıb.

Pavel Paşayev
Uzun müddət yığmadan dəvət alsa da, daha çox ehtiyatda qalırdı. Nəhayət, Almaniya ilə görüşdə Prosineçki ona əsas heyətdə şans verdi. Meydanda olduğu 90 dəqiqədə pis təsir bağışlamadı. Klubunda isə əsas heyət üzvüdü. Ukrayna çempionatında “Stal”ın formasında 29 oyunda şans qazanıb ki, bu da 2450 dəqiqə edir. Kubokda isə 2 oyunda 120 dəqiqə mübarizə aparıb. Təbii, həm özü üçün, həm də yığma baxımından klubunda daim forma geyməsi müsbət məqamdı.

Budaq Nəsirov
Onun da transferi böyük səs-küy doğurmuşdu. Ötən yay “Sportinq”ə keçdi ilə azərbaycanlı azarkeşləri fərəhləndirdi. Özü də Portuqaliya təmsilçisiylə 5 illik müqaviləyə imza atıldı. Hərçənd Nəsirovun Lissabon təmsilçisinin əsaas heyətinin şərəfini qoruyacağı inandırıcı görünmürdü. Belə də oldu. “Sportinq”in 2-ci komandasında çıxış edən Budaq ötən mövsüm 20 oyunda şans qazanıb ki, 1027 dəqiqə meydanda olub, 1 dəfə fərqlənib. Xüsusən mayın 14-də “Akademika” ilə oyunda etdiyi hərəkət mövsümlük karyerasına damğa vurdu. Həmin oyunda rəqibə penalti qazandıran 20 yaşlı yarımmüdafiəçi buna meydanda olmaya-olmaya “nail olmuşdu”. Cərimə meydançasının yaxınlığında isinmə hərəkətlərini yerinə yetirərkən, top meydanı tərk etmədiyi halda ona əllə toxunaraq, komandasını cəzalandırdı. Həmin epizod uzun müddət müzakirə olundu. Özü də hazırda onun “Sportinq”də karyerasını davam etdirib-etdirməyəcəyi sual altındadı.

Elnur Cəfərov
Yayda Portuqaliya çempionatına üz tutanlardan biri də Cəfərov idi. Lakin onun “Tondela”dakı karyerası, belə desək, başlamamış bitdi. Klub onun hazırlıq səviyyəsinin aşağı olduğunu əsas gətirdisə, Elnur dini inancla bağlı arada yaranan problemi qabartmışdı. Bir sözlə, “Tondela”dan ayrılan Cəfərov Xorvatiyanın 2-ci liqasında mübarizə aparan “Duqopolye”yə üz tutdu. Qeyd edək ki, Cəfərov son mövsüm “Duqopolye”nin heyətində 13 oyunda 369 dəqiqə oynayıb. Onun da Xorvatiya təmsilçisindən ayrılacağı, kareyarsını ölkəmizdə davam etdirəcəyi deyilir.

Rüfət Dadaşov
Berti Foqtsun zamanında yığmaya cəlb olunan və əsas komandada 16 oyun keçirən Dadaşov Prosineçkidən dəvət almır. Xorvat mütəxəssis onun qardaşı Renata üstünlük verdi. Rüfət son mövsümü Almaniyanın şimal-şərq regional liqasında mübarizə aparan "Moyzelvits"in heyətində keçirdi. Bu komandanın heyətində 33 oyuna çıxan 25 yaşlı hücumçu meydanda olduğu 2878 dəqiqə ərzində 12 dəfə rəqib qapılarına yol tapıb. Əslində Prosineçkiyə onun yığmaya dəvət almaması ilə bağlı sual veriləndə xorvat çalışdırıcı forvardın 4-cü liqada mübarizə aparmasını əsas gətirmişdi.

Eddi İsrafilov
Onun şərəfini qoruduğu “Kadis”in hələ də İspaniya sequndasında bir oyunu var. Lakin yığmaya dəvət aldığından Eddi həmin görüşdə iştirak etməyəcək. Ümumiyyətlə, İsrafilov Əndəlus təmsilçisinin əsas heyət üzvünə çevrilmədi. Son mövsüm 20 oyunda ümumilikdə 952 dəqiqə şans qazanan yarımmüdafiəçi cəmi 1 dəfə fərqlənib. Kubokdakı göstərici isə 1 oyunda 48 dəqiqə ilə məhdudlaşır. Razılaşaq ki, AFFA-nın onun yığmada oynaması ilə bağlı göstərdiyi inadkarlıqla futbolçudan gözləntilər üst-üstə düşmür.

Ufuk Budak
Maraqlıdı ki, ötən ilin mayında yığma Avstriyada toplanış keçəndə Prosineçki Ufuka da dəvət göndərmişdi. Hətta Andorra ilə yoxlama oyununda (0:0) 90 dəqiqə meydanda oldu. Lakin nədənsə xovat çalışdırıcı seçmə mərhələ görüşlərində onun xidmətinə ehtiyac duymadı. Mövsümün ilk yarısında Türkiyə superliqasında çıxış edən “Kayserispor”un şərəfini qorudu. Kayseri təsmilçisinin heyətində çempionatda 12 oyun (904 dəqiqə) keçirib və yeganə qolunu “Fənərbaxça” ilə görüşdə vurub. Kubokda isə 3 matçda 237 dəqiqə mübarizə aparıb. Qışda superliqa təmsilçisini PTT liqasında çıxış edən “Manisaspor”a dəyişən Ufuk yeni komandasında 13 qarşılaşmada şans qazanıb. Meydanda 1170 dəqiqə mübarizə aparan 27 yaşlı futbolçu 1 qol vurub.

Renat Dadaşov
Onun da yığmamızı seçməsi bir sıra müzakirələrə, fərqli yanaşmalara yol açdı. AFFA futbolçunun, Renat isə qurumun yığmada oynamağı təklif etdiyini demişdi. Qeyd edək ki, əvvəllər U-15 millimizə çağırılan hücumçu daha sonra bundestimin U-16, U-17 yığmalarının şərəfini qorumuşdu. Yuxarıda vurğuladığımız anlaşılmazlıq bir yana, “Bild” Almaniya ilə oyundan öncə Dadaşovun yığmamızda oynamağa razı salınması ilə bağlı şok iddia irəli sürmüşdü. İddiaya görə, AFFA buna yüksək məbləğdə pul sayəsində nail olub. Daha dəqiqi, assosiasiyanın Renata 1 milyon dollar pul və ev verdiyi qeyd olunmuşdu. Ancaq bizimkilər həmin iddianı qətiyyətlə təkzib etdi. Hətta Almaniya mətbuatı bundestimlə matçda adı “18-liy”ə salınmayan Renatın qərarını bir daha düşünəcəyini yazmışdı. Hər halda, bu proqnoz özünü doğrultmadı və Prosineçki ona qarşıdakı oyun üçün dəvət göndərdi. Bu ilin yanvarında “Leyptsiq”dən “Ayntraxt”a transfer olunan Dadaşov mövsümün sonunda Frankfurt təmsilçisi ilə yeni – 3 illik müqavilə imzaladı. Geridə qalan “futbol ili”ndə isə “Leyptsiq”in U-19 komandasında 11, “Ayntraxt”ın eyni yaş qrupu üzrə komandasında 10 oyunda forma geyib.

Toğrul Erat
Vaxtilə həm U-21-in, həm də əsas yığmanın şərəfini qoruyan Toğrul Erat son mövsüm Almaniyanın 3-cü bundesliqasında mübarizə aparan "Duysburq"un heyətində çıxış etdi. O, ötən tsiklin son oyunlarında şans qazansa da, hazırki seçmə mərhələdə Prosineçkidən dəvət almır. "Duysburq"un formasında meydana çıxdığı 22 oyunda (1808 dəqiqə) 2 dəfə rəqib qapılarına yol tapıb. Qeyd edək ki, Eratın komandası çıxış etdiyi çempionatın qalibi olduğundan 2-ci bundesliqaya vəsiqə qazandı.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 18:25 “Araz”ın uğursuzluğu Zaur Axundovu qəzəbləndirməyib Bu gün, 18:22 U-13 liqasında “Laçın”ın baş məşqçisi hakimin burnunu qırdı Bu gün, 18:21 Stuxlik Xaqani Məmmədovu “kəsib”? Bu gün, 18:19 Ramil Şeydayev topdaşıyan rolunda Bu gün, 18:18 Malta ayağımızın altını qazdı Bu gün, 18:15 Haşımov Bebeki bəyənib Bu gün, 18:14 “Mahir oyundan sonra paltardəyişmə otağında ağlayırdı” Bu gün, 18:11 AFFA üçün sponsorluq müqaviləsi Bu gün, 18:09 "Neftçi" “parçalandı”, “ağlar” qalib gəldi Bu gün, 18:08 Kvaratsxeliya konfransı açıq elan etmək hüququna malikdi Bu gün, 18:07 Yığma üzvlərinin qiymətləndirməsi Bu gün, 18:04 Həftənin idman proqramı Bu gün, 18:03 Xal itirməyən iki komanda qaldı Bu gün, 18:01 “Keşlə” divizionun liderini darmadağın etdi Bu gün, 18:00 Yaxşı ki “Səbail” var… Bu gün, 17:59 Dadaşovlu “Eştoril” son anda xilas oldu Bu gün, 17:57 “Xəzər Lənkəran”a uduzduq… Bu gün, 17:56 “Sumqayıt”da Diaçenkonu həmyerlisi əvəzləyəcək Bu gün, 17:54 Samir Abasov sabiq komandasını üstələdi Bu gün, 17:52 “Xilə”yə “Royal Holding” sponsorluq edir Dünən, 14:02 Sabah “Futbol+”də 14-10-2018, 16:36 Firdovsi Umudov proqnoz verməkdən çəkindi 14-10-2018, 16:33 Vüqar Nadirov “Baku City”ni atıb premyer-liqaya getməyəcək 14-10-2018, 16:31 Federasiya rəsmisi legionerlərsiz nəticə qazanmağın çətin olduğunu etiraf etdi 14-10-2018, 16:30 “Sumqayıt” 8 min manat cərimələnən məşqçisiylə yolları ayırdı 14-10-2018, 16:26 Yenilmək növbəsi Maltanındı! 14-10-2018, 16:24 “Milli dəstə” tarixinin ən bahalı səfərini gerçəkləşdirib 14-10-2018, 16:22 Olsen komandasının bəxtinin gətirmədiyini düşünür 14-10-2018, 16:07 Rəşad Sadıqov Renatı maya qədər yığmaya dəvət etməyəcək 14-10-2018, 16:04 Stuxlik hakimlərdən test götürdü 14-10-2018, 16:02 Vaqif Sadıqovla Şakir Qəribov U-21-i tək qoymadı 14-10-2018, 16:00 “Araz” “Liman”a “bərk çırpıldı” 14-10-2018, 15:57 “Həmişə milliyə dəvət alıb, oynamağı düşünürdüm” 14-10-2018, 15:54 Üçgünlük səfər, hər gün üçün bir qol 14-10-2018, 15:51 Mütəxəssislər oyunu yox, nəticəni qabartdı 14-10-2018, 15:47 Kiril Petrov ilk dövrədən razıdı 12-10-2018, 22:56 Vüqar Əsgərli U-19-un çıxışını dəyərləndirdi 12-10-2018, 22:54 “Uğur” Region Kubokunda zəif heyətlə oynayıb 12-10-2018, 22:53 Atilla Türkiyədə keçirdiyi 7 mövsümü itirilmiş sayır 12-10-2018, 22:51 “Sumqayıt” Orxan Əliyevlə gücləndi 12-10-2018, 22:50 Kobaxidze bərpa dövrü keçir, Vasin isə meydana çıxmağa can atır 12-10-2018, 22:48 Çəlikəl akademiyanın məşqçiləri ilə nələri müzakirə edib? 12-10-2018, 22:27 Rusiyalı hakimlər obyektivlikdən kənara çıxmadı 12-10-2018, 22:25 Bebek 5-ci dəfə Bakıya gəlir 12-10-2018, 22:25 Maltanın baş məşqçisi və qapıçısı nikbindi 12-10-2018, 21:51 Yığma üzvlərinin qiymətləndirməsi 12-10-2018, 21:48 “Rüfəti əsas heyətdə buraxmaqla bir qədər risk etdim” 12-10-2018, 21:47 Üç azarkeş üçün üç qol 12-10-2018, 21:44 İnamlı və önəmli qələbə 12-10-2018, 21:43 Yerli mütəxəssislər Adil Mahmudovun cavabını verdi 12-10-2018, 21:41 Roberto Bordin yeni imicdə 12-10-2018, 21:40 Arif Əsədov yeni komitədə təmsil olunacaq 12-10-2018, 21:38 Qadın voleybolçularımız antirekordu təkrarladı 12-10-2018, 21:35 Faiq Qarayev məşqçi karyerasını başa vurdu 11-10-2018, 19:02 Yenə məğlubiyyət və qrupu sonuncu yerdə bitirmək ehtimalı 11-10-2018, 18:59 Reynaldo Qazaxıstanda Almeyda ilə görüşə bilmir 11-10-2018, 18:57 Sənan Qurbanov “Qəbələ”ni “tərlətdi” Bütün xəbərlər
Ən çox oxunanlar