24 may 17:31olke

Futbolçular İslamiadadakı çıxışını şərh etdi

Futbolçular İslamiadadakı çıxışını şərh etdi
Rəşad Sadiqov: “Az məbləğ təklif eləsələr belə, “Qəbələ”də qalmağa çalışacam”

İslamiadada qalib gələn U-23-ün məşqçilər korpusu və futbolçular da Milli Olimpiya Komitəsində (MOK) təşkil olunan “Zəfər günləri” tədbirinə qatılmışdı. Tədbirin adından komandanın bəzi üzvləri U-23-ün İslamadadakı çıxışı ilə bağlı fikirlərini bölüşdü.
Rəşad Sadiqov: “Cavanların arasından ağsaqqal status daşıyırdım. Doğurdan da bu, mənimçün çox xoş oldu. Hamı qulaq asırdı. Arada “ağsaqqal” deyə müraciət edirdilər. Sağ olsunlar. Bir sözümü iki eləmirdilər. Hamımız qardaş kimi əl-ələ verib oynadıq. Hər şey çox yaxşı oldu, sonda çempionluğu qazandıq. Birinci onu qeyd etmək lazımdı ki, məşqçi heyəti və futbolçular qardaş kimi olduq. İlk gündən toplaşanda birlik nümayiş etdirdik. Futbolçularla tək-tək də söhbət etmişdim. Hamı başa düşürdü ki, heç kəs bir-birindən inciməli deyil. Komandada birlik var idi. Elə hallar olur ki, futbolçular bir-biriləri ilə küsürlər. Lakin burda belə bir şey olmadı. Uşaqlar anlayırdı ki, meydanda 11 nəfər oynamalıdı. Məşqçi hamını buraxa bilməz. Kimsə səhv edəndə ürək-dirək verirdik. Mən klubda da həm müdafiədə, həm də hücumda oynayıram. Yaşar müəllim özü də məni çağıranda belə demişdi. Hansısa problem olmadı. Biz bütün diqqətimizi İslamiadaya yönəltdiyimiz vaxtda “Qəbələ” karyeramla bağlı mətbuatda xəbərlər oxudum. Açığı, çox üzüldüm. Yazırlar ki, “Qəbələ”dən ayrılıram, onlar mənə az məbləğ təklif edir. Bütün bunlar yanlış məlumatdı. Heç kəsdən nə çəkinəcəyim var, nə də qorxacağım. Konkret olaraq onu deyə bilərəm ki, təklif olunmayıb. Söhbət eləməmişik. Pula görə klubdan getmərəm. İndiyə qədər o klubda heç kəslə pul söhbəti aparmamışam. Özləri mənə qiymət deyiblər, dərhal razılaşmışam. İstəmirəm “Qəbələ”dən gedim. Başqa təkliflərim də var. 6 aydan bir klub dəyişməyi xoşlamıram. Az məbləğ təklif eləsələr belə, “Qəbələ”də qalmağa çalışacam. İslamiadada qazanılan medalın xüsusi önəmi var. Bu turnir elədi ki, bundan sonra heç bir futbolçu onu görməsin. Allah bizə bunu qismət edit. Bu üzdən bu qızılın yeri tam başqadı. Milli komandalarda bu cür uğur olmamışdı”.
Mahir Mədətov: “Həqiqətən də, məqsədimiz qrupdan çıxmaq idi. Tam səmimi deyə bilərəm ki, finala kimi çıxacağımıza inanmırdım. Finala çıxmışdıqsa, mütləq qalib gəlməliydik. Məğlubiyyəti həzm edə bilməzdik. Çünki vətəndə keçirilən finalda uduzmaq ağır gələrdi. Şükürlər olsun ki, sonda qızıl medalı biz aldıq. Çox sevincliyəm. Bu, bizim haqqımız idi. Uşaqlar çox əziyyət çəkdilər. Özümü qəhrəman hesab etmirəm. Komandanın qəhrəmanı Şahruddindi. Bilirsiz ki, biz finala kimi qol buraxmadan gəlmişdik. Finalda da cəmi 1 qol buraxdıq. Son oyunda da rəib oyunçu yaxşı zərbə endirdi. Müdafiənin də etibarlı oyununu mütləq qeyd etmək lazımdı. Final isə mənim günüm idi. Ola bilər ki, final oyunu karyeramın ən yaxşı oyunu oldu. 3 qol da vura bilərdim. Sonuncu zərbəm tirə dəydi. O an mənə gecə yatmağa imkan verməyib. Sözün düzü, o anı geri qaytarıb, qola çevirmək istərdim. Nə qədər qanorar alacağını bilmirəm. Komandada ən balaca mənəm. Mənə heç kəs heç nə demir. (gülür) “Qarabağ”la qarşıda çətin yolumuz var. ÇL-in qupuna düşmək istəyirəm. Son dəfə “Qarabağ”la ilk çempion olanda belə sevinmişdim. Çünki birinci səfərdi o hissləri yaşayırdım. Sonrakı illərdə isə bu qədər sevincli olmadım. Bəlkə də öyrəşmişəm. Amma İslamiadadakı bu qızıl məni çox sevindirdi. Bəlkə də ÇL-in qrupuna düşsək, bundan daha çox sevinərəm. Yetişməyimdə “Bakı”nın çox böyük pay sahibi var. Amma istedadımı açmaqda Qurban müəllimin böyük xidmətləri olub. O, mənə böyüklük edib. Başqa bir klubda olsaydım, bu qədər inkişaf etməzdim. Mən cinah yarımmüdafiəçisi kimi “Qarabağ”a gəlmişdim. Amma Qurban müəllim məni hücumçu kimi gördü və şans verdi. Onun ümidlərini doğrultmağa çalışıram”.
Tüllur Mütəllimov: “Çempionluğumuz sürpriz olmadı. İlk məqsədimiz qrupdan çıxmaq idi. Amma Kamerunla oyundan sonra inam artdı. Qurpdan çox çətinlik çəkmədən çıxdıq. Şükürlər olsun ki, sona kimi yaxşı oynadıq və çempion olduq. Rəqiblərin hamısı güclü idi. Amma Kamerunu onların arasında ən güclüsü hesab edirəm. Onlarla oyunda müəyyən çətinlik çəkdik. Oman da zəif rəqib deyildi. Mən bura zədəli gəlmişdim. Turnirdə az şans qazandım. Buna baxmayaraq, mənə inandığı üçün Yaşar müəllimə minnətdarlığımı bildirirəm. Düzdü, “Qəbələ”də son mövsümü yaxşı keçirdim. Gələn mövsümdə əsas heyətdə yerimi bərkitmək üçün gərək çox çalışım, məşq edim. Məqşçi elədi ki, kim özünü yaxşı göstərirsə, onu oynadır. Limit məsələsi də var. Şans qazanmaq çətin olacaq. “Qəbələ” ilə müqaviləm bitib. Yəqin ki, yenilənəcək. Bütün diqqətimizi İslamiadaya yönəltmişdik. Yaxın günlərdə müzakirə edəcəyik. Başqa yerdən təklif almamışam. Özüm də istəyirəm “Qəbələ”də qalım. Çünki bu klub mənə çox doğmadı. Uşaqlıqdan ordayam. Yavaş-yavaş milli üçün yetişməliyəm. Özünüz də görürsüz ki, baş məşqçi məni artıq çağırır. Pillə-pillə irəliləməliyəm. Çalışacam ki, millidə də mübarizə yolu ilə möhkəmlənim”.
Ruslan Abışov: “Təəsüratlarım çox yaxşıdı. Çox çətin qrupa düşmüşdük. İlk məqsədimiz qrup mərhələsini adlamaq idi. Yaxşı ki, bunu bacardıq. Qrupdan çıxandan sonra əsas məqsədimiz finala vəsiqə qazanmaq idi. Bilirdik ki, rəqiblərimiz güclüdü. Xüsusilə də Kamerun və Mərakeş yığmaları çətin rəqiblər idi. Şükürlər olsun, hər şey xeyrimizə oldu. Sonda qızıl medallar qazandıq. Bütün bizi dəstəkləyənləri, xalqımızı təbrik edirəm. Hamıya təşəkkürümü bildirirəm. Hamı bizi sona kimi dəstəklədi. Mərkəz müdafiəçisi kimi oynamaq çətin olmadı. Rəşadla oynamaq rahatdı. Bilirsiz ki, o, klubda da müdafiənin mərkəzində oynayır. 5-li müdafiə tam geri oturmaq demək deyil. Bu sxemlə daha çox hücum futbolu oynanılır. Bu sxemlə komanda oyunu oynamaq, çoxlu hücumlar təşkil etmək olur. İşimizə yaradı. Rəqiblər də çətinliklə üzləşdilər. Bu sxemdə oynatdığı üçün Yaşar müəllimə təşəkkür edirəm. Mövsüm ərzində zədələr aldım. Bu üzdən bir müddət futboldan kənar qaldım. Amma həmin vaxt istirahət etdim. Bilirdim ki, hazırlıq müddəti olacaq. Bizim işimiz məşq etməkdi. Qarşıda Şimali İrlandiyaya qarşı vacib oyunumuz var. Tam məsuliyyətlə hazırlaşmalıyıq. Qələbə qazanmalıyıq”.
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 15:14 Həftənin idman proqramı Dünən, 15:08 Medianın finala biganəliyinin arxasında nə dayanır? Dünən, 15:05 “Çelsi” fanklubunun Bakıdakı üzvləri hava limanına getməyəcək Dünən, 15:03 Ayxan Abbasov “Sumqayıt”dan gedir Dünən, 15:01 Rauf Əliyev: “Top qəbul etmək, düzgün ötürmək vermək çətin idi” Dünən, 14:54 Cavid Hüseynov rəhbərliklə görüşəcək Dünən, 14:52 İnqilab Məmmədov protokolda çoxlu səhv buraxdı Dünən, 14:50 "Qəbələ": final lənətinə son və ilk titul! Dünən, 14:46 "Səbail" bir ucdan yola salır Dünən, 14:40 Alla Həsənova çempion oldu Dünən, 14:38 Fərid Kərimzadə yersiz xal itkilərini səbəb göstərdi Dünən, 14:35 Elçin Səmədli UEFA-da Murad Məmmədovu əvəzlədi Dünən, 14:32 “Xəzər Cənub” dağıldı! Dünən, 14:28 “Baku Fire” yüksək liqaya iddialıdı Dünən, 14:27 ADBTİA “gümüş”ü “Standard”dan “oğurladı” Dünən, 14:23 Şengen vizasının yoxluğu Kamal Bayramovu yığmadan edib Dünən, 14:21 Emil qayıtdı, “Tobol” darmadağınla qazandı Dünən, 14:18 “Bu ailənin bir üzvü olduğum üçün qürur hissi keçirirəm” Dünən, 14:10 UEFA bilet qiymətlərini açıqladı Dünən, 14:03 Delarj da getdi... Dünən, 14:02 “Azneft” dairəsində “yanan top” quraşdırılıb Dünən, 14:00 Tapmaca kimi bilet satışı 19-05-2019, 15:06 Kikboksinq Federasiyasında Zaur Yusifov adlı dünya çempionu yoxdu 19-05-2019, 15:05 Zöhrə Ağamirova finala vəsiqə qazandı 19-05-2019, 15:04 Teymur heç-heçə etdi, Şəhriyar uduzdu 19-05-2019, 15:03 Yığma üç həftədən artıq toplanış keçəcək 19-05-2019, 15:01 Marko Rossi Şeydayevlə İsrafilovu fərqləndirdi 19-05-2019, 15:01 “Zirə” 9 futbolçu ilə vidalaşdı 19-05-2019, 14:56 Futbol ictimaiyyəti üçün Avroliqaya kimin getməsinin önəmi yoxdu 19-05-2019, 14:55 Rauf Əliyev də PFL-dən narazıdı 19-05-2019, 14:53 Finalçı çalışdırıcılar qələbəyə kökləniblər 19-05-2019, 14:50 "Xəzər Cənub" Mehman Mahmudovu Allaha tapşırdı 19-05-2019, 14:49 Futzal mövsümü qalmaqalla bitdi 19-05-2019, 14:46 Tünzalə Ağayeva finalçılardan heç birinə azarkeşlik etməyəcək 19-05-2019, 14:43 Naxçıvanda ölüm-qalım savaşı 19-05-2019, 14:41 Bütün medalçılar müəyyənləşdi 19-05-2019, 14:39 Xətai Bağırov Tayland çempionatında top qovacaq 19-05-2019, 14:35 “Səbail”in məşqçisindən narazıların sayı artır 19-05-2019, 14:33 Platellas Bakını “kiçik Dubay” adlandırdı 19-05-2019, 14:31 Mövsümü qələbəsiz başa vurdular… 19-05-2019, 14:29 Erməni futbolçu Bakıya gəlməyəcək 19-05-2019, 14:28 “Səbail” futbolçulara borcunu ödədi 19-05-2019, 14:27 “Sabah” Haqverdiyevli sabaha ehtiyac duymadı 19-05-2019, 14:03 “Məktəblərdə futbol dərsi” bitdi 19-05-2019, 13:56 Kaprara Azərbaycan yığmasında? 19-05-2019, 13:54 Ay sizin başınız haqqı... 19-05-2019, 13:50 “Finalçılar hərəyə 10 min bilet də ala bilər” 19-05-2019, 13:49 “Keşlə” 13 futbolçuya “qapını göstərdi” 19-05-2019, 13:47 “Qəbələ” Gürcüstandan qayıtdı 19-05-2019, 13:46 Veteranların konfransı söz-söhbət doğurdu 17-05-2019, 21:50 Toğrul Əsgərova Avropa Oyunlarında şans veriləcək 17-05-2019, 21:48 Əliyar Ağayev 2019-da mərkəzi oyuna həsrət qalıb 17-05-2019, 21:47 “Neftçi” Çingiz Abdullayevin də medalını göndərib 17-05-2019, 21:45 Azarkeşlər finala xüsusi hazırlaşır 17-05-2019, 21:43 “Sumqayıt”ın “vuran ayağı” məşqlərdən kənarda qalıb 17-05-2019, 21:38 Naxçıvan stadionu son “döyüş”ə hazırdı 17-05-2019, 21:24 “Sabah” qalibə 960 manat təqdim etdi Bütün xəbərlər
Ən çox oxunanlar