19 may 19:32olke

2016/17 mövsümündən seçmələr

2016/17 mövsümündən seçmələr
“Neftçi” rəsmilərinin qovulması, Ozobiçin milliyə çağırılması, hakimlərin döyülməsi...

Milli çempionatlar tarixində ilk dəfə keçirilən 8 komandalı çempionata aprelin 29-da yekun vuruldu. İştirakçı sayı az olsa da, premyer-liqanın maraqlı keçdiyini qeyd etməliyik. “Qarabağ”la “Qəbələ” arasında “qızıl” savaşının yaratdığı maraqlı qarşılaşmalar, “Zirə”ylə “Kəpəz”in son tura qədər davam edən avrokubok mübarizəsi, “Sumqayıt”ın tarixində ilk dəfə Avroliqaya qatılmaq üçün əla imkan yaxalaması oyunların gərginliyini artırırdı. Bununla yanaşı, bir çox maraqlı olaylara da şahidlik etdik. Yazıda 9 aya nəzər salıb, diqqəti çəkən məqamları qeyd edəcəyik.
Mövsümün...
...komandası
“Qəbələ” ölkə kubokunu qazana bilsəydi, bu sual ətrafında baş sındırmaq, xırdalıqlara varmaq olardı. Ancaq “Qarabağ” “qızıl dubl”a imza atmaqla söhbətə nöqtə qoydu. Son 3 tura qədər hər iki komanda arasında gedən gərgin mübarizədən təcrübəli və yaxşı təşkilatlanmış “köhlən atlar” qalib ayrıldı. Halbuki şəxsi görüşlərdə qeydə alınan nəticələrdən sonra “Qəbələ”yə bəslənən ümidlər xeyli artmışdı. “Qarabağ” sona yaxın bacarığını ortaya qoymaqla, üstəgəl, kubokun finalında rəqibini birnəfəsə keçməklə mövsümün ən yaxşı komandası olduğuna şübhə yeri qoymadı.
...baş məşqçisi...
Uğur qazanan “Qarabağ”dısa, bu ada layiq görülməli mütəxəssis də heç şübhəsiz, Qurban Qurbanovdu. Çətin anlarda özünü itirməyən, yetirmələrini oyunlara kökləməyi bacaran, anasının vəfat etməsinə baxmayaraq, işinə peşəkar yanaşan, həlledici anlarda təcrübəsindən istifadə edən Qurbanov bir çox məqamlarda Roman Qriqorçuka “master-klass” keçmiş oldu. Söz yox, ukraynalı da zəngin təcrübəyə, futbol savadına malikdi. Di gəl ki, Azərbaycan futbolunda Qurbanov ondan üstün olduğunu artıq ikinci mövsümdü sübut edir.
...hakimi...
Əvvəlki illər olsaydı, ağıla Əliyar Ağayev, Rəhim Həsənov, Vüsal Əliyev kimilərin adları gələrdi. Amma başa çatan mövsümdə ən yaxşı hakim adına layiq bir nömrəli namizəd Fariz Yusifovdu. Çiyinlərində illərin təcrübəsini gəzdirən referi xüsusən çempionatın yanvardan sonrakı bölümündə, yəni həlledici mərhələsində özünü göstərdi. “Qarabağ”la “Qəbələ” arasındakı son iki qarşılaşmanı idarə etmək anı gələndə Əliyarla Rəhimin “ayaqları əsdiyi” halda, Yusifov “mən varam” deyib sinəsini irəli verdi. Və yükün altından başıuca çıxmağı bacardı. Gördüyü işin hədiyyəsi kimi kubokun finalını idarə etmək imkanı qazandı ki, Naxçıvanda da bir nömrə olduğunu sübut etdi.
...legioneri...
Bu ada iki namizəd var – biri Dino Ndlovudu, digəri Filip Ozobiç. Dinonun komandası “qızıl dubl”la yadda qaldı, hücumçunun özü də bir çox oyunlarda həlledici qollara imza atdı. Əsas heyətin daimi üzvü olan Ndlovu vurduğu 10 qolla bombardirlər siyahısında üçüncü oldu. Bir şey var ki, Dino Azərbaycana “bərkgedən” oyunçu statusu ilə gəlmişdi. Cənubi Kiprdə, “Anortosis”in heyətində bir mövsümə vurduğu 17 qolu və CAR yığmasının heyətində 4 matçda forma geydiyini xatırlatmaq kifayətdi. Filip Ozobiç isə, kobud desək, heç kim idi. Ötən yay “Qəbələ”yə cəlb olunanda görkəminə baxıb ağız büzənləri saymaqla qurtarmazdı. Vaxtilə “Spartak”ın sıralarında olmasına baxmayaraq, “Qəbələ”yə Xorvatiyanın ortababı “Slaven”dən cəlb olunmuşdu. Xorvatiya yığmasına dəvət almaq isə Filip üçün şirin yuxu idi. Məhz Azərbaycanda sərgilədiyi futbolla vətəninin millisinə cəlb olundu, Xorvatiyada tanınmağa başladı. “Qəbələ”nin “gümüş” qazanıb, kubokun finalına yüksəlməsində isə müstəsna xidmətləri oldu. Yarımmüdafiəçi olmasına baxmayaraq, premyer-liqada vurduğu 11 qolla Rauf Əliyevlə şərikli bombardir olduğunu da unutmamalıyıq. Məhz bu cəhətlərinə görə Ozobiçi Ndlovudan bir qədər irəlidə qərarlaşıb.
...kəşfi...
“Kimin adını çəkə bilərsiz” sualını kimə versən, “Tellur Mütəllimov” deyəcək. Düzdü, Mahir Mədətov da diqqətləri üzərinə çəkən gənc istedad kimi yadda qaldı. Verdiyi ötürmələr, vurduğu qolları “Qarabağ” azarkeşləri unutmayacaq. Bu iki futbolçunun arasında əsas fərq ondadı ki, Mahir 2015/16 mövsümündə kəşf olunmuşdu. Yəni həmin çempionatda hər kəsin diqqətini çəkmişdi. Düzdü, Tellurun da “Zirə” təcrübəsi vardı. Amma Mədətov qədər oynamırdı, adından söz etdirmirdi. Amma başa çatan mövsümdə, xüsusilə qış fasiləsindən sonra Mütəllimov “Qəbələ” üçün vacib fiqura çevrildi. Sağ cinahdakı fəallığı, qol vurmaq bacarığı sayəsində Robert Prosineçkinin də diqqətini çəkməyi bacardı. Odu ki, mövsümün kəşfi adına son mövsümdə parlayan Tellur daha layiqdi.
...olayı...
Yaşıl meydanlarda və onun ətrafında başverənlər hər zaman gündəmi zəbt edib, yaşananlar uzun müddət yaddaşlardan silinməyib. Lakin bəzən elə hədisələr baş verir ki, gözlərinə inana bilmirsən, buna baxmayaraq, tez unudulur. Əslində mövsümün olayı kimi “Neftçi”nin sabiq futbolçusu Katalin Tiranın meydana daxil olan Nurlan Əziz adlı azarkeşi vurmasını önə çəkmək istəyirdik. Lakin Gəncədə yaşanmış hadisəni yada salanda üstündən keçmək olmur. Noyabrın 27-də “Kəpəz”lə “Neftçi” qarşılaşanda Gəncənin icra başçısı Elmar Vəliyev də stadionda idi. Oyuna ənənəsinə uyğun olaraq, mərkəzi sektordan baxan başçı ətrafındakı “Neftçi” rəsmilərinin “Kəpəz”i dəstəkləmədiyini görüb bakılıları ordan uzaqlaşdırmaq tapşırığı vermişdi. Tapşırıq başçıdan gəlmişdisə, başqa söhbət ola bilməzdi. Çox keçmədən “Neftçi” rəsmiləri azarkeşlərin yer aldığı tribunaya göndərilmişdi. Bu hədisə bəlkə də dünya tarixində bir ilk idi. Söhbət ölkənin iki köklü klubunun rəsmilərindən və “Neftçi”nin nümayəndələrinin qovulmasından gedirsə, biabırçılığın zirvəsidi.
...qarşıdurması...
Bu məsələdə səbəbkar çox vaxt hakimlər olur. Ya rəqib komandaların baş-başa gəlməsiylə nəticələnən səhvlərə yol verirlər, ya da öz nöqsanlarına görə futbolçular onlara əl qaldırır. Əvvəlki illərlə müqayisədə indi hakimlərin işi daha rahatdı. Maşınları daşa basılmır, ağız-burunları al-qana bulaşmır. Lakin bəzən müəyyən qarşıdurmalara rast gəlirik. 14-cü turda baş tutan “Qarabağ” – “Qəbələ” qarşılaşmasında bəzi səhvlərlə yadda qalan Rəhim Həsənov qonaqların qəzəbindən qaça bilmişdisə, 6 tur sonra keçirilən “Kəpəz” – “Qəbələ” oyununun fasiləsində Əliyar Ağayev və briqadası qəbələlilərin əlindən çıxa bilməmişdi. Əliyarın ilk hissədə Nika Kvekveskirini meydandan qovması, üstəlik, Şəhriyar Rəhimovun qolunu qeydə alması qonaqları özündən çıxartmışdı. Nəticədə Gəncə stadionunun məşhur tunelində hakimlər “Qəbələ” rəsmilərinin qəzəbinə tuş gəlmişdi. Ortada fakt olmasa da, İntizam Komitəsinin çıxardığı ağır qərarlar ədalət təmsilçilərinin döyülməsindən xəbər vermişdi. “Qəbələ”nin dörd rəsmisi – Zaur Əzizov, Səbuhi Səfiyarlı, Səməd Nəsibov və Səbuhi Qarayev müəyyən müddətə cəzadan canlarını qurtara bilməmişdi.
...uğursuzu
Xeyr, AZAL deyil. “Təyyarəçilər”in premyer-liqa ilə vidalaşacağı hələ mövsümün əvvəlindən bilinirdi. Yəni AZAL-ın 12 ildən sonra premyer-liqanı tərk etməsi uğursuzluq kimi qiymətləndirilə bilməz. Pul olmayandan sonra nəsə gözləmək artıqdı. Uğursuz pulu olan, hər cür imkan yaradılan komandanın mövsümü əliboş başa vurmasına deyilir. Çempionat boyunca 16 legionerin xidmətindən istifadə edən “Neftçi”nin yekunda 5 yox, 6 yox, 7-ci pillədə qərarlaşması klub adına faciə idi. Həmin nəticə ki, “Neftçi”nin 80 yaşının tamam olduğu ildə qeydə alındı. Avrokuboklara həsrət qalmaq da öz yerində.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
24-05-2017, 17:43 “Bakı müsəlman aləminin Las Veqasıdı” 24-05-2017, 17:39 Almeydanın “milliləşdirilməsi” ilə bağlı yenilik yoxdu 24-05-2017, 17:36 “Qəbələ” “qızıl” sayında hamını qabaqladı 24-05-2017, 17:31 Futbolçular İslamiadadakı çıxışını şərh etdi 24-05-2017, 17:27 13 yaşlı qızlar mükafatlandırıldı 24-05-2017, 17:13 Məşqçi kursunun ikinci modulu başlayıb 24-05-2017, 17:11 "Transfer pəncərəsi"nin vaxtı açıqlandı 24-05-2017, 17:09 İlqar Qurbanova “Qarabağ”a lazım olmadığını İndoneziyada istirahət edərkən deyiblər 24-05-2017, 17:07 Hakimlərin premyer-liqadakı işi: kim necə yadda qaldı? 24-05-2017, 17:04 Yığmamız üçün ağır sınaq başlayır 24-05-2017, 17:03 Şəhriyar Məmmədyarov İddiaçılar Turnirinə çox yaxındı 24-05-2017, 17:01 Serbiyada “beş” aldıq 24-05-2017, 17:00 Polşadan dörd medalla 24-05-2017, 16:58 Acı həqiqət... 24-05-2017, 16:57 İslamiadanı 162 medalla başa vurduq 24-05-2017, 16:54 Səmədağa Şıxlarovu da qovdular 24-05-2017, 16:48 Əlvida, Bakı-2017... 23-05-2017, 13:40 İradə Aşumova Olimpiya Komitəsindən 275 min manat alıb 23-05-2017, 13:38 Ramil Diniyev “şərəfsiz” sözünə görə Hüseyn Cəbrayıloğlunun cavabını verdi 23-05-2017, 13:36 “Heydər Əliyev kuboku”nun iştirakçıları müəyyənləşdi 23-05-2017, 13:34 “Qarabağ” Qurbanovla vidalaşdı, Aqollini saxladı 23-05-2017, 13:24 “CBC Sport” yayın hüququna görə klubların pulunu niyə ödəmir? 23-05-2017, 13:22 Sponsor olmadan telekanallarda futbol verilişlərinin yayını mümkünsüzdü 23-05-2017, 13:21 “Qarabağ” Avstriyada çempion oldu 23-05-2017, 13:16 Toğrul Erat çempionluq sevinci yaşadı 23-05-2017, 13:15 Nurlan “Zirə”də əsəbləşirmiş 21-05-2017, 13:56 Natalya Məmmədova yenidən yığmaya qayıdır 21-05-2017, 13:53 Azərbaycan yenidən liderliyi ələ keçirdi 21-05-2017, 13:51 Əsgər Abdullayev AFFA-dan inciməyib 21-05-2017, 13:49 “Şəmkir”in prezidenti premyer-liqa iddiasından əl çəkdi 21-05-2017, 13:48 “Neftçi”yə yaxın duran yoxdu 21-05-2017, 13:47 Vidadi Rzayev Diniyevin köməkçisi oldu 21-05-2017, 13:22 Yeni mövsümün təqvimi yığmanın maraqlarına uyğun hazırlanacaq 21-05-2017, 13:17 Rəmiş Malıyev AFFA ilə vidalaşdı, yerinə xanım gəlir 21-05-2017, 13:16 Tural Qürbətov Türkiyə klubunda 21-05-2017, 13:14 Yığma üzvləri azarkeşləri finala səsləyir 21-05-2017, 13:11 Yığma üçün həlledici an 21-05-2017, 13:09 Turan Makedoniyanı cəzalandırdı 21-05-2017, 13:08 Reaksiyalar 21-05-2017, 13:04 Rəşad Sadıqov və komandası mükafatlandırıldı 21-05-2017, 12:51 Vəkil zərərcəkəni və məhkəməni qınadı 21-05-2017, 12:49 Kvekveskiri təklif bolluğunda “üzür” 21-05-2017, 12:48 Renat Dadaşov “Ayntraxt”la peşəkar müqavilə imzaladı 21-05-2017, 12:47 Qriqorçuk “Qəbələ”də qalacaq 21-05-2017, 12:43 Qurban Qurbanov Kintananın tezliklə sıraya dönəcəyinə ümid edir 21-05-2017, 12:42 Yığma bu gün vətəni tərk edir 21-05-2017, 12:39 Final mərhələsi başladı 21-05-2017, 12:37 Şəhriyar şərikli liderliyi davam etdirir 19-05-2017, 20:07 Daha bir dopinq şoku: bu dəfə Toğrul Əsgərov cəzalandı 19-05-2017, 20:05 Şahmatçılarımız "sülh bağladı” 19-05-2017, 20:04 Elxan Abdullayev: “Kim var, kimi alaq, namizəd var ki?” 19-05-2017, 20:01 “Kəpəz”dən ayrılanlar səbəb göstərdi 19-05-2017, 19:59 AZAL-lılar bu gün maaş alacaq 19-05-2017, 19:58 Kamran Quliyev AFFA-da iclas keçirəcək 19-05-2017, 19:52 Əlcəzairin baş məşqçisi də hakimlikdən gileyləndi 19-05-2017, 19:47 Yığma Əlcəzairə “2 verib” finala adladı 19-05-2017, 19:43 “Qəbələ” fanatı tribunaları coşdurdu Bütün xəbərlər
Ən çox oxunanlar